真味小食 (已結業)

曬雀曬雀,阿雀曬多左之後,開心左,食多左,屎屎都靚左,我都開始習慣擠出時間,諗定食乜,嘆個日光午餐,冇得去沙灘,唔曬下好易骨質疏鬆架嘛.今日見到哩張紙.深水埔我食開買開幾間小店都有join,試下玩先,係真味只要買滿$40就有優惠劵啦,買隻炸脾,椒鹽燒賣,加罐黑啤啱啱好呀,得到優惠劵~之後先睇點用啦,開餐先啦,椒鹽燒賣碎卜卜,落左少少辣粉超正,日光中既炸燒賣呀~XD炸脾脾,大大隻,香脆香脆~日光炸脾要落手啦.今朝整完牙,要用手搣,搣開皮肉,肉汁走出黎,有d 輪盡,又想影,又滴汁XD真係食得好慢,未食完已經曬夠半個鐘,唯有阿雀加鐘,食埋先走XD

又到曬雀時間,每日都諗定食d咩好,今日買真味既腸粉餐加埋咖喱魷魚,買完就拿拿聲上山曬雀啦,放好阿雀,搽好防蠓,第一次比d 蠓咬到成身痕,我開餐佢又開餐,坐定定,打開蓋,滿滿一大兜,不過老闆太sweet 啦XDDD我唔食甜醬架XDDD佢唔小心落左少少,但已經好甜XDDD腸粉都幾滑吖,最鍾意浸滿豉油黑媽媽,燒賣沾滿醬料好味,但真係甜左DXD魚蛋好爽口XD最鍾意辣魷魚,依家甜左唔辣嚕~下次我會講十次唔落甜醬架啦XDDDD最甜更係烏冬BB啦~

收到order有人要求我一好天就要帶阿雀去曬太陽,唯有夾硬黎啦,時間係要唧出黎既,一做完野,打落去真味叫佢整定個營多撈麵同炸辣辣樂樂雞,奔上樓捉埋阿雀落真味拎埋野食就去公園仔扮阿伯,雖然已經涼左,但仍然好熱,唔係沙灘又著咁多衫曬真係怪,放低佢曬,就縮埋一邊開餐.營多撈麵配辣辣樂樂雞~平時少食營多,但今次要方便同快嘛,食哩d 野,最緊要麵唔好煮過焾,同埋撈得均,真味老闆都撈得好食架,下次試下加埋佢地d 秘製辣汁後撈先.炸辣辣樂樂雞~就係類似金拱門既麥樂雞,已經冇食金拱門幾年,世界咁多野食,洗乜食佢,哩個樂樂雞炸得更脆,灑上辣粉,又辣又脆,嘻,夠曬熱氣XDD食完,差不多半個鐘,曬完返上樓做野嚕.題外,佢地幫spca暫托既小bb真係好得意呢~

一落到樓,落大雨,剛去到真味小店食個簷篷,又唔想返上樓拎遮,睇見仲有時間,咪食串燒賣,企陣等細雨d,同老闆娘傾下計,唔見老闆,原來生意難做,老闆都要去做倉務幫補交租,唉,依家哩個時勢,街坊小店真係好難生存,我地又傾下毛孩,傾下社會,雨開始細,老闆娘問我要唔要遮,我話唔洗啦,我懶XD後來,有朋友話哩隻燒賣同街果D唔同,個皮易入味D,冇出面果D燒賣皮外面有層膠定蠟咁,我平時都淨係食佢地XD唔知街果D係點,不過佢地既燒賣的確令我諗起幼稚園時候,有個伯伯係幼稚園門口,用個煲裝住D 燒賣黎賣既果一種感覺......如果我個胃只有一串燒賣既qouta,我就只會留比真味小食既燒賣......

有日等我樓下議員返office,悶悶地不如食早餐先,哩間小店係我樓下好耐,老闆同老闆娘好好人,佢地有愛心,照顧好多浪浪,講返野食,哩個早餐$15,有腸粉魚蛋同魚蛋,份量幾多,豉油唔太鹹,叫老闆娘加左佢地既秘製辣汁,黎個火辣辣爆汗早餐,佢地既秘製辣汁真係好辣,好正!食完超飽~佢地既炸脾都係一絕,黎個多辣粉炸脾超開心,整多罐黑啤配埋,開心曬!佢地飲品種類都好多,小食仲有豬肉燒賣,魚肉燒賣,粉果,炸鹽酥雞,撈麵,水魷,炸軟骨.....佢係店長烏冬XD

我聽同事說過這裏的魚蛋和燒賣又便宜又多又大又好吃，我才留意到這間其貌不揚的狹小的小店。　　路過這裏的時候，我見到這裏有粉果、牛肉球等其他熟食出售。　　今天我心血來潮想吃粉果，便來這裏買，它是四元一個，七元兩個，我便買了兩個。　　像乒乓球那樣大的，買回來的時候還熱的，皮夠厚夠韌，有嚼頭，但餡料有點少，不過很香，有韭菜和豬肉，加上甜醬油和一點辣油，十分惹味。　　有機會的話我還想試吃腸粉及其他熱食，聽說有時候有雞屎藤茶果的，下次再嚐。

想起一次看電視，剛好留意到一名女藝人的訪問，才知道原來對某些人來說，深水埗是個如九龍城寨般的龍潭虎穴。自小在其中出入的我當堂嚇咗一跳，然後得啖笑，沒想到原來所謂的上流人士，或是社會的高級階層都是這樣無知的嗎？如果說是因為去到其他國家而感到陌生不安，都算情有可原。還是說深水埗這個連地鐵站都有的地方，已經成為了第二個國家了嗎？對一些所謂的高級人來說，這裡可能是個鬼地方，但對我這種平民來說，這個「鬼地方」其實也不差，還是個居住的好地方。由於與住處相近，所以當我閒得沒事做時，可是會經常散步到這裡呢。今天就介紹一下，一間我所喜愛的小店吧，通常我都稱呼它作「芬提」，至於這怪名字的來源，已經是另一個故事了，有機會才再說吧。基於之前在這裡吃過的炸雞件給我一個非常好的印象，所以今次我就嘗嘗它的炸雞脾吧。正當我想落單時，一群身穿西裝，看似是議員的偽君子…不！應該是『高學歷上流人士』已搶在我面前，看來想對這家店作什麼無聊至極的門面功夫宣傳…不！應該是『以民為本以及對建設社會有極大效用的溫馨提醒』才對！店主當然馬上對他們報以一個「最親切」的眼神，可能是那群偽君子看不慣我們這些平民的咀臉，或是心有鬼吧，下一瞬間