皇后餃子

营业中

休息中

去到灣仔趕時間求其搵間嘢食 見間嘢冇人行入去試下 因為本人鍾意食餃子 坐低用qr code落單感覺都ok 起碼唔使揮手 迅速落咗單喺度等 等咗一陣間見到間嘢咁少人都諗緊點解會咁耐 望一望左手邊原來有四個員工喺度食緊飯 唔知廚房入面嗰個係咪頂更員工 我叫奶茶佢畀檸茶 菜心走油變咗走埋蠔油 做嘢嗰個好似發緊夢咁餃子味道唔錯 粗面都ok 杯檸茶不過不失 菜心都正常 不過隔離枱嗰個生菜有條毛 佢舉手話有條毛 跟住侍應即刻執咗碟嘢走 之後換返畀佢 完全冇理過佢話唔需要換返畀佢 一句唔好意思都冇講過 我見成班人黑口黑面咁做嘢 我都費事坐得耐早啲走

昨晚我趕時間，隨便選了一間看似乾淨的餐廳，點了一碗白菜豬肉餃和米線。等餐的時候，我看到店外的外賣盒蓋掉在地上，店員居然若無其事地撿起來，然後還繼續使用，讓我心裡感到不安。當我的白菜豬肉餃終於上桌時，我驚訝地發現裡面竟然有一條曱甴的腳！這讓我瞬間食欲全無。更糟糕的是，米線裡竟然還有一隻蚊子。雖然對於蚊子我已經有心理準備，但曱甴腳的出現實在令人無法接受。我向店員反映了這個情況，店員只是簡單地換了一碗給我，似乎對這種衛生問題毫不在意。因為我趕時間，不得不強忍著繼續吃完，心裡卻十分不舒服。用餐時，我的胃口完全被破壞，心裡不斷暗自發誓不會再來這家店。這次的經歷讓我深刻感受到餐廳的衛生情況是多麼重要，尤其是對於食物的品質與安全。希望以後能夠更加注意選擇就餐的場所，避免再次遇到如此惡劣的情況。🥹下次一定唔會再嚟🥹

店員態度差。餃子好明顯係煎完再煎個皮好硬。另外一位女店員成日都要將枱面辣椒油同埋菜譜執返好明明我仲食緊。 跟住有位jack lock 髮型男店員好似斜哂咁企 、眼見佢包咗兩袋外賣全部啲碗都扯晒仲劈落個架度。食物一啲都唔好食。

該店舖的店員服務有待改善。入到店舖，店員只顧處理釘裝收銀櫃前外賣單。注意，是背向客人的。5分鐘後，終於轉身，然後放低QR code ，簡單說了4個字 - 試吓落單! 我有說過不願意自行落單嗎？這店員是什麼態度？最有趣的是，其他店員會替其他顧客落單。在下午時段用餐的冷清清的20分鐘，從來都沒有聽到店員說唔該，謝謝，拜拜。下午茶是便宜，是不是服務也打了折扣？ 還是皇后本來是冷漠無情？長話短說？下次真的不會再來的！

樓面亞姐開頭好似幾有禮貌嘅😂但係您講嘢，佢就即叫停您，叫您聽佢講嘢先🤷‍♀️落單問加嘢，佢話加到就幫您加啦，唔入機都唔知㗎？What？您喺喥返工都唔知🤔？ 落完單我都同自己講，哩間嘢唔洗再幫襯🤣湯底有啲咸餃子無特別出色，皮有啲硬，中規中矩菜心係勁勁勁熟，我個人唔鍾意軟爛嘅菜心🤷‍♀️烚到過晒龍我係下午茶食，價錢就還可以接受如果正價就一定唔會揀佢見有人叫凍檸茶，佢哋仲要話無匙羹供應🤣嘢唔係特別好食，啲嘢又唔諗客人仲想收哩啲價錢，最後仲要睇樓面面色🌚

有日lunch唔知食乜好,經過皇后餃子見到有牛根牛肚（果刻就係想食呢啲😅)就入左去叫外賣,入到去見到地方雖少但可能過左最繁忙時間,都仲有位可坐低食(不過有機會的話下次先😆)落完單問阿姐等幾耐,佢話好快啫,本身已整好擺上黎啫好,我去附近買完嘢返黎已經拎得👏不過啲米線煮得淋咗啲,牛根肚味道都ok,牛肚都係偏淋🤐好彩係牛筋冇毛😆如果堂食會唔會可能好啲？🤔

喺我入座時, 餐廳嘅人客數量並唔多; 當時我點嘅菜式為 白菜豬肉煎餃, 而女侍應好似神不守舍咁; 佢哋打單, 打咗做 韭菜豬肉煎餃, 咁唯有請佢哋改單...然後就開始Lunch Hour, 人客數量開始坐滿餐廳; 而其他人客似乎不太滿意須要搭檯???

今日遲咗食晏，平時如果食餃子會食餃掂，不過通常都要等好耐，之前經過呢間皇后餃子，見到都比較少人排隊，就諗住應該唔使等好耐即管試吓。雖然已經見到D評價話態度差，但我諗住外賣嘅話都唔會太差，點知我錯啦首先係都差唔多等咗25分鐘，個阿姐都係黑面，咁我都預咗⋯但係入邊竟然冇辣油同榨菜之類，咁我就問佢拎，點知佢掉落枱面比我⋯唉⋯都算啦然後我已經係10分鐘內返到公司，點知一打開，啲餃子皮已經淋晒，夾都夾唔起，一夾就全部散晒，個湯底又重味精，偏鹹。講真態度咁差啲嘢又咁嘅質素⋯都幾難做落去。

同阿仔食晏叫2個正常午餐真係太多食唔曬又浪費所以有時都去食下粉面店啲期阿仔鐘意食餃子所以又去食下餐牌有套餐或者散叫🔆🔆招牌粉麵套餐🔆鮮蝦雲吞湯幼麵粒粒雲吞都好足料，有蝦有豬肉，夠曬爽口彈牙，麵底都好高質，都係爽口彈牙唔笠口，好好味！ 🔆跟餐涼拌小菜青瓜同木耳，麻辣口味，清爽配搭，口感一流！🔆跟餐小食炸燒賣，大小適中，加上小小七味粉（我估）味道岩岩好！又唔過辣，阿仔都食到！🔆凍豆漿（跟餐）夠曬凍，豆味濃，透心涼！🔆煎餃8隻雙併粟米豬肉餃 +韮菜豬肉餃隻隻都大大粒好飽滿！ 滿滿既肉汁、令人食唔停口！

早幾日見同事外賣皇后餃子返公司吃，我見賣相都不差，今日就去試吓😋地方不算大，繁忙時間要搭枱，今日去食下午茶，睇完menu後，叫左六隻粟米鮮肉餃$40，裡面的餡算多，好飽滿，湯底一般🤣另外八隻煎鮮肉椰菜餃$50，呢個不錯，即叫即煎，好香脆可口

外賣時間，用app叫，但感覺配搭不算多，想加菜或者麵都無特別優惠，其實唔算特別抵食。8隻水餃$50左右，都算大大隻，都多餡，湯好夠熱。如果可以有set lunch都比較划算。

睇完某飲食節目後勁想食雲吞麵於是在灣仔道上找富山麵家，可惜找極也找不到，失望之餘又肚餓，隨便入間有粉麵的店舖 。就係中午時份經常有條小人龍的「皇后餃子」下單到上枱用上13-4多分鐘，真心幾慢。豬肉白菜餃 $40 六隻試一口湯底，淡口味精湯底。豬肉餃皮好瀉，一夾已穿，裡面的豬肉餡都唔知有冇調味，又冇鮮味又唔香，我淨係知道自己食緊一墟冇味嘅肉餃。價錢經濟，但冇水準可言。

有時喺附近工作都會食佢，餃子都算中規中矩，都好食嘅，麵食就真係普普通通，以餃子店嚟講算係唔錯啦，但最近加咗價貴到離曬譜，八隻餃子竟然要50蚊，冇包麵同嘢飲，侍應態度又差，以後唔會再食

個仔係附近學嘢，耐唔耐都會去食嘢。食物質素係可接受，但一路以嚟樓面啲阿姐態度都已經係麻麻。噚日星期六大約12:55分入去，入面唔係枱多，十張左右，坐滿8成左右，門口三四個人等緊外賣。但中午繁忙時間，樓面竟然可以只係得一個阿姐係度，落單、上菜、執枱、埋單、執外賣，全部都係一個做哂。當時叫阿姐落單差唔多十分鐘，都唔肯埋嚟落，凈係處理啲外賣單，樓面啲嘢幾乎唔理，而且係全程極度黑面。眼見等咗咁耐都仲未有人嚟落單，其他枱啲食物煮好擺哂係度冇人拎俾啲客，阿姐凈係識鬧㕑房啲人攪錯嘢，又見其他有一兩張枱啲人都等落單等得唔耐煩走人，心諗就算落到單都唔知又要等幾耐先有嘢食，加上見阿姐超級面黑，於是做咗人生第一次嘢都未食，就決定斬欖即走，並且black list埋佢，應該都唔會有再幫襯佢嘅機會。

中午經過諗住食個快lunch，坐低睇餐牌想落order，見到得一個女侍應忙緊，諗住等一下啦，行咗幾轉見到我哋想嗌嘢食扮望睇我唔到，出聲同佢講話落單又扮聽唔到，但又不停出外賣收錢，路過再叫多聲落單就叫等等，行去收銀大大聲話食屎啦，唔夠人手呀，我足足等左15分鐘有多都無理過我，最後趕時間嘅我唯有起身走人….過程中唔止對食客態度差，仲聽到佢鬧廚房職員，講真我坐低想食個lunch啫，無欠左你嘅，你唔夠人手亦唔係我責任，大大聲出口鬧人真係太過份，我諗下次應該唔會再去！