百芳池上便當 (Mikiki)

营业中

休息中

百芳池上便當-話說平日係新蒲江返工都係食開茶餐廳居多，今日想轉下口味食台灣便當，百芳池上便當係位於mikiki地下一田果一層，之前聽朋友講個評價唔錯，一直都想trytry佢~-台灣鹽酥雞便當($59)鹽酥雞炸得好脆好多汁，份量亦都好多，旁邊仲配有三款唔同既配菜，好有台灣鹽酥雞便當既味道。除左主角鹽酥雞之外，鹵水蛋都幾有水準同埋幾入味，唔錯唔錯~-百芳牛肉麵($62)食台灣野點可以唔食有濃郁湯底既牛肉麵，牛肉麵個湯底飲到好香既牛脂味道，相信係用左真材實料調制~麵條煮到恰到好處，唔會太硬亦都唔會太軟，而牛肉就煮到好軟身，入口即溶~-台灣香腸($22)台灣香腸係出乎意料咁好食既食物，做得好有夜市燒烤既感覺~-百芳台式飲品 – 珍珠奶茶(+$12)珍珠奶茶係我生命中不可缺少既一樣野，飲完覺得百芳既珍奶可以一戰!幾出色，有足夠既奶味又唔會得死甜~-總括而言，我覺得百芳係值得我5星比4星既餐廳~

話說上次食過返搜味，今次去到第二區又見到同一間店既分店，就再黎食過，呢間分店地方店面大好多，而且坐得又舒服。首先我叫左個香酥豬扒肉燥乾拌麵，份量都好多，豬扒炸到岩岩好，一啲都唔油膩，非常脆口，啲肉燥係瘦肉黎，重有麵底非常彈牙，好有彈性，非常有口感。友人就選左鹽酥雞便當，雞塊炸到金黃色，非常鬆脆，味道重好好，重有好多其他配料，有勁多餸菜可以送飯食，真係好抵食。份量好足，岩曬一班大胃王。再叫多個小食炸花枝丸，有成5粒咁多，炸到外脆內軟，好似炸魚蛋既口感，呢個重更加豐富，一試過返唔到轉頭。跟住叫左兩杯野飲，一杯係黑糖珍珠仙草鮮奶，甜甜地唔算非常甜，較為健康，啲黑糖珍珠好多，好有口感。我就選左芝士奶蓋夏日荔枝紅茶，好有層次，上面個層芝士非常香濃，係我既最愛，下面嗰層就好冰凍心涼，真係好涼快。配合得非常好。

［台灣風味便當 配台式飲料一流 ］都係岩岩先發現原來新蒲剛MIKIKI新開左間百芳係附近番工/ 住嘅人可以來試下呀個價錢都幾平民上次黎食DINNER...有MAIN COURSE+小食+野飲一個人都係$70 左右。佢下午茶有好多台式小食配飲野，都係$30！下次要搵個TEA HOUR來試試先得土地今次叫左個CHICKEN WINGS 便當三個雞翼都大大隻  岩岩炸好，個皮好脆！重有粉絲同炸菜，好有屋企風味  開頭以為唔夠食 -_-食落原來份量都唔少! 因為呢個餐跟左個炸墨丸小食必點 煙煙UNUN又有台灣地道的SOURCES 一流  重有個牛腩麵湯底腩汁好香牛味但唔會太咸...牛腩整得好"lum"..一d都唔難咬!港女梗係要叫芝士奶蓋既飲品啦 哈哈哈走左甜但有芝士做toppings 呢個配搭我覺得岩岩好呢  

因為武漢肺炎，我既台灣美食之旅被取消滿腦子好期待既台式食物就只有得個諗字，於是忍唔住係口罩短缺情況下，都要搵台灣野食!就在娘家附近搵到呢間新開既專賣台式便當，主菜由便當、湯麵、拌麵、小食都有，總會搵到岩既一款!香酥豬扒肉燥乾拌麵¬豬扒口感淋身亦不失香氣,拌麵上放左半隻滷水雞蛋(入晒味既) + 肉燥,灑上蔥花, 傳統既台式口味!台灣鹽酥雞便當~鹽酥雞香脆可口, 份量有5大件...便當附有3款配菜(當日款式有炒大白菜/粟米/炒粉絲), 完全照顧到營養均衝夜市花枝丸~$20有5件, 同台灣夜市一樣, 花枝丸灑滿左椒鹽粉, 每一口都會有花枝粒~芝士奶蓋阿薩姆紅茶+金青茶王~前者甜度剛好, 芝士味不算太濃, 岩晒我口味! 後者可以叫小甜, 但青茶味道都算清新既~

次次黎一田Mikiki分店買完野都覺得呢個商場無啖好食，商場細無咩選擇，慣性麵系去食定食8，發現隔離多左間台灣野。【紅燒湯麵系列—百芳牛肉麵】$62牛湯鮮美富有牛味，柔順甘甜，麵條軟硬適中，就牛𦟌無特別驚人。【八方豬扒麵便當】$59系我最喜歡既炸法，炸皮似薯片甘乾脆不滴油，醃過既豬扒好夠味，同埋肉質軟硬剛好！【皮蛋豆腐】$20凍豆腐、皮蛋冷盤，澆上稠密既燒汁醬同灑滿木魚碎，甘簡單既食菜配合埋又幾好食。【抹香綠茶】跟餐免費 &【黑糖珍珠鮮奶】$22 （湯麵類加配飲品減$5）

由入單半個鐘後都未有野食，問職員先有，唔明系到做咩，野食全部都系凍冰冰，熱都費事，味道好麻麻，鹽酥雞好難食，根本唔應該系甘既味，要59一個餐，食唔飽，性價比好底，客人已經唔多，無座滿，台面上面垃圾唔收，唔清潔！

最近喜歡上公司附近的新蒲崗吃東西。台式鹽酥雞便當份量很豐富，配菜不但有醃菜，還有大白菜、粟米肉粒、滷水蛋，當然少不了的鹽酥雞。鹽酥雞炸得香脆可口，依然保持肉汁，不會過乾，亦不會過鹹。池上令人想起台東出名的稻田，米飯🍚挺不錯，可惜不夠熱。黑糖冬瓜這是我第一次喝冬瓜茶，非常好喝，一試便愛上了！不想再喝珍珠奶茶，冬瓜茶又健康又好喝，值得一試！台灣香腸這個簡直一試難忘，想不到台灣的香腸吃起來竟然是甜的，可能是因為表皮塗上蜜糖燒，表皮燒得香脆，內裏肥瘦均勻，不會覺得肥膩，入口即刻感到肉的焦甜味，非常美味！

跟同事決定去吃飯，發覺了Mikki終於有台灣菜可以選擇。這是一個很好的消息。曾經跟屋企人在銅鑼灣吃過，覺得很好的樣子，於是想在這兒尋找那種感覺。甫踏進餐牌，有一點點失望，因為沒有了雞脾飯，好像是什麼時段皆沒有，而且沒電子支付，感覺差了一大截。先後點了1）豬扒飯；2）雞扒拌面；3）鹽酥雞拌面。三個各有特色。豬扒飯十分足料，便當的顏色十分吸引人，有著垂涎欲滴的感覺。其餘兩個是拌麵，拌面的面質不俗，十分爽滑，味精也不多，十分不錯。雞扒有滷水味，鹽酥雞粒不錯的，沒有骨，可以一口硬完，十分適合我這個懶人。但我喜愛的是飯，所以我會呼籲大家來吃飯。譽港灣的朋友有福了👍🏻

新蒲崗打工做左很久，食到悶哂開左間台式便當店幾開心 又在樓下好近，睇食評個個都話貴，那價格可以接受，和大快活午飯價差吾多，今曰食左個 鹵水雞翼飯，54元送茶，個雞翼好味，鍾意它配菜預多，有雪菜，肉碎，粉絲，粟米，紙盒包裝，諗起上次去台灣食的便當一樣咁好食，起初覺得飯少 但食到尾份量吾少，夠飽肚的，加十幾廿十仲可加另款小食，杯熱飲又大杯，啲位和位之間就夠迫，佢空間走路地方算大，上菜真係慢左啲，得一個男仔做傳菜，至少要等20分鐘飲品及飯才一齊上枱，今曰12點50分落到去吾洗等位，去到1點就多人入座了，整体來說會試多次，試下其他款飯及飲品。

今日爸爸帶阿仔路經此店，仔見到門面即要入去試食，一般台式食店裝修不太特別，雖然在新蒲崗區但店舖好多人，可能午飯時間關係，等位等了大約15分鐘，食物落單後要成20幾分鐘才有。點了一個香酥雞翼便當配阿蕯姆紅茶($54)，一個鹽酥雞便當配珍珠奶茶($59+$12)，以一個午餐來計價錢頗貴，好彩講到味道方面，鹽酥雞夠晒入味又鬆脆，珍珠奶茶較差，冇奶茶味唔ok，至於個香酥雞翼都得，香脆可口又不失雞翼嘅肉味，總括來說，食物ok，只是價錢較貴吾抵食，只此一次就夠了

好似系mikiki新開既於是入去試下，以前系臺灣某夜市食過好好味既鹵肉飯所以有d懷念。店內燈光充足，揀左鹵肉飯餐配少冰茉香綠茶，綠茶幾好味，鹵肉飯d鹵肉偏鹹偏細粒偏肥，果然要去臺灣先食到瘦肉鹵肉，另外有粉絲、菜、鹵蛋，比較失望既系鹵肉麻麻；店員都有禮貌，總結來講okay但驚食多左會鈉超標。

放工趕去新蒲崗Mikiki，掃貨前快快口醫左肚先， 就在一田隔壁有間食台灣菜， 店前企滿左人， 但入邊好多位， 拿拿林入去叫野搵位。滷肉飯便當$54 ＋ 黑糖冬瓜茶＋$9：用高質硬身紙盒盛著滷肉飯，令我想起某次台北車站買的便當。飯面放著粟米粒，菜甫，半隻蛋，粉絲， 當然還有主角滷肉.....粒。唉。白飯微暖的。有點爛。落重左水。黑糖冬瓜茶直情係凍瓜茶， 只係得黑糖，糖水味， 下次記得叫少糖微冰。。。不過以快飯同便當計算。。。不過不失啦，貴左少少，但求醫飽個肚。