皇庭花園酒家 (已結業)

等待已久的復業跟家人一起來喝茶剛剛來到裝修完的酒樓發現名字從皇庭變成皇朝 裝修 樓面人馬也跟以前不一樣入座後看到餐牌 價錢上漲了多於1/3有新點心 可能是試業階段吧 人手不夠午市放出來的XO獎顯得尤其突兀。菜品總體來說不錯可是有下面問題：1)紅棗糕太軟 沒有回彈的感覺2）火鴨絲燜米太鹹 吃了幾口已經吃不了了3）量太少了 一邊吃一邊聽到不少老客戶說問題是出於1）價格高 來的都是周邊熟客打工仔 價格在這區顯得離地2）Xo醬強制放在午市3）以前大大碗飯40+ 現在細細碗都要50🥲

去元朗拜年🎉，先車 🚙去流浮山⛰️打個圈｡｡。哝😄原來主街隔鄰都有條街，裡面有幾間酒樓，朋友話選呢間，非常好，停車場好濶大，泊到個靓位, 掂哂👏😗無錯，大年初四🎉緊係要等位，不過傾傾講講，又好似好快坐低｡ 水滚茶靚，☕☕侍應也笑容滿面，服務讚👍😄叫了好意頭點心🦪🥘：發財好市燒賣 及 橫財就手 ： 大大粒燒賣🧆 餡料夠新鮮, 熱騰騰的端出來，感覺非常捧👍豬手✊炆得好入味, 好夠南乳味, 而且重點是肉炆得夠, 但啲肉又唔會散開曬鮑魚雞球🐣大包 😘好傳統的美食，不是經常有，也不是每間酒楼會做，3、5知己每人分d，真係好高興，而且那粒矜貴的鮑魚, 竟被我一插即中，哈哈，中了頭獎🎉 開始運來了，祈求不要停啊🙏😸米網得意腸，黑椒豬大腸🌯🌯2個都係腸，2個都相當好味道，前者夠脆又夠滑，後者肥厚身型夠搶鏡，又夠黑椒味，正💯

吃貨朋友推薦，專誠揸車過嚟一試，服務員態度貼心，雖然價錢貴咗啲，但係食物質素比想像中超水準，值得一試，下次會再帶朋友過嚟煎糯米雞，幾特別，糯米飯香脆，雞蛋亦都香脆

前天和朋友到流浮山皇庭海鮮酒家飲茶， 一行十人浩浩蕩蕩去到酒家， 因為限聚令所以十个人要分開三枱坐！因為朋友是常客， 對食物瞭如指掌 ，所以推介了美味的流心芝士墨魚丸， 梅菜扣肉飯 ，大大粒嘅蝦餃， 仲有一碟菜心和流沙 奶黃包。流心墨魚丸超彈牙 ，中間的流心芝士煙煙韌韌好好味 ！梅菜扣肉飯大大碟， 有五六塊扣肉， 味道很好 ！但太瘦了！ 菜心超林甜 ！正！ 總體來說味道very good！ 值得一去再去😋😋

都係嗰句，行到邊食到邊！今日去到冇雷公咁遠嘅流浮山，就係呢間個名好優雅嘅 「皇庭花園酒家」 食晚飯。得嗰三個人唔會叫好多嘢食，叫個煲仔 叫兩碗飯，炒個菜已經足夠。白飯同炒菜，太過普通，我都唔願意寫呢介紹，因為冇咁樣嘅需要。而家介紹呢一個「野菌京蔥豬頸肉煲」， 呢煲嘢，熱辣辣聞落好香，睇上嚟到好靚，但其實係好睇唔好食。野菌係乜嘢呢，就係幾片冬菇咁大把，豬頸肉都叫做砌得厚，不過食落去好嚡好硬，個醬汁咸到冇朋友，我覺得可能係廚師重複放咗鹽都唔出奇。 唔好食。

作為香港人，竟然係第一次去流浮山，知道流浮山出名食海鮮，但今日下午來到，未有海鮮食，於是去左飲下午茶，酒樓有點古色古香既感覺，有點似返左鄉下咁，飲完茶仲去左大街到行左一陣，感覺有點似鯉魚門。鳳爪排骨飯好有舊式茶樓既蒸飯味道，鳳爪同排骨都好食。點心小拼盤 拼盤有5款點心，燒賣、蝦餃、菜苗餃、粉果、仲有一粒係用蝦餃皮包住燒賣咁既，幾特別，第一次食。化皮乳豬塊皮超脆，果然係化皮。即燒乳鴿乳鴿都幾大隻，上檯時熱辣辣，真係即燒的。懷舊魚翅餃依家既酒樓已經冇左魚翅餃啦，見到呢度有，一定要食呀。牛柏葉爽口

好多豐富的海鮮🦞，全部都係新鮮嘅，可稱為「海鮮餐」😂。而且停車場也擴建咗！👍🏻左右兩邊都多咗好車位。不過，呢度有幾隻野狗，佢哋好惡，成日都向人狂吠😰。如果你見到佢哋，千奇咪行過去呀！🚫

今日同屋企人去飲茶, 想去D未去過既茶樓, 有人提議去流浮山, 未去過, 試一試. 地方好大, 車位任你泊, 仲唔使停車費添, 超正!酒樓有懷舊feel, 好有特色, 裡面好寬敞. 咁隔涉, 都有D似返左大陸咁.唔知點解呢D咁有特色既地方, 個人都開心D.鳳爪排骨飯好味鳳爪排骨都好入味, 飯都吸收左排骨滲出黎既味!點心小拼盆 (5件)雖然每款得一粒, 但係好好味, 如果人多其實可以叫多籠, 有5款唔同既點心化皮乳豬乳豬皮超脆, 肉質就正正常常即燒乳鴿好味! 好多時乳鴿會有少少怪味, 講唔出係咩怪味, 但係呢度無.懷舊魚翅餃真懷舊, 呢款魚翅餃係香港就黎絕跡, 好難再有得食, 呢度居然仲有.

今日約咗幾個朋友去流浮山行吓，順便黎呢間茶樓飲茶，因為佢仲有大包食，而家好少酒樓有得食，上枱果時個包真係好大，成隻碟咁大，入面有d雞肉，似雞包仔嘅味道，仲有一樣好特式嘅點心就係煎糯米雞，我以為係成隻糯米雞落鑊煎，原來係糯米雞上面有隻煎蛋，都幾特別，d糯米雞都唔差，都好煙韌，其他點心都同一般酒樓差唔多，如果去開流浮山可以一試

朋友介紹流浮山有間酒樓幾好食，最重要係有得泊車😎 最合適係揸車人士，因為要搵位泊車真係好麻煩😂 果然有好多位泊，正!見到點心紙已經俾個鮑魚雞球大包吸引住，究竟有無鮑魚？係鮑魚粒定鮑魚汁？個飽其實好大個，熱辣辣軟綿綿😋原來真係有原隻鮑魚😱 仲有粒鵪鶉蛋😍大大個飽入面好足料😎蟹子燒賣皇一籠4粒大大粒😊上湯鮮竹卷鮮竹卷餡料十足北菇棉花雞棉花雞大大份蜜汁叉燒包由於叉燒包又係大大個，所以得兩個其實食完個鮑魚雞球大包都已經飽咗一半😄 點心味精比較重，食完有點口渴😅其他點心都ok嘅，不過個鮑魚雞球大包真係要試下😋😋😋

食海鮮就食得多，入流浮山食就第一次，先唔講食，呢度有個私家大車場，當其他人仲排緊隊去泊車嘅時候。我已經泊好可以入去食嘢魚蝦蟹賴尿蝦鮑魚乳豬，全部都食勻晒，我覺得最好食就係賴尿蝦，大隻得來有膏，跟住就係薑蔥炒糕蟹，平時就最鍾意食個蟹蓋，但呢度啲蟹膏炒晒出嚟，就咁用筷子夾都夾到，個個都有得食，唔使爭。陳皮蒸鮑魚其實唔算好特別，雖然大大隻，不過個味道就淡左啲。乳豬其實都幾好食，如果想食其實係要訂嘅，佢唔係平時去飲嗰啲乳豬，切到細細舊又冇乜肉，佢呢度一隻豬其實都係得10零狗肉，真正嘅皮脆肉軟。因為團年飯嘅關係，其實係加咗價嘅，八個人食，要四千幾蚊，話平唔平，話貴唔貴，見仁見智啦

朋友邀請關係，到流浮山一試。11點酒樓開門，已經多人。幸好有朋友早到，攞到位，如果唔係有排等。今次係朋友有車，車我地去，如果自己去，都有巴士到。雞球大飽，入面鮑魚都唔細，雞肉大大嚿，一個夠4個人分。魚翅餃，皮薄，肉和香茜多，不過就唔多覺有魚翅。鵪鶉蛋燒賣，好食，皮一樣都唔厚。牛柏葉就一般，比較韌，但分量比其他酒樓多。腸粉等左一段時間先到，皮好過明x。米網得意腸，出面滑，入面脆口。叉燒要差唔多12點先有，肉質爽口，半肥瘦。見幾好食都外賣左回家食，但外賣就唔好食，肉好嚡。都係堂食暖暖地好食些。最想食既蝦餃冇黎到，唯有下次試。可能人多關係，點心上得比較慢。

今日有朋友邀請去到流浮山食海鮮，結果去了這間海鮮酒家。這酒樓的冰鎮鮑魚好好食，我哋仲叫咗兩隻奄仔蟹，好多膏。仲有班球好新鮮，仲有美味嘅燒鵝。飯後仲叫咗一個桂花糕甜品，一向唔食甜品嘅我試咗一啖都即刻再食第二件，因為它甜度不高。

見到零負評，打算試下，店面算幾新淨，一問價已經嚇一嚇，但已經坐低左唯有叫幾個海鮮，花甲、聖子又瘦又多泥，煮得不好，無鮮味成口沙，奄仔蟹算幾好。店員服務尚可，不會再來！

一年容易又中秋，當然要相約家人食飯聚會的日子，怕多人無位，一早訂定台了！凡有喜慶節日，我們便到這裡，我們早已經當正這裡是飯堂！今次預先訂了海鮮，一坐下來，服務員很快便上菜，今次我們大飽口福了！今次食豪d, 店主介紹，秋風起，呢個時候，當然食蟹最好，好難得才有這肥大肉厚，多蟹糕，又咁靚既奄仔蟹，香氣撲鼻，離遠見到已經口水流，平時我很小食蟹，但今次都要破例一次，讚不絕口！而其他餸也很好味，讚招牌甜品: 椰汁桂花糕 +紅豆沙豉油王蝦碌，夠晒入味，很鮮甜