百樂門囍宴 (已結業)

星期日係家庭日，約左阿爸阿媽去呢間酒樓飲茶。人唔算太多，等左一陣已經可以入座。除左傳統點心外，叫左啲特色野食。點心拼盤：蝦餃、燒賣勁多蝦，都幾足料涼瓜墨魚餅：啲苦瓜好硬，好似無煮過咁。呢個米網炸蝦卷勁唔掂，紫色pat野，又無味，又淋bat bat，勁難食人蔘湯浸蝦餃：原來一客有四件，好彩只係叫左兩客。蔘湯都有蔘味，而且湯入面都有條幼幼地嘅蔘，配埋蝦餃，味道唔錯。最後呢個龍躉蒸飯，個飯係炒底，加埋蒜蓉、薑同蔥蒸，味道好香，而且啲魚蒸得啱啱好，好滑，真係好好味。

禮拜日晚當然要做孝順仔啦 ，帶住老婆仔返屋企陪阿爸阿媽食飯！ 兩老住麗港城，所以方便起見就到麗港城商場的百樂門晚飯。由於地方夠大所以搵位頗為方便。另外，酒樓值得一讚的地方是禮拜日仍然推出晚飯優惠所以好抵食！！！抵食套餐優惠方面，我哋叫咗清蒸沙巴龍躉仔， 另外亦都叫咗個特別介紹,蒜蓉開邊蝦再加魚湯菜苗。另外我哋又叫咗豬肺湯潤後四個人份量啱啱好，不過好似瘦肉多個豬肺，如果再多啲豬肺就好啦！至於優惠孖寶和特別介紹方面龍躉值得一讚，魚夠新鮮亦都蒸得剛剛好！至於蒜蓉開邊蝦配粉絲可以撈飯，特價嚟計已經好好，不能要求太高吧！至於魚湯材料就水準正常合格有餘但欠缺特色！

一家三口，想打邊煱。食開的麗港城真味鮮廚冇位，唯有去附近的新開的百樂門，$148成人，$98小童的火煱任食2.5小時。超級後悔作了這個決定，美國特級肥牛，9成是肥肉至噁心，豬骨煲，未開始的打已起泡，牛丸一咬成口粉，炸魚皮是碎上的，真是極品，連豉油也溝咗水，辣椒油也沒有，椒絲要自己比錢至噁心的火煱。。。真可惡

曾食過位於屯門海珠路那間百樂門既雞煲火鍋, 覺得又抵食亦唔差, 所以見到Groupon有, 就買幾張試下麗港城那間.  怎知道會是天同地既分別 : 首先自助吧已經很不同, 菜類只可order, 甜點自取但擺放得很亂, 糕點就只得一張保鮮紙怖面 (但其實比人攞幾攞已飛走了)終於主角出場, 嚇到我當場想走: 肥牛都還可接受, 夾硬都仲可食落肚; 有一碟我望極都唔知係咩既野, 一問亞姐先知係魷魚片, 但似放左好耐十分不新鮮, 各式丸類, 唔係霉就係似一粒橡膠丸, 只得一粒豬肉丸是正常.成晚最安全就係食公仔麵同飲汽水啦!不只我們一枱, 偷聽到連隔離枱都不停投訴....Walk-in入屯門海珠路那間百樂門都只是$148一個, 已包加一, 任食, 還可添雞, 但麗港城就沒有這種服務, 買Groupon, 計埋加一收費, 都要128一個, 只是平$20, 真不知有咩理由我要去....