相馬日式火鍋 觀塘 (已結業)

咁啱去開觀塘諗唔到食咩，問個住喺觀塘嘅朋友佢就話帶我嚟食呢間日式相馬火鍋放題店，果然冇介紹錯！未打邊爐之前已經見到佢哋有好多炸物小食，一定要食佢哋嘅單骨雞翼，超正！另外估唔到佢哋仲有點心，牛肉球同燒賣一定唔可以錯過啦🤩打邊爐方面除咗一般嘅配料之外，最重要就係海鮮同埋食肉啦！海鮮多達10幾款俾人選擇，識落味道一啲都唔腥，證明佢哋嘅海鮮都係新鮮嘅👍🏻然後仲有佢哋雞腿肉都好正，入口又滑又入味😋仲有就係竟然有大閘蟹！隻隻size都好平均，全部都幾大隻下，重點就係全部都有超級多蟹膏！平時好少食大閘蟹嘅我都一試就愛上🥰

玩玩下IG見到觀塘竟然有間咁正嘅火鍋店？呢排仲要推出咗大閘蟹添，仲有得任食勁吸引！搞到我即刻WhatsApp個friend同佢約時間一齊食！嚟到見到火鍋店嘅環境都好闊落，坐得好舒適👍🏻估唔到佢哋都有幾多唔同嘅野食揀，竟然比我見到有中式點心😂即刻叫咗幾籠蝦餃燒賣😋打邊爐湯底都好緊要揀中華辣湯就最正啦❤️海鮮係打邊爐嘅最佳配搭，扇貝、鮑魚、帆立貝、廣島蠔！帶子乜都有🥰最鍾意食佢哋嘅扇貝同帆立貝大大隻又鮮甜！配辣湯食真係一流。仲有唔少得牛肉！呢度嘅牛肉都幾高質，係美國特選牛肩胛，牛肉味道夠哂濃😚最後就係大閘蟹啦！依家呢個時候最岩食，全部都爆曬蟹膏🤩

媽咪今日要OT冇人煮飯，同阿爸兩個人撐枱腳，我就約咗佢去觀塘嘅呢間日式火鍋放題店到食嘢。見到舖頭藍妹啤酒做緊$58兩支，阿爸即刻話要叫返兩支啤啤佢🤣打邊爐飲啤酒真係一流！之後湯底就揀咗胡椒雞湯，估唔到湯底都幾濃郁🤤等食大閘蟹之前就放咗啲優質豚肉同美國特選牛肩胛涮一涮住先。豚肉肥瘦適中，食落一啲都唔鞋😝。而牛肉就有好靚嘅雪花，同樣牛味好突出🔥終於等到大閘蟹！估唔到任食都有咁有水準嘅大閘蟹！超級多蟹膏！我同阿爸都食到舔舔脷😋媽咪知道咗我哋食得咁豐富之後，已經應承咗佢下星期帶埋佢嚟食多次🤣

啱啱喺觀塘APM行完街之後上網睇吓有啲咩好嘢食，見到觀塘呢間日式火鍋放題店超級高人氣，咁啱好肚餓又好耐冇打過邊爐就去咗試。原來佢哋有一個大閘蟹任食套餐！咁吸引我梗係唔可以唔叫啦😈大閘蟹超級肥美又爆多蟹膏！好邪惡又十分之滋味🥰打邊爐就叫咗甜豉油湯底，自助區有好多配料，我就揀咗啲蔬菜、丸類、芝士腸啲打邊爐必食嘅嘢放晒落去。然後就要放海鮮，海鮮種類都有好多喎，最鍾意就係食蝦，估唔到佢哋呢度有幾款唔同嘅蝦添，有琵琶蝦、紅尾蝦、大頭蝦等等，不過全部都係彈牙又鮮甜🦐跟住肉類一定要食呢個美國特選牛肩胛！啲牛肉超級薄切，牛肉味道又超級濃郁，肥瘦適中，係高質嘅選擇！最後仲有啲小食，我就叫咗佢哋幾單骨雞翼，雞翼外皮香脆仍然保持肉汁😋仲有去飲茶嘅燒賣都有啊🥰大大粒！

呢間相馬日式火鍋放題店好出名，一直都見到網上評論好好，今次就嚟咗觀塘呢間分店度食嘢。環境方面好舒適，坐卡位都好闊落，而且光線充足😆成餐飯都食得好開心。一入到嚟已經見到佢哋有個超大自助區，入面有各式各樣打邊爐嘅配料選擇。肉類方面有齊豬牛雞三款，自己就覺得三款嘅味道都好好，只係口感上有啲唔同，就視乎各人喜好啦，自己就三款都咁鍾意食！大閘蟹同海鮮都同樣新鮮，海鮮用嚟打邊爐係最佳配搭，一啲比較貴價嘅海鮮都有，自己就最鍾意食佢哋嘅廣島蠔，因為係大大隻又肥美，仲好鮮甜。大閘蟹都不容忽視，全部都係爆曬膏！超正😋

呢排開始凍凍地，又踏入九月份，提醒我要開始食大閘蟹啦🦀見到觀塘緊緊地有間火鍋店竟然有任食大閘蟹，當然唔可以錯過啦。湯底方面我就揀咗個胡椒雞湯，胡椒味香濃又可以調和大閘蟹嘅寒涼。呢度嘅火鍋店選擇真係好多，各式各樣嘅小食打邊爐配料都有齊，最鍾意食丸嘅我就拎齊晒芝士丸、蟹子丸、牛丸、墨魚丸🤩肉類方面就最推介雞腿肉！啖啖肉又肉質滑嫩😆海鮮全部都好新鮮☺️有十幾款可以選擇。估唔到竟然有中式點心，咁我梗係要整返籠蝦餃🥰拍得上大酒樓嘅水準👍🏻重點大閘蟹真係好好食，因為入面嘅蟹膏真係超級濃郁同埋份量超多，真係爆曬出嚟🦀

終於捱到星期五啦，約埋朋友一齊食個晚餐，喺觀塘有間火鍋店好似幾抵食，於是就去咗呢間相馬火鍋日式放題店。佢哋有個大閘蟹任食放題套餐，好似幾正，價錢又唔貴，所以就一於叫佢啦😋大閘蟹外表呈鮮橙色，十分吸引🦀食落唔止新鮮仲要有好多蟹膏添！打邊爐就揀咗泡菜湯，除咗泡菜湯底仲有好多唔同嘅選擇，有清、甜豉油、中華辣湯、胡椒雞湯等等。打邊爐必食嘅海鮮都同樣好多款揀，我就最鍾意食佢哋嘅帶子，夠晒鮮甜又大粒！其他海鮮都一啲都唔腥，夠哂新鮮！肉類方面美國特選牛肩胛都有好香濃嘅牛肉味道，證明係高級品質👍🏻

如果有朋友想食大閘蟹任食，我一定推介呢間👍因為呢度除咗有大閘蟹，仲有好多唔同種類嘅嘢可以任食，啱曬三五知己各有所好。❣️特別嘅嘢就好似日式炸物咁種類好繁多又整得靚。又例如果佢有單骨雞翼，款式又多又細細隻容易入口。再特別啲有埋中式點心，一盅兩件。🐟🦀但如果唔特別大食呢，我就建議食返海鮮同大閘蟹啦。大閘蟹呢度出名就高質，大大隻啖啖肉鮮甜又多膏，真係食多隻都唔會厭。海鮮方面亦都新鮮，同埋每樣海鮮都有好大嚿肉。🥩如果你係食肉獸，仲可以食埋豬牛雞。薄薄地，一啖可以食幾塊過下口癮。配埋個胡椒雞湯就更上一層樓。總括嚟講呢度種類多，無論你鍾意食炸嘢，鍾意食海鮮，係食肉獸甚至係老人家都總有一款啱你☑️而且四百幾蚊埋得單🤑

今日同男朋友去食大餐，就選咗呢間，因為見佢有埋大閘蟹任食都係四百幾蚊。入到去唔單只蟹、肉、海鮮可以任食呀, 仲有好多好多選擇簡直眼花繚亂。👁️👁️首先配料吧度都已經好多選擇，琳瑯滿目。然後又有啲中式點心呀，日式炸物呀，雞翼呀等等。我就攞咗啲蝦餃燒賣返去，又試下佢啲雞翼。然之後再落order，叫咗啲豬、牛、海鮮、大閘蟹。首先講下啲🥟中式點心其實都算正常，我個人覺得蝦餃都算幾好味。🐔雞翼都有唔同口味，我覺得隻隻味都唔錯，鹹鹹地幾惹味，而且單骨都好易入口。而火鍋湯底方面呢，我哋就揀咗甜豉油。試左牛肉同豬肉，配合呢個湯底係最能夠提升佢肉嘅鮮味🤤再講下海鮮方面全部都非常夠份量，同樣因有呢個湯底，將本身新鮮嘅海鮮更加提升。壓軸講下大閘蟹。啖啖肉新鮮多膏。由於我哋食得太多其他嘢所以食唔到太多隻大閘蟹，建議主打食大閘蟹嘅人可以先食大閘蟹先🤣🤣

真係好多謝朋友介紹我哋呢間餐廳，因為除咗可以食得好滿足之外，呢度仲有啲好特別嘅嘢可以任食🤤首先講下有咩特別嘅嘢食，就係日式炸物啦！呢度嘅炸物都好多款，真係每樣試一舊都飽曬。特別鍾意嗰個小紫薯，唔會太甜。仲有係單骨雞翼，有好多唔同口味，單骨細細嚿容易食。不過如果想抵食嘅就嗌返海鮮同大閘蟹啦🤣因為相信都冇人好似我咁大食🤣其實如果淨係食蟹同海鮮cp值會係最高而且係超級夠飽。呢度嘅大閘蟹真係好高質嘅，因為佢除咗大隻之外仲有多膏；而海鮮亦都唔錯因為真係好新鮮。當然都可以食埋肉，但如果唔大食就唔太推薦。總括嚟講，呢度有咁好多特別嘢食令我好滿足，而高質嘅大閘蟹同海鮮就係呢度嘅必選啦。💘

好評如潮嘅相馬日式火鍋，到底有咩咁吸引呢？今次就等我實地實測！🌟價錢和內容：首先佢有唔同嘅放題餐可以選擇，午市晚市都略有不同。但總括都係有得任食大閘蟹、肉類、海鮮、日式炸物、中式點心、雞翼同配料區嘅配菜。價錢方面大約都係四百幾左右。🌟環境：環境尚算闊落，餐具已擺放好在枱上，有齊基本服務。🌟肉：上碟嘅時候都算幾靚，都放得整整齊齊有美觀感。每片肉就比較薄身，不過味道都算ok，合格啦。🌟大閘蟹：呢度主推嘅大閘蟹確係不失主角風範。淨係大隻嘅外觀已經夠曬搶風頭。裏面啖啖肉，食落夠鮮味而且都好多蟹膏。所以都係幾高質素嘅大閘蟹。🌟海鮮：海鮮都有啲出乎意料。因為本身都諗住係一般貨色，但呢度分量都算幾大，而且都算新鮮。

食火鍋任食最抵食係咩？當然係海鮮啦！如果想有埋大閘蟹任食呢？呢間一定幫到你🤝嚟到呢間相馬日式火鍋，一入到嚟見到配料區都幾吸引我，各種各樣配菜都幾ok。坐低第一時間當然嗌海鮮同大閘蟹啦。拿拿拿，呢度⭕海鮮真係好新鮮㗎。例如呢隻蝦、帶子同埋蠔，烚完出嚟都仲有肉地，仍然保持到啖啖肉嘅姿態。海鮮都咁正⭕大閘蟹就層次更高。除咗大隻多肉，入面仲有好多膏，食落十分鮮甜，無論配咩湯底都咁正。如果個肚仲食得落可以食埋其他嘢㗎，咁今次我就試下啲⭕中式點心啦。燒賣、牛肉球,，不過不失，正常放得入口。總括嚟講黎呢度一定要食海鮮啊！咁樣係最抵嘅食法🤪

肉類海鮮放題食得多，大閘蟹放題都聽過，但兩樣mix埋一齊就未試過。呢度真係唔錯嘅選擇，價錢亦合理。💲🥓先講講呢度啲肉，係比出面一般薄少少嘅，不過我覺得都可以接受，因為始終大閘蟹先係主角。同埋啲肉又唔係話真係好差，都係合格嘅質素。🌊海鮮反而又幾好。佢個份量都幾大肉夠多，而且都算係幾新鮮。特別係啲蝦都幾鮮甜，唔會話係死左好耐啲蝦。🦀主角大閘蟹果然真係唔錯。大隻就係基本呀，外形又靚仔。鮮甜都係不出所料，而裏面確係好多蟹膏🤤而且呢度仲有其他種類嘅嘢可以任食㗎！大家不妨黎試下💯

通常任食都會諗起海鮮或者肉類放題，但估唔到呢間會有埋大閘蟹放題🦀🦀😍真係令人好驚喜首先我留意到配料區有烏冬，係我大愛🤪主角大閘蟹果然不失所望，首先係大大大，然後肉係多多多，味道係鮮鮮鮮！火鍋湯底我哋揀左蕃茄湯。呢度嘅蕃茄湯係酸酸甜甜咁，都幾開胃，裏面都有蕃茄肉都ok。火鍋任食當然唔少得肉類。豬牛上碟係比較薄身，減少浪費食物。雖然薄但味道都唔差，正常質素。另外佢都有其他野可以食架！想抵食啲就可以叫海鮮，分量、味道都唔失禮！大食之人絕對要來呢度，只係$400幾！🤩💯

出面有好多大閘蟹放題或者大閘蟹餐，我覺得最抵食都係呢間。一來質素高，二來佢仲有其他肉同海鮮可以任食👹首先配料方面都有好多選擇，驟眼睇有十幾種蔬菜，醬汁亦可以自行選擇。檯面亦已放好餐具，服務ok 。💁另外呢度少有地有中式點心。試咗個牛肉球，唔算難食都入到口。佢仲有燒賣同包點等。不過食包太飽肚啦，梗係留肚食好嘢啦🤤咁火鍋放題重點當然係肉啦。呢度牛肉就薄薄地，一碟分量就唔算太多，小食多滋味。正常質素肉質ok。🆗而其次重點角色就係海鮮。呢度海鮮都出奇地算新鮮而且份量都算大，肉夠肥厚。🤪壓軸主角就係大閘蟹啦！首先就係好大隻，重點係多蟹膏，夠鮮甜🌀所以最後我哋都係食佢為主，都食咗十幾隻🤣🤣🔟