影片
好日唔到元朗，咁岩 6pm 行完山经过，揾间餐厅队啤消暑，随便医肚。点知......店面餐牌吸引，有泰菜又有中菜，贪心地立即入内试辣。因为行完山好热，队支冻啤是常识吧~ 见到有 Premium 生啤，即叫 !! 可惜店刚开，打泡要点时间，所以先叫泰象啤止咳，正常够冻。过了 20多分钟 Premium 生啤到了，大啖即试，够滑唔够冻，心情插底。唔太肚饿，叫d 少食，岩食既就晚饭直落。炸虾饼，一见就知系倒模出黎既制成品，收我餐厅价，食水都好深。再放入口，根本就系急冻货。猪颈肉，唔系炭烧唔紧要，都唔系咁柴皮呀 ?!! 同汤渣华有得挥。三条友，队左三支泰象啤，两大杯 Premium 生啤，一肚气即刻埋单转场。盛惠每人 $120 (顶) 中伏 !!只怪自己太口渴，太肚饿，最紧要系..... 太懒，无上网睇下食评就乱入。希望我呢篇野帮到大家啦 !!** 唯一可赞的是泰藉店员服务体贴，好有笑容。
继续阅读
我同我男朋友黎呢间嘢食左好多次，因为d料新鲜，鸡我次次食都足，唔会学d铺头，用头头尾尾，我最钟意系椰子鸡煲，老板娘一摆落黎已经椰香扑鼻，店员讲左step我哋知，不过一开始店员会叫你饮一啖够唔够味？够咪就煮鸡，每次食d鸡都好滑，汤我会饮好多，但系d汤都够打到尾，我男朋友最like就系墨鱼滑，因为好弹牙，我就钟意新鲜带子，坚好味，又平靓正，另外就系云吞，大粒又爽，另外饮品方面有象啤，我就最钟意饮椰青。 所以我同男朋友都一个月都去几次，因为细铺有份人情味。
继续阅读
散叫定套餐，为左唔使烦就套餐啦费是谂，$288鸡煲，加左$20转边炉。汤底拣左滋味鸡，话即系沙姜沙茶，听落好似好正咁，点知呢，姜粒好大粒，汤底好多渣鸡件好鞋口，得个鸡脾仔食得落肚。套餐有饺跟，叫左羊肉，入面都几juicy，但皮厚肉少，羊味都唔出。响铃唔新鲜，浸几秒个芯仲好硬，浸得耐又林晒。泰式扎肉反而唔错，有咬口，唔会太肥。猪颈肉（猪夏青）怪怪的，其实系个汤底破坏晒。。。老板同厨师仲走出黎问啲野好唔好食。。。都唔知点答，食完睇返OR食评就知咩事了。。。点解佢地仲可以问得出 😂
继续阅读
个老板娘咁敢赞自己d野食咁正咁好食就比佢sell入去食 叫左两个鸡煲set$288一个一个香叶 一个系麻辣两只味一样 个味冇分别 一样难食一人食左3-4旧鸡 其他系鸡脚同鸡颈 真系嬲唔知系唔系一只鸡整3-4煲叫左辣 都系唔辣 我地问老板做咩唔辣佢仲讲：你地唔好食咁多辣啦我即刻黑人问号仲叫左两个菜 马拉盏通菜 冇味大白菜 冇味之后炒金边粉 唔知咩味 酸酸叔叔 坏左咁！要老板娘针水 望住佢只手打死小强 唔洗手 帮得地针水 好污糟！野饮又要加$6 所以唔加！仲要收加一埋单640未食过咁难食既餐厅 差评！
继续阅读
星期五放工同D朋友一齐食火锅，于是就到这间餐厅吃火锅，因为这餐厅的汤底材料十足味道鲜甜，所以真系食过返寻味。本来望见这餐厅的门面，我真的从来没有想过会进入去吃火锅，但因朋友介绍便吃了第一次，店员热诚嘅服务，海鲜鲜甜，真的好合胃口。所以来了几次都选调不同的汤底试吓，大部份食物都可以，但响铃是有待改善的，盼望能越来越好，让我多一个吃饭的选择。鲜带子是我每次必吃之选
继续阅读