益新美食館

营业中

休息中

上一個虎年路過，吃了一頓愜意的晚飯，正宗美味的蟹黃伊麵至今難忘。今天專程來吃午餐，友人叫了半隻片皮鴨，三件蒸餃，油菜，焗西米布甸和每人一份的灌湯餃。片皮鴨是皮脆的，肉不靱，但也不特別好味，太明白何以是招牌菜。蒸餃也不差，但也是吃完沒特別印象。灌湯餃送來是沒湯的，我知道可能是湯藏在餃內，讓食客自己破開餃皮，令湯流出，想起已覺得滋味了。事實是，祇是我太喜歡想像，開始乾的餃皮，裡面是沒湯的，餡微濕，吃得出淡淡的蟹肉味，但沒湯的灌湯餃，實在不可思議，是味兒。店員後來說餃放久了，湯索回餡料內，着實，我完全明白他的解釋，因為我們已沒待慢這奇特的灌湯餃，是立刻吃的，湯依然失踪。最ok 是油菜，不油，嫩綠，件頭合理，每人有四條菜。焗西米布甸，每人兩啖，可能太少吃不出味道，對我來說，鳳城好味太多了。這餐每人$280。這個價錢，這種質素，必再來。

早兩日放假，經過灣仔，被益新美食館的外觀吸引，從它的外觀睇得出是一間歷史悠久的老字號，估計應該係食懷舊菜的菜館。門外有點心紙，馬上就睇下啱唔啱食，竟然有魚腸食，當然午市係無魚腸，外面真是好少地方有焗魚腸。我和朋友叫左幾個經典和必食的點心。點心前，有腰果作為小食，好大粒的腰果，好脆。古法灌湯餃一我忘記了影相，有別於其他地方的灌湯餃，刺穿了皮，湯流出來了，睇唔出皮好薄，裏面有好多餡料，完全考驗廚師的工夫，掛住跟朋友傾計， 放涼左食，無咁好食，一定要趁熱食。珍菌松露餃一我又忘記了影相，濃郁的松露味，裏面是切粒的菇和翠玉瓜，為呢個餃帶了一份清新，我好喜歡呢個餃，適合素食者。

今日路經湾仔，正值午飯時候，决定到這老牌粤菜美食館探店，典雅堂座區，有廣東酒家氣氛侍應殷勤推介點心及琵琶鸭😃在午市菜單中點了:鮮蝦餃香菇蒸燒賣煎釀虎皮椒馳名琵琶鴨點心先上，蝦餃皮薄餡靚， 餡料夠乾身不油膩， 蝦肉爽口彈牙，水準出品😋香菇蒸燒賣，肉質爽滑，香菇份量增加一下口感應該更理想，總體亦收貨😋煎釀虎皮椒，如果用蝦膠取代魚滑作餡料會更高格調， 虎皮椒脆口😋馳名琵琶鴨，最少要半隻，皮脆肉嫩， 略帶炭香味，半隻好處有骨有肉，單食琵琶鴨已滿足😋

WARNING! Horrible services! My wife was treated disrespectfully while ordering food to go. Food is not cheap, we wasted about $600 there. Once she mentioned she wanted to order to go, the manager just walked away with a dirty look, and pointed another person to take the order. Then that person (could be the assistant manager) took my wife’s order with very bad attitude, and kept saying wrong information about their menu. Then the GM kept yelling from the back to the staffs to tell my wife that i

適逢家中有長輩生日，表姐就揀咗歷史悠久嘅“益新美食館”同長輩賀壽！我都係第一次試“益新”，大部份都好食，有驚喜值得一試鴻運乳豬全體🐷乳豬皮口感酥脆厚薄適中，乳豬肉夠廋肉質鮮味，大家都好快清哂影唔切相😅百花釀帶子🌸裏面有原粒帶子，配上醬汁鮮味可口，想食多粒都無荔茸香酥鴨🦆酥脆可口，一定要點上特製醬汁先好味！肘子片竹絲雞燉津白湯🍲津白入口即溶，竹絲雞口感嫩滑，金華火腿令整個湯鮮甜美味清蒸東星斑🐟魚嘅肉質剛剛好，蒸嘅時間控制得好蠔皇金錢扣鵝掌👋冬菇淹得夠入味，醬汁偏咸，我唔食鵝掌評論唔到😆鴻運脆皮鴛鴦雞🐔肉質剛好不老炸雲吞點醬好食，蝦肉充足！竹笙杞子浸雙寶蔬🥬竹笙入味夠厚實，杞子明目夠健康！蝦籽長壽伊麵🥢味道偏淡，但質感爽口，加咗少少蠔皇汁係唔錯嘅！皇母祝壽蟠桃🍑大蟠桃係空心嘅，但賣相不錯！陳皮紅豆沙湯圓🍡紅豆沙偏淡，但黑芝麻湯圓好食！黑芝麻菲林卷🎞味道適中總括而言：《益新美食館》是很不錯的！很適合一家人大伙兒嚟食晚飯，希望親戚們下次都提議返食《益新》

適逢假日，前赴買玩前先到益新食晏填肚是也。已經很久未有到益新飲茶，未知水準是否如前。剔點心紙時方發現可以逐件點，確實為想食得多選擇的食客帶來了方便。點心皆維持水準，不論是蝦餃、春卷、灌湯餃、虎皮釀尖椒或叉燒腸都十分好食；而當中最佳的要數灌湯餃以及叉燒腸，前者餃皮夠薄夠滑，餡料豐富，湯汁和得剛剛好，後者是因為叉燒非常可口，甜度恰好，透出豬肉的肉味。惟蒜蓉蒸魷魚就稍有不及，魷魚是軟的，無奈蒜蓉不夠香。小菜蝦籽柚皮炆扣得相當入味，芡汁烯杰度適宜。至於星洲炒米向為小人所愛，今次亦沒有例外，米粉炒得條條分明，毫不油膩。大大隻的蝦仁又爽又有份量，極之和味！一如既往的美味！

益新應該好多人都識，因爲係米芝蓮推介，章魚雞粒焗飯裏面得洋蔥同雞肉章魚超細粒，搵唔到啲章魚咁濟西檸雞半碟都係皮同炸粉竟然收290 痴痴地得面嗰幾舊好食啲啲，下面全部都係肥 一係就柴皮兩碟腰果仔，56蚊蟹肉大良炒鮮奶其實正常嘅不過搵唔到蟹肉囉book枱嗰時話full曬所以要坐basement呢間嘢service好差，我叫佢幫我將個蛋糕擺雪櫃佢要我自己攞落去basement遞畀另一個人個部長處理得好差本身我哋未齊人所以想hold住啲餸佢態度好差叫我地預咗碟叉燒會凍曬過咗唔多夠5分鐘齊咗人我哋話啲送上得，個部長同待應零溝通食咗兩個餸之後個部長又問我地啲餸上得未之後無啦啦又劃咗個叉燒話個叉燒食咗㗎啦其實點叉燒未上，搞咗十分鐘都仲未上到個叉燒

因為老公想食琵琶鴨，經朋友介紹來咗哩間試食，但唔知需要預約，晚上六點直接過咗來，美食館啱啱開始晚餐，經理話如果一個鐘內可以交台，都可以嘅。我哋得兩個人,只要上菜快都夠時間食嘅，然後就埋位點餸。 呢間係老字號食館，侍應都係年紀比較大嘅，但服務都幾好。琵琶鴨整體唔錯,生炒臘味糯米飯料多略鹹，今次食得太匆忙啦😅, 快速點菜(無乜時間選) 快快食完, 完美在7點前埋單(6:49) 。下次可以book位先，試下其它菜及甜品。

好少去香港區食飯，今晚呀妹介紹，便帶家人去吃生日飯。 這老牌粵菜飯店原來已有7 0年歷史😎，這裡裝修簡潔而不失華麗，有少少時光倒流感覺，門口有代客泊車👍🏻，方便駕車人仕👍🏻。全店差不多🈵️座，但環境很寧靜，入座後，服務員細心介紹菜式，服務周到，我們點了出名的西檸雞、琵琶鴨、鬼馬牛肉、砵酒焗蠔、蒜蓉白菜，家人最喜歡琵琶鴨，話系新鮮鴨，既不肥膩，肉嫩多汁，秘製醬汁把鴨味提升了一個層次😋，西檸雞外皮鬆脆但不多油，雞肉不乾，檸汁分開上🫶🏻，檸汁顏色鮮黃色很美，味道也清新，砵酒焗蠔很入味，蠔大小適中，蠔邊有小小燶邊更加惹味，鬼馬牛肉系馬蹄炒牛肉和油炸鬼，似fusion 菜，但油炸鬼凍左有點硬，不適合老人家吃。整體菜式中規中矩，地點方便，搭地鐵行3分鐘可到達，環境和服務也中上，很適合家庭敍會，值得推介 。

當談到廣東點心，不可能不提到蝦餃、腐皮卷、叉燒包、燒賣。這𥚃的點心不僅味道美味，而且製作精緻，給人一種獨特的味覺體驗。蝦餃的外觀十分精緻，薄薄的餃皮裹著鮮嫩多汁的蝦仁。每一口咬下去，都能感受到蝦肉的鮮甜和彈性口感。接下來是腐皮卷，這是一款我特別喜歡的點心。腐皮卷的製作需要一些技巧，將酥脆的腐皮包裹著鮮嫩的肉餡，再炸至金黃酥脆。每一口都能感受到腐皮的香脆和肉餡的鮮美。總的來說，這裏多款點心都是非常精緻的美食。無論是其獨特的製作工藝還是豐富的口味，都值得一試。這些點心不僅能滿足人們的味蕾享受，同時也展示了廣東菜的獨特魅力。

好少食益新，但係去到益生一定要嗌叉燒、灌湯餃、蝦多士。本來以為好味的魷魚鬚大家就可以pass。叉燒就是那種半肥的入口會有用的，蝦多士就係好香好趣，而灌湯餃我問過人原來以前灌湯餃就是這樣上菜的。至於係點留待大家去試吓啦。餐廳整潔到無懈可擊、我諗夥計也做了幾十年，附近的美利堅沒有了很想這種舊式的中菜館可以一直保留對抗香港的地產霸權。茶就是跟出邊差不多同我沒有太大記憶，但如果你想要一個高級版飲茶，可以嘗試這裏，這裏也是灣仔比較有錢的人的飯堂

約左長老們聚餐，諗諗下除左食酒樓都想帶佢地食下d 正野益新餐廳就係食傳統懷舊粵式菜，好多出面比較少見既菜式都有其中一味就係焗魚腸，正正宗宗功夫小菜好考廚師功力架第二味推既就係琵琶鴨，好入味肉質唔錯第三味推既係大良炒鮮奶，好好味啖啖肉第四味推阿章魚雞粒焗飯，味道剛剛好第五味推炸鮮奶甜品，加埋糖 脆脆地當甜品goodgood 今晚真係大餐 仲叫左幾樣，但無介紹哂出黎啦，留番下次再講，反正全晚都覺得好好食 正呀！！

今日下午想飲茶，同同事去咗Office附近嘅益新美食館。聽個完全估唔到係食點心嘅地方，好喜出望外。同事一早幫我哋訂咗例牌燒肉同叉燒，味道真係好好食，好多謝佢哋推介。另外，我哋仲叫咗好多唔同款式嘅點心。我哋都有叫到個荷葉飯，有好多蝦好粥了，好夠味，個人10分喜歡。

Cantonese cuisine has long played an important role in Hong Kong’s dining scene, and the dishes are not only reminiscent of the good old taste that we grew up with but also remind us of comfort, family get-together, and long-lasting memories.Founded in 1953, Yixin Restaurant prides itself on being one of the few oldest Chinese restaurants serving authentic Cantonese cuisine and nostalgic classic dishes, while respecting traditional flavors and staying true to the original that takes Cantonese cu

一行4人去食晚，由7點叫起菜，到8點半都未上齊。一路叫部長催，催來催去都冇反應，價錢又貴，食物普通，貼錢買難受。上年食過ok, 推介朋友今次一齊去食，點知攪成咁⋯叫咗懷舊蝦多士好少少之外，其他餸，叫佢少油，點知上菜時油淋淋。叉燒皇，又貴又唔好食有鞋⋯完全真心失望，都唔知點解有人推介呢間嘢，大家係咪未喺出邊食過中菜，以呢個價錢，我寧願去國金軒食仲好⋯想行高級路線，仲話米芝蓮極力推介，根本完全唔值呢個價錢，食物同服務，愈來愈差。唔會有下次