真‧章魚無雙

好少會忍唔住打差評我本身好中意食「真·章魚無雙」都食過5、6間分店每間排哂長龍等半個鐘我都肯等但呢間真係我食過最難食既分店嗌左蜜糖芥末+黑松露雙拼 一比完錢就即刻有得拎 拎試手溫度係微暖既個醬都係無問題既 仲有比好多醬但舊章魚丸就真係勁出事正常其他分店既係外層燒到香脆裡面係軟綿綿嘅口感呢到係個皮完全唔脆好似無燒過咁裡面係好實既一舊粉 口感極差其實呢間係咪真係「真·章魚無雙」？點解可以同其他分店咁大差別、咁難食…查看更多

真 明太子章魚燒，等左15分鐘，結果出到黎9成都係凍既，唯獨有一粒係有些少溫度，我一上手成盒野都係凍，職員都話無問題，開始食落口一粒有溫度，其他全部都係凍，不予置評…查看更多

要大讚哩間店，店員真係超超超好👍🏻有一次買完諗住即刻食，點知一拎起手未夠10秒就成盒跌左落地😭勁傷心，店員見到即刻拎紙巾比我，仲問我有冇整親同整污糟件衫，然後就入去整多一盒比我，我勁唔好意思，因為其實我都搞到佢地成地污糟哂😢 但店員反而安慰翻我話唔緊要、好小事🥺仲有一次，黎買左2份蟹籽章魚燒(一份正常一份走沙律醬)，但最後發現店員俾左兩盒都有沙律醬嘅我，之後同翻店員講，佢即刻整多一盒俾我😱我諗住比翻錢，店員都話唔洗，太好了吧！🫣不過我經常見店裡面都係得一個人，可能太忙，先會忘記左幫我走沙律醬~所以我今次經過，都一樣有幫襯佢地☺️佢地嘅禮貌永遠唔會令我失望，而且章魚燒一樣都好好食！一定要支持！🐙…查看更多

唔駛等，但表皮好乾又唔熱，可能係整好左好一段時間。有幾粒直頭係穿咗窿，唔係一個完整圓形。漿係實心，一啲都唔creamy。好失望，好難相信係章魚無雙出品。同以往其他分店差好遠。…查看更多

下午茶之選✌🏻哩間既明太子章魚燒真係冇得輸！明太子醬比得好多 好夠味章魚燒唔會好厚粉之餘入面既章魚仲要大大粒好有咬口~醬多、章魚多、木魚都多~啲料比得好足 真係比得一啲都唔手軟😚好多味望落都好吸引~下次要試埋個沙律蛋同蜜糖芥末…查看更多

今日去到，見到門口都幾多人排隊以為要等好耐，不過店員話15分鐘就可以都算係幾快而且即叫即整即食 真係唔同啲熱辣辣 個皮都仲脆😻 唔厚粉，仲要有大大粒章魚係入面好正好好食！真心建議大家真係要即買即食🐙大阪風章魚燒 8粒 $38…查看更多

黎觀塘一定要黎食哩間章魚燒！每次都唔會令我失望章魚好大粒，仲要比勁多醬，超好食！有時經過聞到好香忍唔住又會買翻盒黎食( ˘ ³˘)不愧佢咁出名，香港高質小食而且平均30幾40蚊一盒其實都好抵食 重點係佢地真係好足料！要繼續做落去去啊！…查看更多

去日本食章魚燒都搵唔到一間係咁好食🥹哩間真係滿足左我想食章魚燒既心🐙🐙🐙每日都心心念念想食~佢地啲醬出名好食就唔洗講連章魚燒本身都好好食！一啲都唔粉 而且即刻叫即刻食真係好正熱辣辣之餘 個皮都仲脆架之前試過買完拎番公司食 因為有醬淋係上面 所以個皮都已經唔太脆雖然都仲係好好味😚😚😚所以！極度推薦大家真係買完要即刻食！我今次叫左6粒蟹糕 $38一到夜晚就開始多人 要等了不過好野通常都係要等哈哈 最緊要係新鮮出爐！等左大概15分鐘就有啦店員好細心提醒我要小心熱☺️一拎上手個盒都真係有啲熱 而且打開蓋我見到既係滿滿既蟹糕😍😍😍感覺蟹糕比以前濃味左 好！正！推薦！大家如果鐘意再重口味啲 可以食明太子~個醬比較咸不過都好好味架😍…查看更多

每次經過觀塘都一定會去食既章魚燒🐙夜晚經常都好多人今次難得晏晝經過，見冇乜人就即刻走去買等左5-10分鐘就有😍拎上手已經feel到熱辣辣 店員都好好咁提醒我要小心熱🫡今次叫左8粒蜜糖芥末 ($40)入面至少有2-3粒既章魚🐙好好咬而且木魚每次都比得好多哩個食過幾次都真係番唔到轉頭🥹真係好出色好好食！而且每次食完都好飽haha 所以其實都好抵食下次經過觀塘都一定會再黎幫襯你地~加油啊💪🏻🐙🐙🐙🐙🐙…查看更多

初初開鋪嚟兩次都無開、第三、四次終於買到但都係好難食、有次重要係凍冰冰到底一早整好曬幾多盤？幾時變咗預制菜架…開左幾年都重係咁嘅質素、同其他分店品質差天共地。不如快啲摺埋啦 …查看更多

職員態度其差, 製作時間極長問了一句還要多久, 職員回 : 大把人等緊, 自己睇下我叫左大阪風章魚燒, 回到公司3-5分鍾左右,已經有軟身既狀態.一咬落去淋PATPAT的, 粉醬有點沒有完全熟透的感覺 完全沒有章魚燒既口感章魚極度難咬, 應該是因為過熟了, 還有完全沒有章魚的鮮味醬汁的味道完全跟旺角跟,葵廣分店相差甚遠.完全吃不出是同一品牌所調配出來.真的很想問一下真。章魚無雙有沒有在做品質控制吃完以後我連其他分店都不想再吃了只係掛住真.章魚無雙既招牌賣垃圾唔講以為係冒充, 真係太誇張了…查看更多

之前食過一次， 個皮好淋， 好難食，好似整咗好耐咁， 但係旺角嗰間又好好食，所以決定畀多次機會佢但呢兩個月入面，去咗呢間嘢幾次，每次唔係閂咗度閘，就寫住話休息，既然唔開嘅話，不如索性執鬼咗佢啦一係就寫到明邊日休息， 每次行到死死下結果又唔開門…查看更多

次次去觀塘呢間章魚無雙，真係要撞彩。營業時間你唔知，邊日開，邊日休息，你都唔會知。曾經問過店員，一般逢星期幾休息，店員都覆唔到，叫你個日睇吓open rice喎。當然你喺老闆你鍾意點就點，講真，咁做生意真係趕客…查看更多

聽講呢間章魚小丸子好好食，夜晚7點幾得幾個人排緊，我就諗住試下，未開口落單店員就話：無哂6粒，得8粒。好啦，我都諗住買8粒嘅，雖然就完全唔明點樣無6粒得8粒。揀左最basic 大阪風口味，等左15分鐘左右啦，我行左個圈返黎見好似有喇，禮貌問一問：係咪有喇。店員目無表情話：自己拎得咖喇。好喇，呢督野，熱辣辣，但稱唔上好食，醬汁調味普通，口味偏淡。章魚應該算幾大粒，但無咩味道的，最深刻就係店員態度亦都一副唔憂做嘅樣子。唔會再幫襯了，味道態度都一般。…查看更多

星期六下午5點05分買左8粒章魚小丸子，前面得2-3個客等梗，前面嘅單都唔係大order，一人一盒6-8粒小丸子only。買既時間店員有提醒要等15分鐘，結果要5點34分先有。。。店內有2個staffs，我諗係細舖頭既正常人手既情況。平時幫襯開其他分店，有時有好多人買要等好合理，能夠理解。你得幾個客，我唔expect買八粒章魚小丸子要等半個鐘。仲有觀塘店成日遲開早收，試過幾次摸門釘。小丸子味道亦一直都冇其他分店咁好食。之後都係食返其他分店算😑…查看更多