盛金甜品 (已結業)

飯後想吃一客心太軟。雖然心太軟要時間焗，一般甜品店大概等15分鐘就可以了。　我們等了２０分鐘還沒有來，問一下那阿姨店員要等多幾耐，我地架車差不多要入錶，她衹是話就快就快.到了３０分鐘，我再問阿姨要等多幾分鐘，她竟然不耐煩講，心太軟要等，自己無説謊架。　我於是同佢講我知要時間，但從未等過30分鐘都未得！她又不耐煩跟著說因爲我地是第一個order　所以個爐未預熱！又話下次唔敢接心太軟order！結過我等了３５分鐘order才來！可惜味道奇差，裏面的朱古力漿味道跟顔色如拖肥一樣，過甜又無朱古力味。 結果吃到一肚氣！永無下次 ！…查看更多

環境：有室內室外位，不過室外有啲坑渠味。可能今日係初二，四圍食肆閂哂，車又少，所以佢可以放室外座位。不過啲檯有啲污糟芝麻糊豆腐花($30)：個樣同menu相完全唔同，朋友叫呢碗就係覺得佢靚咋嘛，個樣普通到咁，失望咗。而且個豆腐花係縮嘅.....所以換咗個 杏仁茶：完全唔似茶，因為好杰，一啲都唔滑。不過唔緊要，似係用新鮮杏仁打成嘅，而且唔算太甜，滿意。但如果叫你做杏仁糊會更貼切鮮奶燉元肉窩蛋($38)：鮮奶好香滑，不過..... 睇menu嘅相有好多粒龍眼，但係嚟到得3粒嘅？！雖然幾好食，但唔係得咁少龍眼呀嘛？本身唔係咁多嘅，你張相就唔好影到成碗都係龍眼肉啦！我本身就係睇咗張相覺得都幾好有咁多粒龍眼肉先叫嘅，如果係得3粒龍眼肉+鮮奶+一隻蛋，$38我一定唔會叫！服務：初二開門，加二服務費，呢個唔係問題如果服務好的話！我體諒唯一嘅店員好忙，落單收銀送食物都係佢。但係當廚房嘅食物未得，而有個客企喺度等住向你落單，你係咪應該理咗個客先呢？而唔係揸住啲餐具望住個廚房發呆。如果唔係我截住佢，唔知我要等多幾耐呢？不過抵讚嘅係，呢位店員計錢好快........呢間係我咁多個食評入面最差嘅一間，真係要俾個獎你…查看更多

晚上到店時間約為十時，等了10分鐘才有店員來落單，點了豆腐花，芒果pancake及鮮奶燉龍眼窩蛋，等了35分鐘食物才來，燉奶是用奶粉開的奶，溫度微暖，味道完全唔掂。豆腐花來到時已近乎豆腐碎，而芒果pancake帶有榴槤味，所有食品都令人極失望。…查看更多

一家4口食完蠔吧未夠飽，經過呢間甜品，諗住試下。叫左2碗熱合桃露，1碗熱綠豆沙，1碗熱芝麻糊。等等等，等左15分鐘，隔離枱早過我地叫坐低既先陸續有得食。過多10分鐘，終於逐碗逐碗上，唔明點解可以咁慢。而我地3碗都食完，碗芝麻糊都仲失緊蹤😡吹一吹，又話整緊，終於又等多10分鐘先有，淨係等都燥底味道極度普通，芝麻糊簡直極差！連d粉都未溶哂，一舊舊好核突！真係唔知廚房搞咩搞咁耐，仲要連粉都開唔溶。4碗垃圾盛惠$112+45分鐘。絕對冇下次！…查看更多

我一入去就叫左1個西米露同豆腐花，我坐左成個鐘都未有，之後吹一吹，黎個無咩西米既西米露，仲同我講今日得一個師傅。。。其實我諗唔明得1個又點，都唔洗一個鐘啦? 唔係整定倒個椰汁咖?之後我唔要豆腐花就走，個收錢個一個大叫入去話，唔洗整豆腐花喇! 頂! 我想講你地無諗過整囉。。。兩個字-「垃圾」…查看更多

食完串燒，去附近食甜品，因為聽聞大坑的甜品店出名。之前食過谷祖林開的甜品店，今次試下這間盛金甜品。店子小小，十分簡約的裝潢。這裹的甜品種類多。除傳統糖水外，這裹有些自創甜品。店主推介其日式甜品。價錢約二、三十完。每到月尾會請長者食糖水，此善舉值得一讚！香芒千層班戟＄３５多層的班戟，加上裹面的芒果粒，賣相吸引！入口。。。無味？？中間的Cream應該是甜的，真係乜味都無。連芒果肉都無芒果味，真係唔明～莓之果＄２８一磚磚的士多啤梨mousse粒疊在一起,賣相吸引!由新鮮士多啤梨而製，口感如同 mousse 般幼滑，入口即融。加上旁邊的綠茶，另有一番風味。士多啤梨mousse粒好酸。。。但有味總好個無味十分一般的甜品店～ …查看更多

睇戲前搵甜品，最後搵到呢間 :( 。係出面行到門口見到新年期間加二服務費 :( ，咁正常明白既...另外都冇位，咁叫外賣啦，但成張紙幾十種野，最後得十幾樣有得叫... 最後3樣野80蚊，外賣$2一樣 ，再加二服務費 ，成百一蚊....但外賣點解要收加二服務費又收外賣盒？？ 最後，一拎出黎...竟然有不知明物體,同行友人懷疑係鐵絲,又呃左一半！！！！味道:芒西,普通,食到最尾嚇親!!紅豆冰,OK LA,但出面會好飲D!木瓜奶,原本叫係芒果奶,唔好飲,唔知咩味,存人飲左一半就扔左,,,總結冇第2次！！！！ …查看更多

是晚情人節，蘿拔兔八點就在Hysan的Eight Grand 吃完晚飯，所以就散步到大坑吃甜品！剛巧這間甜品店有位子，那也不看menu就直接進去囉！這裏的menu選擇還真多，由中西式糖水、法式到日式甜品都有。士多啤梨粒粒慕絲配綠茶粉蘿拔仔選擇了這款別緻的甜品！Mousse質地較實，可以切成一粒粒，口感綿密，不太帶空氣感，是較dense的mousse。味道方面，實在很像dreyers士多啤梨雪糕的味道！奶味很重，帶微酸，士多啤梨味不假，算是不錯。可惜配上綠茶粉真的不太夾。Mousse味道本身頗濃，綠茶粉被搶了風頭。感覺上綠茶粉的存在只是為了增加日式感覺。蜜糖梳芙里蘿拔妹則點了高難度甜品梳芙里！賣相相當不錯，Souffle升得非常高而且平均，因為整個souffle case都dust了sugar所以不會黏著杯邊。Souffle蛋味香濃，熱度足夠，而且還帶著淡淡的蜜糖香！不過可能Souffle空氣成分比較重，吃完總覺得有點不夠喉xd不消一會就吃完甜品，也要快點交檯給等候的情侶們了。就算甜品不是完美，但有好心情補救也一樣吃得愉快:)…查看更多

懷著愉快的心情過Boxing Day, 打算食個甜點作個完美的總結。大坑有兩間甜品店，今次試了之前食過一次的盛金甜品。第一次吃覺得不過不失，這次真的覺得是驚為天人的難吃，賣相很噁心，吃不下。。這間店使我第一次在openrice註冊寫食評。。。我點了一個芒果豆腐花，來到後看到豆腐花是結為一塊塊，十分粗糙，出了水。。心諗這莫非是這店的特色？！但是友人吃的楊枝甘露豆腐花卻很正常，滑滑的。還有我那碗的芒果是已經熟到爛，有點怪味的芒果。我食了幾口，豆腐沒有味道，"鞋"口粗糙。我終於引不住問店員我的豆腐花為何那麼老及沒有味道，她竟然很自然地答我可能是拿了最老放了最耐的豆腐花給我，然後就走了。通常正常情況下店員會拿另一碗給你，但她老實答完我後就走了。。$32蚊一碗，我覺得完全不值！！！！…查看更多

個日同朋友黎呢間甜品舖 裝飾幾靚 後生仔服務吾錯 首先 我叫左椰皇旦白 好滑 味道岩岩好 吾會太甜 好味:)我朋友叫左椰汁燕窩 覺得吾錯 吾會好甜 好足料 仲有既系莓之果 幾好食 不過我覺得有啲甜 食過甘多間 都無呢啲食 最後同朋友叫左玫瑰花茶 好特別 職員話美白 吾知仲有咪好處 對女仔黎講緊系貪靚喇所以即刻叫 好清新 吾似加左其他嘢落去 因為多人 所以食完抖左陣就走喇！仲有既系好平囉！！…查看更多

睇人地食評就多，自己都係第一次寫食評，因為呢間甜品鋪實在係太難食！！！我入到鋪頭，有人見到我，但又冇人招呼我！我叫左碗熱杏仁露，點知出碗野，見到好似用粉開水，但開唔混禁，食落係酸嫁！！！之後，我換過另一樣，係焦糖燉蛋，係我有使以黎食過最難食的！表面冇焦糖，d蛋"林pat pat"!仲要份量好少，價值$46，非常不值得！以後不會再黎！…查看更多

去大坑食完拉麵，朋友話唔夠飽，決定再戰甜品。自從大坑呢幾年出名後，食肆越開越多，甜品舖亦越開越多，盛金甜品以前食過一次，夜晚可以開枱出馬路，几自在，甜品就中規中矩，冇d食評講到咁差，質素keep得住，同埋價錢都唔算高得嚇人（雖然都唔平）。今次order左芒果涼粉、香梨燉雪耳 (諗住清潤d)。芒果涼粉算系咁，中規中矩，唔會太甜。:)香梨燉雪耳就比較甜，似好稠既冰糖水，可能代表雪耳煮到融左，原個香梨就好吸引，但整體味道唔似一齊燉出黎，似好稠既冰糖水+雪耳+梨，要扣分。總結盛金甜品入面d嘢食價錢算公道，味道ok，用料都算好。…查看更多

對於餐飲業來講, 服務幾親切, 老闆幾好都是bonus!因為food才是主角! 中心點都係::Food要令人吃過翻尋味.再多的新搞作, 不如專心於menu上的, 客人給的機會, 可能只有一次.今天order了chocolate Soufflé, 個巧克力醬太甜, 沒有讓人""翻尋味".以及Soufflé 味道其實最受歡迎是::薑汁味 & 雲呢拿味囉chocolate or honey 味的Soufflé 不吸引~ 若我要吃朱古力, 5會想起Soufflé,會想起::心太軟見到menu有個燉花膠之類的甜品, 收成: $70-80一碗, 太貴囉, $55就合理D料係米靚過人地, 有誰知? 點証明靚d先? 家做都係約$100一大鍋, 減左DIY, 時間, 心機, 都不用 $70 一碗卦~不過貴不貴, 很個人的.…查看更多

到呢間嘢時有兩個人堂食，我睇完 menu 無人招呼，只見兩男一女坐喺舖外食煙吹水，到我四圍搵人，先至見嗰兩男一女其中嘅女仔走埋嚟問我要乜！外賣自取分別買: 1) 紅豆沙+湯圓X22) 綠豆沙+湯圓X23) 芝麻糊+湯圓X3嗌完之後俾錢，發現條數唔啱，多咗$14，追問方告知外賣碗要俾錢買，每個$2，聽完覺得外賣要加錢完全合理，但係咪應該主動同客人講呢？到坐底等咗一陣，一名相信係店主/店舖負責人有禮貌同我講要等多陣，因為湯圓啱啱先煮，心諗咁有禮貌，等，無問題！如是者喺等候嗰15分鐘期間，7碗嘢分開兩次俾到我，走得！5分鐘後上樓返到朋友屋企，拎7碗嘢出嚟開始睇吓碗嘢係乜派俾朋友，見有一碗深紅色水，打開嚟用匙搞嚟睇吓先知嗰碗係紅豆沙！！另一碗就好啲！上半碗係水，下半碗係紅豆！到綠豆沙，同紅豆沙完全相反！"杰"到好似碗粥仔咁！大家都話咁都好，"杰"即係足料！好過紅豆水！芝麻糊就最正常！到大家真係擺落口，芝麻糊味道正常，紅豆沙完全無味，係無味，唔係淡！綠豆沙除咗濃烈燶味外就無其他味，唔知以為糖水走糖！！大家都大嗌有無搞錯？！跟住問我啲嘢幾錢？我答佢哋每碗都要$32，佢哋即刻話7個人一齊落去問間舖攞返錢！！當然最終都只係我同女朋友落去間舖啦！落去同嗰個禮貌負責人講，佢聽完之後話啲紅豆沙無落糖所以咁，我心諗: WTF！？真係糖水走糖行健康路線？！？！而啲綠豆沙煲燶咗佢就無回應。佢跟住話先退返4碗嘢，然後問我哋想要其他啲乜嘢，我哋揀奶凍諗住最穩陣，佢好完之後又話無，最終揀咗4碗類似焦糖燉蛋，但佢又話因為無外賣包裝，個瓦碗要食完拎返俾佢，最後佢再送多一款甜品俾我哋，走之前佢都有致歉！再上樓食過，大家試完都覺啲甜品正常好多！但都只係叫正常，唔係叫好味！！最後總結，負責人算有禮貌，食物水評…可以自行分析我上述嘅經歷或者嫌多錢多時間咩都要試吓就親自到呢間嘢試吓！…查看更多

上個月做完project,有同學介紹大坑新開的甜品鋪，所以就好試下，依加補番個食評。 我地叫左個大路甜品 心太軟，朱古力味香濃，配上朱古力雪糕，雪糕是普通的貨色，心太軟亦有少少漏餡情況，總括來說都ok。其實用朱古力做的甜品只要朱古力味香濃便問題不大,尤其對於鍾意食朱古力既人黎講服務態度幾好，我地一坐低就俾左杯水我地，甜品都黎得幾快。…查看更多