目利きの銀次 (已結業)

原本是想與母親大人食和民，但太多人排隊，轉戰附近的銀次。雖然與別人搭枱坐左和室裡，但氣氛卻不錯。今次試一試2人套餐（其實唔想諗）日式炸魚餅。口感爽口，魚肉帶點甜，但略嫌太多油。精選刺身拼盤。每件刺身都好新鮮，濃濃的魚味中帶著鮮甜，分量size又不會太細，滿足燒味噌黑豚豬頸肉。味噌的味道中和了豬頸肉的油膩感，更易入口。但份量太多，食到最後，濃烈的味噌味卻是有點負擔。石鍋香味牛肉飯。牛肉味道不錯，但泡菜有點太少，令個飯味道有點單一。抹茶雪糕。重點甜品，最後一人一球雪糕，抹茶味很濃，香滑又不會太甜。一個套餐很豐富，兩人都捧着肚子離開，食物質素整體不錯，會再試試其他食物。

🐟週末心思思想食一頓日本菜又沒有刻意提早訂枱。探完新界西的朋友後，上網搵搵食，最方便的是這個商場有一個手機app，你可以透過手機app預先排隊等位。慢慢行到餐廳就差唔多可以入座喇。🐠多款新鮮魚魚可供選擇🔥燒喜之次燒完後油份還可以保持適中魚香感覺濃厚每次來到這餐廳都很喜歡點這個燒飯團飯團燒到外層脆啵啵的，內層熱騰騰的，配著明太子吃，很滿足的。還有，這個飯團比以往的加大了一個碼，以往的是一個手掌那麼大，現在的是大過一個大拳頭。❤總括來說，這餐廳絕對是方便之選。食物味道、等候時間、員工服務都是連鎖店以上的水準。

已經不止一次在這裡吃了，有次和姐姐還有一些auntie們在這裡慶祝生日 這次我們一行6人來到，侍應生首先帶我們到一卡位其實放眼只能坐5人太擠迫了，於是我們要求換座，換了另一卡位雖然要脫掉鞋之後才能坐進去不過舒服很多我們從lunch menu點了兩款午餐定食，都有湯，沙律和烏冬。再從普通menu點了帶子壽司，炸魷魚，炭燒豬頸肉，滑蛋豚肉丼，墨汁海鮮炒飯和芝士玉子燒魚生--很新鮮，特別是帶子一口咬下去很清甜，感覺馬上溶在口裡。炭燒豬頸肉--肉質很tender, 醬汁也調得很美味。豚肉丼--比較普通。墨汁海鮮炒飯--比我想像中好吃，真的有墨汁味而且海鮮也不是隨便的三兩隻蝦，有小元貝和魷魚在裏面，做得挺鮮味的芝士玉子燒--這個真的是意想不到的好吃，芝士被熱熱的玉子包裹著，一刀切下去芝士剛好在半融狀態，芝士和玉子混合得剛剛好

平時都有去呢間食lunch，最鍾意食佢地既烤牛舌。今日經過見到有新menu就入去試試。呢間既lunch set都算非常抵食，定食選擇挺多，有飯，烏冬，壽司，刺身。還有沙律，前菜，麵豉湯，上菜速度快，侍應服務態度亦算友善良好，食。質素亦都能保持水準今日叫左照燒雞扒定食肉質依然嫩滑，照燒汁配上白飯剛剛好美中不足就是那些沙律菜有點苦。。。。

昨天和家人一起去了V City 行街加食飯，大家都想食日本菜～略嫌峰壽司熟食選擇不夠多，所以決定在旁邊的銀次郎用膳！有幸被帶到卡位就坐，很有私隱的座位！一家人可以盡情聊天，十分滿意呢～因為媽媽不吃生，所以全部食品都只能挑熟的。經過一番努力才找到侍應為我們落柯打，揾食真係從來都唔容易是晚點了蟹噌拉麵、明太子蛋卷、軟殻蟹卷、串燒拼盤和黑豚涮涮鍋。最先上菜的是蟹噌拉麵，可惜未有拍照。很失望的一道拉麵，八十大洋，但係蟹味不重，而且蟹肉只得很少！雖然名為蟹噌拉麵，但係主角卻是豬肉片⋯⋯明太子蛋卷好吃，有很多明太子！salty and spicy 的味道很好！不過吃一個應該會很膩，一開四就OK啦～軟殻蟹卷無野值得講，正常味道。串燒拼盤有鵪鶉蛋！很特別！是我人生第一次吃鵪鶉蛋！一啖食曬一隻蛋既感覺很美妙湯底很夠味，都不須再用其他調味了！應該叫個白飯撈來吃～不過這個涮涮鍋的份量真是太少，除了面個層肉外，下面全部都是菜，而且是空心的！四個人吃，毎人只分到兩、三塊菜吃⋯⋯黑豚有豬躁味⋯⋯好像快餐店的邊爐更好吃，無論份量和味道不是$148 應有的質素咁就食左六百幾蚊，應該都無下次了

今日一行人去呢度食午餐。裝潢改變了，沒有了別具特色的「酒桶」卡位，但仍然坐得舒服。點了秋刀魚定食，食物水準仍舊不變，讚食物溫度恰宜，侍應態度良好。就是熱檸水麻麻：只有三分之二杯（量少），檸檬唔靚。不過整體而言，令人感到滿意

同事生日～ 食個豐富lunch !有平有貴。任君選擇。 Lunch餐牌如下嘿嘿～ 我地就由貴貴食先啦！全部餐都有沙律同前菜。湯就視乎唔同既餐。刺身定食物有所值。厚切腩位。鮮甜肥美。而且份量不少！滿足呀！款式不定，係當日廚司見咩新鮮就比咩你。壽司定食。連埋個烏冬飽死。可能由於岩岩既厚切刺生太出色。對比下呢個壽司比較失色。🤔🤔不過應該冇得咁比。整體不過不失啦！ 但壽司來說我都係比較喜歡隔離既峰壽司。豚肉生薑燒。豚肉好少呀....而且無咩肉汁！唔合格滑蛋雞。咁少蛋既！唔滑既！唔合格下面每款小食加$18都低呀！質素都合格正常！整體味道👌🏻👌🏻環境服務屬高上👍🏻👍🏻會再去呀！

今日一家人6點9就來到V city尋晚餐，間間食肆都十分多人等，那就等兩間連住的日式食肆，最後銀次有位先就入內食先。居酒屋以熟食為主，份量唔少，4人以上會適合點。睇睇我們今晚食咗咩先。湯底味道幾好，微酒味，蜆肉肉味不足，而且部分蜆有沙，有點失望。軟殼蟹十分香脆，用料十足。十分推介的蟹肉玉子，超咸的蟹肉配淡香玉子，如果分開食會覺超咸超淡，但兩者結合後，可以話完美配搭，口感一流，味道剛剛好，必食刺身是時令的，魚蝦螺膽都十分新鮮，大件，雖然價錢有點貴，不過都值的。又一必，十分嫩，約七八成熟，微鹽有牛味，點醬與否一樣好食。菜底有薯蓉一樣好食。後加的壽司種類唔多，都是普通款式，小弟只食了吞拿魚和油甘魚，兩樣都唔差，無根，嫩滑。細佬最加的，三文魚子幾好，魚肉過熟無味，飯焦有點鹽味，喜歡飯焦的可以一試，可以用來頂肚，不過小弟就麻麻地。四人結帳，平均每人五百幾，價錢唔平，不過食物質素唔差。晚點來要等位，半個鐘以上小不免，枱面唔大，叫得多會唔夠放，上菜快，初時要食快點。最後離開時八點半，旁邊的食肆都仲未到我們排的號數，如要食睇來要再早點來。

門外日式味濃店內有如身在日本不少特色小食燒薯仔配鹽辛魷魚薯仔上的醬汁味濃薯仔香甜，中間夾著魷魚，咸咸地，有𡁻口海鮮沙律，魚生有甜蝦，三文魚，魷魚，𩶘魚，款式多，新鮮，什菜清爽，醬汁酸酸的，清新醒胃招牌拉麵，湯有蟹味，肉份量略少，蛋流心麵質適中，不錯，但食完頗為口渴和風牛舌，厚切，加上麻醬，味道錦上添花唯一是要限時一個半小時，食得有啲趕

本身自己都好鐘意食日本野，但因為年尾工作忙碌未請到假去旅行，所以成日都搵日本野黎食過下口癮！今晚朋友生日，揀左黎銀次慶祝！點解？因為大家都住屯門，方便嘛！同埋自己平時都有黎食開，食物都幾穩定，唔驚中伏！同埋多人食有樣好，可以叫多d野！因為自己本身都成日黎，所以負責落order！除左點左d之前食過覺得正既之外，仲叫左好多未食食過既黎試下～人多除返開都平d嘛XDDD每次黎食飯都必點呢個桃味既梳打！其實佢都有其他味，不過自己最鐘意係桃～跟住點左壽左，影完呢張已經見到另一碟既壽司比朋友夾曬lu～睇唔睇到件中拖壽司幾咁肥美呀！真係入口即溶嫁～呢個係朋友想試既三文魚子蟹肉生春卷！因為唔食沙津所以無食到，但係朋友都話好清新同特別，所以都好快比佢地清左。。一人點左一隻北海道真蠔砟物！好juicy隻蠔大隻到呢～～～真係心心眼！！呢盤特上刺身上台，個個都拎起手機影！因為真係太靚了～～魚生同海膽都好新鮮！特別係海膽，好甜無怪味嫁！（呢碟都係我地今晚主打之一XDDD)跟住黎左碟銀鱈魚！呢碟都係每次必點之一～因為本身好鐘意銀鱈魚！我地今晚第二樣主打！鹽燒A4黑毛和牛！！入口即溶～同埋最鐘意佢切粒，方便我地成班f

成朝頻頻撲撲，好攰唔想郁搭的出vcity食餐好既。Office阿妹同事話想食魚生飯👌🏻，vcity得四間日本野，和民、峰壽司、牛角同呢間。預左牛角有原都無位，和民前兩日先食完，峰壽司又係熱門到傻既，咁就食當中最貴又完成裝修既利目啦。一早網上攞左票都要等，望一望時間唔對路，大房搭枱都殺。未坐過大房，枱面有日本靚裝飾。望下個新menu，同事A大叫無左佢最愛既牛舌定食，😩👈🏻佢用呢個樣講左好多次😂😂😂，（希望快啲出番黎啦，佢因為無左牛舌考慮唔再黎😂），同事B叫左個豚肉生薑燒，話要食魚生既阿妹同事叫左個秋刀魚定食🙄。我同仲鬼叫緊既同事A好艱辛咁揀左親子丼。侍應哥哥好細心教同事點用個暖水壺斟茶，仲話賣晒前菜要後上，點知即上😂生薑燒出黎喇，同事B話除左啲洋蔥生左啲都幾好味，我目測就多汁左啲既。親子丼，雖然係最平啫，都唔好咁對我啦，個蛋唔滑老左，雞正常唔咸無乜味，仲無汁既🙈我啲飯點算，成個飯無乜味既😑⋯⋯到變左節既阿妹同事個秋刀魚，偷食左佢果個最好食。之後我就唔想再食自己個飯🙄。埋單先記得星期五無公司優惠🙈

去旅行是一種放鬆方法之一, 沖繩是一個陽光與海灘的旅遊勝地, 是一個不錯的選擇。它是屬於亞熱帶氣候, 平均氣溫不會太熱和太冷, 但暫時沒有打算到沖繩, 先到這來自沖繩的食店感受一下日本氣氛.之前已電話預訂了位, 我們於2.30PM到達食店, 到門口已感受到強烈的日本風。裝飾以木為主,  牆身和桌子都以木色, 再配上米白色椅子, 簡潔且樸實; 有假榻榻米(雙腳可以申落地下, 會舒適一點); 牆身掛滿了寫上菜餚名稱的木牌(有些是寫上日語), 非常別致; 牆上亦放置了很多酒瓶, 可以飲之餘亦可作裝飾; 另外有一個木櫃放置了一個白色燈籠, 彷似置身於遠古時代日本似的。餐具以黑色陶瓷為主, 典雅中帶點神秘， 以竹製筷子筒和木盒裝糖, 可能想配合其木色主題成一系列。金啡色配與突字的餐牌, 感覺高貴. 看了餐牌後, 點選了下列菜餚:明太子煎蛋卷($68): 蛋卷厚度十足, 色澤金黃沒有過焦, 質感嫩滑, 份量亦很大。燒免治雞肉串($22): 肉質焦香, 沒有雪味, 醬汁調味到位。燒豚肉($25):烤得微焦, 肥瘦肉質均勻, 肉質嫩腍。燒番薯($28): 黃芯番薯, 味道香甜, 但燒得比較乾身。 黑豚

中秋 lunch ，v city 日式餐廳都等好耐喺獨呢間無乜人，餐廳其實無伏，唔明點解。我估係外表浮誇，啲人唔敢入去。九個人，畀咗一間獨立房我地，入房要除鞋壽司餐等好耐，上菜次序亂咗，先嚟沙律。沙律醬係芝蔴醬，唔係水汪汪嗰種。湯底夠清，主要係冬菇味烏冬食完先上前菜。。。。。微辣的蘿蔔好精緻的壽司盤。壽司餐比其他餐慢，因為壽司不可能預先準備，要握一個飯，再片一片魚生，逐個逐個來。飯不會太冷，魚生不會太熱。我少食飯不冷的壽司呢。。。。以前食嘅都係垃圾午餐少選擇，但價錢過得去，食物同相差唔遠。真心覺得好過附近和民

朋友8月4號生日，提早同佢慶祝，佢話未試過呢間日本餐廳，想試下點左4個茶，呢個野菜沙律好足料，好醒胃唔記得個名，但有啲葉，味道好特別，推介刺身1-2人份，夠厚夠鮮鹽燒牛肉，牛肉好多汁，好正呀

好耐冇嚟屯門，閒逛完搵食本來想食壽司但只得一間仲要等百多個號碼（佢又冇分幾人枱總之一種號碼牌等晒⋯⋯），咁嘅情況都好難堅持去等嚟食！唯有去隔離睇下咩環境！只需要等三張枱！雖然都冇明確時間等幾耐總之一定好過隔離！由於我哋成四點幾五點至食完第一餐，所以都唔算太餓！叫咗一個豚肉沙律，烤薯仔鹽漬墨魚仔，鹽燒澳洲牛柳，燒鯖魚，一支清酒！豚肉沙律，個柚子醋汁調教得幾好味！係沙律菜分量太少⋯⋯鹽燒澳洲牛柳，完全冇鹽味牛味亦不太出色，個燒汁我冇點到！男朋友試過話完全搶晒啲牛味⋯⋯烤薯仔鹽漬墨魚仔，完全同餐牌張相唔同⋯⋯亦好唔係我想像嘅一回事⋯⋯個薯仔冇諗過咁大個！鹽漬墨魚仔就得少少⋯⋯燒鯖魚，最正常的八海山清酒，都OK 總括呢間因為唔洗等咁耐至會食嘅餐廳，侍應哥仔喺我哋未睇完就收咗個drink list嘅情況都應該唔會有下次