相馬日式火鍋 觀塘 (已結業)

今日下就我地2個人黎到相馬日式火鍋，佢係主打做火鍋放題，我地就選擇左其他午市套餐，因為午市睇落價錢幾抵，加上又可以任食，菜又好丸又好，怕唔夠食都係出去任你攞，我地都叫左牛肉既套餐，但就唔同湯底首先牛肉黎講唔似街市既肥牛~ 佢既牛肉幾有彈性，加上色澤都幾靚，我地叫完一碟又一碟，而每一碟黎既質數都唔會話唔同，大致都差唔多，依方面幾好。☺️之後叫左唔同既熟食，串燒拼盤同炸物拼盤，串燒拼盤上有燒魚餅，免治雞肉棒，金菇肥牛卷，豚肉村，燒粟米，翠玉瓜，大頭蝦，而炸物個到有蜜丸，蝦多士，蟹子丸，米網蝦春卷，吉列蝦，午餐肉，芝士春卷，兩者食落都食得出食材係幾新鮮，炸野唔厚粉，串燒就鹹味岩岩好，所以食熟食方面係有加到少少分🙊

放題餐備有唔同既野食任君選擇，任拎既野食質素都唔會話差，不過要講既緊係佢既肉啦，仲有好多唔同配菜，蔬菜任你拎，飲食要平衡，咁身體先會健康架麻😂😂 今次叫左個鴛鴦煲，唔會食死一個湯底咁DRY我地叫左日本鹿兒島黑豚肉，佢個豚肉食得出幾新鮮，唔會話好重雪味，肉既咬口同質感都唔係話好散好鞋，加上佢既脂肪分佈都平均，食完一碟又一碟，唔會話一時肥一時好瘦咁。之後仲有食佢個海鮮拼盤，上面種類都唔少，有日本帶子，廣島號，蟹棒，青口，虎蝦，蜆，螺，海鮮都幾好，無個種死海鮮味，加上佢任食，食完唔夠在叫，依樣我覺得係回左本，不過因為係任食，所以要求都唔好咁高，只要無死海鮮同清潔得乾淨，我覺得係OK啦🤣🤣

同男朋友坐得闊落舒適，d 枱好夠大張，夠大胃王曬擺野食，兩個人不斷叫都唔覺心痛又或者唔夠食，不過我地係唔會曬野食，只會叫夠食同食得曬既份量，因為本人最憎人曬野食，依到價錢合理❗自由度高❗鐘意點配都得首先我地有叫到炸物拼盤，上面有蜜丸，蝦多士，蟹子丸，米網蝦春卷，吉列蝦，午餐肉，芝士春卷，炸物仲另配有黑松露沙律醬，用嚟蘸蝦多士一流，由於大部份都系用七味粉調味，所以其實炸物表面都系差唔多嘅味。另外仲有叫到雞翼，上面勁多款，有蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼，雞翼香脆多汁，油膩感唔重，肉質嫩滑😳食起來微辣又開胃因為依到主要係打邊爐，所以緊係會叫D肉黎碌下啦😂😂 美國特選牛肩胛阿，日本鹿兒島黑豚肉阿，質素都唔差，肉類都係食得出幾新鮮

以價錢來比較, 係好相宜及非常不唔錯, 火煱款式雖然唔係好多, 但勝在主打的既牛肉夠薄及雪花多, 雖然火煱本身都唔係好猛火, 但60-90分鐘內, 絕對係可以抬住個肚走. 更有美味韓飲, 係意外驚喜.仲有好多唔同種類蔬菜任君選擇我地緊係有叫主打美國特選牛肩胛，肉質咬口好夠，又夠新鮮，望落無話肉類發黑，有瘀血，睇落好紅，賣相以經唔錯，脂肪都幾平均，食落口都好足既牛味，係真係唔錯，以任食放題黎講既話😋跟住叫到海鮮拼盤，雖然依到主打係牛，但佢海鮮都唔差既，食得出都幾新鮮，清理得都好，蜆阿個D都無沙係到之後仲有叫到D熟食，雞翼，勁多款阿，有蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼，炸得外脆入面多汁，仲有唔同口味比你食，唔會好單調，份雞翼係出乎我意料😂😂

今日同屋企人出去求期食D野，見依排天氣凍，所以我地揀左間任食既餐廳打邊爐，雖然環境唔係話特別大，但勝在夠乾淨，服務又幾好，野食款式多，菜阿，丸阿，全部都任我地去拎，叫左個鴛鴦湯底去食首先我地有叫美國特選牛肩胛，牛肉食落口好足既牛味，切得好薄，脂肪平均，咬落就又彈又嫩，唔會咬落咬唔開又柴，所以牛我地食多左好幾碟，哈哈😂😂之後仲有叫到日本鹿兒島黑豚肉，相比起牛黎講，佢既豚肉雖然係比唔上，但都OK，因為佢無雪味同咬落唔係似一D好鞋既豬肉，但我地就無叫好多，集中左精力去食牛🤪驚大家食打邊爐食到好DRY，所以叫左份雞翼一齊食，上面口味多，蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼，肉汁多，唔會炸到好厚粉，幾NICE，真係食到抱住個肚走😂

同同事出到黎官塘食晏，黎到依間，約一百蚊既價錢已可享用任食火鍋，阤左肉係任叫，食物種類都好多，菜阿丸阿依D都係任你拎，不過地方唔算好大，但食物勝在夠新鮮，好味，如果午餐係想吃火鍋，依到會係我既首選叫左個鴛鴦煲，叫左日本鹿兒島黑豚肉同美國特選牛肩胛，肉質都幾新鮮，睇落都靚，唔會係好似好黑好多瘀血咁，咬口都有彈性，無話好散，加上佢脂肪同瘦既位比例都2比7，依樣幾好，因為如果都係瘦肉會好柴，又或者全部係肥肉跟本食都唔洗食阿之後仲有叫D熱野一齊食下，個雞翼有勁多唔多口味，蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼，唔會食死一隻味咁DRY

以日式為主題的放題火鍋，同家姐黎到食，睇得出有多元化配料，如各種肉類、菇類、蔬菜等，並有多款日式小吃作前菜，飯後還可任食雪糕，真係食到我地停唔到口，抱住肚都唔理，仲要塞雪糕，哈哈🤣🤣叫左佢既美國特選牛肩胛，唔似街市普通肥牛，佢既牛肉食落更加有牛味之餘，仲幾彈口，食落係有新鮮既味道，加上佢唔係單單一碟咁既水準，基本每黎一碟都差唔多，加曬分，係咁叫佢D牛，食回本先🤣🤣之後仲有叫到佢海鮮拼盤，因為全部都係肉，怕食到好膩，有海鮮可以轉下口味，雖然佢主打唔係食海鮮，但因為夠新鮮同清潔幾好，所以海鮮都係唔錯既選擇之一，睇得到佢海鮮唔大隻，不過幾新甜，蠔都比想像好食👍🏻👍🏻

又去到官塘，諗起依到既午餐幾抵食，即刻到open rice訂位，仲有85折加25分里數送，去到之後，服務員既態度都好好，去到坐底計埋上菜時間都唔洗20分鐘，食得很飽，好食，要抱住個肚返屋企😂😂個到既蔬菜阿丸阿都任我拎我地叫左個炸物一齊share，拼盤上面種類都好多，有🐙墨丸，🦐蝦多士，🦀蟹子丸，🦐米網蝦春卷，🦐吉列蝦，🐷午餐肉，🧀芝士春卷，食落都係即炸，唔係劣質炸定既味，唔覺得重油味。之後在叫左個海鮮拼盤，唔會好單調，上面有🇯🇵日本帶子，🦪廣島蠔，🦀蟹棒，青口，🦐虎蝦，蜆，螺，食得出都係新鮮既海鮮，唔係隔夜貨，加上海鮮既清潔都做得唔錯，份量都唔細，雖然未話係海鮮食到飽，但試過海鮮都仲有位比你食其他野，加加埋埋完全係回曬本😆😆

日式火鍋放題！任飲任食！平時放題多數兩個鐘，呢道可以三個鐘!唔洗趕頭趕命可以慢慢嘆！ 優質靚牛，入口嫩滑，牛味濃郁！叫多兩碟一定翻曬本！同屋企人叫不斷叫牛仲加左海鮮黎食😂😂首先佢既美國特選牛肩胛，牛既依個部位食開牛既都知道，如果質素唔好，係會好鞋好柴既位，但佢唔係，好彈性，有咬口，肥瘦分佈都岩岩好，唔點醬食，都有牛既鮮味係到，任食黎講佢係真係算幾好，可以食回票價個隻😆😆而佢個海鮮拼盤，款式都多，有日本帶子，廣島號，蟹棒，青口，虎蝦，蜆，螺，全部都食落係幾新鮮，應該係即日到個隻，無隔夜腥味同雪味，蜆又無沙，清理得幾乾淨，依個位都係加分位。整體落黎佢個牛加上海鮮完全係食到回曬本🤣🤣 加上牛係任叫，每碟都差唔多，唔係有好有唔好咁

相馬日式火鍋 (觀塘) 再一次黎到相馬火鍋店。 地方寬敞又乾淨！食物及飲品種類應有盡有，員工亦好有禮貌。 叫左個炸物拼盤炸物分別有蜜丸，蝦多士，蟹子丸，米網蝦春卷，吉列蝦，午餐肉，芝士春卷，整體黎講幾好食，唔會有好重既油億味係到 即叫即炸！炸粉一點都不厚，食材新鮮熱辣。美國特選牛肩胛，食肉獸至愛。 本身牛肉切得好薄，脂肪雪花比例平均，食落夠嫩滑，基本唔洗點醬汁同調味料，牛肉本身好薄片落兩三秒就食得啦，浸落泡菜湯底直接食已經覺得好鮮甜！ 日本鹿兒島黑豚肉都好明顯係新鮮嘅，豬肉要控制下個時間唔好太耐，過熟就唔好食啦！抵讚同有質素！ 自助吧台／任拎任食：超過數十款嘅新鮮蔬菜、丸類、粉麵、、生果。最欣賞係佢竟然連既秋葵都有，皆因當中蘊含豐富營養，具備多種健康功效，深受不少人喜愛！而飲品方面估計有超過20款各式各樣嘅汽水果汁。 抵食到我過一排就會黎幫襯😳

相馬日式火鍋 觀塘今年又黎啦，上年我試過去西環嘅相馬，嗰陣時西環店啱啱先開張，食物嘅質素都相當之好今年諗住近近地去觀塘試吓。我哋星期日嘅晚市第一個時段去，價錢係$278加一，17:00-20:00 3小時。有火鍋放題、炸物、串燒 、海鮮、雪糕同飲品。一坐到埋位第一時間就係order火鍋湯底，我哋叫豬骨湯底，湯底嘅味都幾重好香豬骨味另外一個火鍋湯底我哋叫咗清湯，依個反而可以特顯到食材既鮮味。第一輪嘅美國特選牛肩胛。牛肉既色睇落都好靚，有血色係到，肥瘦相間，食落都好重牛味，唔會話有隔夜既味係到，份量都多，唔係好肥個D低質牛肉。油脂分布平均，牛肉味濃郁，可以叫多幾轉第二輪嘅日本鹿兒島黑豚肉，但好似我post出嚟嘅嗰張圖咁，睇落脂肪都多，豬肉就係要食有脂肪，但又唔好太多，而無脂肪既豬就會另到肉變得好柴。之後嗰幾輪都係，肉質都好新鮮。店舖嘅位置雖然比較迫，只有用窗簾隔開旁邊坐位，但整體黎講都唔差，可以在黎食過

一間係觀塘既火鍋放題專門店，供應多款湯底可選擇，火鍋配料也五花八門，可嘗試多款肉類及丸子，甜品還有雪糕與熱烘烘的火鍋成對比，偶爾放縱一下也無妨。今日同男朋友出黎食返餐勁，依加天氣凍，火鍋真係一個首選我地叫左個鴛鴦既煲，廢事食死一個咁DRY😋佢D炸物拼盤款式好多，有蜜丸，蝦多士，蟹子丸，米網蝦春卷，吉列蝦，午餐肉，芝士春卷，唔會好重粉，唔會好乾，食得出係即炸，唔係炸定放係到又凍個D，唔錯而佢既日本鹿兒島黑豚肉都唔係話好鞋既肉，都食得出係新鮮有彈性，唔會又老又柴，加上豬肉要有D脂肪先好食，佢幾均衡咁分佈係肉上面，佢既肉類係值得加分既位，菜又任你加，整體上，感覺同味道都唔錯，唔係一般個D劣質放題

最近幾日的天氣都凍，岩曬我地打邊爐。今晚就一行二人去左觀塘打邊爐，我地book左夜晚7點，雖然都重係放工時間，但係餐廳入面就唔係多人，都係得幾枱客唔係爆場，不過咁重好，唔使爭野食又冇咁嘈。我地食放題打邊爐90分鐘，揀左個款$258黎食，因為我地二個對食物質素都唔高要求，最緊要食得飽唔會肚痛就得喇。講到明係放題就自助式，醬油同蔬菜個d就自己去夾，呢個價錢黎講款式都算多，湯底我地就揀左中華辣湯同泡菜，正正常常既味，冇咩特別。叫左個美國特選牛肩胛，牛味好足，碌左下即刻食，食得出牛肉既新鮮，脂肪分佈平均，同幾爽口，唔會係個D街市肥牛質素。之後在叫左個海鮮拼盤，佢海鮮既種類都唔少，有日本帶子，廣島號，蟹棒，青口，虎蝦，蜆，螺，雖然唔係話個D好高質既海鮮，但至少係無腥味，蜆阿個D都無沙，幾好😋整體黎講呢個價錢都值既，夠鐘都冇趕我地走，我地都係食飽傾飽自己走既。

無意中同男朋友去開官塘發現依間餐廳，見有折扣優惠儘管去試一下。我地叫了都唔算少野，一人一個煲之餘，在配埋唔同蔬菜阿，丸阿，飽到一個點，人又唔算多，相對抵食嘅。至少食得飽同環境又幾舒服，唔會逼逼傑傑。我叫左個清湯底，男朋友食得辣就叫左個中華辣湯，可以食到唔同既味。首先叫左有美國特選牛肩胛，牛肉新鮮度係到，肉質都嫩，唔係又柴又鞋咁，唔點醬，碌到清湯到就咁食都有牛味係到，脂肪分佈又平均，食完一碟又一碟，質素都無變差，值得加分😂😂之後在叫左個海鮮拼盤同佢share黎食，上面種類都好多，有日本帶子，廣島號，蟹棒，青口，虎蝦，蜆，螺，海鮮質素還好，但依到唔係專食海鮮或者價錢好貴，所以要求唔洗太高，至少係食得出無隔夜同雪味重，清潔得幾乾淨，依到黎講算係OK啦😋😋

午餐時間得一個鐘，其實夠打一次邊爐啦🤣呢度有「午市定量套餐」，指定肉類一碟，再有蔬菜、烏冬、丸類放題～點咗豚骨&泡菜湯底，豚骨好濃好香，少少似出前一叮湯。泡菜就少少辣，但又唔似部隊鍋😆（會煲愈辣🔥）我哋一人叫一款肉，普通豚肉/ 雞肉。豚肉係有少少”孩”，但起碼排得一片片分明容易夾，咁呢個價錢真係無投訴啦！都一定抵過超市自己買。.其實蔬菜先係我嘅Target～我好鐘意呢度係因為蔬菜種類較多，除咗有大路嘅油麥菜、唐生菜、白蘿蔔、菇類之後，仲有出面火鍋店少有嘅西蘭花、洋蔥片、冬瓜片、玉米筍等。（玉米筍係我至愛🥰🥰）.真係要讚吓呢度預備食材嘅大小好好，蘿蔔、冬瓜、翠玉瓜嘅厚度都啱啱好。定量套餐包括一罐罐裝飲品～種類都算多啦！有汽水以外嘅選擇。.午市唔算多人，都容易有卡位坐。店面都算企理，出壽攞食材都一定要戴口罩先得，咁都食得放心嘅！😆