影片
招牌菜
听家姐介绍话唔错 上网睇埋食评 见到呢到话佢地招牌(汤底都几少食到) 就去左一试去到一入去 (几热和焗)下 建议大家(着定啲方便除下既衣服)就更好汤底叫左椰子鸡和番茄 (椰子鸡冇鸡味但椰子味几浓) 不错 like佢地啲汤底(食物和饮品方面都多选择) 但肉类如(牛和猪都唔系好入味) 打边炉系要食肉架嘛(员工方面都几好) 我地个到焗 想转卡位坐都得 有啲员有礼貌 主动收碟整体嚟讲 呢间(((食得过)))
继续阅读
汤底＞粟米忌廉：一个字淡，加左汤仲淡。酱料：酱油明显加左水，最好系蒜蓉。肉类：除了🐔肉🙅，🐷肉几＂👟＂，其余👌丸类：👌其他：👌，不过比以前少左种类。海鲜：蚬唔肥，无沙。其他无食过，亦唔见有咩人lor。菜：干净，无最爱罗白、冬瓜。饮品：👌，唯一系加左冰都唔够冻。甜品：普通货式，只有可叫一次，孤寒！本来d食物质素ok，来过好多次，不过d有部份既员工服务态度越来越差，今次早到左5分钟，本身门无上锁，以为入得啦，入到入便他地话未开始叫我坐住先，坐坐下唔够3分钟，果位经理就话：「都话左出去坐架，仲咩坐系到！」如果你讲清楚系出大门口坐，我无所谓，虽然出便又热又焗，借问声d语气使唔使咁差呢？！到正式食啦，个火开到最大，唔使2分钟滚到泻晒，我自己又唔识较，呢位经理见到黑起块面走埋来清理啦，一路抺一路＂依依下下＂，跟住不停系个场到＂依依下下＂，严重影响本人食欲，其他员工尚可，不过都唔使有下一次帮衬lor...
继续阅读
本身我是个懒人, 最讨厌出去拎野食, 不过今晚饭局由朋友话事, 话又抵又好食, 所以决定舍命陪妹子(嘻!)我们二人8pm到达, 没有订枱直接walk in, 幸好人流不多, 所以不用等位.一人一个锅, 选汤底, 我选3.6牛乳鱼汤, 朋友选蕃茄汤.牛乳鱼汤一开始非常香浓, 忍不住喝两啖, 好good! 可惜一加汤, 就打回原形, 淡而无味... (加的只是普通清汤)反而蕃茄汤实力较强, 即使加普通清汤, 由头到尾都有浓茄味! good!!!由于我真是个懒人, 所以一开始叫朋友出去取食物.但之后见她实在太斯文, 取很不多, 我唯有出手.出去见到款式确实好多, 肉类, 菜类, 一般火锅料都有齐, 好多都包细细碟一两件, 好适合像我这种妹仔肚又咩都想试的人.牛肉反而要排除等侍应在冻柜内取, 按人头计取足够份量.食物质素我觉得和外面平价任食火锅无大分别,蟹柳好假, 饺类菜多肉少, 菜新鲜度一般.不过, 我挺喜欢入座时餐厅送的一碟鱼, 鱼质非常爽口, 可惜只有四件, 唔够喉.牛肉, 我强烈建议不要试牛肉粒, 一来难熟, 二来, 无论它四成熟, 七成熟, 十成熟, 都难以嘴嚼=.=牛展就可以接受(但切忌太熟, 好硬.)任饮方面, 选择比我想像中要多!除了汽水, 居然会有支装绿茶, 还有台式罐装饮品.侍应几有礼貌, 不过侍应们在闲谈间讲粗口, 收钱时吹水, 倒是觉得有待改善.
继续阅读
～～一开始觉得服务几好，又会成日帮您加水同执野，但到差不多时间，会有人不断催您埋单，到您埋左单，职员立即变脸，过来讲左一声够钟啦，您手上拎住ＧＥ野唔会执走之外，就熄您个炉同拎走您个锅，我地仲食紧ＷＯ 个职员仲要话：：：：您地食净好多食物，今次我当睇唔到，huffy::明明系你地职员唔比我地食，咁讲野都得。。。。其实我觉得您够钟而门口又爆多人等紧咁样做都系合理，但我地走个发现店入面座位都未坐满，同门口根本无人等紧。。一人一锅的锅很细，个锅水滚放小小野即刻变番唔滚，基本去食好多时间系等佢个锅滚，食得左好小野又要比人赶走 ＳＯ ＳＡＤ 以后不会再去:huff埋单每人＄１６２味道： 食物ＯＫ～系自己出去拎的，试了猪骨汤式底，:有一大旧猪骨系个锅 ,丸GE种类都算多,有墨鱼丸汁丸都几特别...虽然我觉得同墨鱼丸差不多,但比墨鱼丸硬, 有午餐肉,牛肉,同鸡软骨都麻麻地....环境： 可以接受服务： /卫生： 食物都用保鲜纸去封住,但都是细细碟的... 抵食： 埋单每人＄１６２贵, 去酒楼打边炉仲好
继续阅读
因为我唻呢间食过两次，所以呢个系 2 in 1 食评，同时可以比较下两次既食后感。第一次唻系30/6，团购价$88 + $10 星期六附加费 + $10任饮 + $20 加一 = $128, 3个人坐4人卡位。第二次唻系6/10，团购价$98 + $10 星期六附加费 + $10任饮 + $20 加一 = $138, 2个人搭枱坐4人枱。(贵咗$10但每人送一只虎虾)我两次都book 咗5:30pm，可以任食到8:00pm。第一次唻就一开始要咗任饮，但因为我只系饮到一罐咁小，而且佢有茶水供应，第二次唻𠮶阵无加$10任饮，但我哋坐咗好耐都无人畀茶，我就问侍应攞杯水，点知佢话我哋无要任饮，唔可以畀水我哋，我哋两个连旁边搭枱既都即时，咁即系焗你要任饮啫！其实我唔介意畀呢$10，但你做得附加项目，应该要畀人拣要唔要，但又做到逼人加钱要，咁样好核突啰。尤幸个侍应识得笑到四万咁口唻讲出呢个不合常规既规矩，亦都明白呢个唔系佢可以话事，所以都唔同佢讲咁多，加钱要埋个任饮算咧。如果唔想任饮既朋友，请自备清水啦！食物方面都好多选择，除咗一般菜、丸、豆腐之类火㶽料，还有鸡子、牛筋、醉鸡、粉肠、鹅肠等，材料亦都算新鲜，以呢个价钱算超出期望。但鲜肉柜既牛肉同豚肉都唔掂，反而系自取柜既鲜牛肉好啲，不过钟意食牛肉既人都会觉得麻麻。海鲜方面虽然系细细件，但都算新鲜，不过虾同濑尿虾都只系供应过一次，而且要同人斗快，唔系就食唔到。但第二次去𠮶次每人跟一件虎虾，所以就算抢唔到，都唔会只食到平价货，感觉上好似无咁蚀底。如果真系想抢到，就不时留意入口位置啦，但厨房门口系正入口旁边，有咩新货供应会即时见到。两次都系食到7:30pm就有人同你埋单兼问你食咩雪糕，但因为两次都系未食完，所以我哋唔叫雪糕住，但第一次啲侍应会不停催你叫雪糕，我哋坚持到7:45pm先叫，而我哋一叫咗雪糕，佢哋就即时收走哂枱面既所有野。唔知系咪畀人投诉得多啦，我第二次去，佢哋唔再催我哋叫雪糕，直到7:50pm我哋先叫，执野之前佢哋都会问声收得未先执枱。食埋杯雪糕到8:05pm佢哋先催我哋交枱。其实我都明白佢哋既难处，如果第一轮客人迟交枱，佢哋就会迟交枱畀第二轮客人，咁样对第二轮客人唔公平。公平啲讲句，就算到交枱时间无其他客人，佢哋要我交枱都合理，因为呢个价钱只系包2个半钟，如果到够钟都未食晒，系你时间控制既间题，呢个绝对唔系你可以唔交枱既合理理由。讲真，之次有咁多投诉，最重要系佢哋用错方法同态度去处埋，虽然第二次去都觉得佢哋既「勤快」会不时释放出「时间无多」既讯息，令人食得有小小压力，但对比第二次，佢哋己经进步咗。
继续阅读