影片
食记 (56)
假期特别坐车去第一城饮茶，选左这间酒楼，记得这间都开了好多年，见只有8张台号就攞位试下，点知几张台号等左1小时，下午茶时段刚开始不久，入到有些点心食物都卖晒，最受欢迎的煲仔饭又话无，下茶无人等位，多张吉位，中伏了
继续阅读
帮衬佢哋买烧味外卖已经有好多年啦，原因好简单，方便。近年来，出品越嚟越差，更甚的是，收银同埋烧味部员工态度恶劣。买烧腩骨要求斩细件啲，斩完出嚟有啲成旧叉烧酥咁大……仲有，买$50叉烧都唔够10件，千祈唔好误会啲叉烧斩到好大旧，只不过系标准身形，薄嘅alarm啊。同佢哋投诉，佢哋话系咁㗎啦，觉得自己冇错。同收银𠮶个姐姐讲叫佢揾经理出嚟，佢话呢度冇经理，要就自己行入酒楼里面揾，佢自己从来都唔使揾经理嘅⋯⋯得㗎啦，以后唔使帮衬⋯⋯Finish
继续阅读
我早于两星期前订了今晚（18/9) 8时吃中秋晚饭，我们在7:50已到，向知客报到，她给了我一张编号P1的入座票，约八时我问她何时有枱，她不答我，到8时15分我再问她何时有枱，她回我：枱已给了P2入座票的客，佢话叫咗P1 六次冇人回应，所以给了P2入座，我回她：我们全家完全没有听见她有叫，而她仲话她有按灯箱报导P1入座，她跟本在讲大话，结果我们一家离开不再帮衬盈晖，盈晖聘请这个知客真系倒米。PS：我地怀疑佢俾咗张枱熟客，因为出门口时有一家人话，盈晖酒家时常都系咁样😡😡😡😡
继续阅读
Staycation 前未食野，我地系第一城落车，就谂住系呢度是旦揾食啦，见到唔使等位就2条友走去饮茶🫖。其实入座前真系无谂过正价、特价分别我地2:00入座，原来2:30入座系计下午茶，唔怪得我地唔使等位啦🙄蠢左唔紧要啦。2个人又唔食得多，叫左我最钟意嘅韮黄鲜虾🦐肠，蟹子🦀烧卖皇、蚝皇鸭脚🦆扎、香煎萝卜🥕糕、皇有现在茶楼少有的咖哩蒸土鱿🦑、同埋买少见少既香滑麻蓉包。实在值得提提的就系麻蓉包而家好少茶楼有lu，流沙包就好多都好出色，但麻蓉包我真系起码有十年无系酒楼遇上，盈晖既麻蓉包系流心既，同细个时食紧系唔同左啦，味道都唔同左，细个时食既馅系（鞋烚烚😂）而家既馅感觉似系花生酱馅🤔；另外咖哩蒸土鱿都系属于就黎失传既点心之一，淡淡的咖哩，加埋有2旧薯仔🥔，算唔错啦👌🏻上菜时间唔算耐，10分钟内已经到齐晒，我地大约都系坐左45分钟。临走时已见到有人龙在等候，因为已到下午茶时段了😂埋单$189，唔算贵啦6样野，环境都干净企理，食物中规中举。
继续阅读
听人讲，疫情下呢间酒楼喺晚市嘅情况真系惨不忍睹，今晚一于帮衬下。周六晚近七点到酒楼，见倒得七八枱客，加埋都唔够三十人，真系开唔开都死。我哋一行四人啱啱好坐一张枱，唔使分开坐。好耐之前试过饮早茶，叫极啲侍应都唔会有人应你。今次竟然一反常态，有个疑似系部长/经理喺我哋入坐无耐就企喺附近等我哋落单，真系生意难做。二至四人可叫一个特价𩠌，我哋就拣咗烧鸡(半只$48)。另外再叫咗黄金虾、红烧豆腐煲、海蜇拼熏蹄同蒜蓉炒白菜。整体嚟讲，啲𩠌菜味道唔差，份量都ok，员工态度比之前帮衬时好得多(早/晚间啲伙记唔同？)。如果继续保持倒呢个待客之道，都可以支持下嘅。
继续阅读