影片
今日个妹提议话食楼下呢间任食，因为之前佢听人讲话都好食。就试吓啦～一入到去，已见９成人都系食小菜，成间酒楼得３枱人火锅（连埋我地）已经觉得奇怪。。。但系因为曾经有好评，我都亦都决心一试。点知唔试又是可，一试把几火佢一拎出嚟，系大集会咁咩都有咁系埋一碟，而唔系分碟，但都唔紧要，最紧要系有Ｄ野我地都冇叫，点解会咩都有啲咁系晒个碟到呢？而且，成碟都系雪到仲有冰咁拎出嚟有好多仲雪到火山口咁，其中一个潮州鱼蛋，我地一直以为未到，一问之下。。。先知原来大集会碟上面嘅灰灰白白一粒粒火山口嘅野，就系！！！我地问个经理，当时个经理都犹疑咗一阵先答到我地呢碟大集会，应该系酒楼一早ＳＥＴ好咗，放入雪柜，因为唔多人食火锅，所以雪到冰晒兼变晒味因为后来见到另外两枱都系咁样有呢碟一模一样嘅大集会拎出嚟，我地就知道了！总结：猪润，痴晒冰兼好腥豆腐，变味酸咗鱼皮饺，雪到缩晒水，烚完出嚟，啲皮都冇晒弹力云吞，雪到变冰，烚到浮面拎出嚟食，原来里面仲系冻架，掉所有丸，全部都系雪到个心冰晒，浮晒面，其实入面仲系冻，有其他人一齐食，唔可以掉番落去烚架麻，所以都系 掉 收场只有菜系食得嘅，同埋自费＄３８嘅蚌Ｘ２总结：任食嘅野唔多，唔值呢个价因为全部野都系冻冰冰，跟本打唔倒。 （限时２小时）老公番嚟唔饱兼要食面包5个人埋单 $766后话:我地将碟大集会叫侍应收走，话碟野有问题（可以食嘅都拣晒出嚟）佢竟然叫我地食埋佢！！！！！
继续阅读
前几日同左几个同事去左呢间店饮茶,我地叫左好多野食,必叫o既有马拉糕,虾饺,肠粉,炸鲜奶同水晶饱,d野食质素唔错,系上菜时间比较慢,d小二算ok,但唔算好有礼貌,个场唔算太大,但坐得唔太迫,可以.呢区只有呢间店同稻香,佢呢间店o既质素明显好过隔来o既稻香,价钱亦平d,以后都会食呢间.
继续阅读
早上八点几去饮早茶，等咗三十分钟才有位。其间有好多人的大门出出入入，我都不以为然，以为好快到我！三十分钟后入到去无人带位不特止，仲要问咗几个仕应乱指条路比我哋，等我哋发晒火先有人应！之后叫点心，都要叫咗几声大声先有应，不过食物黎得都算快！其间不断见到住宅那边门口都有人入黎饮茶，但眼见佢哋系不用去攞纸等位，而系一走入黎就直喺你面前等！令到我哋食紧都觉得非常有压迫，之后仲要有个仕应比张椅比坐喺我哋后面！我记得以前都系咁样等位，但点解依家呢个茶楼有两种攞位法，咁样对喺出面等位又无得坐既客人好唔公平！之后我哋问个仕应点解会有人坐喺后面等位，佢话咁样无问题，仲要话返我哋转头，话佢一早拎咗飞！但我哋明明见住佢喺住宅门口入黎！仲要唔只一个客人喺咁样做！后来结账走人时见门口仲有好多人拎飞等位！我谂以后都唔会再黎呢间食嘢！
继续阅读
经过百乐门门口, 见装修好靓, 食物做特价, 但可惜找不到下午茶的食评, 但好想试试, 今天决定试试1) BB 鸽: $12.80 细细的BB鸽, 味道 OK , 可惜皮不脆, 失望(2) 牛肠 : $7.80 小小牛肉, 厚厚粉皮, 放进口里, 感觉不到牛肉的存在(3) 烧鸭籁粉: $4.80 大大碗, 可惜烧鸭放在粉上, 没有用碟分开, 把皮浸林, 味道一般, 但好抵食(4) 咸水角: $7.80 味道几好, 但没有加热, 冻冻的, 扣分(5) 马拉羔: $7.80 没有吃, 打包回家, 明天早点(6) 茶: $6.00 一位 茶都OK, 比稻香好如果看门面, 与食物水准来说, 稻香比较好食和平, 下次一定不会再来百乐门啦
继续阅读
公司附近开咗间新酒楼，我地班为食兵团又要出动喇~门面华丽亦充满气派，紫白既配搭好柔和令人觉得好舒服~朝早打去订位，难得系酒家接线都好有礼貌，一点去到就已经可以入坐！所以订枱真系好重要，因为有好多冇订枱既人等紧位！午市会有一ｄ套餐可选择，但系我地决定剩系食点心！有一款佢地叫「心食流沙包」既点心，既然佢地话必食，咁我地又试下啦！淡黄色既流沙包，热辣辣，的确做到流沙既效果，不过馅料唔够香唔够滑，味道普通！虾饺又做得唔错㖞，澄皮唔算太厚，虾肉亦爽口弹牙！唔会有好多肥猪肉系入面，感觉冇咁油腻！春卷炸得松脆，可惜馅料唔够平均，我食咗三件先有一件食到虾仁！而其余既点心都只系不过不失，未去到高水准，但又绝对唔会难食，全部皆系不过不失之作！不得不提佢既一个小食烧腩仔，皮脆肉嫩，一定要试试呀～价钱比同区贵，但服务系同区咁多间酒楼之中最好既！既然大家既质数差不多，咁我会宁愿选择有服务同埋环境比较舒适既去帮衬啦！
继续阅读