影片
之前喺大陆饮过皇茶d奶盖好好饮， 见到旺角都有谂住试下啦。虽然店面望落去都流流地有d山寨feel，好啦，我谂住挂得个牌子出黎应该冇事。保守d叫左个朱古力奶盖,好难会唔好饮系咪先。点知伏到喊，劲难饮。 个奶盖系甜到呕嘅椰浆啰。。。d朱古力明显系开粉沟水，冇味劲淡。饮左一半最后顶唔顺掉左。
继续阅读
呢边都有几间小食店，所以经常都塞满人架，不过讲到食鱼蛋，通常我帮衬番呢档，觉得佢地嘅麻辣口味啱食啲。其实本身皇茶系饮品店，但唔知几时开始卖埋麻辣烫、鱼蛋、牛丸等。（当然我都听国内朋友讲过呢间皇茶系老翻）鱼蛋、牛丸佢地嘅麻辣好接近喺国内食到果种味道架，真系有麻有辣，喺香港好多麻辣鱼蛋一系就麻到傻，一系就唔够辣，呢度嘅味道好适合。鱼蛋系普普通通，但都唔会霉，有少少弹牙。牛丸系几好食架，有牛味，而且几有嚼劲！桂花乌龙因为都听过几次呢度嘅饮品麻麻地，本来都冇打算点，点知见到买一送一，见价钱唔贵就买埋啦。拣左一杯桂花乌龙、另一杯桃香乌龙。首先都系见到佢地加粉加糖浆冲，都唔会太大期望，半价左后十蚊杯，只要唔难饮我都算。桂花味道偏弱，饮落完全唔会觉得甜。冰都比较多，所以饮到尾，同饮冰水冇乜分别。
继续阅读
之前经过一旺角，本来想食全消，突然俾我发现到有呢一间野。佢有麻辣腐皮，麻辣鱼蛋，不过呢啲都好似食开，所以最后叫咗个萝卜猪皮海带来试。 望落个买相好特别，闲落好香。都食𠮶阵时真系想好麻辣味，不过只系得麻辣嘅味道而无香味，味道只属一般。
继续阅读
翻大陆食过麻辣烫后一直念念不忘，香港揾唔到个种味道☹️经过金鱼街见到餐牌写住有豆腐串，价钱算平，个煲大大一盘辣椒同野食！即刻买黎试。牛丸10蚊4粒，爽口弹牙，辣味ok。豆腐串 8蚊一串，吸晒d汤嘅味，食个阵好似饮紧个汤咁😂😂萝卜香菇猪皮海带 10蚊1碗香菇软身，无乜口感萝卜大旧入味，无渣🤘🏻猪皮有惊喜，软林林又入味，好好食台面有小辣 中辣 大辣 麻辣粉比你加。。我厌佢个汤唔够辣，所以加中辣 麻辣粉。好食程度拍得住麻辣烫😚😚💕
继续阅读
因为平时有喺附近档串烧店买串烧食，今日经过先留意到旁边呢间皇茶有鱼蛋卖。事后睇过下其他评语，好似话系老翻皇茶，咁真、假我就唔识分，但确系见到佢地嘅灯牌menu只有简体字，手写嘅menu就系繁体。另外，因为对佢地嘅饮品冇乜兴趣，纯粹行过见佢地嘅鱼蛋好似几正，先买黎试下。手打鱼蛋王 $10/6粒鱼蛋当然系拣麻辣口味~先讲鱼蛋，食落就唔系话好弹牙，虽然都唔会梅梅烂烂，鱼味食唔到，但某啲会食到碎骨，注意。招牌麻辣汁睇食水以为好辣，但食落又唔系话真系好辣，亦都唔会流哂鼻水，主力以麻为主，当然可能迁就口味，呢种麻亦都入得口，算唔错。手打牛筋丸 $10/4粒反而觉得牛筋丸，几好食咬落有肉汁，而且几弹牙！
继续阅读