百薈軒順德漁港 (已結業)

人生第一次寫食評，竟然是負評！本來看了別人對百薈軒的食評便不會來光顧，但因家人表示未來過這間茶樓飲茶，於是抱著可能食評是行家寫的，或許未必真實的心態來飲茶，想不到真的真的真的中伏了！星期六早上9時來到茶樓，不用等，好多位，位確是有點擠，但對我來說可以接受，心想，不用等位，好好喎！我們見有孖寶，當然會叫孖寶，紙上的孖寶有左右兩欄，我們在左邊剔了4款，右邊剔了兩款，交點心紙予服務員，她表示要左右兩邊同數量，我們表示紙上沒表示要每邊一項喎！她說這間茶樓是這樣，她說試試交單，看看是否可行，後來來了另一位相信是較高級的服務員，她把我們的紙用原子筆劃了大斜線(為甚麼要這樣做？我們都是用鉛筆寫的，你交回來，我們擦掉便可，是要為難人再寫一遍嗎？)，是要，說要兩邊一樣數量，並說所有茶樓都是這樣的。我們飲茶無數，如果要分開選，一定是寫明例如A欄選一項，B欄選一項，絕不會像他們那樣寫得不清不楚的，還要一再強調間間茶樓都係咁，大嬸，你去過幾多間茶樓飲茶呀？後來我們再寫，喝茶到了一小時，只差腸粉未到，於是請服務員跟進，那服務員沒回答，去了查單，並印了張單給我們，說：自己睇，我們覺得真奇怪，甚麼也不說就只叫人自己

估唔到第一次寫食評會係差評呢。 未試過飲茶飲到咁，服務態度差 ，叫左點心 等左勁耐先來、差d意謂係留單、追好幾次先搵到人去廚房拎野食出來、仲要話今日旺多人做唔切，都明白宜家服務業難請人，但係都唔係等成差不多一個鐘都未來野食，出到來既食物仲要係唔熱既 。對呢間野既印象真係唔好 ，每間酒樓茶市都多人啦，唔多人咁仲有得留低咩

依間酒樓係佢岩岩開幕既時候食過幾次，都覺得幾好食。但依個星期再去，未入去經已勁反感😡！！因為佢d位迫都唔可以再迫！俾我既感覺佢地係要賺錢賺到盡！真係登佢地既傳菜既姐姐同食客辛苦😔食物質素下降不再話下，d野食又唔熱既！請都唔會再去！

父親節一大家人一齊食飯，一早已訂左一圍菜，2千8百蚊，咁我地都明白到父親節呢d日子係會比平時貴少少，但價錢其實算ok。乳豬：皮係夠脆嘅，咸度都剛好，又唔會太肥，但細隻左少少。芝士海蝦伊麵：芝士味都算濃，但蝦有少少梅，要比較少。西蘭花炒珊瑚蚌片：西蘭花有d好硬同好大陣草腥味，珊瑚蚌淡而無味。海參炒蜜糖豆：海參有陣怪味，係好爽口但最後好多人都唔食，蜜糖豆又係有好大陣草腥味。蒸沙巴龍躉：蒸到條魚好鞋....太熟了冬菇扒時蔬：冬菇未炆得淋...食落有點頂胃....紅燒海皇竹笙翅：佢嘅翅竟然係素翅.....味道係可以嘅。炸子雞：肉質都係好鞋，好大陣雪味。瑤柱蛋白炒飯：好油......味道又唔夠，d生菜好似好趕時間掉落去咁。排骨陳村粉：排骨勁鞋.....味道一般。壽包：入面嘅餡得好少....成餐飯上菜速度奇快，一黎就上2碟餸，不停吹住收野同上菜.......仲要侍應呀姐會係人耳邊大大聲講野....係大碟但唔好味，服務又不是太好...都應該唔會再試了。

今日同屋企人諗住去荃灣AEON超市掃貨，shopping之前當然要醫下肚先啦！唔評論酒樓既乾淨程度係幾唔得，茶杯又裂邊飲邊漏水，估唔度作為一個經理既回覆都咁唔得。我地叫左個孖寶點心，其中一款係蒸鳳爪排骨，上枱得一隻鳳爪都算，下面放底既全部都係肥膏（如圖）。同經理反映後既答覆係，裡面有1-2件係瘦架，下次叫廚房執返均勻啲啦！我個下O左咀，只可以話你咁講無辦法啦！ 心諗我叫排骨，你就俾肥膏我，仲要話無辦法真係嬲到震囉！總括黎講，呢間酒樓真係唔得，十分後悔再次幫襯佢。

親戚60大壽，6時半入坐，7時左右叫了左個全包餐，第一樣菜同第二樣菜相隔半小時，第三樣菜同樣隔20幾分鐘仲要上錯，攪咗一排先同我哋講冇晒我哋原先叫嗰樣，用另一樣野嚟頂減我哋150蚊，見佢哋態度比較好就ok啦，點知佢哋收咗樣野就冇咗回音，問佢個阿姐仲要發我脾氣，之後上翅碗又唔攞又唔裝，服務差到極點！

今次第一次來此間食晚飯,有驚喜,服務太度超好,野食都好好,平靚底食,好啱佢,特別冬瓜盅,非常有特色,好清甜, 其他都好好,但只有鹵水乳鴿比較咸左d,桂花糕甜左d,其他都非常好食

清年假行動開始啟動,剛好舊同事外遊回來還有心地送我手信,放假日碰巧她在大窩口附近面試,就在大窩口這邊聚會好了。月巴人在熊貓酒店商場裡閒逛時看到這家百薈軒,不如飲茶。中午時段的百薈軒以公公婆婆及拖男帶女的街坊為主,知客阿姐問要不要拼桌??"不!"那我們就要再等一等了。街坊酒樓所用的香片茶葉很碎,倒茶時不斷有茶屑流出,茶湯雖有香片味但不是好飲之流,桌面上已有熱水自加,相對較為方便。點心紙選擇不算太多,大路點心粉麵具備,還有平日才有的優惠點心小炒,難怪吸引不少大窩口街坊在此午飯了。整張點心紙最特別的點心應是雪山叉燒包了,愛吃此味的月巴人當然不會錯過。 畫了紙仔後突然有位阿姐推著車仔推銷特價蒸飯,時值中午仍未吃早餐的我怎能抗拒呢??阿姐口中好抵食的蒸飯原來只是$10.8!!!整車盅仔飯還可以揭開自選,多久沒在酒樓試過從點心車上選點心??新鮮蒸起的盅仔飯份量其實不大,不過以這個價錢也算可以的了;剛剛蒸好的飯粒蠻分明爽口,以蒸飯來說可算不錯;幾粒排骨有骨有肉也不會太肥,細細粒的肉排調味不算太出色,起碼沒有雪味也不會淡而無味;小型鳳爪一開二,以稠身濃味醬汁蒸過,偏甜醬汁加上一點豉油,這一小盅飯以這個

                    雖然是次晚飯是全包宴，但絕不將貨就價，六人份量都很多，藉得欣賞是味香而不濃，大體不失禮，鱼湯更是入冬進補的好選擇，吊燒鷄皮脆內滑又沒有雪味，抄遼参真落本，茶的選擇也多，要挑剔是人手不夠，上菜換碟較慢。                              

由於早前裕滿人家宣稱自己裝修，相隔數月再黎發覺已經面目全非。 呢度已經變左間新酒樓。。我地等左15分鐘度就有位了！！員工服務質素不錯，雖然坐在門口魚缸位置，但定時會前來加水。 食物賣相麻麻，但味道不錯，特別係墨魚油炸鬼，生滾粥就差少少，粥底較稀。影漏左個鬼馬油炸鬼腸粉，呢款都好脆好正。埋單估唔度咁平，話晒星期日，計埋茶位每人都唔駛$40，真係超抵食呀！