百樂潮州酒家

营业中

休息中

今天的午餐，就和朋友來到這間位於圓方1樓的「百樂潮州酒家」。餐廳座位很寬敞，坐得很舒服。我們叫了招牌點心孖寶，香煎蠔烙，蜜汁叉燒腸和沙爹牛肉炒河粉。首先說一說蜜汁叉燒腸，腸粉很細滑，夠薄，叉燒也很足料招牌點心孖寶，有燒賣皇和潮州粉粿各兩件。燒賣結實，口感彈牙，蝦亦很新鮮。而潮州粉粿，皮薄餡靚，餡料十足。香煎蠔烙，亦是潮州菜的招牌食物。蠔仔分量十足，肥美飽滿，而且不會腥，因為是即叫即煎，所以上枱都是熱辣辣的，煎得香口，配上魚露，令到食物的味道更突出。我們亦叫了沙爹牛肉炒河粉，牛肉很新鮮，而且也很大塊，十分足料，配上濃郁的沙嗲汁河粉亦不會炒到很鬆散，很好味

炎熱天氣，最好出去商場行吓街，食下野，飲杯茶！講到飲茶必食的百樂潮州酒樓。因為潮州人最鐘意嘆茶、品茶！茶葉真的不錯👍🏾到左酒樓坐低頭盤就係功夫茶，再加上潮州酸菜，開一開胃先。竟然有菊花茶，現在好少酒樓有菊花茶提供！好香的花茶味！不得不試的腸粉，粉好滑，再加以醬油，正！如果有芝麻更加好！潮州粉果，同港式粉果不同，味道比較清淡。朋友食得健康，所以適合佢口味，再黎一個翡翠蘆筍素餃，跟個名一樣翠綠，精緻，味道好清新！正所謂嘆杯茶就要食個包，叉燒包，熱騰騰，好味。埋單之後再會上一次功夫茶，比客人消化下，好貼心的服務

今日去開圓方做嘢，順便約媽咪飲個茶， 所以就揀咗百樂潮州，餐廳首先就會上功夫茶， 每人2杯，個茶味真係好香， 令人回味！另外我哋就叫咗幾款點心！我哋叫咗個叉燒包，個包好軟熟，餡料都幾多金珠鹹水角即叫即炸，熱辣辣， 外脆內軟！瑤柱蝦米蔥花腸雖然係蒸腸粉，但係個腸粉好滑，點少少豉油食就已經唔錯最後就係紫菜魚蛋湯，裏面除咗有魚片，仲有魚蛋同紫菜個湯底都好香，好有潮式風味呢度環境光猛，坐得都幾舒服，食物質素都唔錯

下午約了朋友去了圓方飲茶, 很久沒去百樂潮州酒家屬少數正宗潮州菜食肆, 酒家環境寧靜闊落, 開餐前先喝杯味道甘醇的功夫茶，還有酸甜爽口開胃的美味咸酸菜，來作為前菜！招牌點心孖寶 (蟹籽粒燒賣, 潮州蒸粉果) 各兩粒燒賣- 大大粒鮮蝦、冬菇、咬落口肉質爽口彈牙粉果- 內含少量肥豬肉，再加花生餡料十足，肉香非常瑤柱蝦米蔥花腸皮薄餡香，雪白晶瑩、米香軟綿滑溜，加點甜豉油滑入口, 口感軟滑鮮雜菌杞子棉花雞棉花雞的雞件大塊軟嫩, 配搭鮮雜菌和杞子健康有營翡翠蘆荀素餃皮薄晶瑩通透, 餡料豐富內有蘆荀粒, 紅蘿蔔粒, 冬菇粒等等... 那蔬菜的鮮嫩與清爽滋味都令人再三回味整體來說環境舒服, 服務好, 食物有質素, 價錢都合理!

辛丑牛年大年初七，除了是人日，亦是 COVID--19第４波疫情下，恢復晚市堂食的第１天，熬過80天，終於可以外出吃晚飯，我建議吃潮州菜，家人一致同意，立即訂座圓方百樂潮州酒家。開心！看餐牌樣樣都想吃，一下就點多了，包括：#潮式炸雙棗，自小就喜歡吃炸蝦棗和蟹棗，兩樣都好吃，真的要比較，炸蟹棗會高分些，因為蟹棗能吃出絲絲的蟹肉，炸蝦棗只吃到蝦膠。#潮州香煎蠔烙，吃潮州菜必點這個，好好味！#骨香鵝肉片，另一必點項，鵝肉吸收了鹵水的濃香，好吃！墊底的鹵水豆腐是強勁加分項！#普寧豆醬雞，第１次吃，雞肉很入味，連骨都化開，挺喜歡的菜！#手打魚蛋津菜，魚蛋比津菜好吃！#潮州炒麵線，點多了，這個直接打包，隔天翻熱吃，味道仍然挺好的！#胡椒鹹菜豬肚湯，本餐唯一差評這個，太鹹太辣，喝不了！

好鍾意食潮州嘢，但係又好耐冇食過，今日同個潮洲朋友喺圓方逛街見到有間出名食正宗潮州佳餚嘅酒家係度有間分店，環境舒適，於是就入去食番餐潮洲lunch, 好讓友人懷緬一番家鄉美食。坐低除咗見到似係喺度返工嘅白領外，仲不乏有不少中老年客人幫襯，感覺佢哋係熟客仔。喺潮州酒家梗係叫返啲潮州地道食品。先飲番杯工夫茶，再食番啲我好鐘意食嘅咸酸菜開下胃。招牌點心孖寶（潮洲粉果+燒賣）本來對潮洲粉果嘛嘛哋，因為好怕外面嗰層厚厚嘅粉皮，但呢度嘅粉果不單皮薄，而且幾通透，，令我對潮洲粉果有所改觀。燒賣結實，鮮甜兼彈牙。潮洲香煎蠔烙香煎比起酥炸冇嘢熱氣，即叫即煎，入口熱辣辣，蠔仔夠新鮮。從來都吾知蠔烙中透明嗰d係咩粉，從朋友口中得知原來係混入薯粉，唔怪之得有啲煙煙韌韌嘅口感。潮州蠔仔泡粥此粥是我食潮洲菜必點嘅菜式，亦都係我嘅至愛。蠔仔新鮮漲卜卜，加埋方魚片、冬菇絲和肉碎，令味道更加鮮甜美味。呢個蠔仔粥除咗講得上鮮甜，又可以用清甜嚟形容，因為吾覺有味精，而且更體會到食肆標榜少鹽少糖嘅健康烹調方向。福果芋泥夠晒地道潮洲甜品，唔係間間潮州菜館都有得食。芋頭蓉經糖煮過份外香甜可口，質感稠得嚟又綿又滑。福果即白果，對呢

呢度午市有點心、小菜。我哋叫咗啲點心，見到有蠔仔粥就叫咗😜一坐低有4小杯功夫茶🫖夠熱夠茶濃～點心夠熱幾新鮮～▶️蟹肉瑤柱菜苗餃$62好夠熱又大大粒，入面口感豐富，蝦幾爽口，菜苗都幾多，一絲絲蟹肉瑤柱嘅口感相當突出。▶️家鄉煎薄餅$42呢個以為係傳統嘅煎薄餅，唔知原來係油酥餅，仲有沙嗲醬點。酥脆好食😋▶️山竹牛肉球$42一客三大粒。肉質夠紮實足料，有蔥花香。仲有紅蘿蔔等配菜墊底，色彩豐富！▶️醬皇蒸鳳爪$52鳳爪好林身，夠入味～▶️潮州蠔仔泡粥$68一大碗，份量都幾多，可以分成五小碗左右。蠔仔幾多，有菇、瘦肉等，唔錯！🔻茶芥$20/位、小食$16

今天和家人到圓方商場睇車展，順便飲返個午茶，由於我們是潮州人，都比較喜歡到百樂潮州酒家飲茶，除了啱口味，還有最愛的功夫茶🫖餐牌上都有很多潮州的美食，價錢亦都很合理。瑤柱蔥花炸腸半透明的腸粉外皮，包著香脆可口的油條，再加入瑤柱鮮甜的口感，味道不錯。招牌點心孖寶有潮州粉果和燒賣，燒賣的蝦肉和豬肉比例適中，鮮蝦爽口彈牙，咬落鮮甜多汁，粉果皮簿餡靚，配埋辣椒油一齊食，更提升粉果的味道。鮮什菌杞子棉花雞雞肉鮮甜嫩滑，加入什菌和杞子健康有益，魚肚給入醬汁非常爽口入味。福果芋泥這個芋泥不是間間酒樓都食到，都是潮州食物的一種，芋泥不會太甜，芋頭味香濃，入口幼滑。

母親節，成家人返晒屋企食飯！因為人數太多要分三枱，係咪好奇怪呢，唯有係屋企慶祝啦！母親節之後嘅第二日我就帶咗我親愛嘅母親去飲茶啦！出咗去九龍站Elements 上邊有一間百樂潮州酒家，靜靜地人少少坐得好舒服😌順便同阿媽談下心水滾茶靚一黎就上功夫茶蜜汁叉燒腸，腸粉熱辣辣，即叫即製芋茸炸帶子功夫之作，帶子鮮，竽茸香，酥脆香口，值得一讚鮮雜菌杞子棉花雞媽媽至愛，食材新鮮翡翠蘆筍素餃皮薄餡靚，素淡得而鴛鴦水晶包去潮州酒家必定要嗌嘅甜品，無論豆沙定蓮蓉餡都非常出色，豆沙餡仲要有果皮味母親表示今餐非常滿意

今天相約相公去這間潮州食店午膳，看見枱與枱之間的距離相隔很恰當，感覺良好；坐下侍應員先給我們酒精搓手液。相公愛吃的紫菜魚蛋魚片湯，魚蛋和魚片都很彈牙很爽又有口感，紫菜加清湯，簡簡單單，飲落又清又甜。燻魚亦是我倆的摯愛，用筷子取起連汁帶魚一起咬下來，這樣的掛汁吃魚，實在好極。對我來說不能決少的潮州餸，潮式炸雙棗，熱騰騰地咬在口，很香口呵，慢慢地咀嚼，非常有嚼感亦不怕乾。我倆選擇了糖醋伊麵的做法是單面脆，另一面不用煎，很特別亦很軟軟脆脆，另有別的層次感。

今日和太座在這潮菜名品牌午膳，從步入食店至離座都只能說高水準👍🏼👍🏼入座前防疫工夫做足，剛坐下馬上奉上工夫茶，員工態度殷勤😀😀决定捨點心而選潮式小菜🤔燻魚作頭盤魚味濃而軟硬度 適中有咬感， 醬汁醒胃而不搶燻魚味😋😋紫菜魚蛋湯湯底鮮魚旦片彈牙而無腥味，放入紫菜令湯更有口感😋😋潮式炸雙棗上枱時仍熱氣騰騰，甚有嚼感，調味致中庸而極可口😋😋糖醋伊麵無得輸，上脆下軟反比兩面黃更為我接受😋😋最後又以一輪濃郁工夫茶完结回味的一頓飯👍🏼👍🏼

好耐無同老媽子飲茶，今日陪佢出去買野，順便去左百樂潮州飲杯茶，食個包🤣侍應姐姐好細心，請我地做足防疫措施，包括掃安心出行，量體溫，先消毒雙手👍🏻然後等我地坐定定，就斟幾杯功夫茶比我地，嘩。。。老媽子勁鍾意仲話呢啲功夫茶好正望望點心紙，好多款點心選擇，我就點左幾樣啱老媽子口味瑤柱蝦米蔥花腸：呢個一定要推介，因為腸粉超滑，滑到不得了，而且好足料，瑤柱蝦米超多潮州蒸粉果：皮薄餡料十足，好爽口，好難得食到咁正既粉果醬皇蒸鳳爪：媽媽至愛，蒸到啱啱好，而且好入味😋招牌點心孖寶：粉果配燒賣皇，燒賣以鮮蝦做成內餡，食起上嚟鮮味又嫩彈飽滿潮式煎韭菜粿：嚟到食潮州菜既酒家，一定要點個潮州點心，餡料超多韭菜，所以侍應拎埋嚟已聞到好香韭菜味，好香呀，而且煎到好香口飲茶最愛就係點到一枱都係點心，大滿足

上茶樓飲茶食點心是香港飲食文化的一大特色，今次光顧嘅潮州酒家位於圓方，地方雅潔。先來個功夫茶品嚐，茶香陣陣，令人感覺舒暢。瑶柱蝦米葱花腸 腸粉白溜軟滑，夾著瑶柱蝦米葱花等惹味配料，配上適量花生醬和甜醬，錦上添花。彩蔬牛肉球牛肉球爽滑彈牙，甘荀和白菜墊底，金黃翠綠增加食慾。蜜汁义燒包包面軟绵而又滲出陣陣义燒饀料香味，咸甜適度，十分滋味。海鮮芋絲春卷外皮金黄香脆，芋絲饀料非常美味，點上喼汁提升味道。鴛鴦水晶包有蓮蓉和豆沙饀各三粒，外層煙韌，晶瑩剔透，饀料清甜香滑，好味。美味點心配功夫靚茶，令人倍覺滿足!

仲有幾日便是牛年年初一了, 希望牛氣沖天會帶來好運. 今日星期日我同另一半去了西九龍圓方, 百樂潮州魚翅酒家, 食一個迎春餐.  希望來年健康快樂, 心想事成.酒樓充滿生氣, 裝修好特別, 有獨立圓形分隔檯, 先品嚐工夫茶, 火喉十足, 香氣及喉韻感覺是極品.  我們點了 迎新春套餐.  菜式吉祥好意頭.第一道頭盤:金沙發財卷拼龍鬚好市,  炸得黃金色好意頭, 擺碟賣相靚, 熱熱送上.  每人各一件.龍鬚好市 ~  上檯熱, 好香脆, 炸得不油膩.  餡料滿滿多蠔肉, 龍鬚香脆, 口感一流.金沙發財卷 ~   賣相亮麗, 入口香脆, 鹹蛋黃外圍炸得鬆脆, 內裏為有蝦膠及髮菜, 口感帶點煙韌, 食品好意頭.....寓意發財.紅燒潮州中鮑翅, 潤膚養顏, 降血脂, 真是有益又好味. 粗壯的翅身腍滑入味富彈, 好喜歡啊.六頭鮑魚伴  伴有鵝掌菜心, 賣相滿分.   大大隻鵝掌好嚼口.體形大且厚,  質感軟滑.  慢煮鮑魚煮得好味出色, 入味夠腍,  彈牙, 有少少黏質,  營養豐富, 好好食.蘿蔔煮黃花魚黃花魚煎香, 細肉香滑, 有豐富蛋白質同維生素, 是營養魚.   蘿蔔能清熱解毒, 幫助

農曆新年最重視吉祥好兆頭, 所以帶了女友去圓方的 百樂潮州魚翅酒家 吃午餐.由她點菜.  叫了迎新春套餐, 菜式豐富, 好意頭,  有優惠價每位 $588.  酒家裝修以圓形設計, 有完滿感覺, 連天花也是圓形.侍應招呼好, 座位寬闊, 水滾茶靚.  潮州酒家, 我們愛飲工夫茶.迎新春套餐, 頭盤先來個香脆炸物.金沙發財卷拼龍鬚好市,   大家希望牛年好市也發財, 卷龍鬚好鬆脆, 內有蠔鼓, 吃了大家都豪得起 !女友仲意金沙發財卷, 外皮酥脆, 她吃得津津有味.   想起發財, 大家吃得開心.紅燒潮州中鮑翅每人一盅. 這是潮州魚翅酒家必食招牌食品.有火具保暖,  我加點芫茜,  入口湯頭濃稠, 魚翅大大條, 腍滑入味富彈, 真是頂呱呱, 六頭鮑魚伴鵝掌溏心鮑魚夠大隻, 厚肉, 鮑魚燘得入味且軟腍, 爽彈鮮美, 挺有驚喜 !鵝掌, 巨形, 燘得入味又稔滑.蘿蔔煮黃花魚黃花魚不太大條, 合兩人份量.  魚肉纖細滑嫩, 少骨, 鮮味足.  伴有清甜蘿蔔, 可口.金華竹笙扒雙蔬  蔬菜新鮮嫩綠,  有火腿竹笙 , 口感佳, 味汁不错.餐後甜品有三款:鳳凰煎年糕, 鴻運年糕, , 好意頭.福果暮