盈記四季養生麵館

营业中

休息中

這是一間裝修平實，但吃落好有風味嘅小店。藥膳農場雞山藥養生湯一上枱就見到份量好充足，三件雞大大件，仲有隻雞髀🍗；最令人食慾大增嘅係佢真係好香，湯有好濃烈嘅紅棗同少許藥材味，米粉非常入味。喜歡！自家製水餃🥟叻沙湯喇沙最緊要當然係個湯底，呢間都唔錯，以快餐式來算是合格有餘！前菜：濃湯蘿蔔、黑木耳好喜歡嗰個濃湯蘿蔔，啲蘿蔔好入味，好腍，真係好好味。應該話我未食過咁好味嘅蘿蔔。😅黑木耳就比較淡味，完全冇味精。讚👍🏻！

今日去完美食節，去咗灣仔呢間盈記養生麵館，入到去店員推介藥膳花膠雞，藥膳雞芫荽麵及涼拌手撕雞青瓜紅薯粉，同行朋友唔食辣嘢，所以我哋都叫咗兩個雞湯麵試吓。我嘅芫荽雞湯麵上枱，即刻聞到少少藥膳的味道，見到個湯頭有啲杞子，木耳，好多紅棗，雞肉同埋芫荽。第一件事試吓佢哋個湯底，湯底有少少藥材味，味道香濃，好清澈入口順滑，藥材味啱啱好，唔會太苦。有4件雞件好嫩滑，入口有雞味，雞皮夠薄，唔會搞到湯底油淋淋。配埋大量嘅芫荽，所以成個米線好清爽，我食麵基本上都會飲晒啲湯，呢度嘅湯飲完係唔覺得口渴，有鮮味得來又唔會太鹹！朋友點花膠雞米粉，俾我嘅就多咗兩塊花膠，花膠入口帶點爽脆，唔會有杰身嘅芡汁，所以唔會咁滯，連埋雞湯一樣咁香濃好味，應該滋潤啲，對皮膚應該再好啲！呢度雖然叫藥膳，但係店家應該配合天氣，所以夏天食完，感覺都好舒服，唔會㷫烚烚，適合四季，感覺潤而不躁！

盈記四季養生麺館 - 灣仔在灣仔覓食，上網見到這間養生湯麺，感覺很不錯一人套餐76$藥膳農場雞醉雞養生湯米線小食-古法炆蘿蔔一人套餐加一杯凍飲（加$3 ）藥膳農場雞蟲草花養生湯米線65$今次叫左一個一人套餐「藥膳農場雞醉雞養生湯米線」，醉雞湯底非常清甜濃郁，藥膳味道沒有搶走醉雞的味道，很適合重口味人士。米線硬度適中不會太淋或者太硬，雞肉亦非常嫩滑，不太肥膩。另外，額外叫了一碗「藥膳農場雞蟲草花養生湯米線」，比較清淡，有種健康的味道，很配合藥膳的意思，蟲草花的份量亦不少，湯底亦大有一點點紅棗的味道，非常清甜。整體來說味道不錯小食方面，叫了一份古法炆蘿蔔，蘿蔔非常入味，亦都炆得好淋，帶有一種清甜的味道，很好食至於，凍飲叫左杯檸檬茶，茶底不是非常濃厚/濃郁，檸檬不會帶來有點苦澀嘅味道總結，店舖距離地鐵店不遠，食物感覺健康，味道濃郁份味，值得一試

個人認為，如果為了飲啖湯而幫襯，湯出品可以，但上湯米線加雞件小食，名稱更為適合，叫咗竹笙雞米線，雞件得兩件，問完廚房大佬，佢話正常比客，有時最多四件奉客，甘各位唔洗祈望太多，消費六十幾去食碗上湯米線

今天下午約了朋友行灣仔會展的只想購物節，下午去了一間有點特色的西餐廳吃，我們行到大約晚上7時，想下去那兒吃好，朋友說之前經過見有間養生麵店，看門口餐牌不錯，未吃過，我都想吃下新野，選了今晚這間，今次點了藥膳農場雞+蟲草花養生湯米線上枱已聞到陣陣濃香藥膳湯同蟲草花味藥膳農場雞+桃膠養生湯米線雞大件，入口特別嫩滑同鮮雞味，湯真係好有藥膳味，好滋補同潤喉，米線份量都多，好爽滑，桃膠厚身，好有咬口感藥膳浸雞腳雞腳份量都多，爽口好霖同香藥膳味

收工去書展前搵地方食野，佢好近灣仔地鐵站，行3分鐘就到。藥膳農場雞蟲草花養生湯米線-$65(3/5)佢既湯應唔算好重藥膳，不過都唔錯既，係養生既味道，但雞既份量實在太小，得4舊，蟲草花量又不多，米線份量正常，長時間都淨係食緊米線，無乜餸咁。一人餐-$76: 藥膳農場雞養生湯(3.5/5)姨款米線個湯底藥膳味重好多，食完會出汗，佢既湯底係唔差既，但米線質素普通，雞都係得4舊。古法炆蘿蔔(4/5)佢蘿蔔炆得好淋好淋，吸晒啲湯汁，好入味，每一舊都接近入口即溶，湯汁唔係藥膳，但都係養生既味道。總結: 佢食物質素未高質到令人想再黎，佢唔難食，但唔特別好食。普普通通。

平時好少聽養生米線今次上網搵到呢間就特登嚟試吓🤣估唔到有驚喜.💎$68 藥膳農場雞+竹笙銀耳養生湯米線個湯勁清甜好好飲🥹，完全無味精嘅感覺，竹笙加銀耳好爽口，啲米線偏粗少少，但軟硬適中，整體不錯.💎$65 藥膳農場雞+蟲草花養生湯米線湯底好香藥膳味，蟲草花都好足料，雞好大舊，而且幾新鮮，試咗加少少辣油，好香但唔辣的👍🏻.💎$36 紅油抄手（5隻）唔係辣油浸住果陣，有啲豉油、蒜蓉同醋，食落幾開胃好食😋.💎$12 奶茶紅豆冰好難得有奶茶紅豆冰，啲紅色好綿好好食，而且唔會太甜，推薦🫶🏻.💎$7.5 豆漿正常支裝大和豆漿，但有半價優惠

放工約埋幾個同事去食飯傾偈，有同事話去灣仔盈記四季養生麵館 ，近排疫情嚴重，除咗打針，要多飲滋補湯水，保持身體健康最重要！抵抗力都好啲。麵舘環境光猛清靜，主打藥膳雞湯，材料豐富，香味濃郁。藥膳農場雞蟲草花養生湯配米粉，湯底是用三黃雞配以多種藥材熬製四小時而成，入口已傳來濃濃的藥材味，農場雞肉質有彈性，鮮美細嫩，有雞味，蟲草花，調理身體、滋補強身。配米粉好爽口。自家製水餃喇沙湯去米線，帶點微辣又濃郁的湯頭香味撲鼻而來，叻沙配米線，味香濃郁、口感Q彈非常惹味！餃子皮薄餡鮮，粒粒飽滿多汁。紅油抄手，紅油抄手味道麻麻香香，十分開胃，令人按捺不住食完一口再接一口！

📍盈記四季養生麵館（灣仔）🍽 藥膳農場雞養生湯米線 + 自家製水餃叻沙湯米線 + 藥膳上湯浸時令菜😋 普通米線試多咗都會想轉一轉口味，聽朋友介紹嚟咗灣仔呢間米線舖，都係第一次嘗試藥膳米線，又幾特別！🍜 藥膳農場雞養生湯米線 $62食物上台之前都有小小淆底，擔心湯底會有好大陣藥味、好難入口。點知嚟到又完全唔一樣，湯底清甜，同想像中完全唔同。雞肉都好靚好滑，好值得嘗試！🍜 自家製水餃叻沙湯米線 $78水餃餡料多，米線煙韌、睇落已經好開胃，鍾意叻沙嘅朋友必嗌！ 🥬 藥膳上湯浸時令菜 $26嗌翻小小菜中和下口味幾好，湯汁鮮甜、蔬菜新鮮🫶🏻💰$166

今日午餐想食得健康啲，就諗起灣仔呢間主打藥膳湯底嘅麵館。首先叫咗古法炆蘿蔔當前菜，炆得好腍，入曬湯嘅蘿蔔好甜。我叫咗個藥膳雜丸養生湯米粉，因為藥膳湯底有杞子同紅棗，食落味道都有少少甜甜地，雜丸有貢丸同墨魚丸，墨魚丸仲食到墨魚肉，咬落分外彈牙。朋友叫咗藥膳農場雞+日本花菇養生湯米線，花菇好好肉地，咬落去湯汁出哂嚟。農場雞肉質嫩口，有雞翼、雞髀、同雞胸肉。湯底仲可以加麻辣，非常惹味。飲品我哋一人叫咗一杯檸水同檸蜜，滋潤一下。

週末喺灣仔呢間養生麵店食lunch～ 幾個人share食咗個套餐，包一人一碗麵、小食同埋野飲，每人都只係$70有找！喺軒尼詩道呢個黃金地段黎講實在係太抵食喇～😋我揀咗「藥膳農場雞竹笙銀耳養生湯麵」～🍜 雞肉用咗嫩滑嘅雞腿肉，雞肉得兩件、份量唔多，但係少肉多菜更健康！😆 雪耳份量好多，同竹笙一樣索晒d湯，好入味～😋 另外跟餐嘅小食蘿蔔好清甜，雲耳花生幾香口，生菜夠爽口～🥬 食完呢餐纖維豐富嘅午餐，腸胃變得更暢通～☺️

近排開始明白健康的重要，所以決定著手養生，希望現在才開始不會太遲。除了做運動，飲食也是非常重要，食一些健康的食物，事半功倍。這天約了朋友到灣仔吃下午茶，我們決定吃「盈記四季養生麵館」。一聽名字就知道是為了想養生的人而設。店面：就在大街旁，鄰近地鐵站，交通十分方便。裏面大小適中，裝修精美：餐單印刷精美，上面有各種食物的圖片：很多道菜都很養生，看得我眼花撩亂。像是雞、花菇、竹笙、銀耳、山藥和蟲草，絕對是滋補養顏。我們決定選2碗麵、1道小食和2杯飲品。藥饍農場雞+竹笙銀耳養生湯 $68雞肉肉質鮮嫩，嚐得出來是燉了很久，部份雞肉已經融入到湯裏面。雞肉很補，根據網上資料，雞肉對營養不良、畏寒怕冷、乏力疲勞、貧血、虛弱等有很好的食療作用。而據說竹笙具有補腎壯陽、益胃清腸、潤肺化痰、養陰補虛等功效，因此常被用於各種藥膳及湯品。藥饍農場雞+蟲草花養生湯 $65網上說雞肉有溫中益氣、補虛填精、健脾胃、活血脈、強筋骨的功效。 蟲草花很彈牙，聽說是改善心腦血管疾病的「良藥」，具有壯陽補腎、增強體力和精力的效用，對於恢復頭腦清醒和提高大腦記憶力有良好作用。麻辣手撕雞 $68點了小辣，相信絕大部份人都能接受。酸

工作嘅關係，最近都係喺灣仔區一帶出沒兼搵食。六月嘅天氣熱到冇咩胃口食飯，好想飲湯，所以就去咗盈記食。今次都係叫雞竹笙銀耳個款，貪佢又肉又豐富植物纖維，均衡飲食吖嘛😉。記得之前食過佢哋嘅麻辣撈米線都好食，鍾意佢哋個辣醬，煮得勁香，有蝦米、魚乾嘅香架。🔸藥膳農場雞竹笙銀耳養生湯（$68）師傅比咗雞髀，雞味濃而且肉滑，好食。另外有好多銀耳，軟中帶爽，好有膠質，個湯底屬於清甜個種，飲得出好甜嘅雞湯、桂圓紅棗味。我揀咗米粉，口感清爽。🔸凍檸茶（+$3）

平時出去食太多濃味嘢，但係又想食米線。朋友介紹咗灣仔有一間專食養生農場雞藥膳米線嘅舖頭，就即刻走咗去試藥膳農場雞芫荽米線芫荽控必點！大大份芫荽配搭自家調配藥膳湯，藥膳湯又香又甜，藥材味都算重呢個配搭簡直係養生之選！藥膳農場雞山藥養生湯米線山藥又稱淮山，食落去清脆爽口同時對皮膚都好好，本身係藥膳湯底之後另外加咗麻辣汁，愛辣嘅人士一定要試！農場雞大大件嫩又滑！藥膳湯水餃水餃皮薄餡靚同埋要連埋藥膳湯嘅紅棗杞子一齊食😆益力多爆珠當食得好辣嘅時候飲番杯益力多爆珠解渴解辣

周末約朋友去灣仔海濱行下順便搭船去尖沙咀睇恐龍展，去之前入咗間養生藥膳餐廳🍜醫飽個肚先！呢度有藥膳雞湯同蕃茄湯，餐牌寫住藥膳雞湯用三黃雞加多種藥材熬製四個鐘😋識擇緊係擇藥膳雞湯！🔸藥膳農場雞竹笙銀耳養生湯米線雪耳多得有點誇，大方到呢😳 湯底飲到紅棗味，味道清甜，尤其竹笙索晒湯特別正👍🏻一碗米線有齊黑木耳、紅棗肉、杞子等滋補又補血嘅湯料，勁岩我！雞髀位肉嫰皮滑！🔸藥膳農場雞厚身花菇養生湯米線朋友呢碗一樣咁足料，有雞髀同大大舊日本花菇，炆到腍身，令到湯底飲落去除左有紅棗甜味之外，仲多左菇嘅鮮味！🔸藥膳雞腳雞腳質地肥厚，唔會一咬就甩皮甩骨，幾有嚼口！