百樂門宴會廳 (已結業) 查看

星期六晚同屋企人外出用餐因為疫情都好耐冇一家人出街食飯。我們一家四口到百樂門點了一個西澳龍蝦配2隻乳鴿的孖寶上湯龍蝦配伊麵底，一來就一開邊。我開頭有點驚訝，點解開邊既。打完個卡之後，佢地就幫我們剪開。其實都好既，証明真係完整一隻嘛。不過剪就剪到d殼碎晒，落晒d伊麵度。龍蝦話約14襾，都好厚肉的。炸子雞係屋企到酒樓晚飯必點，不過呢度炸得一般。同埋佢斬雞竟然冇斬個雞轉彎，係一隻雞中翼連尖咁，唔過癮。乳鴿都ok，夠味，岩岩上都脆皮的。海星斑仔 ＄288仲有點左盅湯，姬松茸赤肉螺頭湯。不過好油，唔太岩我口味。金銀蛋莧菜就一般，都沒有影相了。食完有糖水送有紅豆沙同南瓜露。

好耐無飲茶，趁政府又改4人限聚令前；星期日中午，出奇地小人等位🥴可能太耐無飲茶，忘記咗酒樓好鍾意俾花生🥜收下欄無唸到5人俾2碟花生=$22，超唔抵；因為我哋唔食，睇單先見到😳下次記得唔好要😔😔😔😔午市自選套餐$228可揀4款點心+1款主食豉椒味菜肉片河，夠乾身，不錯😋冰鎮豬手粒,今次唔好食😕太多肥肉，味道麻麻😖金珠鹹水角, 香脆可口，色澤均勻😋椒鹽多春魚，不過不失醬皇蒸鳳爪，正常好味必食點心皇大拼盤$69.80樣樣都有，各適其適啱一家大細

是日飲下午茶無乜選擇，黃大仙飲茶地方選擇不多，見佢Ok就入去食物選擇唔係多有啲粉麵有啲點心咁味道真心好一般瀨粉係好食既燒味都算OK但本人最難接受係好多點心、食物都落西芹雞包仔入面有西芹已經好奇怪但點解腸粉都落西芹？西芹厭惡者表示不能接受然後埋單想用信用卡居然話$200以上先可以用，收銀處無寫明係$200以上先可以用，早響就食到$200啦依家仲邊有茶樓唔收卡？隨隨便便一間屋村茶樓食$100都可以碌啦！

父親節前一天與家人到百樂門用餐，八人點了半席，$2400，若提早訂位則再減$200。職員服務非常主動殷勤，又特別安排走廊位置，方便輪椅出入。按職員推介選了中間價錢的餐。上菜速度一開始非常快，乳豬較瘦，龍蝦伊麵份量足，雞絲翅味道不錯，冬菇鮑魚亦大隻，長輩最愛。魚肉略少，令人失望。後來上菜速度開始減慢，等了一段時間才上炸子雞及荷葉飯，幸好大家已開始飽肚。最後的蓮容壽包餡料足，可惜皮太厚。整體不錯，如附送水果更好。

星期日Fatbrown 梗係要扮吓乖仔，屋企兩老飲茶，今次Fatbrown 一家就去咗黃大仙北館伯樂門飲茶個場都幾大Fatbrown 一家三人好快有得入座<鹹水角> (好味:3.5/5)鹹水角係Fatbrown 飲茶必點，平時出去食都係得一碟三件，呢度嘅鹹水角有成四件，份量都算幾足不過，唔系好夠熱，鹹水角糯米有啲硬<魷魚> (好味:2.5/5)魷魚炆得唔夠淋，有啲硬味道都夠香口嘅<豬肚> (好味:3/5)豬肚同魷魚有同樣嘅問題，都係炆得唔夠耐，咬到Fatbrown D牙都軟 不過勝在胡椒味夠重，加埋酸菜嘅調味，都幾開胃<鳳爪> (好味:2.5/5)Fatbrown 就唔鍾意食鳳爪嘅，屋企兩老講呢個鳳爪真係麻麻哋，因為冇咩味<叉燒飽> (好味:4/5)Fatbrown 咁多個點心之中最鍾意呢個叉燒包裏面啲叉燒餡好好食，個包又夠軟熟，食完之後好滿足<蘿蔔糕> (好味:3.5/5)蘿蔔糕普通貨色啦，都食到蘿蔔絲嘅煎到少少窿，食落都幾香口

一放假就好鍾意陪母親大人去飲茶而百門宴會廳係其中一間我成日去嘅茶樓但因為有時候遲起身3點先到的話 搞到冇得飲因為百樂門成日都被包埸 第一道小食是自然白飯魚這也是我們來百樂門飲茶的最大原因因為而家好少茶樓有這款菜式椒鹽白飯魚加上淮鹽 是一生人必食的一道菜份量適中 炸得脆卜卜 好好味香煎蓮藕餅十分有口感好味道蘿蔔千層酥熱辣辣但有點鹹叉燒瀨份量都好大 叉燒夠厚身 但有點瘦雪山叉燒包也是我其中一個目標可惜今次的雪山叉燒包不夠熱 而且有啲淋莧菜鮮蝦腸每條腸粉都有一粒鮮蝦腸粉皮也不算太厚 都幾正鹹薄罉就見得多 但間唔中都想食下甜嘅薄罉椰絲加花三粒配搭真的好好味灌湯餃這是下午茶優惠點心 味道不錯 有很多餡料黑椒牛柏葉本人十分喜歡食牛柏葉 但還是覺得牛柏葉比起黑椒應該要配薑蔥

之前來過這裡午飯，感覺不多好，今日再來，12點到，等位約15分鐘，入到大堂，第一個感覺是很嘈、很嘈和很嘈，四方八面的刺耳聲，令人非常煩擾。侍應很勤快，換臺布、開位、沖茶……。坐在一張四人枱，講話也幾乎聽不清，迫著要大聲說話。落單後，很快就送來點心！點了兩碗燒味飯——油雞飯和叉燒飯，好味都幾好，而且有青菜伴碟。另外再選了五款點心，其中叉燒包、潮州粉果和上湯水餃都中規中矩，水餃的饀料鬆軟好味。＂西洋菜浸牛肉球＂，送上枱那刻，覺得湯好像浮著汆水後肉的雜質，賣相非常不好，牛肉球就吃得出很多肥豬肉。另外，＂皇帝苗鮮蝦腸＂，用青菜作腸粉饀料是最大敗筆，菜配著豉油吃有種酸味，我們吃完後不約而同話﹕"寧願要純凈鮮蝦腸粉"。

哥哥一家來港幾天 ！早餐通常在附近茶餐廳吃！其餘有兩天都是在百樂門度過！一家老小兩天齊娃娃去了飲茶食飯一天八人，一天九人坐圓枱！當然依各人喜好點了壽眉、普洱兩種茶！同時段還是勾選「點心紙」點選食物！當然大路貨式蝦餃、燒賣、春卷、蘿蔔糕等「熟面孔」就免不了.....以下是連續兩天的食物！蝦餃皇感覺就不錯了 ！皮薄通透，蝦肉Q彈多汁！微鹹的口味不用沾仼何醬就很好吃！每天都有叫....懷舊鴨腳扎做得也很好啊！腐皮包裹整支完整鴨腳、芋頭、豬肉餡！鴨腳是蠔油調味過！所以味道不會太死鹹！那味道與口感真是無可挑剔！可惜是鴨腳還沒達到唇舌一齒就擠骨肉分離的火候！紅油抄手餛飩皮嫩，入面配料仔細！菜碎、豬肉碎，重點還有紅油汁！家鄉咸水角 色水不太金黃！外皮厚度中規中矩！餡料的豬肉碎和沙葛, 鹹香可口！燒賣皇一口咬下滿口肉汁！外皮稍有濕潤不會太乾！加上肥肉不多亦很香口, 不錯！牛肉球肉質尤其柔嫩！沾少許「喼汁」更是對味！不過牛肉香味就較一般！大家都喜歡吃腸粉，叉燒、牛肉、蝦仁腸粉！三個字形容，薄、柔、滑且裡頭的餡料份量很多！隔著腸粉皮都隱約見到藥膳雞腳還是較少於酒樓遇到！湯帶藥材味道, 還附上杞子等藥材,

真係好搞笑😅 小秘書真係無諗過自己會參加街坊聯歡會... 仲要查實我根本唔係黃大仙居民🥴 不過既然人哋誠意拳拳，就當過嚟食餐飯😝一班街坊一早就嚟到酒樓罷位，為求可以盡歡🥳 小秘書幾乎係最尾果個到。坐抵無幾耐，司儀陸續請議員/區代表上台表演，佢哋嘅歌聲真係好另類，夏天用嚟「解暑」就最啱... 就當去笑吓啦🤩餸菜陸續上枱，以街坊價$145一位，有嘢食、有獎抽確實係唔差🤩 而且「百樂門」嘅食物都唔錯呀，雖然無山珍海味，不過勝在樣樣都夠大碟👀 而小秘書就覺得條蒸魚、吊燒雞最為突出，魚夠滑，雞又夠脆皮... 不過碟糯米飯就未熟透🤤整體OK wow!

中秋節做節就係一班人一齊食飯慶祝下，所以今次叫左半圍餸，有拼盤，蚌片，蝦球，翅，魚，燒雞，菜，荷葉飯，壽包，都有好多樣餸而且份量好多，基本上夠半圍食有多 鴻運乳豬拼盤，燒豬脆卜卜，燒鵝有點韌，叉燒同油雞同平時果一韁唔多，唔太特別紅燒竹笙雞絲翅，唔講唔舍係雞絲，料唔多，茨會比較多，所以我都只係食晒D料剩底茨。不過我覺得唔落醋都夠味醬皇雙蚌片，蚌片都多，好易入口，重要係整碟餸唔會好油脆皮燒雞，最中意食就係燒雞，一來香，二來會係最穩陣的一道菜。佢的燒雞外皮都脆，雞肉比較嫰，易入口，而且每舊都好多肉魚肚浸菜苗，魚湯數量唔多，菜係小棠菜，菜有少少老，浸到黃晒，但個湯底幾香口壽包，個包軟綿綿，只是入面的蓮蓉餡有點少，蛋黃都得好少好少，如果蓮蓉餡多少少會更香更好味

中秋節一齊食飯，因為覺得散叫同叫套餐價錢會韁唔多，所以叫左半圍的套餐首先係沙拉汁大蝦球，佢的擺設好靚，好整齊。蝦挺大隻，少少彈牙，但沙律醬有點多，略蓋過了蝦的味道醬皇雙蚌片，蚌片唔韌，D瓜亦煮到好腍唔會太硬，整碟餸的份量都好多，但略有點油蠔重金錢飽螺片，巨大份，冬茹好大好淋好入味，底下仲有生菜，好香蠔油味，而且菜唔會煮到好老，不過螺片就有陣怪味，但都炆得好淋脆皮燒雞，脆皮燒雞永遠都係我最期待的一碟餸，個皮真係脆，雞好滑唔會好韌龍躉有陣怪味，唔太鮮，而且魚肉有點梅，有點失望鮮蝦荷葉飯，份量多，有少少香，唔油膩，但蝦有點梅，唔太新鮮整體尼講都算唔錯，雖然係半圍但每道菜都好大碟唔似半圍

當日下午約一時四十分到達，本人指明不是等下午茶，3 位。那位知客望也不望客人，寫了一張"3"字的紙仔，手指指叫本人行入去，一句說話也沒說，好像啞的一樣。好啦，一直行入去，就有另一個知客等候，佢叫我坐出入口門前的門口枱，因為大風，所以我想轉另一張枱，而當時亦眼見有好多空枱。我來不及說要求更換枱子，她已經開了點心卡，寫下枱號，以一秒一的速度行得遠遠的，但行到遠遠的又不是要招呼其他客人( 有圖)。有一個女侍應行過來，我跟她說風大想換枱，但那女知客好像扮看不見我想叫她 ( 因為當時我是一直在站立，應該都有15至20秒左右)。後來，又有另一個女知客來到，我跟她說，她才說可以換枱。很多人說服務業要受客人氣，而這間的知客很出色，反要客人受氣，當了一份很好的工。

尋晚唔煮飯，所以落街食飯，又唔想食隔離個間x宴，咪試下呢間酒樓一入到去，無人等位，企左係度成5分鐘個知客先帶我地去枱(個知客係無嘢做梗&見到我地)😡😡去到張枱，坐底個知客連問我地要咩茶都無就急急腳走，咁我地見到咁咪舉手叫侍應嚟，點知個紫色衫姐姐係見到我地但扮見唔到，唔show我地，舉到手都攰晒，先有個綠色衫阿叔嚟，我就同佢「我地坐左咁耐連要咩茶都無人問」，跟著我媽咪就話「潽洱，滾水唔該」，個綠衫阿叔就指住我媽咪話「咁嘅態度就啱啦，學下佢啦」，當堂真心火滾🤬🤬🤬，我講反個事實比佢知，洗唔洗咁話反個客？諗住算，叫嘢食，啲嘢食又難食🤮🤮永遠Blacklisted

可能係平日啦，酒樓都唔算多人，揀酒樓慶生，貪佢可以俾我地坐耐d，又可以大大聲，belibali都唔怕嘈親其他人嘛。話明生日飯，點可以冇壽包，1籠6個，大大個，入面唔單止有蓮蓉，仲有蛋黃添，上枱時仲有煙㗎！熱辣辣，香噴噴，好軟好味！淮山南瓜木耳，呢碟下次一定要encore，真係好健康好味。我一個人都自己包辦咗半碟呀。海鮮豆腐煲，份量足，抵食之作。菠蘿咕嚕肉，壽星嘅最愛，當然要點啦。平時我就唔係咁like呢碟，因為怕肥嘛。不過呢碟好得意，除咗有菠蘿，仲有桃添，而且d咕嚕肉都唔算肥，我都破例食咗2件呀。

好多人都知道我好少會寫一啲差評， 而今晚參加了朋友嘅 婚宴完全覺得係一肚火!!! 未結婚的我 永遠會 不錄用 黃大仙嘅百樂門， 完完全全在 我的 blacklist裏面!!! 員工服務態度極差， 大會司儀不專業， 經理員工趕收工 十一點都未到就已經被趕客!!!估計 司儀 亦都是百樂門的人 或者收了百樂門的水腳 因為主持一直提及百樂門， 完完全全為百樂門賣廣告， 如果 司儀係百樂門的人 更值得一鬧， 因為內容勁不到point ， 而且 對話感覺似是取笑別人 及 嬉皮笑臉， 同時 司儀搶曬風頭， 新郎新娘似係配角， 極不專業!! 食物方面 一般般， 不算太好的不算太差， 最差的是那份 蒸魚， 完全熟到無可再熟， 超級熟的魚魚肉會是十分 粗糙!!! 員工服務態度十分粗暴粗魯， 完全沒有問過客人食完狀況之下 張枱上 食物盤拿走 十點半左右 經理及 員工們已經開始收拾所有食物以及餐盤， 背景音樂調到超級大聲， 大聲程度完全與 clubbing 沒有分別，沒有辦法與朋友 聊天， 極度鼓譟及煩厭! 沒有很差只有更差， 在我們聊天當中突然經理將 大廳分隔板 摺起， 非常不幸地我們坐在大廳中間的接板位置