影片
招牌菜
午市点心.方便妹, 来了合和食.都系一般点心午餐.妈要饭, 冇饭唔"饱"...所以叫了一个义饭.点知一上, 义烧的鼓油系生抽, 咸到爆!完全冇蜜味.唔得呢...妹的杨枝甘露"琼"左!!!!其他点心都ok, 服务唔得, 人手唔够.唔会再黎.
继续阅读
之前同屋企人系新年前食过一次晚饭. 谂住佢话哂集团唔会差得去边.点知真系好差. 个日叫左半只鸡, 炒斑球, 一个小菜煲+白饭. 除左个煲之外样样都冻, 半只鸡好咸. 服务更差, 叫加水成日都无人理. 其他枱d人都发哂脾气. 结果埋单只俾几蚊贴士齐头就算.今次一大班屋企人食饭. 食物算好少少. 点知埋单时出事喇, 有个经理黎埋单之后走左, 之后有个侍应走埋黎问边个人埋单, 跟住同埋单个个亲戚讲问佢攞几十蚊贴士, 又话系公司规矩一定要俾. 我亲戚费事同佢嘈就俾左几十蚊cash佢. 其实我都唔知个个侍应有无自己袋左. 呢件事好离谱, 点会谂到有人兜口兜面问人攞几十蚊贴士, 而且个个侍应唔系负责埋单或serve我地,点解会由佢问. 如果系个经理开口都可以理解, 因为佢负责埋单ma.最后想问大家, 系咪真系有规矩一定要俾几十蚊贴士咁多? 我地已经俾左加一服务费啦,就算俾贴士都只系会十蚊八蚊. 讲真以佢地d服务黎讲十蚊贴士已经俾多佢.
继续阅读
未试过咁火!!1)一坐埋位,点心纸都冇,叫左几个侍应先拎到一张出黎!!2)等左九个字先有野食,我地写字楼放饭一个钟ja!3)最尾阵系黎左一半野食,结果我地叫埋单,点知埋单埋左十五分钟都冇人黎,4)出去同佢理论,佢地怒视番我地转头!仲话"咁部机有事,我地唔想嫁嘛"是日搞到我地返公司迟到,台台都嬲住走!!仲要再嗌外卖食!全香港真系谂唔到有边一间酒楼的态度可以差过佢,(((((麻烦openrice一定要帮我张贴呢张食评,我们发誓没有侮辱、挑衅、捏造事实诽谤他人或人身攻击之内容,我们所讲的全部都是事实!!)))))以免无辜的人客呆等,要知道写字楼地区,冇可能野食都黎唔到,除非大家有三个钟头放饭时间,同埋唔介意离谱咁差的服务态度,如果唔系千祈唔好帮衬!!(是日阵系食左$60,因为d野阵系黎左一半)湾仔区一公司仝人
继续阅读
前几天星期日,谂住本身想去皇上皇食,但上到去先至发觉原来已经冇左,只好选择这间酒楼食,大中小点一律同价都几好,不过要揾侍应时有时都会感觉好困难,态度又唔系太好......不过讲食方面,叫左珍珠鸡,烧卖,两碗粥,肠粉等等......味道几好味既......不过唔知那间店的侍应系咪唔优冇得做,佢地真系有几个做野真系实在太马虎啦......,这难怪很多人对这间店不太满意的地方就是这样吧
继续阅读
６／１２／２００７ 晚ａｎｎｕａｌ ｄｉｎｎｅｒ唔想写太多浪费自己时间１） 服务十分之差，叫待应做少少野推三推四２） 环境好唔得，唔适宜搅多于１０围的聚餐。３） 野食一样唔得～份量唔够～ｄ野又唔新鲜～好彩 食左串鱼旦先黎４） 价钱唔合理，平日都要成＄２６８０一围，但就 无咩野食～揾笨
继续阅读