皇潮匯 (已結業)

因為朋友推介，話依家酒樓食物好坻，地方舒適，決定開車過區一試。酒樓所在既商場有大量車位停車，方便開車人仕。    到達酒樓，立刻就座，因為套餐比較有質量保証，所以點左一個三餸一湯餐，加一碗白飯。五分後食物全部到齊。    先講講湯（紅燒翅），味道清淡無味，用料只食到肉絲。      再黎翡翠炒班球，班球一夾散開，而且食落有腥味，明顯係唔新鮮既班球，不過（西勤）幾爽口    豉油王蝦，味道香口，可惜蝦殻黐肉，蝦肉霉散，又一唔新鮮既出品。   沙薑雞係最好食既一個，不過肉都係比較老最後$300唔多唔小埋單，有得免兩小時停車場，總括黎講，依餐飯d食物唔算好食，不過地方坐得舒服，招呼即叫即到，二人餐兩個人食唔晒，抵食。對食物無要求，依間都算可以。

退步了,好耐冇嚟,但係可能食了其它地方,再嚟番就覺得味道唔係好好,好一般呀,炒飯唔夠乾身又冇咩味道的,其它的點心都好普通囉,有蝦餃,燒賣,蓮蓉包,潮州粉果,蟹子餃,迷仔排骨飯.潮州粉果的皮太厚,入面既料又唔夠多及香, 冇咩味道咁. 燒賣都係幾多肥豬肉,麻麻地.  排骨飯都幾好味的.

係附近行完街街，飲個下午茶有D 出奇星期六竟然人流不是很多，唔洗等好大隻蝦呀仲有3隻咁多~個皮雖然有D 厚，不過都OK 既~好juicy 既餡外邊脆卜卜雖然有藥材但唔會好濃好苦有點乾奶黃味輕輕帶過而已不是太濃但就好鬆軟，不錯好辣好搶喉呢但就好好咬口，幾爽架侍應都好快手呢

2月12曰去了這裏飲，個場都好靚喎！！八点几九点入席，上菜都几快，乳猪好味，不過唔夠脆但就唔算肥！雀巢，賣相几吸引，味道一般，蝦—般唔係好爽囗，西芹都幾爽囗海鮮卷，都好味的，入面有些海鮮，几香口的小唐菜乾瑤柱髮菜，乾瑤柱好咸呀翅淡左d，北菇okay，魚唔夠滑，雞唔夠香脆！整体感覺係服務okay，食物質素好一般！！

近年飲宴相當頻密，若不是很好的朋友結婚，我有時會選擇不出席，或只是應酬性質而已。是晚係一個我都唔多清楚邊位的親戚結婚，闔府統請，老豆下了死命令要出席，那就去了。飲宴的菜色，來來去去個幾款，大同小異，基本上不用多看。衝頭的一定是鴻運脆皮乳豬全體，皮都是脆的，不過就凍晒，同埋太肥了，不帶點瘦的肉係唔會好食的。接著是金巢海中寶，雀巢內放進了蝦、珊瑚蚌、紅黃燈籠椒及西芹等材料，很大堆頭的，唔打得都睇得。可惜，蝦仁並不鮮爽，珊瑚蚌亦然，紅黃椒是爽，但卻不甜美，西芹有渣，總之沒什麼可取。又好奇怪，服務生沒有把「雀巢」分給大家，整個收回去，我相信是不會重用，不過就太浪費了吧。又到了玉環瑤柱圃，瑤柱和節瓜並不緊扣的，並不實在。瑤柱肯定是碎濕濕，又不香，節瓜質素亦未見理想；紅燒雞絲翅我就沒有吃了，不用去評；蠔皇翡翠鮮鮑片，於我而言，鮑片並沒什麼吸引，多吃幾條菜更好。輪到每次去飲我都最期待的蒸魚，那條東星斑，是拗東來的，即不會是紅色的那種。服務員用刀叉分魚時，也不其然說好韌呀。其實，一睇就知道是烚熟而不是蒸的，那當然，魚肉是嚡口又冇味的了。而所謂的脆皮燒雞，不單未能說是皮脆肉嫩，雞肉甚至是霉的，看見大家吃

假日同家人來飲茶，眼見其他酒樓都排哂人龍，唯獨這裡，無需等就有位。四處金碧輝煌小龍包…厚厚的外表，四處都有洞，內裡的汁無哂，肉餡好油，不好吃。珍珠雞…袖珍板，飯內餡料薄弱，好似營養不良。其餘點心都難以放入口，終於明白點解咁少人來吃。

今日同左女友去左呢間店飲茶,叫左幾樣野,有燒賣,xo炒蘿蔔糕,叉燒腸,鮮竹卷同賽旁餃,佢d野食係可以的,尤其係xo炒蘿蔔糕,必叫,其實我地仲叫左個炒墨魚滑,但我o係食曬所有點心次後見佢都未有,咪叫d小二跟下,佢地竟然冇落單,好啦唯有再落,佢竟然話賣曬...........佢d小二有d遊緊魂,佢地見有野收都唔會收,叫佢地好耐都未必應你,佢地都唔算太忙......

今天晚上是朋友于歸之喜，再次來到(皇潮匯)，走進內堂，酒樓以白色為主，配以金色點綴，再經過佈置，更感瑰麗豪華。今天晚上酒樓安排也非常好，全個婚宴過程也非常之成功！今天的食物，我感覺比父親晚餐及茶市好。餐單如下:鴻運脆皮乳豬全體，夠瘦，皮脆，好好味！金巢海中寶，有珊瑚蚌，帶子，蝦，西芹，其中蝦比較霉之外，味道都好。百花釀蟹拑，炸得很香，味道好，加上甜酸醬，很正！翡翠玉環瑤柱甫，節瓜很甜，不腍不硬，火侯恰當，瑤柱很靚好味，伴以小塘菜，賣相味道俱佳，滿分！紅絲雞絲大生翅，味道淡啲，獻汁杰了一點。蠔皇翡翠鮮鮑片，蠔汁，東菇，鮑片，生菜，整體做得很配很好味。清蒸大海星斑，火侯恰當，2斤多重一條魚，也算滑，亦有魚鮮味，很正！當紅脆皮燒雞，配以南乳汁，好味！幸福炒飯，飯比較濕，可能內有生菜關係，無乜特別，普通而已。雙喜金姑炆伊麵，味道OK，但麵頗淋。美點雙輝，心型甜糕，兔型棉花糖，設計賣相好。

多年以來在(荃灣廣場)多數是光顧(稻香)多一些,(稻香)經常也是人山海,可能是酒樓集團管理比較好關係吧,服務及食物質量都有保證.今天是父親節親友聚餐,我們選擇了隔壁之(皇潮匯)晚餐,大家都想試新嘢吧!此酒樓在荃灣剛開業不久,從外觀看盡是美麗而豪華,內堂裝飾部份像教堂,很特別,也有人會批評他的裝飾設計,但我感覺幾舒服,見仁見智啦!此酒樓乃皇上皇集團之其中一間分店,小時侯(皇上皇)是臘味出名,今天他是頗具規模的飲食集團.今晚我們點了套餐(金玉滿堂宴),整體餸菜都做得不甚出色,我覺得很多酒樓做套餐都有同一問題,用料質數較差,出色的廚師可做到瞞天過海,可做出美味的餸菜來,但食物新鮮始終是鮮味,卻不可說(咁嘅價錢,喺咁掛啦),以其要將貨就價,不如價錢貴一點,份量少些,質量高些,這樣才留得著食客.當晚服務員工作也很忙亂,可能是喜慶日子人多關係掛?我覺得(人多的日了)不等於是(忙亂的日子),這一定是上層的管理出現問題? 監管不足?人手不足嗎?服務員質數問題?培訓不足嗎?區內多間酒樓的沒落,多數是管理層出現問題!管理人應向著(沒有最好,只有更好)為目標,希望日後再次光顧時,會得到更好的改善,

我們當日約下午二點幾左右路經這間酒樓門口時,侍應部長靚女話下午茶大中小點一律$8,另外有幾款$6特價點心叫.於是我們一行人便坐近窗傍歎茶,酒樓環境優美,很清靜,佈置有些像教堂的玻璃窗,播放著悠閒的英文歌曲,西式的禮堂仿似走進了教堂我們叫了六個點心,一個甜品,一碟迷你福建炒飯點心有:蒜蓉蒸鮮魷/豆豉蒸大魚頭,ok啦 雞絲腸粉/小籠包/燒賣/鮮蝦白菜餃/楊枝金露好味道 以上是$8的精美點心,份量少些 迷你福建炒飯$28,好味道平日下午茶是下午二點起入座計,茶錢$4一位,有盒裝紙巾供應,價錢適中,侍應靚女不用叫也幫我們換骨碟,服務態度真好可能是平日的關係,不太多人,座位舒適.另外是碟子很特別,一面是上下都有凹位給予客人放筷子,可惜我們沒有相機下次一定會再來幫襯

今日端午節..同老公去呢間飲早茶...坐低睇住張點心紙...睇左好耐都唔知食咩好...無咩特點心...全部都係普通酒樓有0個d..但質素又唔係十分好...蝦腸: 皮好厚...好似食緊粉咁...蝦好細粒...唔爽口...鮮蝦菜苗餃: 4樣之中最好...夠熱..菜苗同蝦比例岩岩好...可以一試燒賣 / 百花釀豆腐: 普普通通...酒樓貨色應該唔會有下次...

見父親節都唔多人食,都心知不妙! 不過都估唔到會食到一肚氣!首先,碟碟"的色"唔再講,燒鵝又肥又唔好食,有2隻杯竟然有幾粒飯係裹面~~~不過都算啦,反正呢d情況響唔同酒家都見怪不怪,不過最激氣既係:我地7:15分落單,竟然上一碟,停25分鐘再上兩碟, 停30分鐘先再上兩碟!!!!!仲要有兩隻餸追左兩次都唔黎~~白飯order五碗,又係都要等!搞錯~~追問下竟然無落單!最搞笑既係:其中黎左一隻餸,我地問個侍應果隻餸係咪一品煲,佢竟然答唔出,再望一望我地張單,然後以唔肯定既語氣話:應該唔係你地既~", 跟住拎走左........我地等左0的餸好耐,終於頂唔順, 諗住叫侍應取消兩碟好似永遠都唔黎既餸, 點知埋單後有個傳菜又拎左碟之前個侍應話唔係屬於我地既餸,原來果個真係一品煲黎!!呢度既侍應點可以咁都搞錯??仲要既係:隔離檯,同埋再隔離檯既食客, 我見到成晚都係係度等餸黎, 個個都係嬲爆爆, 等餸等到發忟憎以後一定唔再黎幫襯!不過,黎呢度既唯一好處係........... 唔駛等位~~

三點鐘，同媽咪諗住去稻香飲個下午茶~ 搭𨋢上到去六樓有幾個皇潮匯既侍應派緊傳單，上面寫住下午茶燒味瀨粉每碗$13.8...媽咪見到呢間既裝修特別，又可以坐得舒服過稻香，所以就想試一試~ 其實…我話呢個集團D野唔掂，同埋裝修到成個教堂咁又格格不入…跟本皇中皇集團旗下d酒樓都係咁，一時教堂一時皇宮，都唔知想點~ 不過媽咪話想坐得舒服D，試下囉~坐底左就有個女部長黎搭訕，話下個星期一就開始會有特價點心…即係今日冇啦，都唔緊要，掙好少姐，好食就冇所謂啦~ 跟住我地點左四款點心，另外加一個脆皮燒鵝瀨~ 落單既時候個侍應先話瀨粉賣哂喎…改河粉或者米線，我地話河粉~ 轉個頭，又有一個部長埋黎，話得燒鵝米線先特價$18，如果河粉就要$38，建議我地食米線喎……咁又是但啦，我想食燒鵝姐~ 不過好好奇佢派個張傳單黎做乜呢？你賣哂又sell？轉個頭碗燒鵝米線就黎喇~ 唔熱 我媽咪最唔鍾意食D唔凍唔熱既野…好大碗湯，不過米線好少好碎，幸好燒鵝還算唔差，肥得唔過份又頗脆皮…但係始終唔熱，所以冇食D米線…特登點左D基本點心試下功夫，好彩夠熱~ 蜜汁叉燒包 - 包太實，唔鬆軟，餡料都做得唔好，一個包既叉燒好瘦又鞋，

一萬個猜不到, 我吃過那麼多味道好, 服務好, 的茶樓, 未有為它們寫個食評表揚一下.卻要用上我平生的"第一次"去批評這家中等價錢的..... 茶餐廳(實不為過!!!)."新" 而沒經驗, 是無可口非. 但"沒經驗", 卻永不能成為服務/態度惡劣的藉口.那種肋悶, 不得不令我食之餘, 也計計時.那隻洗茶具的碗, 盛了洗碗水, 點心來得七七八八, 約十五分鐘, 沒人收.用完的點心碟, 蒸籠, 為他們疊起, 跟洗碗水一併放在邊, 共約三十分鐘, 沒人收.要加水的茶壺, 開了蓋, 跟點心碟, 洗碗水, 蒸籠, 一起放在邊, 共約四十五分鐘, 也沒人理.可恥的是, 全場穿甚麼顏色的人員, 都走過了, 注視到"要收野"的不計其數.居然, 沒有一個付諸行動."麻煩你, 幫幫收收d碟同斟少少水." -- 這個請求, 令"它(在背後罵食客,絕不為過去!!!)"們變得更可恥.A君: "我唔幫得你地收架, 我只係負責賣(送)野食. 你搵第個啦"B君: "得啦!! 得啦!! 轉頭啦!!" (註: 這只是第一次請B君收碟)肋悶中, 八掛一下鄰座們的遭遇. 原來, 我們不是孤獨的. 還以為我們得罪了這班江

今日lunch同幾個同事去飲茶，本來係想去稻香的，但見到呢間野新開張，就入去試下啦！一入到去，第一個感覺就係個裝修好似怪怪地咁，中式裝橫襯教堂式的有圖畫的聖母像，而周圍的枱亦都梳梳落落咁，而地下亦有一塊塊黑色的污漬，亦都有好多舊我諗係人地抺完嘴跌響地的紙巾... 之後開茶洗杯碗時，發現隻杯仲有一D上一手食完野後洗唔甩的污漬（係我洗都洗唔甩，要叫佢換過隻杯）...都唔明白，點解新開張都會咁污糟，正常黎講，地下有垃圾都會執，有污漬都會抺啦！之後點左幾樣點心食，分別有：小籠包：味道冇乜特別，一般酒樓小籠包鹹菜胡椒豬肚：完全冇味，冇胡椒味，冇鹹酸菜味，而經我地計過，全碗共有6舊豬肚咁大把！春風得意腸：腸粉包住條春卷，味道ok的！蜜桃煙鴨胸：可以接受燒賣：完全見到一舊舊瘦肉響度，而且太鹹！蘿蔔絲蘇餅：熱辣辣，但內裡冇乜味道！全日最值得提的，係佢呢度D servise真係無得頂！由傳菜拎點心黎開始講！有一個傳菜拎左碟腸粉黎，佢話：唉，冇豉油，我轉頭拎比你！OK啦，我地等，等等下見到佢響廚房行出黎，仲拎住一大盤點心，點知佢行左一陣派晒點心後又返返入廚房！之後當我地想問待應拎時，又見到佢出黎，今次仲係