皇室甜品 (城南道)

营业中

休息中

叫咗朱古力綿綿冰, 上碟時候已經溶咗一半, 一睇埋顏色就知唔對路, 顏色係淺啡色, 食落剩係得甜味, 完全冇朱古力味… 食咗兩啖就冇繼續, 浸味似係朱古力奶再溝水, 再加糖水整成冰 😂

叫左碗《桑寄生蓮子蛋》唔講以為俾錯野，完全無桑寄生味，更加奇怪係有薑汁味，味道感覺就好似係紅糖水加薑汁同蓮子，飲一啖已經唔想飲落去。另外紅豆沙好稀完全唔係紅豆沙。

係荃灣分店食得多九龍城呢間都好唔錯店舖內舒適相比荃灣冇咁擁擠甜品好味食完飯食個小甜品確實幾好價錢相宜牛奶燉蛋白我會話係實冇死無論質感味道都唔錯我叫凍食牛奶味香濃唔會覺得好膩恰到好處🫶🏻😍

去親九龍城都好自然地會去呢間食甜品，仲要食嚟食去都係嗰幾樣🤣百香花園($45)百香果味嘅冰，配埋芋圓椰果同芒果，配料嘅份量都算多，可以每一啖冰都有嘢咬下🤓巨峰金時 ($45)香繽提子味嘅冰配紅豆同小丸子~不過我唔食紅豆所以就轉咗做椰果😆店員話最多可以轉一款配料，啱哂我呢啲揀飲擇食嘅人🤣兩個冰嘅味道都不過不失喇~要好食嘅絕對有更好選擇，更多嘅係食回憶嘅味道☺️

位於九龍城城南道皇室甜品荃灣都有分店不過我淨係食過依間依間又係我由細食到大嘅甜品我每次都食依款甜品🍨🍨依款就係叫龍珠二世😋甜品係以芒果汁做底龍珠二世配料有龍眼肉,芒果,雪糕,水晶珠,黑珍珠雪糕可以揀其他味,無註明就會朱古力雪糕而我每次都係照朱古力雪糕🍨👅朱古力味唔會太假🍫同芒果味幾夾🥭我鍾意依款甜品嘅主要原因係龍眼肉佢嘅龍眼肉係無核,雖然應該係叫貨嘅龍眼肉罐頭黎但食落去係爽,又唔會過分細粒加幾有口感😋😋

很久沒有來九龍城，想不到這間皇室甜品還在，以前十幾年前經常在這裏吃甜品🤣這間甜品店，相比起附近幾間糖水舖，價錢會略為便宜一點。咁多年冇食。質素依然可以，兩個糖水吃了80多元，性價比還是可以的。這個宇治金時，整體味道是可以的，不過略嫌這些綿綿冰不夠抹茶味🍵如果可以濃郁啲就好啦👍🏼但因為這間店已經很耐，整個環境開始感覺有點舊，無論裝修傢俬擺設等等。希望環境方便可以翻新一下就更好啦👍🏼👍🏼

朋友上嚟食宵夜，四個人每人叫左一碗糖水，分別係芒果雙丸、熱開心果糊加湯圓、芒果紫米露同埋原盅椰皇燉蛋白。芒果雙丸芒果冰沙算棉滑而且唔酸，有清香的芒果甜味，亦都唔係假甜。表面仲鋪左大概七至八粒嘅芒草果，配上煙韌小丸子和芋丸，算是不過不失的搭配。開心果糊加湯圓朋友叫左熱嘅開心果糊，加左芝麻湯圓。試左一啖覺得有少少奇怪，開心果味唔太出，有啲似杏仁糊味。不過好彩啲湯圓係正常味道，都叫可以接受，但我同朋友們下次應該唔會再叫。芒果紫米露另外一個朋友叫左涷食嘅芒果紫米露。同芒果雙丸一樣鋪左大概七至八粒嘅芒果粒，芒果粒食落算甜，唔同嘅係上面仲有少少芒果果蓉，而果蓉就有少少酸，而且撈埋啲紫米露，味道變得有啲奇怪。另外，呢間啲紫米露比較稀，太過流質好似溝淡左咁。原盅椰皇燉蛋白最後一個朋友叫左呢個甜品，外賣拎走都係原盅椰皇咁上，入面係椰子味嘅燉蛋白，呢款係我哋叫左四碗入面覺得比較好食嘅一碗。有好大陣椰香味，蛋白都好滑，而且食比係椰子嘅清甜，所以碗糖水唔算太甜，適合一啲唔鐘意食太甜嘅朋友仔，惟有不足嘅地方就係同上一碗糖水一樣有啲太稀，唔夠固體，亦都可能外賣關係溶左少少。

［📍九龍城｜皇室甜品］呢間甜品店係九龍城非常出名佢地既心太軟很不錯 朱古力味非常濃郁而且唔會過份地甜 不過如果再流心 咁就perfect啦另外 佢地既窩夫亦都好不錯 即叫即整 熱辣辣而且整到好脆口 又唔會過分地厚咬落仲有淡淡既麵粉香 值得再食～

芋圓，這是一道讓人感到困惑的美食。它的質地又黏又膩，咀嚼起來像在吃橡膠。不僅如此，它的味道也相當平淡，缺乏令人驚艷的口感。無論是混合其他配料還是單獨食用，芋圓都無法散發出令人垂涎欲滴的香氣。總的來說，芋圓對我來說是一種挑戰，它並不是我會再次選擇的食物。

📍皇室甜品 (九龍城)無意中去咗試呢間宋王臺站附近嘅甜品店✨選擇都好多 新式同傳統嘅甜品都有.#宇治金時 $45一上枱就見到個份量比餐牌圖片仲大份😍紅豆軟硬度適中 仲有少少紅豆沙嘅感覺抹茶雪糕奶味偏重 抹茶味偏淡～.#榴槤公主 $52主要有榴槤果肉同埋奶凍榴槤味非常重 同奶凍味道好match🤤啫喱果凍細細粒幾有咬口.#皇室甜品📌九龍城城南道15號

食完泰國菜緊係要食埋甜品先走啦😜附近剛好有間糖水鋪見冇咩人就唔洗諗咁多直接衝入去🤣Menu都好多選擇有選擇困難真係要d時間先諗到🤣最後一上枱，4樣都勁足料😍味道仲唔錯添wo特別個宇治金時，勁香濃加埋d小丸子，煙煙韌韌 😍😍😍價錢又合理性價比很高的糖水鋪👍🏻下次去開九龍城一定會再幫襯🥰

係九龍城打完邊爐， 食完濃味野一定食番甜品;係附近都多甜品舖，最終都揀咗哩間皇室🤣 點解？因為見門口menu 有很多款式選擇， 有我想食仙草囉😋朋友揀了星空有西米、芒果、龍眼龍眼好清甜，芒果唔酸我揀了紅豆相思有 仙草凍、紅豆、芋丸、 西米露、雲呢拿椰汁整體唔算好甜，啱我口味

進食半小時期間，員工在食客面前來回拖拉垃圾桶 5-6 次，情況令人反胃。個人認為垃圾應該由後門出，又或者關門後才倒垃圾。另外，枱上有上一手食客的啫喱，應該冇抹枱。唔會再幫襯。

難得打風朋友都嚟搵我玩🙆🏻‍♀️🙆🏻‍♀️梗係要請佢食糖水慰勞佢啦☺就快掛八號風球餐廳都話唔會提早收舖🧡地方闊落可以坐低慢慢品嚐🥰抵讚👍🏻👍🏻白雪黃金卷🥭🌯白色嘅外皮食落好QQ😍口感嫰滑清爽唔痴牙！！包住大大舊清甜無渣嘅芒果🥭🥭真係一個好好嘅配搭係上面仲淋咗好多芒果冰沙🍧冰沙係清新微甜嘅芒果味食落完全無負擔🐷紅棗雪蓮子燉桃膠🍯食完生冷嘢梗係食返暖嘅傳統糖水平衡下啦😛雪蓮子同桃膠加埋差唔多有大半碗😍😍食落真係好滿足🙌🏻糖水飲落亦都好香甜搞到兩個人真係要鬥快筆嘢食呀🤣少少建議係紅棗除核會更方便食用🙉評分味道: 4.5/5環境: 4/5價錢: 3/5推薦: 😋😋😋😋

📍［九龍城｜皇室甜品］去開九龍城食完晚餐就要食甜品，九龍城附近都有好多間甜品店但係皇室甜品係比較出色嘅一間。先講佢個窩夫新鮮即正暖暖地要趁熱食先好食雪糕又揀咗士多啤梨味都唔錯。椰皇燉蛋白就足料，有好多蛋白，不過如果想食糖水就未必適合。最後清湖影月就最正，有芒果，芒果雪糕，花奶，紅豆，椰果。佢個紅豆同個芒果好夾，芒果好清甜配埋花奶太正，下次嚟我都已經決定好再食多次。🧇比利時士多啤梨窩夫配雪糕（四件） $58🍧清湖映月 $33🥥原盅椰皇燉蛋白 $50