影片
今日要试既系皇室盛宴，事缘前个星期黎呢幢大厦食lunch发现到呢间隐世地方，位置系皇后大道中118号3楼。头盘有几道菜，分别有招牌菜煎西瓜拉龙虾肉黑鱼子酱多士 (两粒西瓜好特别，依照食法两粒西瓜会有唔同层次，食埋旧多士更加滋味)、香芒龙虾沙律 (卖相很美，黄色好夺目，芒果同沙律菜mix埋食甜甜酸酸几开胃)、龙虾肉威士忌蒸蛋 (很创新既组合，竟然谂到用威士忌黎蒸蛋，认真唔简单。蒸蛋卖相精致，开壳功力唔简单，威士忌味经蒸过后冇咁浓，但仍然会食到威士忌阵味)、黑松露龙虾汤 (鲜甜好饮，散发阵阵松露香)、雪葩 (柠檬味，清清个口准备主菜)、龙虾意大利饭 (risotto比想像中好食，饭口感似正宗意大利饭，咀嚼中既risotto会有阵腐乳香，阵香味会令你食欲增加。呢个配搭好完美，好钟意呢个risotto)、朱古力布朗尼伴雪糕 (脆身且味道不错，雪糕系抹茶)。
继续阅读
我先生40岁生日，话想揾间餐厅可以静静地咁食餐饭，于是就系openrice search 中环既法国菜，见到呢间叫Royal Feast 既私房菜评语几好，食物卖相似高级料理，所以决定试试。黎之前沟通过拣左个有7道菜既menu (Royal Deluxe)，当中有一道带子刺身，但我先生唔食生野就叫餐厅转左第2道菜。 头盘系煎西瓜拼烟熏海鲜，摆盘原来有原因，由左至右食既话中间两粒西瓜系会带出唔同味道，可见心思之余味觉上融合得很好。 好喜欢鹅肝沙律既沙律菜，自家制黑醋好味，而鹅肝配蓝莓酱令两者味道结合，又甜又酸又咸中又能取得平衡，令呢道菜更加出色。 食完沙律到带子刺身配白松露酱，而先生个份就转左做XO 酱扒带子。其实我本身对白松露酱既感觉麻麻，但食完呢几块带子之后又觉得好好食，XO酱带子则系另一种唔同既味道，比较香口之余味道比较浓。 黑松露野菌汤好出色，入口细腻好重奶味，每啖都充满菇肉口感十足。 食完雪芭之后就系main course，我地一样都order 左安格斯肉眼，两份肉眼都煎得恰到好处，肉质软淋，好食。 最后到甜品，试左新出既甜品朱古力火锅，用上godiva朱古力做底，滑滑既朱古力火锅配生果，头几粒生果食落好食，但之后就食唔落因为我地都好饱。 整体黎讲系非常满足既一餐，每道菜既味道同卖相相对地有水准，有机会一定会再黎食。
继续阅读
第一次光顾，入到去感觉好舒适，装潢优雅以白色做主调，有张浅绿色梳化摆左系窗个边，整个感觉似系屋企食饭多过出左去餐厅食，仲有个outdoor出去比人坐下倾计。 招牌deluxe套餐有7道菜，食既野同系Openrice睇既差唔多，味道同卖相兼备，其中份煎西瓜好别致好吸引到我，面头铺满杏仁碎，连同西瓜上既洋葱同姜葱一齐食口感会好丰富，值得一试。其次就系份带子刺身，白松露味浓郁的确带出左带子鲜味，难怪大部分黎过既人都试呢份带子。其他菜式就不过不失，有中上级别既水准，亦食得出厨师对于每道菜既坚持同心思。 服务好好，Serve我地个位男仔好有礼貌，好nice，每道菜出完之后都会讲一讲其食法或卖点。
继续阅读
哩间前前后后已经食过两次，第一次系上年年尾公司圣诞包场，第二次就系朋友生日食饭，今年男朋友生日再食，因为已经食过两次既关系，就问餐厅会唔会其他新菜式可以试下，同以往一样黎之前已经睇左会食咩，为左保持神秘冇话比男朋友知！今次有新野试，三瓜水立方 (西瓜，牛油番瓜，蜜瓜)，非常有心思同创意既头盘，卖相好靓 摆碟亦好精致，粒粒瓜都经过轻煎，牛油番瓜比较硬身，蜜瓜同西瓜就分别有烧烧地既味道。另一道新菜就系黑松露龙虾汤，之前黎两次都系黑松露野菌汤，今日个龙虾汤又唔错㖞，味道够浓之余带点松露香味。老板认得我，最后请我地饮左passionfruit tea，好香，由于是花茶关系，味道唔系太浓，但都多谢老板！
继续阅读
以往既母亲节都系去酒楼食饭，见食左咁多都闷，打算今年试下新野去食私房菜。经朋友介绍下得悉皇室盛宴呢间私房菜，原来都几多报导讲过佢既菜式，当中最想试既就系份煎西瓜。妈咪听到之后都觉得可以一试，于是就打去订位订8点4位。地点系中环中心对面，泊左架车系中环中心行过去唔驶一分钟。一坐低真系有点意想不到，餐厅预备左枝红玫瑰花送比每位妈妈，呢份惊喜令到妈妈好开心！对有咩食个阵又会同妈妈讲多次母亲节快乐，个一刻我觉得似去左人地屋企食饭多过去间餐厅，完完全全感受个份与别不同既服务，系抵比tips！野食方面就非常okay，当然食左最想试既煎西瓜，卖相精致好吸引，味道好特别，甜甜地又带点辣辣地，可能因为加左洋葱既关系。第2样我觉得一定要介绍比大家既就系份白松露带子刺身，真系好好食，带子好甜入口即溶个下感觉好满足，如果订位黎食饭一定要order定呢道野食！第3样值得讲下就系个野菌汤，未入口已经闻列大阵松露香味，入口感觉丰富饮得出真材实料，绝对冇任何hard sell成份！最后一点要讲既就系餐厅系每台上甜品个时都会熄小小灯，播住beyond首”真的爱你”，见到妈妈听到”无法可修饰的一对手”真系有D眼湿湿，个一刻真系有点感动，影相个阵会帮你打一打灯好专业，会搞搞气氛引你地笑，好体贴。最后4位埋单$2400，爸爸就比左$2600唔驶找，我地都认同比呢个tips因为真系好好服务，感受到份温暖之余仲食得好开心。
继续阅读