真‧章魚無雙XTEA BASARA

营业中

休息中

嗌咗8粒大阪章魚燒，成盒完全唔夠燒汁，嚴格來講可以用乾嚟形容。有幾粒係得沙律醬同木魚絲係上面，啲章魚燒完全冇機會掂到燒汁，因為完全唔夠汁呀😇👍🏿果少少沙律醬，溝埋成pat粉漿，食落口係完全冇味架😇👍🏿怕唔夠飽嘅顧客可以多多幫襯，章魚燒啲粉漿係做唔到入口即化，可以漿住係口入面，超級有質感😇👍🏿大阪風章魚燒呢啲咁簡單嘅小食，竟然可以整到咁難食，呢間分店絕對係經典😇👍🏿之前幫襯過曬其他分店，係完全冇以上呢個問題，呢間分店竟然係sell難食，真係非常獨特🤩

呢盒章魚燒真係離晒譜！一睇就知擺咗好耐冇人買，啲皮硬過石頭咁，我用竹籤吉落去都要出盡力先吉得入最離譜係入面啲餡！撩開一睇，啲章魚細到好似蟻咁，要搵極先見到兩條短短哋嘅章魚腳，仲要乾爭爭，咬落去完全冇口感。我以為只係咁啱一粒係咁，點知連續試咗幾粒，粒粒都係咁樣入面空寥寥，章魚少到可憐 啲章魚燒唔單止唔熱，直情係凍冰冰，似係擺咗成個下晝冇人理。成件事乾爭爭、硬掘掘，難食到爆！ 今次真係中伏中到應一應，以後都唔會再幫襯！大家如果見到呢間舖頭，真係要諗清楚先好買，費事嘥錢又激氣！

今日專程去啟德行吓，試食一吓章魚燒。望見冇人買已經有少少驚，諗住都試一試。買完等唔到3分鐘已經有得拎，心諗"中伏"🫣，邊有整得咁快㗎。。。結果完全唔熱，少少暖都冇。。我食完就走上去問收錢位職員姐姐點解完全唔熱嘅？佢竟然答我-兩次"係即整"㗎!!。。。無言😑😑，好以後絕對唔會再幫襯😞😞

今次去咗啟德體藝館 新開嘅章魚無雙，第一次去呢一度，跟住食咗呢樣小食超好食叫咗個蟹籽嘅章魚燒 份量好多 沙律汁又好多 章魚燒個外表又好脆 外脆內軟 又熱辣辣超級好食蟹籽份量比得好多 非常之足料

在九龍城啟德體育園的「真‧章魚無雙」，是一家專注於章魚小丸子的餐廳，讓人一進門便感受到熱情的服務。這裡的食物質量和味道都超出預期，特別適合喜愛日本小吃的食客。首先要推薦的是大阪風章魚小丸子（6粒$32），外脆內嫩，裡面的章魚肉質鮮嫩，每一口都充滿海味。醬汁的酸甜平衡得恰到好處，完美襯托出小丸子的風味。對於食量大的朋友，可以選擇8粒（$38），更加滿足。另一道必試的菜品是明太子章魚小丸子（6粒$35），明太子的濃郁味道與小丸子的口感相得益彰，淋上的醬汁更是香濃可口，讓人忍不住多點幾粒。若你喜歡咖哩，也不能錯過**日式咖哩章魚小丸子（6粒$33），咖哩香氣撲鼻，搭配小丸子形成鮮明對比，令人一試成主顧。飲品方面，水蜜桃保礦力特飲（$39）清甜解渴，非常適合搭配炸物，而熱或冷的四季春茶（熱$22 / 凍$24）則能有效中和油膩感，讓整個用餐體驗更加平衡。整體而言，「真‧章魚無雙」不僅提供美味的食物，還有舒適的用餐環境和友好的服務，是啟德地區值得一試的美食選擇。

佢岩岩開張個周末黎試，都多人，但當然葵廣多人好多，落單之後5-10分鐘就有得拎。同其他分店一樣，個皮係硬硬地脆脆地嘅（無醬個啲位），一粒入面有兩三粒章魚，好足料。明太子拼蟹籽（$44）明太子3.5/5分｜蟹籽5/5分滿滿嘅蟹籽，令我覺得佢比起原味貴幾蚊好合理，明太子偏鹹黑松露拼蟹膏（$46）黑松露5/5分｜蟹膏4/5分蟹膏冇乜蟹味普普通通同明太子味差唔多，不過冇咁鹹，黑松露就好好味，有好重嘅黑松露味（不過當然就係有少少煤氣味嗰種啊）蟹籽拼蜜糖芥末（$44）蟹籽5/5分，蜜糖芥末3/5蟹籽好多好正，不過蜜糖芥末佢冇乜蜜糖味，亦都冇芥末味，最主要係沙律醬味有啲失望。總體嚟講水準keep到，同埋佢好嘅地方係個地方比較大排隊同埋拎章魚燒嘅時候唔使好似葵廣咁人逼人，所以會再黎食