影片
港铁九龙站 C1 出口, 港铁尖沙咀/尖东站 A1 出口, 港铁尖沙咀/尖东站 L5 出口, 港铁柯士甸站 F 出口
继续阅读
电话号码
37092288
营业时间
星期一至日
10:00 - 22:30
公众假期
10:00 - 22:30
公众假期前夕
10:00 - 22:30
以上资料只供参考，请与餐厅确认详情
食家推介
相关文章
首先我哋喺ig holiday smart见到呢度有饮茶放题，相入面环境又好食物又高质，于是就网上俾钱book位一去到环境同上有好大差距，同up dum 酒楼冇分别，天花又黄又发霉，一去到企咗好耐都冇人理，之后先问我哋有位未食物质素方面，所谓任食，原来虾饺烧卖每人最多两只，蒸笼又黑又发霉，所有烧味食物都系冻嘅，最后叫咗木瓜冻，又酸又苦，其他蒸嘅食物我觉得都还可以啦，算正常但系同一时间，隔离有枱客人反映有碟𩠌有酸味，职员即刻除低口罩试味，话冇酸味，重点佢系推紧垃圾车，卫生意识好有问题而价钱系每位128, 同平时饮茶都差唔多，都算平嘅😅😅
继续阅读
最近很多宣传攻势的大闸蟹放题。真心的，如果只为食大闸蟹而来，大多会后悔。首先早已说明大闸蟹是3-4两，所以一定不要期望太高。而蟹羔情况也没有保证，当晚只吃了4只，只有两只有少爆羔情况。而套餐食物，中规中矩啦，可以再食👍:桂花糕、炒饭ok👌: 鲍鱼、烧鹅、椒盐豆腐；失望👎: 花胶浸时蔬(没有花胶)、鲜蟹肉燕窝羹(没有燕窝)点心放题: 刚坐低想下单点心，男侍应(应该系稍高级的)便叫我们先食套餐先，有很多食物，怕我们吃不了…… 再过一会，找另一女侍应，成功下单。但只属一般酒楼水准，原先以为尖沙咀区，应该会稍高一线吧！但事实真的不似预期，味道真的非常一般。很多人说这里的服务态度很差，我认为还可以，部份女侍应其实不错的，只要不抱著"尖沙咀质素"去衡量，用一般街坊酒楼水准去看待😅，其实还算可以。只系下单，有时真的有点乱，经常有漏单。
继续阅读
首先，系新假期见到尖沙嘴100分钟大闸蟹放道，d广告相好正常，见连加一$438位，Cp值很不错，就去试一试。（利申，之前有去过鸿星$398两皇一后/ 沪江$608位/ 龙苑$498位/ 十里洋场$980两位...）即系$438都系近市价，我会期待今晚观食物是正常质素，都唔算过份。话哂系尖沙咀唔系路边㖞....然而，今晚真系吓死我，老实说，我系应该起身走人唔好夹硬食落去。因为实在太唔卫生啦。我一见到d蟹已经无哂胃口。大闸蟹👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼新假期话足両爆糕，生日有一只5-6両。咁第一轮上嘅蟹一次有四只，一只目测四両、其余三両。打算拆绳时见到条绳黑色....已经知出事、甩咗绳、只蟹一睇就知完全无冲过水、个壳呈黑色、有好多污垢。(omg....fyi大闸蟹中含有大量泥沙及水中的有害物质，如果没有清洗干净就食用的话，很容易对胃肠产生刺激，引起恶心、呕吐、腹痛、腹泻等肠胃不适现象。)好啦，咁坐底咗无计、就试一试啦，唉大开壳、明显4只有两只死咗、唔新鲜...到极点。未死嘅三両、乜味都无...我真系忍唔到，叫咗个女侍应1号黎问佢你哋d蟹又无洗成个壳都系泥咁样会食坏人，作为一间中菜厅....有冇过份d?女侍应1号：喔、你唔好食呢只咪得啰...之后我好嬲、佢叫咗坐楼面收钱𠮶个黎答我，结果？女侍应2号（超大声）：系咁㗎！我哋d蟹唔会洗就蒸、百几只㖞！点洗呀？！出面其他酒店餐厅都系咁㗎啦！人人都系咁㗎！我回佢我食过好多间真系未见过有餐厅见到d蟹系咁、我话我又唔系要求R著数，既然有顾客投诉，你系咪应该同厨房或公司反映、而唔系系度大声夹恶？女侍应2号：喔喔（傲气地行开）真心之后已经唔想再掂佢所有嘢食...一谂到佢哋d衞生就想🤮🤢埋单走时女侍应2号仲问我：靓女唔嗌d点心？🌚：你d蟹已经吓到我无哂胃口啦👩🏻：喔唔好意思内心：（🌚不如执咗佢啦）其他嘢食.....唉、九流之中的九流蟹肉燕窝羹👎🏼无蟹肉无燕窝，系一粒都无，得蛋白生扣8头南非鲍正常镇店脆皮烧鹅👎🏼又油又肥，块皮唔脆仲见到一条烧过嘅毛..黄金椒盐豆腐正常上汤花胶浸时蔬👎🏼冻嘅，手指尾size嘅花胶都见唔到。大厨炒饭无要度，已经想走啦桂花糕正常大家如果想冒住生命危险黎食就试吓la, $438位食垃圾：）
继续阅读
话说琴晚book咗8:00，7:53达，当时问阿姐系咪会直接上大闸蟹，阿姐答我系⋯过咗25分钟都冇大闸蟹上黎、就举手问下～～但店员都系选择性睇唔到你咁，到睇到时～阿姐即大大声讲‘’你唔出声，我点知你⋯‘’态度极差，叫咗3次阿姐闹足我哋3次，笫3次真系忍唔到，同阿姐理论，服务态度极差⋯个阿姐叫阿云，仲有就系啲大闸蟹其中有2个系坏嘅～～贵公司如不再注重员工质数，只会越来越差⋯⋯
继续阅读
秋风起，蟹脚痒，持螯赏菊，正是时候。终于等到秋风送爽嘅季节，代表住大闸蟹宴盛又要来临啦！我地早左成个月book盈翠轩嘅大闸蟹及点心任食宴，每位连加一杂费为$438，评价如下：食物水平：大闸蟹任食，每次食完一盘之后可以请侍应再上一盘，大闸蟹送到嚟时候都系新鲜热辣，每只都好多蟹膏，但系size就略嫌细只左少少(顺带一提，当月生日嘅朋友可以获赠一只4-5两重嘅大size大闸蟹，份量较普通大闸蟹大一半左右)。点心除左鲍鱼之外，其他都系任嗌，基本嘅点心好似烧卖、烧味、菜饺、凤爪、椒盐豆腐等等都有，任君选择。味道嚟讲不过不失，一般茶楼水平。环境：室内环境比较细，楼底亦都较矮，无一般大酒楼果种阔落嘅感觉，所以观感一般。服务：一般。尤其系啲侍应阿姐，我地每次食完一轮大闸蟹，想再添嘅时候，佢地好似一脸唔乐意咁，好似要求佢地咁先有下一轮，呢一点真系非常失败，打开门做生意，你写得任食嘅话就无论如何都要提供到相应嘅服务，点解好似为难你地咁样？系咪想啲客人个个食两只就收工，跟住又唔食点心，你地就满意？咁样嘅服务质素，系做生意嘅大忌，因为已经输左口碑。总结：整体嚟讲，性价比唔算高，食物质素只系大闸蟹叫做好食啲之外，其他都系一般般。如果有其他餐厅提供大闸蟹任食宴，可能拣另一间会比较好。
继续阅读