盈記甜品店 (已搬遷) 新店位置

抵食平食之選話說食完我中學既lunch 回憶南乳炸雞米線男主人就話屯門都有一間又係食南乳炸雞球都係佢既中學回憶過幾日終於有機會 就過去食下啦收工夜左 兩個都唔想煮飯 諗起之前話既雞球 就過左去食講真環境一般 d碗碟明顯經歷過風霜有年月既催殘望完個環境等多陣熱辣辣既雞球撈麵送到炸得好香口 好大件既雞球配南乳汁麵好似有一底 唔算係多食完會熱氣 覺得口渴 不過9點半前黎到 係餐黎既 會有甜品送舊式既甜品 西米露之類食埋就飽飽滿足歸家

呢間位於何福堂輕鐵站附近既甜品鋪...中學年代已經成日黎食。 雖然佢叫甜品店，但最出名唔係甜品😂位置唔算方便，但好多人揸車黎食宵夜。佢最出名係南乳雞球撈麵..唔鍾意撈麵既朋友可以轉湯麵。 佢既雞球炸得好脆同埋好幾大舊，加埋南乳醬好好食。好多人會要求加多d醬，但我就覺得太多會太咸。同埋佢可以跟餐叫飲品或者甜品。小弟就鍾意叫海底椰紫米露，好足料成個餐都夠飽👍🏼。

只試過佢D 糖水, 今次去食LUNCH。叫左豬軟骨飯。D豬軟骨炆得好林, 睇佢個樣似排骨, 原來全是軟骨可以吞的, 帶少少肥糕, 但唔會膩, 應該用左柱喉醬去炆? 咸咸甜甜的幾好食。另有冬菇同生業做配菜,都OK。西瓜奶無咩奶味, 似西瓜汁多D。

十幾點鐘係屯門仲未食晚飯 好多餐廳又準備收 於是係何福堂附近行下見到有間比較唔起眼既糖水店 點知一睇menu 原來都有撈麵食 於是就叫左個瑞士雞翼撈粗 食物等得比較耐 可能因為得一個師傅既關係 雞翼熱辣辣 好入味而且撈麵都唔會太咸 仲有碗例湯送朋友最鐘意既南乳炸雞球小食 最特別應該係個醬汁 再配合埋熱辣辣既炸雞球

由於朋友想食呢度雞球湯米線，我同兩位朋友就黎左呢間野。朋友叫落單，叫兩碗雞球湯米線，最後黎左一碗，你漏單既正常一個食客都會問，點知員工A話：吓，又要行多轉去整呀，員工B就話：我唔知，淨係聽到一碗，最後都有個員工C同我地講唔好意思。眼見朋友想食，都無同佢地理論（其實係驚佢地會唔會“加料“）雞球就唔知好唔好食，我另外要芝士春卷同西瓜汁，個春卷就真係好普通，食落同向酒樓食既無乜分別，而西瓜汁就超甜，糖漿水咁。。總之就無下次！！！

吃過午餐後，就想來個午餐飯後甜品，於是離開海麗花園，走到新墟再下一城，繼續覓食。今趟卻在新墟尋找甜品店。走到仁愛街，有一甜品店叫盈記甜品，與荃灣的盈記甜品小食差無異，在下正想是否姊妹店呢？但在下不管是否真的姊妹店，而且在下也沒有仔細考究，入到去便是吃一個甜品才真呢！打開餐牌，其實與荃灣的盈記沒有太大的分別，同樣有車仔麵，小食如雞翼等和甜品一應俱全，當然在下剛剛才吃過午餐，對於小食麵相對不是在下的目標，只有向甜品裡發掘一下。店內的甜品，老實說只是一般糖水，沒有太過花巧的甜品，於是點來蘆薈楊枝甘露，在楊枝甘露加上蘆薈，是有點新意，除此之外，不乏柚子肉，西米，芒果等材料，味道不算太甜，蘆薈有點口咬，芒果甜味不太突出，但是仍然是新鮮的。時間上是下午四時多，顧客不多，食食下連對面枱也走了，只有留下在下一人，而在下吃罷也急急腳付款走人。

同男友2人食"^_^叫左個腐竹雞蛋糖水同雞翼撈粗講下個糖水先😞我入口只係得一個字:::💨💨💨甜！就無其他味、不過隻雞蛋唔知點解就好好味😍食完糖水等多10mins到個雞翼撈粗就到左👍時間黎講快左，以前真係等到想走人！我十分喜愛要南乳醬要黎撈面👍👍👍超好食佢個醬係特濃可能自己溝左其他嘢啦☺☺以個雞翼都好嫩滑不過個味淡左小小今次😜不過環境愈黎愈差眼見好多地方都好dirty😰😰😰😱😱

自從我有位朋友有心事，成班朋友都陪伴來傾下計散心，久而久之這兒成為我地的集中地(聚腳地)。來到這兒我必食的其中兩樣，分別如下：南乳雞球撈粗 新鮮炸的雞球，配上南乳醬，真的很美味喔~(我有朋友不喜歡南乳醬改沙律醬亦都好味)瑞士雞翼撈粗 瑞士雞翼亦都係即叫即整，在這兒食東西時間是需要的裝修雖然陳舊了一點，但成為我地成班的聚腳地總有原因。

今晚在屯門食飽飽,打算找間甜品店清下喉..行下行下就找到間盈記...說真,可能是做街坊生意多,冇咩生客,內裡裝修比較殘舊,可能係時候要裝修一下.同朋友各叫左一碗西米露,芒果西米露及蜜瓜西米露,抵就幾抵,大大碗.不過味道就淡左d,d西米露冇咩味咁,芒果就好少少,夠大舊,d汁落左係西米露就好d.見到其他食客都唔係食甜品,可能下次食其他會好d....

我和老公已經很耐沒有到"盈記"啊！雖然它的外表是一間甜品舖，但是我們次次都唔食甜品；我們最鍾意這裡的"南乳雞球撈丁"雞球沒有骨，炸出來的雞皮很脆及帶丁點雞油；配上濃濃的南乳漿！我最鍾意將這裡的南乳漿加入撈丁一起食。但是,今次光臨發現燈光十分暗,連座位的木椅要爛了！可能都係時候維修一下！

食左個芒果西米露...好普通....但超大碗..都幾抵瑞士雞翼...得4隻..貴...又細隻..d味都炸芝士x卷...d芝士少到...夠脆..但都係唔抵食 腸粉...我鐘意啵 魚旦...少少spicy...細細粒個d...出面度度都有下次唔會再食過雞翼同芝士xx啦..都

我住了屯門不足一年，特別喜歡跟朋友去何褔堂吃東西，而盈記也是我在屯門算是頗喜歡的食肆。甜品方面，盈記的甜品種類大概跟滿記一樣，都是西米露、果汁等等，反而沒什麼特別過人之處。值得留意的是小食方面，盈記的小食的確不錯的喲！我每到盈記，定必食「南乳雞球撈麵」，那些雞球炸得很香口，南乳味道也很特別，兩者很match。廿多元足以填飽肚子，超值。而魷魚鬚也挺不錯，份量適中，廿多元的價格合理。不足之處是甜品方面可以改善，可以嘗試增加款式和特色。

第一次黎試點左幾樣野食包括瑞士雞翼撈米線-我覺得麻麻地,d雞翼又話係招牌菜,但唔算太好食炸魷魚鬚-普普通通,但份量太少甜品要左楊枝金露同埋西瓜西米露兩個都好甜,好似飲緊糖水咁唔好味,試一次夠喇

四月起始的第一個星期,好開心同朋友打機吹水食何褔堂ga大排擋,o個一日食飯ga時候,留意到附近的一間不太起眼的食店,門外聚了四五檯食客.隨後上openrice 睇返有關食店的食評.得知有好味ga雞球撈麵食,仲要開得ok夜添(其他食評話).所以過左幾日的某一晚同另一位朋友去一試呢度ga雞球撈麵!大約九點零十分到達,入到店內坐低,落單的姐姐斜眼望左我地一眼,連水都無俾杯你,.......呀,算.當你做街坊生意,我地係生客,無咁落力都唔出奇.見到有目標ga雞球撈麵餐喎!三十個大洋!隨即落單!點知.......落單ga姐姐即時更正我地:我地過左九點無得咁跟餐叫喎!野飲要另計架!....細心留意......餐牌上的確係寫明12:00am-9:00pm先有"套餐"唯有就咁叫個雞球撈麵好了,連相都唔影喇(本來諗住用黎寫食評).食品方面:個雞球撈丁做得很不錯了!個雞球係熱辣辣的!要等一段時間都值得!!由於店內不設冷氣,所以都食得成頭大汗!個南乳汁亦做得好香口!!值得一讚!朋友就叫了牛腩撈丁,佢就話太咸了.......不過以我個人而,呢個雞球撈麵都值得再返轉頭試下.不過,d服務如果都仲係咁ga態度就唔會

星期日去佐屯門市廣場行街, 行到7點幾又累 又餓, 但度度都滿晒人等位, 都係行多幾步去佐附近搵野食, 就去佐盈記呢間面舖.坐低問阿姐有咩好食, 佢即刻話"南乳雞球" , "瑞士雞翼" 最出名, 或者清清地菜肉雲吞, 最後叫佐兩個面同 d 小食.南乳雞球拼菜肉雲吞撈面 :個雞球炸得好香口, 咬開仲有肉汁流出黎, 我平時好少食咩付乳南乳既, 但即管試試 , 哇! 唔怪得呀姐話呢度十個食面既客有六個都會叫呢味雞球啦 (隔離枱都係食南乳雞, 佢成碟醬食晒都唔夠, 仲叫阿姐俾多碟過佢)瑞士雞翼, 炸豬扒拼菜心撈米線呢個雞翼同樣出色, 個樣漲book book 咁, 好飽滿, 單睇賣相已經好正, 咬落去同樣有好多肉汁流出黎, 個瑞士汁好正, 即刻問阿姐另外要多d 黎撈面最後叫佐份青瓜海蜇, d 海蜇勁粗同爽口, 唔係一般酒樓俾既下價貨同埋豬紅/豬皮/蘿蔔原本諗住食完再叫甜品, 但實在太飽啦, 留番下次黎再試啦.