百芳池上便當 (V City)

营业中

休息中

很想吃各式各樣的炸雞！今天先吃台式的！台灣鹽穌雞便當有趣地鹽穌炸雞與便當分開，相信是以免飯盒內的水汽把炸雞焗冧。配有炒青菜、玉米、半隻滷蛋與炒粉絲，份量很足，不過醬汁不太夠，吃到最後不夠味。放上雞塊後便當賣相相當吸引，炸雞十分穌脆，是正宗的台式味道！～解鄉愁了～

週末假期出外逛逛走走，路經V City，心血來潮好想食台式便當，於是便決定到訪百芳池上便當。午餐～～台灣鹽酥雞便當 $61配紅茶鹽酥雞香脆惹味百芳豬扒便當 $61配綠茶豬扒大大塊，唔乾身便當配料相當豐富，有粟米、粉絲、椰菜、半隻滷蛋，套餐仲包飲品，價廉物美

行左成層得呢間有野食又有廢水飲 夠哂方便 見啲野食都好似幾好食 就外賣番去食 點知番到屋企一打開 真係o哂咀 60幾蚊一個餐 點左個鹽酥雞拌麵 但鹽酥雞得三舊？仲要有兩舊係細😂😂拌麵個汁都完全唔夠 撈完仲有起碼一半冇汁 建議個肉燥量同汁可以多番啲啦 因為撈落個味唔差 係幾夾既另外豬扒拌麵個份量叫做正常番 豬扒幾淋有肉汁跟餐轉飲其他飲品-9蚊 淨買野飲其實ok 都幾好飲黑糖珍珠鮮奶- 黑糖味好夠 珍珠量多芋頭鮮奶小芋圓- 芋頭味好出 淡淡都飲到料PS: 有打電話反映番問個雞既份量係咪得3舊禁少， 但接聽電話既職員都唔肯定個份量 要問其他職員後尾有話補番比我地 但就問我地幾時會到😂 算啦 真係唔得閒番番去拎啦

任何公司 購物/ 外賣/自取/ 堂食/ 落咗order 比了錢，給收據客人係正常事。但是在OpenRice 落單後到店取回家發現沒有給收據，打電話要取回職員要多番解釋因為……. 冇。我亦都無需要同你解釋點解我要取。其實連收據食物一齊比客人是正常事，住付近祇好明天取回。我是多次幫襯貴公司、現場落單你就可以給收據？？ 但是外賣為什麼冇跟住要點……..解釋。第一次買嘢取回收據要聽你解釋，其實小姐你一句說話唔好意思忘記給你。就完你們公司食物冇問題 。但是處理手法有問題，希望你們有待改善。

過去幾次都係買外賣，今次總算有d時間可以坐低食😋😋叫左鹽酥雞便當🐥🐥堂食剛炸好真係冇得輸🥰🥰外脆內軟熱辣辣，好入味，好好咬口😋一食返堂食，又冇辦法再叫外賣😂必點珍珠奶茶🧋加點價減左💲8，只需💲12好難唔叫😂但堂食位置實在太逼，兩人位連袋都要攬住食🥴🥴都幾論盡⋯

要趁熱食的炸雞便當，之前我試過外賣返公司，返到公司炸雞已經凍左，所以成個便當🍱係唔好食。所以食百芳就建議大家要堂食，可以熱辣辣食，就好好味😋今次我試左跟餐的綠茶，味道淡淡地跟便當的套餐加多$12，就可以升級珍珠奶茶🧋，大家可以升級🤪

屯門v city嘅台式食品店，主打鐵路便當同埋台式手搖飲品，整體裝潢都唔錯，坐得幾舒服，堂食嘅話係用點餐紙點餐。台灣鹽酥雞便當 $61成個便當賣相唔錯，可惜味道有進步空間。鹽酥雞雖然炸得香酥，但係味道偏淡。另外整體餸菜偏油膩同埋偏辣，其實冇諗過個餐係辣嘅，可能係太多辣菜脯嘅關係。隨餐附送茉莉綠茶，外觀都幾得意，味道正常，可以自己選擇甜度同冰量。豐盛三品牛肉麵 $72相比之下牛肉麵較為出色，有牛丸、牛腱同牛腩。 全部都牛肉味十足，包括湯底都有濃郁嘅牛味，麵底又滑又彈牙，雖然分量感覺偏小，但係味道真係值得一讚。

好耐冇食台灣嘢，所以就嚟到高級版嘅八方雲集— 百芳池上便當🍱餐牌一目了然好清晰，分別係小食、飯類、湯麵、拌麵。仲有好多台式飲品添！拌麵會有啲醬可以撈下撈下，啱晒重口味嘅我唔想太熱氣，所以係芸芸炸物之中，選擇左滷雞扒肉燥乾拌麵🍜個雞扒超級大份，滷水味都幾重，只係唔算太熱，所以感覺乾身咗少少。如果嫩滑一點，更加好食由於個拌麵既汁都好好味，所以清晒全碟嘢，係一啲難度都冇跟餐配左杯紅茶，冬日午餐，暖笠笠，埋單$66，合理

《台式美味便當🍗》平民化台式便當推介😊掛唔掛住台灣？掛唔掛住台灣？掛唔掛住台灣？掛住就去⋯⋯ 百芳池上便當🤣想買外賣，可以先上OpenRice落單15分鐘後到店就剛好可以取餐😊今次點左兩款雞餐🐣1. 台灣鹽酥雞便當鹽酥雞脆口、尚算薄皮、鹽酥味超香口😊讚👍🏻👍🏻2. 香酥炸雞腿便當🍗成隻雞髀拎係手食，好大隻、好正！但層皮炸得量嫌過火，咬上去有陣少少既苦味但肉質仍然非常好食😊3. 加左兩杯珍珠奶茶🧋用左個double硬膠兜，全程拎得好穩陣👍🏻讚👍🏻👍🏻整體黎講，平民化台灣餐算係性價比極高😊

〰️台灣坐鐵路一定會叫份便當食😍，屋企附近仲有間主打台式便當🍱餐廳，仲比我發現了有最愛嘅台灣麵食新竹米粉。仲記得上一次疫情前去台灣嘅時候，為咗食新竹米粉，真係搭車去新竹買咗好多米粉返香港食。〰️ 平時會多叫外賣，第一次食堂食。店內開揚，不過枱與枱之間距離都比較近，感覺係有啲迫同焗促。不過都要讚讚員工做嘢好快手，無論落單上菜都好快手呢 👍 🍽 🔹紅燒湯麵拼酥炸豬扒 新竹米粉一人份量嘅紅燒湯麵，加上熱辣辣嘅酥炸豬扒，外脆內軟，每啖新竹米粉食落口好順滑，食完每啖好想再食多啖。🔹台灣鹽酥雞肉燥乾拌新竹米粉經常食湯米粉，今次亦都試吓新意思，肉燥乾拌新竹米粉，口感上肉燥精華融入到米粉當中，味道香濃，但味精又唔會太多，所以都唔會一食完要瘋狂飲水😇 鹽酥雞肉香脆可口，都油膩嘅感覺🥰🔹 碳培烏龍茶 （少甜少冰）呢一杯碳培烏龍茶，真係好大杯，我哋兩個人飲一杯都夠飲。🔍 題外話店外仲有得賣台式飲品，掛住珍珠奶茶🧋都可以去飲下呢🤔 📌 百芳池上便當 (V City) 📍屯門鄉事會路83號V City1樓L1-12號舖

今日又黎到百芳池上便當食午餐，今日叫左香酥炸雞腿$65蚊，原本個餐可以免費加配紅茶，綠茶，烏龍。不過，我叫左特飲另加$24蚊衣個餐OK喎😆雞腿夠肥夠脆夠大塊😍不過個飯份量比較少，如果你係大胃王未必夠飽了不過，雞腿真係好滑，可以值得一試芝士奶蓋夏日荔枝紅茶 $24蚊 (少甜)衣杯$24蚊真心抵飲，咁大杯好香味荔枝味，先飲一淡杯頂的勁濃，勁重芝士味奶蓋，正到爆發，中意食珍珠，其他等配料網友們，加少少錢有交易

都不是第一次食百芳但食得百芳，每次都係食炸雞脾/炸雞翼因為我食親都覺得炸得好好，係剛剛好的好有時去到大商場唔想食得咁貴，百芳係一個好選擇只係有時可能太多人要等位今次等左約10分鐘就入得坐位都舒服，不會太逼我叫了「香酥雞翼便當」$56有3隻炸雞翼，唔會外皮炸得太乾而肉質係仲keep到嫩滑有肉汁所以都出個post讚下我覺得便當好好食特別係鹵水粉絲，個調味好好味其他便當材料有菜脯、半隻鹵水蛋、粟米粒、高麗菜同其他材料好夾，撈埋一齊食好開胃基本上次次都食曬成碗我朋友就叫了「炸雞腿肉燥乾拌麵」$66拌麵就唔會一般般，肉燥份量比較少而且唔算多汁，如果撈曬成個麵食係會唔夠汁，呢到扣分但炸雞腿又是必吃的！有炸雞腿就加番啲分老實講，我講得炸雞腿係no.1，炸雞翼係no.2我地兩個飲品都係跟餐送指定飲品揀了一杯熱的炭培烏龍和凍的茉莉綠茶無特別，唔會太甜，正常~下次再試其他野食~

台灣鹽酥雞便當：雞炸得鬆脆，仲有粟米、小唐菜，擺滿成個碗，好飽肚。百芳牛肉麵：牛肉夠腍無騷味，肥瘦適中，麵質有咬口，不過湯底有D咸。飲品有加配優惠，所以我們加錢轉左黑糖珍珠鮮奶+珍珠奶茶，2款都好飲，珍珠夠彈牙。

📍 百芳池上便當 -屯門🍱台灣鹽酥雞肉燥乾拌麵 $64 〔配茉香綠茶〕👍🏻鹽酥雞的皮唔會太厚 食落香口 雞就肥瘦都有 食落幾有好感 量多！拌麵就唔會太乾 不過 肉燥比較少 如果撈埋麵食個汁會唔夠多茉香綠茶叫左少甜就岩岩好肉燥乾拌麵均附阿薩姆紅茶（M）/ 茉香綠茶(M)/ 碳焙烏龍(M)————————————————————————＜全自費 真實評價＞🔎總結感想 🉑 可以有後續————————————————————————📍 百芳池上便當 (V City) 屯門屯門鄉事會路83號V City1樓L1-12號舖其他分店：銅鑼灣/太古/荃灣/新蒲崗/灣仔/觀塘/葵涌/香港仔/屯門✨人均消費: $50↑📎 @baifung.hk ————————————————————————#katfoodiesnap #美食分享 #美食記錄 #香港美食 #Hkfoodie #foodie #food #hkeat #hkfood #美食推薦 #美食日記 #香港cafe #香港咖啡店#美食 #屯門 #台灣美食 #百芳池上便當

餐廳主打台式便當🍱，以雞肉🐔及豬肉🐷為主，再配上蔬菜🥬及滷蛋🥚等配菜，還供應牛肉麵🍜、拌麵🍝、小食及台式飲品🧋，餐牌選擇多元化🤩 台灣鹽酥雞便當🐔🍱有7-8件鹽酥雞🐔香脆可口舖在飯上，配菜有半隻滷水蛋🥚，粟米粒🌽及娃娃菜🥬，加上彈牙粉絲等很足料，拌飯口感更加豐富😋 台灣半筋半肉牛肉麵🐮🍜有筋有肉的牛肉🐮煮得軟腍入味，其他配菜有紅蘿蔔🥕、白蘿蔔及白菜🥬，加$5轉麻辣湯底，每條麵煙韌彈牙且很掛湯吸收湯精華，非常惹味又開胃🤤芋頭鮮乳冰沙🧋芋頭與鮮奶加上冰粒打成棉密的沙冰，只喝到少量冰粒🧊，每喝一口是入口即溶😍阿薩姆紅茶🥤跟餐免費轉飲，紅茶不會太澀又解膩 整體食物份量十足吃得飽🤰🏻價錢又親民