影片
朋友好耐以前已经推荐过呢一间手摇饮品店！实在太后悔点解我唔早啲认识到呢一间嘢饮舖🥹佢实在太适合啲钟意饮甜野又怕肥嘅人！同埋佢除咗可以转脱脂奶，0%fat greek yogurt，仲可以转代糖，即刻罪恶感减半！🤭香港本来就冇乜边间可以转代糖，因为成本好高！同埋正常转做代糖系会难饮咗（我觉得啦），但系呢一间转左都系好好饮🥹✨小粉红（士多啤梨乳酪奶） $42 +7（转罗汉果糖）我想讲佢好适合做代餐，饮完一杯真系饱到完全唔想食嘢！我第一次饮嘢饮可以饮到饮唔晒😂超满足！同埋佢超足料，老板娘话佢用咗18粒士多啤梨打出嚟，杯杯都系真材实料用水果,唔系加香料！✨桃芒（水蛋桃x芒果x茉莉茶） $38呢个嘅茶底香到爆，好fresh，系用新鲜芒果同埋桃！当日经过嘅时候系老板嘅妈妈看舖，佢超级nice！同我哋倾偈讲开话佢个仔开完间铺之后就移咗民，留低咗呢个舖头俾佢继续做～不过佢都老，做到好攰，同埋都唔系好揾到钱，所以都好想结业！晴天霹雳！我心谂我难得先饮到间咁好嘅嘢⋯可唔可以做耐啲😂等我饮多几次！所以大家想试嘅话就趁早🫣📍 真．奶 (元朗)元朗裕荣径3-5号金禧楼地下5号舖.#stilleating元朗 #香港美食 #屯门美食 #元朗美食 #天水围美食 #hkfood #hkfoodie #foodie #hkfoodblogger #真奶 #珍奶 #减肥饮品 #手摇饮品
继续阅读
啱啱做完gym 有啲肚饿🤤咁啱经过B仔见到隔离嘅真奶～就系喺B仔隔离 小心行得太快错过咗😕买咗一杯小粉红 即系士多啤梨乳酪奶仲加咗$10 27g protein😍😍😍😍饮完饱肚之余 仲可以补充返一日所需嘅蛋白质门口店主写咗嘢饮嘅排行榜 大家可以参考吓黎买🤣🤣下次经过可以再试吓其他唔同嘅口味🤩另外如果对奶有敏感嘅朋友仔都可以加钱转做植物奶简直就系考虑到唔同人士嘅身体需要😗正店员仲好有礼貌😉😉
继续阅读
呢间系某🔵B仔隔离嘅💛店十分不起眼，人流少，好容易miss左。但呢间可以话系我最喜爱的手摇饮铺，全因用料十足，价钱相宜👍我有做占嘅习惯，所以最中意饮佢地嘅乳酪奶系列。同其他铺头唔同，佢哋嘅乳酪奶非常健康，可以拣走冰走甜，只会饮到生果同乳酪本身嘅甜味，无添加糖，甚至可以加10蚊转fage嘅0%脂乳酪！真真正正系鲜果乳酪奶，唔系肥仔水☺️个人嚟讲，十分推荐Keep住团火（火龙果乳酪奶，$35，S size）同小粉红（士多啤梨乳酪奶，$35，S size）。走冰走甜之后，火龙果比较清甜解渴同消济，小粉红就比较酸味重啲。大小方面，小杯其实都已经颇饱肚，毕竟系乳酪，啱哂食完饭仲有少少位饮一杯做meal end👍
继续阅读
喺元朗食完饭出嚟，无意中发现到呢间饮品，系人气b仔隔离，但呢间茶饮店就冇人，睇menu都唔错，好多嘢拣。有乳酪奶、水果茶、乌龙茶等等，而且价钱唔贵，就试吓啦。拣咗小粉红 - 士多啤梨乳酪奶，大杯size $42算ok可接受。本身惊佢会好似沙冰咁，好彩唔系，系好smoothie，好浓士多啤梨味，但唔会好甜，都好香奶味同乳酪味，各样味道都适中。而且高纤又有益生菌，健康。唔钟意太甜可选健康代糖，鲜奶敏感可转植物奶，好贴心，唔洗怕肥或者怕肚柯，我本身都算肠胃敏感，照饮咗乳酪奶好彩都冇事。
继续阅读
嚟得元朗，食完饭梗系要整个饭后甜品先圆满😆～食完碗鸡球米线之后一于整杯Fit爆丝打🧍🏼♀️～香蕉🍌乳酪奶～当堂成件事满足晒😎老板娘好nice好礼貌👍🏻☺️🐰年生意兴隆（明嘅就明😺）
继续阅读