皇庭匯 (已結業)

如果吾系青衣城冇開 絕對吾會考慮依間野。首先，等位勁亂，系出面等左半個鐘，佢叫得一張飛。因為d公公婆婆會自己行入去搵位搭枱。第二，我地入到去已經兩點幾，完全吾知道有下午茶點心紙，落完正價紙之後吾夠5分鐘，有公公婆婆黎搭枱先知2點開始系有下午茶既存在。咁即刻搵番落單果個姐姐同佢講番取消啦，點知牙姐好好笑 佢話落左單冇得取消，仲話我落單果陣未夠鐘緊系冇下午茶紙啦。真系粗口都講埋。果陣系2點22分，佢下午茶2點開始，岩落完單都冇5分鐘同我講我未夠鐘。於是我直接去搵入緊單既另一個姐姐，佢講埋同一番說話，話我未夠鐘緊系冇紙啦。但系佢都開左比我睇 我張枱系未入單，咁我都算數 我同佢講我話一陣正價張單吾好入。過左10分鐘，無啦啦上左正價單既野，我同佢講拎番入去啦 我頭先同佢地講左要取消。之後佢搵左個黑色衫既4眼佬黎同我嘈。真系勁嬲，佢問我點解取消，我話：「您頭先落單同事收我張單都冇同我講有下午茶啦」佢仲話 ：「您吾講您要下午茶紙點知您要牙？ 」我即刻話 ：「點知您有下午茶牙？ 」真系short short地 我即刻同佢講 我話 ：「咁得啦 同我取消曬d野 我淨系比茶錢。 」佢話 ：「吾得咼 您叫左依d都要比錢。」我就緊系吾肯啦 我話 ：「我冇食過您d野比咩錢牙 我淨系會比茶錢姐。」佢仲好搞笑咁開左通話紀錄擺系塊面到兇我話要報警 嚇鬼咩？於是佢地個經理出左黎叫佢走，條友仲要扮曬野咁話 ：「冇事啦禁錯。」真系低能到冇人有 。經理出到黎同我地表示 話落左單做好左既野就冇得取消啦 未做可以幫我地取消左佢。其實問心 條氣都好吾順，因為一開始您地未入單我已經同您講左要取消，而且系您地同事冇擺低點心紙 系明知已經下午茶緊都吾比紙您。不過見經理態度有軟化，成件事就算，但系永遠吾會再幫襯。…查看更多

青衣係久不久就會到既地方。探朋友或工作都久不久來青衣。但青衣邨無咩食店能聚一聚。唯獨一間酒樓，皇庭滙。只可以講呢間係唔驚無生意既酒樓。門口唔會有人帶位，你行到入去搵到位就係你架啦~~~~但有時仲會同你講呢張枱唔開，叫你去搵過第二張。佢地任何一個職員都唔會幫你架~ 分區十分清楚，唔係嗰區既係唔會幫你架。食物方面，點腸粉，牛肉球問豉油，喼汁可唔可以分開上，會即時黑住面做俾你，仲送你一句麻煩。有優惠套餐，點套餐會比較抵。總結，呢度係服務係無既，食物普通。…查看更多

星期日家庭日，近近地揀呢間酒樓，唔係等太耐，叫左點心，其中一碟山竹牛肉，來到時唔熱，夾半個食，有啲怪味，叫待應換，態度好似要佢做好多野咁，等了超過30分，原先個碟返番來，我話有怪味喎，你比返原碟我，駛咩叫你換，決定要求經理取銷，對呢間屋村酒樓極失望。不用再幫襯。…查看更多

今日放假又早起，都有一段時間冇飲茶啦，就到附近皇庭匯飲杯茶，食個包！八點半黎到，房已經坐滿人，行去隔離大廳都差唔多滿座，基本上係入到去見到有位就可以自由搭枱！咁岩有人埋單走，就坐低左啦，侍應姐姐見我地兩個人，叫左個伯伯過黎搭枱，仲同佢講可以坐耐啲！九點前有孖寶套餐，平平地叫左幾個點心！開左茶之後真係慢慢嘆茶，等十分鐘左右黎左個粟米花姿餅：入口好脆，原粒粟米，有少少蝦味，但個人認為面粉比例較多，但同伴就覺得ok，佢好快就食完兩塊之後上既蝦腸粉分開四小段，每段都有一粒鮮蝦，但入口果下係暖既就有少少扣分；腸粉比較厚身，蝦都係彈牙既，配埋豉油，啖啖滿足呢個點心拼盤唔太吸引，早知叫之前問問侍應有咩點心先啦不過公平地說，其實味道還好，只不過唔係自己最想食既點心牛肉球，正常味道，有新鮮香芹，好fresh鳯爪排骨飯，我負責食鳳爪，非常入味整體黎講，呢間酒樓都係做街坊生意，我地坐左個半鐘（主要係我地食得慢，啲野食又上得慢）食左五樣野都只係$95蚊而黎食野既九成五都係老人家，我對面枱坐左三張單既人，佢地都係爸爸媽媽同爺爺級既人，談笑風生，都幾開心既！…查看更多

收到你哋嘅信箱宣傳單張，因為唔清楚優惠細節，所以喺6月21日下午5時左右打電話嚟問問。查詢不到一分鐘，接電話位女士已經冇耐性，佢嘅答覆不但冇解答到問題，解答亦都唔符合單張嘅內容，態度同聲線都差，令人覺得佢好鄙視人哋食特價餸咁... 所以就算優惠吸引，都令人非常唔想嚟光顧，希望你哋可以改善下接線生嘅培訓同服務態度 (我哋之前嚟過飲茶啲侍應都好friendly有禮貌, 冇諗過接電話嘅職員態度咁唔一樣...）…查看更多

早食晚餐，首次叫了片皮鴨二食, 片皮和鴨肉生菜包，成枱都係野只係$68，片皮鴨的面皮是大塊的，很容易包，小朋友都食唔停。炒鴨肉材料有冬菇西芹馬蹄鴨肉，好足料，最欣賞是生菜是一個碗型，應該是一片片拆開再剪的手工碗, 估唔到咁有心思。梅子豬手煲一貫好味，有話梅蜜桃同炸薯仔，炸薯仔真係好香甜。食物好多食唔哂，都係$兩百頭.今日晚場算有D客仔，侍應們多次加水，都算有服務,晚餐算抵食，同埋茶好飲，加咗好多次水。…查看更多

平時好少入青衣 今次因爲要探親戚所以入青衣一次 今晚因爲有老人家行動唔方便 就決定揀一間就近嘅酒家 我地一行7人 walk in唔洗等位 睇過餐牌後 決定散叫小菜 我地就叫咗8個小菜 7個人$1080蚊就可以埋單 而且係飽肚 食得都叫豐富1. 波士頓龍蝦 好驚喜 其中一個原因決定散叫小菜係因為當晚酒家做緊優惠: 龍蝦優惠價: $58 一隻 可以揀上湯煮或芝士焗 我本人好中意食中式煮法嘅龍蝦 因為熟透了的龍蝦肉加上上湯 十分入味 加上龍蝦嘅鮮味 簡直是人間天堂但要注意的是:每两個人先可以叫一隻龍蝦 (所以我哋七人行只可以叫3隻)加伊麵底要加$28 (好好嘅係可以揀加一份或两份等等嘅份量)所以圖下是為$230($58x3 + $28x2)真係好物超所值接下來係海龍躉两味 ($208)魚很鮮甜 份量都適當 加上两種煮法很啱老人家口味 又易咬接下來係套餐優惠因為婆婆中意食鴨 所以諗都冇諗就叫咗燒鴨平隻+大連鮑魚6隻 (共$168)鴨都做得好好味 份量好多 肉汁好味最後都係食剩了半份鮑魚得6隻所以我冇食到 得個睇字但人人都話好味 寶寶就膠興了魚翅海皇冬瓜盅都係當日酒家做嘅優惠$88夠清熱 而且一份已經夠7個人分豉汁帶子蒸豆腐 $88例牌小菜 老人家喜歡食豆腐加上粒帶子 更令人討好拍蒜炒菜心 ($68)本人係食肉獸 所以評語就係 好大份！可惜嘅係冇得送糖水 所以最後叫咗5碗$10碗嘅紅豆沙但都ok大碗 再加一服務費 平均每人$154/位對於我哋呢啲有老人家 又唔想等位嘅7人團 皇廷匯實在係一個唔錯嘅選擇食得出色 坐得舒適 又唔洗點行 所以我哋個個都好滿意…查看更多

一行12人去到酒樓飲下午茶，唔需要等位，因為入面唔滿，原因係無店員做野，樓面既人唔收野，放到成台都係，送點心既又話佢唔執，放到個轉台都無位都唔會理你，總之放低就算，最好笑，有位呀姐送點心，問張卡係邊，佢話有野係上面點吸印，仲同啲客嘈，你攞開我咪可以快啲吸到印，真好笑，你地酒樓分工得咁仔細，呢個唔做呢樣，個個又話唔係佢地負責，係唔夠人就唔好開鋪啦！咁樣對啲客，都幾難有人會想再幫襯你地囉，野食又唔係特別好食，又唔係特別平，唔值得我比咁既錢去食佢！…查看更多

特別係呢一個菜肉餃 難食到dum一聲 仲有個叉燒腸 有隔溲水味 俾豬都唔l食自己同類 難食過屎 叉燒包 肥豬肉佔90% 可能係廚師唔likey我 再到雞扎 油浸滿成個碟 失敗中既失敗 有人請我都唔黎 揀直係倒錢落海…查看更多

今日自己放自己一日假，就落街嘆茶，一個人食乜好呢！叫D甜甜感覺冇咁孤單😝！呢碟蜜椒雞奕，雞奕唔夠大隻，不過甜甜地帶蜜糖味幾開胃，有幾啖仲食到辣，即時要飲啖水沖一沖千層馬拉糕，口感香軟！有濃濃的蛋味！好吃…查看更多

今日同外母慶祝母親節，簡簡單單飲餐茶，近近地去附近酒樓，今日收起曬啲特價項目，當然要響呢D節日賺錢啦！我地叫咗四種食物！1.干炒牛河，真係好乾，味道偏淡2. 南乳豬手，又太咸，但勝在筋位爽囗！3. 叉燒飯，中規中矩，但叉燒似來貨多於即燒4. 珍珠雞，最好係呢碟，調味剛好！餡料亦豐富但酒樓人手不足，所以似乎員工也很忙碌…查看更多

位於青衣邨巴士總站的一間酒樓，說是好低食也很好食，但就只有兩三個待應走全場，等位要等候丶上茶要等候、擺食具要等候丶落order亦要等候，出名要等候，而且出名面口差，雖然點心好食，尤其蝦腸，但其實服務真係麻麻。其實佢D點心在下午茶時段幾低，而且味道keep到有水準，我地叫咗迷你點心拼盤、菜苗餃拼潮州粉果丶山竹牛肉丶炸雲吞丶香煎鴛鴦糕、鳳爪排骨飯丶燒鴨麵同埋油雞米粉，當然打孖嚟個蝦腸添，各様㸃心蒸得適中，份量👌味道不會過鹹，也不算太油，個飯蒸到一粒一粒米咁，如果D 侍應態度好啲咁就Perfect啦…查看更多

抵食下午茶$7.8點心拼盤，好抵。有粉果、菜苗餃、菜肉包、薑汁糕，只係$7.8. 不過街坊店冇乜人做事，入門口冇招呼的，自己搵位，坐在自己選對住電視，未執枱，但今日好彩，好快都執咗。仍然覺得呢度D茶好好飲，冲好多次都好香唔會好快變白水。食物都算快到了，落單十分鐘內到，而且幾好食同份量正常，歎茶坐成日的首選。另外，蝦腸都係$11.9，精緻長碟上。煎糕大大件。薑汁糕夠辣味。咁啱搭枱的人，阿姐搭訕日日都來咁好，即係證明應該都好質素。兩公婆放假食個下午茶，叫咗6個點心，一碗粉,兩個糖水，$126, 真係要多謝老公。…查看更多

員工態度差，睇到扮睇唔到，唔洗止意舒舒服服飲個茶，客人要大聲叫同舉定幾次手都未必有人肯理你，普洱茶沖出來水仙咁既色，淡到唔係路、鹹水角係凍既，包同炒飯送你兩隻曱甴腳，唯一一樣值得高興既位係佢漏單…查看更多

一去到 門口， 門口人員已經好惡， 我話三位， 佢用 好老嘅語氣 ，等等啦！ 入到去開茶，講咗三位， 又話你講四位跟住黑面， 個個都好似父仇未報咁， 投入咗殯儀館， 究竟發生乜嘢事呀， Ｄ碗碟又邋遢， 全部立黐黐， 去飲茶受氣 冇服務，…查看更多