影片
人生第一次写食评，竟然是负评！本来看了别人对百荟轩的食评便不会来光顾，但因家人表示未来过这间茶楼饮茶，于是抱著可能食评是行家写的，或许未必真实的心态来饮茶，想不到真的真的真的中伏了！星期六早上9时来到茶楼，不用等，好多位，位确是有点挤，但对我来说可以接受，心想，不用等位，好好㖞！我们见有孖宝，当然会叫孖宝，纸上的孖宝有左右两栏，我们在左边剔了4款，右边剔了两款，交点心纸予服务员，她表示要左右两边同数量，我们表示纸上没表示要每边一项㖞！她说这间茶楼是这样，她说试试交单，看看是否可行，后来来了另一位相信是较高级的服务员，她把我们的纸用原子笔划了大斜线(为甚么要这样做？我们都是用铅笔写的，你交回来，我们擦掉便可，是要为难人再写一遍吗？)，是要，说要两边一样数量，并说所有茶楼都是这样的。我们饮茶无数，如果要分开选，一定是写明例如A栏选一项，B栏选一项，绝不会像他们那样写得不清不楚的，还要一再强调间间茶楼都系咁，大婶，你去过几多间茶楼饮茶呀？后来我们再写，喝茶到了一小时，只差肠粉未到，于是请服务员跟进，那服务员没回答，去了查单，并印了张单给我们，说：自己睇，我们觉得真奇怪，甚么也不说就只叫人自己睇，一睇，没有肠粉，好彩之前把点心单拍了照，叫了男楼面来，给他看照片，他甚么也不说，取回那单，一会儿后，再放下新的单子，也是一句话都没说便走了虽然后来肠粉来了，但这种咁超水准的服务态度真是大开眼界，也证实了openrice 食客给予的负评并不是行家或打手做的，食物质素已经平平，但服务态度真的不想再领教，留待那些从不上网看评价或公公，婆婆来帮趁吧！
继续阅读
估唔到第一次写食评会系差评呢。 未试过饮茶饮到咁，服务态度差 ，叫左点心 等左劲耐先来、差d意谓系留单、追好几次先揾到人去厨房拎野食出来、仲要话今日旺多人做唔切，都明白宜家服务业难请人，但系都唔系等成差不多一个钟都未来野食，出到来既食物仲要系唔热既 。对呢间野既印象真系唔好 ，每间酒楼茶市都多人啦，唔多人咁仲有得留低咩
继续阅读
依间酒楼系佢岩岩开幕既时候食过几次，都觉得几好食。但依个星期再去，未入去经已劲反感😡！！因为佢d位迫都唔可以再迫！俾我既感觉佢地系要赚钱赚到尽！真系登佢地既传菜既姐姐同食客辛苦😔食物质素下降不再话下，d野食又唔热既！请都唔会再去！
继续阅读
父亲节一大家人一齐食饭，一早已订左一围菜，2千8百蚊，咁我地都明白到父亲节呢d日子系会比平时贵少少，但价钱其实算ok。乳猪：皮系够脆嘅，咸度都刚好，又唔会太肥，但细只左少少。芝士海虾伊面：芝士味都算浓，但虾有少少梅，要比较少。西兰花炒珊瑚蚌片：西兰花有d好硬同好大阵草腥味，珊瑚蚌淡而无味。海参炒蜜糖豆：海参有阵怪味，系好爽口但最后好多人都唔食，蜜糖豆又系有好大阵草腥味。蒸沙巴龙趸：蒸到条鱼好鞋....太熟了冬菇扒时蔬：冬菇未炆得淋...食落有点顶胃....红烧海皇竹笙翅：佢嘅翅竟然系素翅.....味道系可以嘅。炸子鸡：肉质都系好鞋，好大阵雪味。瑶柱蛋白炒饭：好油......味道又唔够，d生菜好似好赶时间掉落去咁。排骨陈村粉：排骨劲鞋.....味道一般。寿包：入面嘅馅得好少....成餐饭上菜速度奇快，一黎就上2碟𩠌，不停吹住收野同上菜.......仲要侍应呀姐会系人耳边大大声讲野....系大碟但唔好味，服务又不是太好...都应该唔会再试了。
继续阅读
今日同屋企人谂住去荃湾AEON超市扫货，shopping之前当然要医下肚先啦！唔评论酒楼既干净程度系几唔得，茶杯又裂边饮边漏水，估唔度作为一个经理既回覆都咁唔得。我地叫左个孖宝点心，其中一款系蒸凤爪排骨，上枱得一只凤爪都算，下面放底既全部都系肥膏（如图）。同经理反映后既答覆系，里面有1-2件系瘦架，下次叫厨房执返均匀啲啦！我个下O左咀，只可以话你咁讲无办法啦！ 心谂我叫排骨，你就俾肥膏我，仲要话无办法真系嬲到震啰！总括黎讲，呢间酒楼真系唔得，十分后悔再次帮衬佢。
继续阅读