百樂潮州酒樓 (已結業)

潮州菜並不是常吃, 今天在YOHO MALL飲茶並選了百樂潮州, 皆因佢比較早開門, 啱晒我呢啲早起身嘅人點了幾個點心包括有叉燒腸粉, 鹹水角和蝦餃,叉燒腸用了翠玉瓜做餡料, 而並非用傳統的芫荽, 這一點非常欣賞, 終於有酒家肯跳出框框作新嘗試鹹水角共有三件, 新鮮炸起, 餡料豐富, 高質素之作蝦餃($20), 有兩件, 超大件, 比起一般食開蝦餃嘅size大d, 食得出都新鮮員工待客態度亦友善, 無論飲茶或食潮州菜都係一個好地方

星期六預早慶祝母親節，因為成家都鍾意食潮州嘢，所以就決定book百樂。媽咪好鍾意百樂嘅格局，坐得舒服，同埋唔似一般酒樓咁嘈。我地冇叫到母親節套餐，覺得套餐啲食物唔啱食，所以決定散嗌。最後四個人叫咗一湯，四餸，一個炒主食。埋單差唔多一千蚊到。鹹菜胡椒豬肚湯，正！豬肚好新鮮，咬落好爽，鹹菜唔係死鹹，食落非常鮮美！胡椒辣而不苦，好暖胃。最重要係佢地係落瘦肉，煲出嚟嘅湯唔會油，好清！我一個人食咗三碗😋😋咕嚕肉冇咩特別，肉較少，配菜多。家鄉炒麵線爸爸至愛，無論飲茶或者食晚飯佢都一定會叫😂佢話百樂嘅炒麵線韭菜味香，重要嘅係佢唔鹹，炒得乾身，麵線好彈牙！蠔仔洛媽咪話做法正宗！煎到邊脆，內鬆。好多料，啖啖都食到蠔仔，冇成口粉，蠔仔好鮮甜。滷水拼盤五香重，鵝肉嫩！

哥哥搬左入元朗，一家人入元朗探哥哥，成日聽朋友講元朗有幾個大型商場好多嘢睇多嘢食，原來元朗都有百樂潮州酒家，所以就去試下，潮洲菜一般作風先來個功夫茶，必叫潮州鵝、麵王、蠔餅等等特色小菜。

Yoho Mall有好多間酒樓翠苑、利小館、利苑、王子、鴻星...其實各酒樓都有唔同嘅特點不過我一定唔會再去利x😵🔥因為之前曾經俾侍應不斷提醒要埋單所以去咗一次之後都冇再去度🤬如果要數yoho mall 酒樓食品最好食！夠熱！新鮮即整！應該係伯樂潮州酒樓所有食品都係自家製作同埋絕不含味精！👍🏻有心理準備😉食品種類就相對比較少好似王子飯店一樣地方都OK，細細間酒樓一至五搵位完全冇問題👍🏻招呼都唔錯有功夫茶及甜菜做小食食物夠晒熱！又真係好似冇咩味精！賣相和份量都令人滿意😆唯一要改善就係有一枱小朋友開手機睇卡通片開得好大聲（其實係家長嘅錯😵😵😵）我們希望部長可以即時處理但係部長話呢度係公眾地方只可以轉位給我們😵其實好多茶客都受影響但部長擔心得失那枱人但係有冇諗過咁樣做生意，會影響酒樓品牌形象😭亦得失左其他守規則嘅顧客🤬🤬🤬所以我未來都會少去這間酒樓！

唔通真係新年質素就差到咁 😖 正常嚟講標榜得叫潮州酒樓，d嘢都會有翻咁上下，今日就去咗試，食咗拾幾樣嘢，首先放低嘅醃咸酸菜好味，幾杯潮州茶ok有茶味，但酒樓提供茶壺嘅茶竟然係茶包，但淡到呢 ！！ 😑 糯米卷好味，叉燒包正常好味。鳳爪有陣腥味，兩隻粉果同一樣嘅皮，好淋，厚，無彈性，唔掂😩 ！雞絲海蜇個汁已唔掂，雞肉近乎霉😰 ，腸粉嘅皮，豉油都唔掂，咸水角嗰層糯米粉厚到從來未食過有一間酒樓係咁，好難想像呢d咁嘅質素收咁嘅價錢😠 絕對唔會再幫襯

—功夫茶粟米魚肚($50/位)嗌一窩會抵食d錦繡四拼盤($70/位 4位起)海蜇 潮陽蝦棗 甜酸粿肉 仲有個唔記得碧綠川椒雞球($128)唔太辣幾惹味乾煎糖醋麵($128)外層香脆 入面仲係平時食麵個種質地香煎蠔仔烙($118)沙茶牛肉芥蘭($108)ok出名 但食完唔係話好特別———————————————————————百樂潮州酒樓 Pak Loh Chiu Chow Restaurant元朗朗日路8號形點二期3樓A316號舖

平日下午茶有8折兩點黎到，好少人，坐得好舒服，傾計唔會嘈，人手夠幾好招呼潮州酒樓飲茶，梗係要食返籠潮州粉果滷水拼盤（孖寶$218）唔差，有埋鵝肉，冇渣流攤芋頭砂鍋飯（孖寶）唔錯，夠乾身，如果有埋蝦米就更正宗鹹菜胡椒豬肚湯$48細細碟，啱晒下午茶蝦腸 $34都好食沙茶魷魚$28我就食唔到，辣到飛起油菜 $48咁少份量唔算平，但係真係好好食，芥蘭一啲澀味都冇，仲好爽脆鹹水角$21一睇炸到脹卜卜，就知道新鮮炸起下午茶唔算平，不過可以靜靜地傾吓計嘅中式酒樓，又唔係好多選擇。都ok嘅

今年聖誕節我和昕昕冇出街，只是晚上跟長老外出晚餐而已，是日去了好耐冇去的百樂潮洲晚餐~~~由於我們一家怕辣，所以點沙爹牛肉炒芥蘭要走沙爹，牛肉幾好食，但我唔喜歡食芥蘭~~~金銀蛋浸時菜，浸菠菜真係中曬我心意，昕昕不斷要食蛋黃，突然諗起我細個時好鍾意食咸蛋黃白飯魚煎蛋，初初我仲以為係乾的白飯魚煎蛋，原來係新鮮白飯魚煎，味道又幾好食四喜豆腐煲，成日都點佢，感覺其實都幾悶脆皮川椒雞，個人覺得皮脆雞肉滑已經夠曬正檸檬烏頭魚，當之前果晚昕昕食過莆田的黃花魚後對呢條魚就有點不想吃的感覺，原來我個寶貝係咁嘴叼開餐前和用餐後會有細杯的茶可以品嚐，感覺倒是苦的馬蹄片綠豆爽，我個人唔太好熱的糖水，所以冇食到~~~每次去百樂最開心係乘機儲亞洲萬里通里數，仲有現金券回贈，可以考慮搵日再食多次

Yoho mall 係元朗地標, 出名食肆多商場多人多！今日我哋有成10個人去食晚飯，但係又冇book位，點知發現呢間酒樓唔使等位😆我哋就入去試吓😁見到餐牌嘅價錢都比較貴😎相信質量應該都有返咁上下，點知令我們非常失望😩食物嘅質素非常差，由店員推介的翅也做得並不出色，入邊的翅量也相當少😭味道也不夠！清蒸魚也蒸得太耐了，令到魚肉非常鞋口，不會再幫襯

11/11日當天是我父親的生日，眾兄弟姊妹一行14人相約到元朗形點之百樂潮州酒家為父親慶祝，豈料換來一肚子氣。當晚5:55時，妹妹先行到達酒樓，可能是酒樓未辦工，所以未有著燈，於是在門外等了一會兒，亦沒有催促他們。等齊人後打算點菜，爸爸問當時serve我們的waitress黎少群(看制服應是部長)有什麽時令的好介紹，她敷衍說樣樣都好食嫁啦！於是爸爸唯有說要先看一下menu再下單，但她没有離開，木無表情站在爸爸旁等我們揀，爸爸以為她站在旁邊想給我們意見，所以又問她這道鹵水拼盤有幾多樣揀，D腸會不會有好多肥膏？她說幾樣啦，肥嘅可以揀其他！問佢羊腩㷛D羊是新鮮定雪藏，她說新鮮 ; 豬手是冧身定爽口，佢話冧。全程一問一答、黑口黑面、東張西望不耐煩，她企在旁邊等只是想催促我們，完全没有給予任何意見。再問她香酥鴨有幾多件？夠我們咁多個人分嗎？她說你哋剛才點的所有菜，包括這道香酥鴨都只是例牌size，但為何點到最後我們問妳才講？請她加大至正常size，她說沒有，叫我們點兩碟。算吧！爸爸生日，免得跟她嘈交。爸爸再問她有無蒜蓉炒大白菜，她嘆了口氣說叫廚房特別做俾你。嘩！什麽態度！老人家長氣些少，是正常事

4人晚餐 $900 左右，以食潮州菜餐館來說價錢尚可，而且質素上比起他們銅鑼灣及圓方的分店要好。我們點了招牌滷水鵝片，當然出色，夠入味，而且片片整齊，份量得體。海味雜菜煲份量，菜亦新鮮，湯頭味也濃郁。另外點了蟲草花蒸雞，則一般，雞肉不多。烏頭則十分出色，又滑又多肉，配點之醬汁也令人點味。當日服務也不錯。地方也夠寬敞。結帳時有現金卷回贈，下次消費可抵 $90。可惜有效期只有一星期，實在太短，實在用途不大。

潮州菜在中國八大菜中，是我其中一個喜歡的菜色，可是多年以來，很多潮州菜都會令我失望，直至我試百樂潮州酒家之後，便對此改變了。今晚約了一群好朋友，山長水遠去元朗，便是要試試，偏遠地區，百樂潮州酒家能否維持一定水準。其實另一原因是有部分好朋友是住元朗的。😃😃😃😃😃我們今天決定美酒配佳餚，所以先來一枝白酒，Cloudy Bay Sauvignon Blanc$398，這個非常易入口，果味又香，我平時很少喜歡飲白酒，今次竟然飲了兩杯，證明真的好飲。喝完白酒，點了Malesan2016，$248。這酒果香濃郁，配滷水鵝和川椒雞就完美不過了。今晚主角出場是35兩，每兩60元的潮州白烚凍花蟹。這隻花蟹蟹蚶有手掌般大小，在街市很難買到，聽說大部分都給潮州酒家留起了。這個花蟹肉質鮮甜，帶一點醎水味，我捨不得點任何醋汁來吃，反而吃蟹肉時，再喝一口白酒，蟹肉的味道層次明顯更不得了。白酒配白肉果然是不頼。吃潮州菜少不了滷水鵝，滷水雙拼盆$220，內有鵝片和罕見的扎肉，鵝肉嫩滑，滷水汁醎味恰到好處，味道香甜。札肉有嚼勁，加上滷水豆腐就相得益彰。豪華大拼盤$840：滷水鵝片、蝦棗、海蜇、帶子，以蝦棗最為正宗，吃落

第一次寫食評，因為真心覺得不錯昨晚睇到電視介紹，成家都話想食潮州菜，跟住就訂了一間港島區的。但最後又怕塞車，加上屋企人去咗元朗探朋友，最後就改了响元朗搵潮州菜。下午時決定，訂枱冇難度。一心都怕好多人，其實也比較鬆動。服務員不是太積極推銷菜式，但也有禮貌，及當我提問時也有菜式的知識，可能因為我家有小寶寶一起進餐，服務員不時還跟小寶寶有互動。最後，五大一小全家都好滿足只有一兩道菜比較普通，但味道也是可以的，其他當然是很出色的啦唯一只是商場地點下面，想搵泊車位比較難，可能我們不熟路，走了幾個圈，最後還是找不到

難得約了大伙兒一同聚餐，今次輪到小弟選擇聚會餐廳，作為一個潮州人，為了尋找兒時回憶，便提議食潮州菜，不料大伙兒竟十分雀躍，於是便相約於元朗形點II開張不久的百樂潮州酒樓。在等齊人開飯前便先開瓶白酒，配滷水豆乾餐前小食，因為會食凍蟹，所以白酒選了適合配搭海鮮的 Cloudy Bay ($398)。人齊上菜，第一度菜就是今晚主角，潮州凍蟹！凍蟹要在酒樓食的原因，是因為街市買不到大隻的花蟹。今晚的凍蟹有三斤重，肉質結實，肉味鮮甜，再以白酒果香襯托，齒頰留香，頓覺物有所值（$60/両）。滷水雙拼盤（$220）滷水鵝一向都是潮州菜必食之選，拼盤除鵝片外還有潮州扎肉及鵝腎，滷水味香濃，配白酒竟然甚為合適。檸檬燉鴨湯（$108）湯水晶螢通透，入口甘香鮮甜，暖入脾胃，吃著冷盤和喝著冷酒時的一度醒神清泉。豪華大拼盤（$840）光是賣相已令人期待，壽星公擺件甚為別緻，壽宴的必然選擇。拼盤有鵝片、帶子、蝦棗、海蜇。皆是潮菜精選。百樂一品煲（$280）一品煲材料豐富，鮮蝦、鮑片、花膠、帶子、冬菇、鮮魷，個人覺得十分超值。碧綠川椒雞球（$108）以經很久沒嘗過如此正宗的川椒雞了！川椒葉輕薄爽脆，雞肉鮮香彈牙，重

跟好友在百樂聚頭，美酒佳餚，加上說不完的爛笑話……笑聲此起彼落……很愉快。😁環境寬敞，裝潢古雅。潮州白烚凍花蟹，近40両的巨型凍蟹魔力沒法擋，上枱時鄰桌已起哄，還爭相追問價錢……😍😍😍咬下去蟹肉軟綿，堆滿一口 😋😋，不用點醋都已經滿分了……滷水雙拼盆 - $220，滷水拼盤當然主打鵝片、豬頸肉、雞腎、豆腐 、扎肉……豐富又美味 😍😍檸檬燉鴨湯 - $108，湯水清澈通透，燉湯也！湯內除有鴨肉香味外，還滲着淡淡的檸檬味，一盅有10碗多，超值！豪華大拼盤 - $840，海蜇、蝦棗、帶子、鵝片，堆砌出來的巨型大拼盤 😍😍 晴度高 😁，美道也不錯！碧綠川椒雞球 - $108，川椒葉炸得碧綠爆脆，加上雞有雞味，識食一定要兩樣一拼食 😃，不論雞及葉都出色，值得推介。沙爹炒牛河 - $108，潮式沙嗲不辣，河粉嫩滑，吸滿沙嗲醬的菜遠特別好味。明爐鮮烏魚 - $240，烏頭新鮮肥美，明爐加熱有風味，握 like 一流 🖒百樂一品煲 - $280，大蝦、冬菇、帶子、魷魚，共冶一爐，美道甚佳。欖菜肉碎四季豆 - $98，欖菜肉碎咸香，四季豆翠綠爽口。香煎蠔仔烙 - $108，光顧潮州菜館必食項目，老幼咸