影片
星期六一早出发到大澳生态游，了解那里的盐田、红树林、虾膏、中华白海豚、棚屋、关帝古庙……走得累了，加上吃了烧鱿鱼、香妃卷，所以口渴得很！看到山水豆腐花就二话不说，立即冲入去。要了一碗冻的山水豆腐花，感觉真的很清甜，滑溜得来又不会很易碎散，舒服解渴清心凉！虽然一碗豆腐花要十元，但质量比外面的好，所以也是值得的！
继续阅读
搭左咁耐车，一黎到大澳，就即刻觉得好肚饿，呢间益昌小食店离车站好近，于是同朋友冲左入去医下肚先。呢张益昌既菜单，基本上全部既都系一啲小店经营，都好平民，价钱都唔算贵。我地嗌左呢个XO酱烧卖，但味道算普普通通，即系正常街边烧卖加左啲XO酱咁。呢个系虾酱墨丸，墨丸都系正常味，但虾酱真系好好味!大澳不愧系虾酱之乡，味浓同埋好新鲜，食过都觉得好难忘，呢个真系值得一试。
继续阅读
今日难得见天气咁好，好即兴咁约B君一齐去大澳hea游一下。去大澳一日游，买虾酱可以话系好多游客嘅指定动作。我亦都唔例外。出发之前已经收到呀妈order 要买虾酱。不过黎过大澳嘅朋友都会知道，大大小小嘅虾酱档海味档可以话有几十间，真系好难拣。系条小巷度随意行下嘅时候，见倒呢间昌益小食店。呢间系海味小食一条龙嘅老店，一间铺卖海味虾酱，对面铺系小食店，用自家制酱汁整小食，新鲜感十足！于是B君提议试下呢间，如果好味，可以顺便买埋呢度出嘅虾酱。店内环境一般，墙上menu 上面嘅价钱有几层 label 贴系上面，应该生意唔错不断加价...虽然小食价钱偏贵，不过味道真系好正好有惊喜。惊喜唔系食物本身，而系d酱！首先系呢碟虾酱鱿鱼，呢度用嘅自家制熟虾酱。味道无传统虾酱咁咸，而且酱嘅分量好多，味道鲜美浓郁，带起左本身普普通通嘅鱿鱼嘅鲜味！跟住系呢碟XO酱烧卖，烧卖本身口感好淋，估计翻蒸左好多次，但系个XO酱可以话起倒起死回生嘅作用！呢$22蚊买嘅并唔系烧卖而系d XO 酱。呢个酱并无出面市面果d XO 酱咁辣，不过就多左一分虾米嘅鲜味，令本身可以话系难食嘅烧卖加爆分！最后系呢碟蚬介酱生菜，卖点依然系个酱！呢个蚬介酱同普通点鲮鱼球嘅酱好唔同。呢个酱无咁咸之余，仲有d蚬介弹牙口感，感觉有少少似食紧蚝屎。生菜本身亦新鲜，酱同菜非常配合，好有惊喜！最后未够喉，叫多个冻豆腐花。豆花够滑，不过味道颇淡，无店内其他小食咁有惊喜，不过价钱够平。最后，食完嘴lam lam 之后，不忘去对面买翻几瓶酱翻屋企孝敬呀妈 XD。
继续阅读
豆腐花是大澳必食吧，我记得横水渡有间好好食，但因为路程关系，今次系码头附近揾间食算，因为当时已经5点半好多铺都关了，见哩间铺面光猛，又无咩人就入左去，大家睇一轮menu都系决定试豆腐花，点知.... 无热的... 话实，冻豆花我真系唔太钟意，一黎冻已经唔够滑，二黎个日都冻冻地，不过无其他野想食之下就食左....唉.... 中伏啦... 唔好食，热既应该好食d挂。
继续阅读
今日同老公,朋友一齐去大澳揾食, 第一次黎大澳呢个地方, 当然要做下research, 睇下有咩好食啦~因为去到都系下午了, 本来谂住食完果lunch 先食个豆腐花~有哂心水想去车站果间, 点知收左铺@o@结果去左呢间 <<益昌>> ,因为无人等位~ 我地四个人都系叫左豆腐花~可惜无热的, 只有冻~我好耐无食过豆腐花, 已经都有好几年, 黎到果豆腐花好冻, 好硬~质地唔算好滑..我怕甜, 所以唔系落好多糖水, 果然系无味~朋友话果豆腐花摊一阵反而好味d wor~=.=
继续阅读