真鮮酒家 (已結業)

頭先叫左個孖寶牛肉+米粉$30結果食到一半發現有原隻小強係米粉入面即時反胃+叫經理過黎睇見到小強已經食唔落想走經理黎到話補返第二樣野食過黎我同經理講已經食唔落，想埋單經理居然話如果唔補返第二樣野，牛肉就冇孖寶優惠，要計正價錢唔係俾唔起個重點係酒樓犯錯，仲唔平息客人怒火反而火上加油以後一定唔會再黎幫襯…查看更多

9月8日晚上叫了兩個小菜一個小食，椒鹽鮮尤，涼瓜斑腩煲，椒鹽鮮尤佢係用墨魚，粉漿厚食到成口油同埋墨魚好硬，涼瓜斑腩煲，魚唔新鮮好腥，仲有一個小食分蹄切得厚，又硬唔爽口。…查看更多

而家疫情，好多地方都做外賣優惠，又話13.8一籠點心，點知外賣要收原價，貴好多，職員亦都無提過，唔係好多人，外賣八籠點心等左成30分鐘，職員態度差，d食物又唔係特別好食，由其係鴨腳扎同排骨，排骨好肥，完全食唔到，蝦餃仔皮好厚，以後唔會再幫襯…查看更多

黎呢到食，貪佢近近地。佢嘅餸菜選擇都算多，講真味道尚可嘅，所以見近近地，都會黎食嘅....點知.... 叫左2個餸食，唸住問佢要粥飯啦，點知佢話無....menu明明有。算再唸下，問佢叉燒湯米粉 ，阿姐話無，得齋湯米。我地就話想叫飯，但你地個飯缽仔飯又細又快凍，跟住阿姐話：「係咁嫁啦！又唔駛茶錢又無加一，唔鍾意咪唔好食囉！」個下真係著左，唔係餸到左，我地一定即刻走，有品食埋佢，埋佢埋埋張單，去第二度食過。但真心唔想有品，問多幾句比人寸....其實佢餸都唔算好平，唔加一，無茶錢都唔見得平好多囉，而且平就可以無服務態度嘅咩？比錢唔係食，係黎受氣。:(…查看更多

近近地，價錢又唔貴，所以都常黎幫襯，但係....當你入到去，見到上至經理，下至傳菜同廚房 都居然係呢個時間唔戴口罩，實在令人擔心。同左經理反映，但係連部份經理都唔係個個戴口罩嘅...雖然，佢寫住夜晚晚飯，請大家分枱坐，寫字，下午人多搭枱不在講，職員本人唔戴口罩，仲要見住經理成日走去整放係中場嘅餸菜，係餸菜面前係咁傾計，好在唔食個幾款嘢食啫。街坊生意，唔係大酒樓大集團，但係呢段疫症爆發期，理應注意一下基本衞生吧！希望可改善。…查看更多

十一國慶日公眾假期, 但今年較特別,我們不放煙花改用其他形式放煙同火, 又因為出面立笠笠亂, 放假都只能在家附近飲餐茶, 而一邊飲茶一邊看那畫面會以為自己在以巴邊界, 不說了!講返這店, 裝飾並不太老式但因為多是大枱所以兩個人上來會大機會係搭枱, 假日下午茶$14.8(小) $17.8(中) $20.8(大) $22.8(特) 茗茶分開搭枱的$6/位,其餘的$7/位, 都算老實人做生意, 點心大多是傳統的做法, 傳統的做形, 傳統的味道, 煎堆皮不厚, 即做的關係特別係皮的輕身同薄脆, 內餡有蔥青粗切, 喜歡蔥味的朋友可能會特別對它有好感, 春卷也是特別的好吃, 餡料特多, 粉菓同菜苗餃的餃皮同樣質地一皮兩用, 少有地見一籠牛肉有四粒. 蒸排骨係最削的一品, 終極一試係炆米, 不過不失, 不過來這裡要注意這店係好準時地四點半開始收市的, I got all I need No I ain’t got cash by SIA正如SIA 的詞一樣:我沒有錢但我可享有簡單的快樂!…查看更多

晚飯去酒樓食，特別叫魚、生蝦等等既海鮮，有時真係會俾人劏。這酒家晚上除左有任食火煱，也可散叫小菜，而且有很多即叫即制的特價小菜，平均幾十蚊就一款，最重要是特價小菜是沒有限量的。估佢唔到既係，蒸條一公斤左右重既班仔，都係幾十蚊。雖然我唔信係游水的，就算冰鮮也一樣超值，肉質也是結實有魚味的。咁既價錢，多d黎幫襯都唔怕。…查看更多

阿媽約左係長沙灣打邊爐，佢話位位實收$158（任食兩小時） 平平地同工人姐姐慶祝生日喎！一共十個人，叫左兩個湯底，台式麻辣鍋（聞落去好辣，食落又唔辣），香茜皮蛋鍋（好多皮蛋少香茜），其實兩個湯底既味道都麻麻地。至於肥牛，食左一片已經唔想再食，好”un”又無牛味。海鮮有蝦，魚，蜆，又ok喎！因為海鮮係新鮮，菜都有好幾款選擇，菜都係好新鮮。至於肉丸方面，一般啦，無乜特別。另外有d熱食，咖哩魚蛋，壽包，都幾好味！飲品方便都多選擇，有汽水、啤酒、韓式飲品。仲有甜品，紅豆沙（唔太甜，都ok好味），另外仲有雪糕雪條任食。$158一位都咁多野食可以選擇其實都抵食，不過食火鍋既肥牛唔得係有少許失望！…查看更多

今日天氣又轉冷， 於是和友人一同火鍋。 由於兩個都係男人， 想食飽啲，最後揀咗任食嘅火鍋。呢間酒樓同其他任食火鍋嘅酒樓差唔多， 任食兩小時， 可以任飲汽水，啤酒。而唯一分別就係佢有好多熟食畀你揀， 所以 當你嘅火鍋未準備好嘅時候你可以食住熟食醫肚先。呢間酒樓環境都算唔錯， 我六點準時入座， 人流唔算多， 侍應招呼亦都好殷勤， 值得掌聲鼓勵。呢間舖最犀利嘅地方係佢嘅醬料吧， 我冇特別數過佢有幾多款醬料， 但霎眼間望落去起碼最少有十款以上。 如果要以數學公式計算， 你嘅配搭真係可以去到無窮無盡咁多！火鍋配料大部分係自己出去自助選擇嘅， 都係你唔開丸， 菇類，菜類 ，等等。 而一啲比較特別嘅食物就另外用點餐紙點嘅， 例如牛小排同埋沙白蜆。 食物質素就一般， 不過勝在種類繁多。 而且畀你兩小時任食， 保證你點都食得飽。…查看更多

好耐冇試過地道既酒樓，何為地道 ~~ 即係舊區入面既酒樓囉 !! 哈哈 ~~ 同事講左呢間酒樓好耐 !! 話好抵食，味道都好好 !! 又約左班同事黎會一會佢，佢只係距離我地公司大概 15分鐘路程 !! 唔錯 ~~ 果日我仲同同事講 ... 唔駛訂位啦 !! 好啦 ... 我認錯 !! 係要訂位架 ... 勁多人呀 !! 我地 6點9 上到黎酒樓已經 FULL 哂 !! 好在有訂位咋 ...同事不停推介既係呢道既 片皮鴨，我地梗係有叫啦 !! 但 8個人唔會只係食呢樣架嘛 ~~ 仲有叫左好多海鮮 ~~油鹽水大蜆薑蔥炒蟹蒜蓉大蝦，烏冬底黑椒牛仔骨蜜桃骨終於到喇 ~~ 片皮鴨豆豉菱魚油麥菜椒絲付乳通菜片皮鴨二食，苦瓜炆鴨身同事話唔夠飽，叫多一隻燒乳鴿仲加個金銀蛋莧菜…查看更多

今日跟家人去左長沙灣真鮮酒家晚饍，呢間酒樓前後光顧過3次，每晚有二十多款特價小菜不限量同時供應，味道、賣相、份量均沒有將貨就價，仲要茶介加一全免，是平靚正首選。一共13人，14個小菜連2個炒飯，埋單$1400有找，呢個價錢好難得。全晚最抵食的是原條清蒸青班仔，一斤左右啦，簡單配上䓤花及鼓油，加埋時間控制得剛剛好肉質嫩滑有鮮味，雖然唔講都估到係養魚，鮮魚跟真正海魚梗會差dd，但以$68賣，值回票價有凸啦。至於服務呢......可能星期六人多關係，揮手幾轉都冇待應回應，睇黎要多請幾個伙記！…查看更多

真鮮？！不是賣壽司的那一間，而是真鮮酒家，這次跟家人來到真鮮酒家吃飯，這裡從一開始就沒有加一服務費和收取茶芥的費用。而且小菜的價錢也蠻便宜的。這間酒家主要是做深水埗區的街坊生意，但這次令我大失所望。還記得第一次來到真鮮酒家點了跟這次差不多的菜，但是份量比圖中的起碼是多一半。這次我們點了金花龍躉兩味、千島脆大蝦球。先來的是金花龍躉兩味，沒有想到這次的每一碟都是只有好幾塊魚，之前吃的時候，還可以4個人都吃得好滿足的。千島脆大蝦球是的份量還算正常，但是西蘭花有點沒有煮熟的感覺，吃下有點青味。…查看更多

本來興高采烈過嚟食大壽飯，點知食到一肚火，態度真係好有問題囉，早到唔俾枱仲要叫我走，真係痴鬼線！好好心情食餐飯都唔得，真係想爆粗俾佢聽！咩心情都冇曬，想唔投訴都唔知。…查看更多

很受老人家歡迎，位於宇宙商場，可以坐電梯上酒樓，全酒樓任搭枱，沒有三四個人可能會與陌生人同坐，他們有一些比較優惠的點心或粉麵。通常都會點上湯菜心，蝦球伊麵或荷葉飯，份量也是足夠三至四個人分享，三五成群去爭鮮飲茶，比較化算。他們有一個比較特別的做法就是去到下午茶的時候使用入座計算的，如果你是較早前已在飲茶，便不能享受下午茶時段優惠…查看更多

長沙灣區內平價酒樓，很多街坊幫襯，經常座無虛席。圖中還有肉餅飯沒有拍照。點心熱，出菜時間Ok。普洱茶不錯，因為一般酒樓用平價茶葉，會有古怪味。點心材料是足的，但唯味道偏咸。…查看更多