盛記酒家

2025年8月11日 星期一今晚约埋屋企人去咗湾仔前身叫胜记，依家叫盛记既老字号酒家食饭，冇谂到星期一去食都座无虚席，差唔多全场都坐满晒，好彩一早有订位，留咗一张大枱俾我哋餐牌除咗驰名乳猪系餐厅推介之外，仲有好多唔同嘅菜式可以选择，价钱湾仔嚟讲都唔算太贵，由于我哋有七个人，所以大约拣咗六至七个小菜，店员都话应该足够我哋食等咗一阵第一道菜就送到，系海蜇熏蹄，海蜇爽脆弹牙，带微酸微辣，而熏蹄就烟韧入味，卤香浓郁两者配合，既清新又开胃，口感层次分明之后有餐厅招牌菜风沙芝麻鸡，外皮酥脆带蒜香，鸡肉嫩滑多汁，而芝麻香气扑鼻，入口咸香微辣，令人食指大动，一啖接一啖停唔到口呢个系野菌百福豆腐，豆腐滑嫩细腻，吸收晒野菌既酱汁，而菇菌就爽口多汁，配搭埋翠绿菜心，味道清新又富层次，齿颊留香然后有榄角冰梅骨，排骨外层微脆，肉质嫩滑，冰梅酱就酸甜醒胃，榄角咸香浓郁，食落入口即化，令人食完仲想即刻encore！！再黎有盛记小炒皇，虾仁爽口弹牙，鱿鱼鲜嫩入味，再配搭葱段同洋葱等炒香，镬气浓郁，咸香微辣，每啖都充满香气同鲜味跟住有瑶柱蛋白炒饭，饭粒干爽分明，蛋白滑嫩清香，瑶柱鲜味浓郁，炒香之后更添层次，入口淡雅不腻最后有浓味海皇杂菜煲，粉丝吸收晒海鲜汤汁，滑溜入味，虾、鱿鱼鲜甜弹牙，配搭埋菇菌、蔬菜，令到汤底浓郁鲜香，层次丰富，暖胃又满足埋单食咗千几蚊，除返每人都系百几蚊左右，食到个个都饱晒…查看更多

免开瓶费，加上出色嘅菜式，合理嘅价钱，难怪平日晚上都几墟冚。位于湾仔嘅”盛记酒家”，主打唔同种类嘅小菜海鲜。小菜种类繁多，表面上平平无奇，但系食落的确味道唔错，特别系煲类嘅嘢食，香气四溢。喺呢度开返支100分嘅half bottle，可以消除一天嘅疲劳。红酒烩牛尾煲 $168呢度真系做”煲”嘅专家，隔离几台无论系叫粉丝煲定系杂菜煲，都系香到隔离几台都闻到。不过呢个红酒烩牛尾煲就仲犀利。入味异常系基本，难得佢啲牛肥瘦兼备，咬落去𠮶种腍嘅质感，加上可以衬埋红酒嘅味道，天下无敌。椒盐豆腐粒 $68份量偏多嘅豆腐粒。豆味中等，但系粉唔会好厚，加上椒盐同喼汁嘅天然组合，都系适合衬酒嘅嘢食。海蜇熏蹄 $78本来海蜇同分题就系好标准嘅中式茶楼嘢食，但呢度嘅份量多之余，熏蹄切得够厚身，海蜇更加系厚过多数嘅酒楼，净系呢两样嘢食落口嘅口感已经唔同晒。干隆醉鸡 $78醉鸡标准系好简单 : 够冻、够嫩、够酒香。呢度嘅醉鸡酒香浓，味道鲜美，令人印象深刻，出色得有啲令人意外。绿豆沙 (送)相对嚟讲佢嘅绿豆沙就系正常水平，不过系作为赠送嘅甜品，已经足够有余。表面上只系好普通嘅中式酒楼，但佢嘅小菜发挥出色，前菜亦唔求其交足功课，加上可以免开瓶费，唔怪得呢度周围都搞紧酒局。…查看更多

🤩榄角冰梅骨冰梅同榄角嘅香气完美结合，酸酸甜甜，仲带有一阵阵独特嘅咸香味。啲骨煮得啱啱好，肉质嫩滑入味，咬落仲有少少烟韧感，真系一啖接一啖停唔到口！🤤🤩姜葱牛肉捞粗面粗面煮得弹牙啱啱好，吸晒姜葱牛肉汁嘅精华，每一口都香气四溢！牛肉片嫩滑得嚟仲好juicy，姜葱嘅味道又唔会太霸道，啱啱好衬托出牛肉嘅鲜味。捞匀晒面同牛肉食🫶🤩红枣糕红枣糕真系又靓又好味，晶莹剔透嘅外观已经令人心动。咬落去口感软糯，唔会太甜但又有红枣嘅天然香甜，食完仲有阵阵清香喺口腔度回荡～✨ 🍵🤩马蹄爽糖水入口𠮶阵即刻感受到满满嘅马蹄香味，啖啖都系清甜嘅滋味，好有层次感！🍠💛 𠮶啲马蹄碎咬落去脆卜卜，唔会太硬又唔会太细，啱啱好，仲有种好fresh嘅感觉～咁清爽嘅糖水，真系一试爱上！💦…查看更多

传统中式菜馆生意越嚟越难做，要留住客人个心，一定要保持出品水准。今晚约咗几个朋友去湾仔盛记酒家，出品一向稳定食物有质素先嚟个煎莲藕饼，大大件，煎到两面香脆，莲藕爽口，猪肉调味适中即烧乳猪，我哋四个人叫咗1/4只，上枱仲微暖，皮脆肉嫰，腌料味够传统。虽然只系 order 1/4只，都有跟埋甜包夹住食，窝心又贴心乳猪咁好食，决定试埋另一招牌菜：烧鹅下庄，果然唔错，皮固然够脆，肉又嫰，唔会过咸或者太肥，水准之作小炒皇，配料超多，有鲜虾，虾亁，鲜鱿，腰果等。最特别有炸芋丝，令口感更丰富。微辣更啱送酒鲜拆肉泥鯭粥，虽然唔系贵价食材，但就系心机之作。鲜泥鯭拆肉够鲜甜，仲加埋好多配料：生菜丝，葱花，芫荽碎及大头菜粒，令粥底更鲜甜，口感更丰富饭后送甜品，紫米露，微甜润喉，结尾最合适…查看更多

湾仔嘅上楼酒家近期仲有唔少优惠。招牌烧乳猪¼只，上枱时乳猪皮超级香脆金黄，肉质鲜嫩多汁，师傅切得均匀，肥膏分开处理，配埋松软细滑嘅方包一齐食，层次感十足，入口香、脆、软兼备，味道非常出色，重点系猪皮够香脆同焦香，齿颊留香。盛记小炒王配埋少少炸芋丝、虾干鱿鱼，咸香惹味，口感酥脆又惹味，食住饮酒一流。烧鹅半只，外皮香脆，肉嫩有弹性，调味传统而且浓郁，肉香四溢。香煎莲藕饼外脆内爽，莲藕粒脆口弹牙，肉汁丰富，口感满分。招牌拆肉泥鯭粥，粥底幼滑绵密带米香，而且加咗大量鲜甜泥鯭肉，配料有爽脆生菜、香芫荽、咸香大头菜，每啖都特别清甜滋味。整体菜式够传统，做功精细，出品稳阵，味道正宗。呢度仲有一围菜式套餐，价钱吸引，适合同亲友聚会。…查看更多