百越越南餐室 (已結業)

約了小友的契媽契爺出來聚舊食餐飯。地點就揀了位於佐敦區內新開不久的越菜店"百越"....決定在這裡開飯絕非因她的東西好吃，而是為了之後可以近近哋稍移玉步便可走到"宏"去吃抹茶甜品....常說在香港要吃到像樣些的越菜實在是難若登天。今天在此吃過之後，失望之情可謂溢於言表 ....要了好幾款越南菜的基本嘢來分食，但全部都是不及格的 ---- 好像這個豬頸肉凍檬，檬粉本身呈半白色，質地是硬梆梆得黐成一嚿，已令人扣了不少印象分；豬頸肉則乾硬過我荷包，肉汁全欠叫人怎吞得落 ?豬肉蝦片也是令人極失望 ---- 蝦片是有點"透風"的既油膩又過淰；置頂的豬肉又過熟至極嚡，但好處是醃得頗夠味，再加上舖面的乾葱、炸蒜片及葱粒是下得重手，故此也未至於要全軍覆沒....全餐最好的一味當要數到火車頭湯河。湯顏色呈深褐，甜與鮮之強皆令人有追喝的衝動 (不過不知是否乃有師傅在內使然呢?)；可惜的是材料與那樣的湯底是無法配合 --- 有好幾件牛腩是韌得完全咬不動；牛肉雖夠淰但卻全欠應有的牛味及香；牛丸算是入口實淨彈牙有咬頭應為最對路的一味；牛柏葉是細小濕碎得要用放大鏡才看出來....蒜蓉牛油香茅雞中翼的炸皮超厚，牛

又到左星期五，搵埋幾個同事一齊出街食飯!! 今次我地就去呢間開左無耐既越南餐廳試下~平時我對於越南餐都係普普通通，無話特別鐘意同唔鐘意既..咁同事揀呢間就試下喇~入去坐落都算係幾乾淨! 可能係因為間鋪仲新瓜~我地一行4人都係叫SET~ 好似抵食的咁, 不過一個SET都唔平, 要成60-80蚊嫁!SET有小食送埋: 4個人既份量: 最鐘意既係雞翼，夠大隻得黎又唔油~ 其他就中中等等喇我叫左一個豬頸肉撈濛~ 的豬頸肉好大塊!! 抵食!!撈濛汁好好味呀!! 跟餐我就要左青檸梳打~ 正!!咁我地有成班人~ 叫多左幾款小食~3款入面, 我覺得豬肉粉包就最好食~ 如果有幾個朋友一齊黎可以試下~有一個男同事唔怕苦，叫左一杯越南咖啡，好似都幾靚，不過我怕苦，都係唔飲喇!!Overall, 所以野食都算幾OK~ 小食中等，湯粉濛粉就好好食~ 下次係佐敦未諗到食咩都會搵番呢一間~

星期日本來想同兒子去澳洲食嘢, 點知條隊....長過咩.....站在澳洲門前都唔知點好, 天氣又熱....都唔知點算好時, 我看到對面有一間不大明顯的店, 但玻璃就貼住一張張看了就想吃的照片, 但又看不到裹面, 感覺會很貴咁樣, 但天氣咁熱又唔想等, 只好過對面試探一下,可能是剛開門, 人客不多, 店舖裹面很光亮, 感覺很乾淨, 再看了餐牌, 又唔係好可怕, 決定坐下,兒子一坐下就拎手工出來玩, 店職員還走過來同我仔玩了一會, 感覺很好, 兒子叫了扎肉炒蛋$50, 但見到有紅飯好吸引, 於是就加$14轉了紅飯, 兒子一路食一路話好味, 連玩緊的手工都放下, 我也試了一口, 真的不錯, 我就叫了一個蝦片豬肉$52, 因為兒子不喜歡吃蔥, 佢地特意分開上, 實在太細心了, 咁樣我就可能試下, 蝦片一定係好翠好香口, 無咩特別, 但加上炒過的豬肉, 再加上青蔥同乾蔥(好似係)真的好香, 店員叫我地加上少少佢地自家制的魚露,原來味道同無加魚露的有好大分別, 一樣嘢食到2種口味, 太開心喇, 兒子見我食得咁開心, 都忍唔住要試, 我意圖要兒子試蔥, 我話加了蔥才好味, 哈哈...他真的試了, 而

原本係佐敦唔知食咩好...於是都係諗住去返例牌的澳牛可能今次黎得太晏...店外的人龍比平時更長望到對面有間睇黎乾淨企理既越南餐廳一於同朋友入去試下喇睇落間餐廳真係好新淨...純白色裝修感覺乾淨舒服佐敦少有靚裝修叫左不錯的火車頭見比較少見所以試下....點知有驚喜好香牛油味可能本身不太好粉包...所以只係覺得好一般同樣有驚喜的牛柳粒紅飯個紅飯very gd埋單$230侍應服務好好環境舒服野食幾好下次有機會經過可以再試!

我好鍾意食越南，開頭唸住去食對面間河內，唔覺意見到有間新開既越南餐廳...百越...貢個頭去"裝裝"。睇落光猛，我唸應該係新開張無耐，見到貼住"CASH ONLY 只收現金" 睇怕都未裝碌卡機。越南人都知家鄉菜一定有番茄牛腩(有D人叫羅宋牛腩)，我例牌一定會試呢D指定菜，好似港式要一定試乾炒牛河一樣。我只可以話OK，番茄紅蘿蔔加牛腩(都夠林)都齊，好港式唔係我食開D口味，可能我食慣越南人口味果種。我老婆鍾意食河粉梗係要點火車頭，因為乜都有....(隔離台有家人貢入黎唔識點菜，坐低亂點，問個WAITER乜野叫火車頭，雖然講晒D配料，但答唔到個POINT = =") 建議老闆請伙記食一碗就講到個POINT... 記得好多年前有間和X粉餐牌寫住"湯多河少" 就知越南河的重點向邊...廢話不再多講...一上碗河粉心唸點解咁細碗又少左D料(無左牛柏葉)，好彩啖湯夠味, 再望一望D牛腩.....係坑腩 一層肥一屠瘦又好林，好意外！ 算佢啦，原來大碗唔一定最好既...加多個小食...唸好耐揀到食牛油雞翼，味道被外觀影響左....油淋淋...都未琮乾油就上碟(睇片)，好油呀......無改錯名牛"油"

是日心血來潮，突然想吃越南牛河，剛好下午要上班，所以就由鬆弛拍板，到佐敦一定新開的越南餐廳試試。門面裝修以白色為主，有點像開在中環區的半高級越南餐廳。店內裝修以黃燈與白色為主，舖面不大，只有三十多個位置。 平日午市有提供套餐，假日就要散點。食物種類不算多，不過大路的都有提供，另外還有一系列特飲。不知為何覺得很肚餓，所以一口氣點了四款東西。生牛肉湯金邊粉，湯底的顏色頗為對版，特別欣賞芽菜可以選擇要生或者煮過的。先喝一口湯，雖然牛味未算很濃郁，不過也挺好喝的，後來再加入青檸汁和辣椒粒，就更加惹味。生芽菜、生洋蔥再配金邊粉一起吃，水準算中上，而且生芽菜可以添加的呢，這個部份又加分。 牛肉方面就比較普通，牛味不濃，而且如果可以再生一點就更好。在炸蝦餅、春卷和牛油雞翼中間我選了蝦餅，結果是選錯了。 這個炸蝦餅一點也不香口，不像炸，比較像煎的，我期望是外層酥脆，內裡彈牙又有蝦的。總之整體就是沒什麼特色，像是買現成回來而非自家打蝦膠製造的，反正就是普普通通，不吃也罷。香茅煮蜆。因為點了一個熱氣的，所以補一個清清的中和一下，沒想到出奇的好吃。湯底帶香茅和清酒的味道，配上肥美飽滿的蜆，非常好吃。蜆因為夠