影片
招牌菜
今日同朋友九点几喺附近发现周围啲餐厅都已经冇开即刻谂起附近有间好好味嘅串烧就去咗食呢个真味坊！所有餐厅都last order咗嘅时候，去到已经9成full左坐低咗冇耐，其他人都已经排晒队🥰翠肉瓜蜜糖汁加埋啲翠肉瓜啲汁，好juicy ，钟意食翠玉瓜嘅朋友唔可以错过！都做得唔会太干，餐厅嘅控制火候嘅时候都做得几好！🥰牛舌 可能餐厅用嘅货源唔系太靓，虽然有少少韧，不过整体上都好食，味道都系香浓，只系口感上有少少唔合格！🥰猪颈肉呢个我就觉得有少少平平无奇，冇咩特别，可以唔叫，不过加埋佢个汁都好食嘅！🥰豆卜个人嚟讲非常推介呢一个，佢烧到脆脆地，好夹蜜糖汁 ！一定要再食，最后我哋忍唔住再叫多咗一寸！🥰金菇肥牛呢个都系冇乜特别，正常发挥！🥰印尼捞面（大）即刻叫即刻整热热辣辣，充满童年回忆嘅印尼营多捞面，我同朋友都非常钟意，而且价钱嚟讲唔算太贵，整体上都觉得好食！
继续阅读
所谓远在天边近在眼前，原来美食一直蛰伏起屋企附近不远处。呢排经常写评论写到半夜，先发觉有间咁正既烧烤档，一试难忘。 间嘢叫真味坊，应该开咗好多年，但我一直无乜留意，直到最近先开始帮衬。主要系写完长文实在太饿🤤 唔揾啲人间烟火食下唔得阵烧烤既味从街头飘到街尾，唔知系咪孜然定咩既香味，就咁闻都已经胃口大开。本身捻住嗌红肠同烧尖椒，点知最尾可能剔错咗，攞返黎系红肠同韭菜😂平时靓女老板娘都系戴住口罩，一脸认真咁烧嘢食，今日有幸一睹真容，真系死而无憾🪦（咪住先老婆你听我解释）老板娘既三昧真火🔥（平时有扇贝个啲仲大火）烧埋落我度🤤（啊唔系老婆对唔住我错了🧎）本身捻住趁店家烧紧嘢食去7-11埋罐Highball饮，点知7仔仲未补货，返到黎既时候啲嘢食已经准备好了👍我就外卖带走既，经典既啡色纸袋加蓝色胶袋，exactly就系街头小食既标配，烧烤の符号学。（图为店家盛况，今日仲未算多）虽然无留图（喂咁好味边有可能俾相机食先），但必须讲烧烤既火候同调味都系一流，韭菜韧而不老、红肠外脆内软，一咬落去就爆汁，中辣version最惹味🤤 如果呢个就系人生，我甘愿落入五蕴啊（#是但求其爱）呢间嘢物美价廉，最适合一班朋友食宵夜，揾日约埋班诗人黎食通宵👍下图为menu，供大家参考：*营业时间：星期一至六，下午八点至凌晨三点半（逢星期日休息）*大多数情况收现金，老板娘恩恤可收PayMe*无酒类饮品提供，要自己去附件便利店买
继续阅读
叫咗超多嘢食都只系人均100！所有嘢食即叫即烧 即炸！上枱时热辣辣☺️串烧叫咗牛舌，牛柳粒，鸡中翼鸡全翼，鸡软骨，猪颈肉。(觉得最好食系鸡软骨同埋牛柳粒)另外叫咗两个捞面，一份茄子，一份薯条同埋一份海苔炸鱿鱼🦑差啲漏咗仲有烧卖叫咗微辣，蜜糖同埋沙嗲酱，前者就甜甜地，而另一个就充满花生香味😍两个都好适合串串整体好够味，可能会偏咸少少宵夜食咁丰富真系好邪恶 不过真系冇得输🤣食完超满足🙌🏻 CP值高！！可以encore🤤
继续阅读
呢间串烧店，系即叫即烧系我同老公既宵夜首选尤其买外卖返屋企食就最爽有烧鸡泡鱼干，好食烧粟米，烧鸡翼，烧鸡肾，烧牛丸好多唔同种类。。。同埋呢间小店既碗仔翅都好岀色！足料又够味，好正。
继续阅读
我由香港仔未上车前打电话去落单，竟然到店前要等55分钟，车程连行路转车时间50分钟55分钟+50分钟，即系全程由落单到完成出品要105分钟，等烧烤，值唔值得，就要问下自己啦，我个人就冇下次
继续阅读