皇冠(呂宋芒)專門店 (耀華街)

今日大热天，见到甜品店的图，样样都好吸引，坐左阵，都系有选择困难症的我们。都知自己烦的，好在个纹身肥哥哥几好人，好有耐性等我地几个婆娘研究，而且仲推荐左个窝夫比我地，叫我哋考虑下。。。好啦！见你咁好人，就听下你讲啦！咁我哋就叫左4个甜品，样样都好足料，好好味。。。D芒果粒，士多啤梨粒，西瓜粒，哈密瓜粒，粒粒都大大粒的，雪糕又好味，唔算太甜，都好岩我口味。个窝夫真系好意外，真系觉得好好味，好香蛋味，又脆，即叫即做，热辣辣的饼底配冻冰冰的雪糕，个感觉真系好特别，真心推荐哩间，系良心店舖呀！下次，再下次，再再下次，都会再帮衬呀！…查看更多

系时代广场食完晚饭又想食甜品，特登行去后面耀华街，地方唔算太大，繁忙时间都要排队，大约等10分钟都算快有台。成间主打菲律宾吕宋芒，所以叫咗金饭碗同芒果窝夫，金饭碗芒果够甜，焦糖炖蛋底，好好味窝夫系即整，所以外脆内软，上面仲有大大旧芒果肉，满足晒我地芒果控😍最后食饱饱走人，点知我大头虾又上身，电话都唔记得攞，肥仔店员追出嚟俾返我，真系万分感激下次一定一定再帮衬有礼貌👍🏽👍🏽 服务态度好…查看更多

今日同朋友一齐食糖水，拣咗呢间芒果专门店地方唔太大，不过服务态度好好👍🏻👍🏻 我哋三个坐喺度左拣右拣，服务员都会主动过嚟推介我哋食咩，好有耐性，其实而家香港地食嘢都好少见倒啲咁好态度嘅员工💯最后我地选择咗芒椰奶西，芒果脆脆，同埋自选车仔冰冰芒椰奶西即是回想起许留山， 俾起许留山更加好饮，用新鲜芒果汁芒果脆脆 个脆脆同埋糯米饭热辣辣， 加上超重料芒果粒，芒果好甜😋😋最后𠮶个车仔冰冰（个名系我改嘅）🤣🤣 好似叫车仔面咁，自己选择冰底配料😁 夏天热屎辣辣梗系要西瓜冰底，再加咗香蕉同芒果爆珠，食完爽晒😍…查看更多

前两日同朋友食完晚饭，去咗附近一间糖水舖，点知一入座就已经被吓亲 , 服务员全程黑面，态度极差。睇紧餐牌谂紧食咩嘅时候，黑面服务员就过嚟催落单，问多两句仲要一副不耐烦嘅样。我哋点咗金玉满堂同芒果西米露，但味道真系令人失望。芒果汁有D似药水嘅怪味，西米又冇口感，完全唔值呢个价钱。更夸张嘅系，坐咗唔够二十分钟，出面根本冇人排队，佢哋竟然急急脚清晒枱面，仲边抹枱边赶人走，态度极为恶劣。真系估唔到香港仲会有咁嘅服务态度，完全冇客气同专业可言。以后肯定唔会再去！…查看更多

食物无乜好食唔好食，都系普通甜品，芒果量算多而且都甜，价钱唔贵，只系咁嘅服务真系背脊骨落。.我好有礼貌咁指住餐牌入面有张相好似系一个 set 咁嘅物体「请问呢个系咪 set 嚟㗎？」肥佬纹身店员：『呢张只系一张相！』我心谂 JM9？我得罪咗你？.我懒睇字，决定有相笃相，点知店员极度不耐烦，我笃亲都话个甜品生得大份，一个人食唔晒。其实如果你唔想卖大份嘅甜品，或者嫌客人食得慢阻住你做生意，你可以同客人讲沽清，「甜品生得大份」呢个回覆作为客人我净系觉得你好无家教同极无礼貌。.再讲，客人叫乜你咪落乜啰，叫咗食唔晒都要埋单㗎啦，你有需要摆啲极其厌恶、极不耐烦嘅样同态度出嚟？.如果唔系出面咁热我 friend 唔想再行，隔离排晒队得你呢度有位，我已经起身走咗了。.我自问个身唔似店员咁有阵汗臭味、亦自认为自己十分之有礼貌，但系由入铺𠮶一刻，到离开𠮶一秒，都只系感受到店员嘅黑面同无礼貌。.我哋20零分钟食完去埋个厕所就准备走，店员粒声唔出走埋嚟清枱、fing 条毛巾落嚟抹枱，再劈个餐牌落枱面，你都系想赶客走啫，咁我咪走啰🤷🏻‍♂️.20分钟食完嘅男客就赶，我哋后面𠮶枱由我地入舖到食完起身都仲倾紧偈嘅两个女仔就唔赶，有性格呀肥佬👍.我知你得一个人睇舖，你忙你做到炆憎，但系你唔应该咁样对客，你要发脾气应该对住你老板发。.Anyway，希望你哋可以 keep 住呢个态度待客，然后每个月都输少少，输到个约完为止，咁嘅态度做生意包你长输长有😉…查看更多