百芳池上便當 (V City)

营业中

休息中

本來都偏好台灣菜，經過見到鋪頭幾開陽，價錢亦實惠就試一試啦！食過幾次後，總結到一個結論，就係配菜都好好食呀！😆（主菜就 ......)鹽酥雞／雞亦滷肉飯配菜：菜，肉碎，滷肉及粉絲都好食，特別係粉絲！如果有出淨粉絲就好了，真係好好味；滷肉質量都唔錯，送飯一流。主菜：鹽酥雞-炸粉太厚，而且無台灣嗰隻味道🥲；雞亦就係普通雞亦，無咩突出，亦無咩驚喜；豬扒滷肉麵配菜：菜，滷肉同麵嘅麵質都唔錯，滷肉加上麵，又係一流嘅配搭。主菜：豬扒，嗯～就比較乾，味道亦食唔出台灣嘅味道，就.......很普通呢間店仲有個優點，就係可以優惠加配台式飲品，所以台式飲品愛好者嘅我，都係1次又1次過嚟🤣。（免費嗰杯紅茶綠茶其實都唔錯）

在vcity 經過這裡看到這間的下午茶餐係最正常所以就揀咗食依間 估唔到5點幾客人都幾多下午茶餐⬇️·香酥雞腿・（半份）酥脆奶酥吐司餐普通嘅大大隻炸雞脾 第一次飲酥脆奶酥口味 很熟悉的味道 但又講唔岀係咩😂·滷雞扒•（半份）酥脆奶酥吐司餐都幾大塊雞扒 滷水都好入味👍🏻套餐仲包指定飲品 揀咗茉香綠茶 普通·夜市名物拼盤地瓜丸（5粒）、鹽酥雞、台灣古早味香腸估唔到地瓜丸裏面係實心嘅 所以食完兩粒都已經覺得有D漏 鹽酥雞炸得入味 香腸甜甜地都唔錯👍🏻

以前放工都會在這店買外賣，但因為之前試過幾次外賣飲品甜度攪錯，我已經少了在這兒買外賣，其實食物味道已經差咗，杯飲品又變細咗，佢只係勝在地點方便。可惜昨晚都係又出事，手機選了「無糖」飲品，回家飲了一口，甜的，再看杯的貼紙，是半糖！🤬🤬結果倒了！那個「便當」價值立時貴晒！！唉！佢哋咁多人企在前台幫手，卻冇人對單！沖飲品嘅人真係好唔小心！如果次次都靠個客去對單，自己唔守住第一步，呢間舖都經營不善了，真係冇下次！😡

年廿九下午去了產檢後、真的非常肚餓，趕緊去食個下午茶醫肚！ 到了這個台式店，發現有Tea set, 便點了一個炸雞翼及烤奶酪多士套餐，並附送了茉香綠茶！ 奶酪多士真的是十分出色！熱、香口及面包軟熟，是我少有吃多士味道那麼難忘的！ 十分推薦另外對我來說十分到位便是那杯熱茉香綠茶，真的是沒有糖份，因懷孕妊娠糖尿，沒有糖份的飲料真的對我十分重要，然而那個茶香還是挺夠的，不錯！最後有點少失望是炸雞翼、粉太厚、味道也略鹹，吃第三隻時已有點腻了，但總體來說還是可以的。

好耐都冇去過台灣啊🤩 唔知食乜好就試吓呢間台灣菜啦☺️ 其實餐牌上面好多嘢食揀，不過我唔記得咗影低同大家分享，尤其是嘢飲真係好多選擇😌同屋企人叫咗肉燥青菜，花枝丸，彈牙紅燒牛丸牛腩麵，滷雞扒肉燥乾拌麵。飲品方面叫咗金桔檸檬同埋芋頭豆乳。本身想叫皮蛋豆腐，但係店員話今日冇。😖咁就叫個青菜啦！呢個肉燥青菜有大約12舊小棠菜，上面淋上肉燥，啲菜都幾甜。😛兩個人食都夠分。☺️花枝丸發揮正常，上面灑上椒鹽，墨魚味重，非常彈牙。金桔檸檬酸酸甜甜，而芋頭豆乳的芋泥口感棉滑，無糖豆乳豆味香濃，本身芋泥都帶有甜度，豆乳無糖剛剛好。紅燒牛丸牛腩麵先到，麵條煙靭有咬口，軟硬適中，牛腩亦都夠腍，夠入味；牛丸方面咬開充滿牛肉汁，而且彈牙。滷雞扒肉燥乾拌麵肉燥頗多，不過麵條相對牛腩麵煮得比較腍，同牛腩麵係唔同嘅面底。雞扒滷得比較鹹，配合味淡的拌麵剛剛好。雖然雞扒切得比較大件，但都煮得比較腍，所以無傷大雅。總括而言，座位雖然唔闊落，但係shopping 唔買咁多嘢嘅話都夠坐；食物質素唔錯，飲品選擇多，而且好飲。😋

呢日屋企人係附近上堂，之後得返自己一個唔知去邊就嚟左百芳自己食午餐，好彩唔洗等位。（時間係12點左右未到午餐時間）叫左個慢滷豬手便當$63，跟餐嘢飲叫左凍茉香綠茶少甜少冰。個便當小菜有埋半隻蛋，粟米，粉絲，少少蘿蔔絲同娃娃菜。全部小菜都好岩我口味，夠晒台式😬而豬手方面就有5嚿到，最驚食豬手見到啲豬毛搞到無晒胃口，好彩呢間都啲毛都剃得算乾淨。而味道方面都算滷得夠入味，不過就唔太冧，應該可以再煮耐少少。嘢飲方面因為叫左少甜少冰，都仲飲到綠茶同埋茉莉花味，算係不過不失。同埋真係有少到甜，值得讚👍🏻最後環境方面，因為個鋪位都比較細，啲枱同凳排得有啲密，不平時見佢都多人等位，密啲入客量高啲都ok.

是日諗唔到食乜，我女話想試吓Vcity間台灣嘢，都開咗好耐，之前係小王牛肉麵就食過，改咗呢個就未食過。12點去到，尚早，都已經差唔多坐咗8成，座位都幾迫，但坐落又唔覺。嗌咗個百芳滷雞扒便當比老公$65，佢個餐有嘢飲，有三款茶：綠茶/紅茶/烏龍茶，叫阿薩姆紅茶（M)走甜少冰。個女就食香酥豬扒肉燥乾拌麵，茉香綠茶（M）微甜少冰$64，我就豐盛三品牛肉麵$75，改新竹米粉，我呢個冇嘢飲，但每個餐都有個海帶前菜。老公個台式雞扒飯都幾好食，份量都夠，雞扒大大件，有個海帶前菜。阿女個豬扒肉燥乾拌麵，豬扒都唔係話好乾，ok，但個麵就好冧，好一般。我個三品牛肉麵，係最貴，牛肉好冧，但係無論湯底或者係牛肉都沒有驚喜，有少少失望。埋單總共$204，唔使加一，不過不失。

前幾日去咗百芳池上食飯，整體而言，味道真係好好！特別要推薦佢哋嘅牛肉麵同肉燥飯便當，仲有珍珠奶茶同其他台式飲品。首先，講下牛肉麵。牛肉麵湯底鮮香濃郁，牛肉片軟嫩多汁，每一口都帶來滿滿嘅牛肉香。麵條煮得剛好，彈牙有嚼勁，配上牛肉湯，味道更加豐富。如果你鍾意牛肉麵，呢碗牛肉麵絕對係一個必試嘅選擇。仲有肉燥飯便當，真係好正呀！肉燥醬汁濃郁香濃，肉末軟嫩多汁，配上白飯，每一口都帶來滿足感。呢個肉燥飯便當係一個非常好嘅選擇，特別係你鍾意台灣小吃。百芳池上嘅珍珠奶茶同其他台式飲品亦都好好味。珍珠Q彈有嚼勁，奶茶香濃滑順，大大杯，每一口都帶來滿滿嘅茶香同奶香。而其他台式飲品，都係地道台灣味，值得一試。整體而言，百芳池上係一間非常值得推薦嘅餐廳。牛肉麵同肉燥飯便當味道出色，珍珠奶茶同其他台式飲品都好好味，令你嘅用餐體驗更加豐富。服務亦都好好，環境舒適。下次再去，一定會再試吓其他口味嘅台灣美食！

之前係呢間食過晚餐覺得味道都唔錯，今次就黎試下佢嘅下午茶😋😋下午茶有11款選擇，價錢$29～$48不等。我就叫左T9.酥炸雞翼3隻+半份酥脆奶酥吐司🍞酥炸雞翼好快就上菜，熱辣辣咁表皮炸得好香脆，肉質都好嫩滑👍🏻個吐司就等左10分鐘左右先上，一食有驚喜！如佢名稱所講，真係好酥脆，而且奶味香濃😋😋越食越滋味！套餐就包凍熱綠茶/紅茶/烏龍，轉其他特飲可減$6，我就揀左凍綠茶，埋單$40！平靚正😋

呢間近年興起嘅台式便當，早喺一年前已經試過買佢嘅外賣！到而家開到周圍都係分店，今次就近近地嚟到v city呢間有堂食嘅分店😋台式小食拼盤💰HK$69小食有鹽酥雞、炸花枝丸、炸台灣腸！花枝丸炸到金黃色，外邊好似有少少調味，食落去爽口彈牙！鹽酥雞口感鬆脆，肉質juicy！台灣腸嘅味道亦好香甜～滷肉飯便當💰HK$56呢個便當好有心思，配料非常豐富，有粟米、蔬菜、菜脯、粉絲同半隻滷水蛋～主菜滷肉更加肥瘦均勻，好適合用嚟送飯～肉燥青菜💰HK$21肉燥配小棠菜，但係兩樣嘢唔係好夾，啲菜唔係好入味～慢滷豬手💰HK$40豬手份量多，滷得好入味～仙草奶茶💰HK$22揀咗少冰微甜，味道正常，仙草嫩滑～

▪︎台灣腸滷肉便當 ▪︎$60今日唔想出街，咁岩我娘親係屯門，就去買外賣比我食。突然好想食台灣滷肉飯，所以就外賣左百芳。個便當望落都幾大兜，入面有滷肉，台灣腸，粟米，粉絲，紅蘿蔔絲，紹菜片，榨菜，鹵水蛋。配搭幾好味，同好飽😂不過台灣腸同滷肉食左啲已經有少少漏，同人share食個比例會好啲，無咁油膩。▪︎凍玫瑰輕檸茶 小冰微甜▪︎跟餐+$13本身想叫返正常嘢烏龍茶嗰啲比較好飲，但係見到呢個好似幾得意，就諗住嗌下，點知中伏了，勁難飲，飲唔到茶味，淨係飲到酸酸甜甜既溝出黎既糖水味。。。。。。。糖水粉紅色。。。飲左幾啖無再飲了。。。整體已經係第2次食，今次對呢杯野失望左。

門口點餐叫咗兩個便當：一個豬扒便當，一個雞脾便當。到手見有兩盒嘢，雞脾分開紙袋屬正常操作。返到屋企準備開餐，點知底個盒係得配菜同飯，變咗個冇豬扒嘅豬扒便當。由於屋企同餐廳係要車程十五分鐘，冇辦法返去換。下次買真係要望下先好走🥲🥲🥲

見假期同埋屋企人一齊去商場行下，嘆下冷氣，去到屯門西鐵站vcity，又行到餓餓地，就坐低係百芳池上便當食嘢啦見佢好多地方都有分店，諗住應該都ok嘅，但食落就有啲失望我叫咗個百芳台灣牛肉麵 $69追加飲品正價減$6麵底可轉幼麵或新竹米粉湯底好鹹，牛肉夠軟淋，麵份量少，如果$69蚊仲要無嘢飲就有啲貴，雖然係商場

佢唔係態度差，係直頭係唔騷你，叫佐幾次都冇人應，仲要企哂系度吹水都吾理客人 收單果陣問嘢都系吾理人 ，5個人做樓面叫哂5個得1個人理下我，另外幾個系當你冇到，望都吾望下

我知道埋單和叫外賣都係同一counter，但排隊是最基本吧？我是第一個想叫外賣，但職員叫我俾堂食埋單先，我已經開始不滿，咁叫了2個飯2杯野飲和小食拼盤(職員都西西地)，問我地要吾要野飲袋，我地問洗吾洗+錢，職員無答，只講總共$2xx😑都算，番到屋企發現小食拼盤無地瓜球換了墨魚丸，有關職員係咪要講聲呀？