百斗記鷄煲小廚 (昌盛徑)

营业中

休息中

今日喺外賣平台叫咗個外賣雞煲＋響鈴喺餐廳自取，自取時發現個響鈴得6件（見圖一），同我早幾日落餐廳買係有8件(見圖二），總數少咗兩件。於是問舖頭姐姐啦，佢理直氣壯咁講，喺平台叫外賣係少兩件得6件，因為外賣平台$100抽佢地$30。即係咁，係餐廳選擇接單，然而將成本轉介落消費者度，雙重標準，建議大家幫襯呢間餐廳請三思，態度質素世一，趕客100分

兩個人 嗌金菇 娃娃菜 牛腩 魚皮餃 蝦滑 墨魚滑 韭菜餃 響鈴 一份肥牛嗌咗竹蔗茅根飲全部菜同丸都冇乜特別出色 牛腩全部肥豬肉 全部都要掉肥牛 $258 得少少薄片 最後兩條友$950埋單 唔抵食 去一次夠

叫左一隻雞煲,來到見到得十幾舊,雞又無肉,已經問左阿姐呢度一隻定半隻,佢就話係一隻,隻雞係細隻,大佬我比$198食一隻雞6個人食,每人三舊已經食完個雞煲,真係不知所謂,已經吾係賣得平,越做越呃錢,以後都吾會再去，埋單$1760

短頭髮果個阿姐，極度無禮貌，態勢惡劣，好似爭佢錢咁！同佢講要隻雞唔辣，個汁要中麻中辣佢就極大聲話（成間餐廳都聽到）：點樣隻雞唔辣呀！！！又要中麻中辣呀！！！佢都唔知係咪第一日撈定搵交嗌，你有個汁+10蚊另上架嘛！？咁你咪另上辣汁比我囉！總之隻雞我就要唔辣！我食過好多次，老闆娘講野都好大聲，但人地係有禮貌架囉，呢個短頭髮阿姐態度極惡劣！一坐低叫完野食，完全影響我成餐飯既情緒！又唔係平架啦，2個人食，都成千蚊埋單！唔會再有下次！

天氣又轉涼 最岩就係去食雞煲 打邊爐.今次叫左半隻雞 中辣. 芋絲. 好多人排隊 好彩都好快可以入座. d雞件入味. 但雞唔夠滑. 如果冬天仲可以坐出面食 夏天應該唔得 👎對住條渠

態度極差，兩大1BB車（BB得3個月），個場冇客我地先問入吾入得，個侍應呀姐用鄙視嘅眼神望我地，然後求其指住條街問我地將BB放係街邊得吾得…甘既態度語氣擺明有生意吾做最後冇去食，以後都吾去

呢間野都真係極品，話說個阿姐亂加湯搞到啲雞淡哂，喂！雞煲唔係亂加湯加嘛，同佢講，就叫我俾錢買醬，話係張餐牌寫住收錢，真係當人水魚，不知所謂，食到火都嚟！背脊骨落！冇下次!

雞煲係好食嘅 但係個肥牛真係唔好嗌，真係當人水魚咁劏。嗌咗肥牛$118例牌。上到嚟得嗰幾片薄嘅，以為佢俾漏咗。點知一問佢個姐姐居然理直氣壯咁話「冇俾錯，係咁架，例牌吖嘛」今次做咗水魚，冇下次。

天氣凍又係時候食雞煲加打邊爐，今次叫左半隻雞 (走麻小辣)、手打雙拼丸、脆炸響鈴、稻庭烏冬、芋絲扎同埋豆卜。本身已經打定電話落單外賣自取，點知去到都係好多人，仲未有得拎。咁等左唔係好耐伙計已經拎左我果半隻雞出黎，但係d打邊爐料就仲未有，咁唯有繼續等。點知再等多大約半個鐘，已經叫到去我個no.後面，先知原來伙計唔記得拎埋d打邊爐料出黎......返到屋企拆開仲要發現脆炸響鈴比錯左做筍。不過d雞都係好滑好好食，稻庭烏冬、芋絲扎同埋豆卜呢d全部都好入味，吸收晒d雞汁同雞湯，鐘意食得重口味既話不妨預早放落去吸下味。但係個手打雙拼丸同之前既就好大分別，個賣相完全唔係丸，好在味道上都冇咩太大出入。

疫情之下無堂食想食雞煲照樣嗌外賣返屋企慢慢嘆 (如果堂食會限時個半鐘)打定電話過去落單去到就已經有得拎叫咗半隻雞煲另外再加咗個手打雙併丸(墨丸、蝦丸) 同稻庭烏冬等打邊爐果陣食拎到返屋企隻雞放落煲要再煲多6~8分鐘半隻雞叫左走麻小辣都已經好夠味不過鐘意食辣既話可以再叫辣啲因為小辣個辣度其實都無咩辣味啲雞好滑好嫩啲配料索晒醬汁，啱晒我呢啲重口味人士咁食完雞煲當然就要打邊爐啦如果怕加水加湯會令到本身既味淡左你都可以加$10額外買碗雞汁個手打雙併丸都幾彈牙唯獨個蝦丸本身真係冇咩蝦味稻庭烏冬平時都裝到2細碗但今次剩係裝到1細碗不過真係好食既

外賣自取叫左個A級安格斯肥牛(大) $208得一盒仔 打落去問個姐姐其實大概有幾多 個姐姐話大概約一磅我真心O左咀我係屋企用電子磅磅 連埋膠盒先得0.44磅已經無加個蓋問個姐姐 會唔會比漏左一盒？佢話一直都無呢啲事發生 晤會然後問廚房 之後返黎就話廚房話係照執無問題咁其實邊度出左問題？個姐姐9晤搭8又話啲雞都會斬埋頭頭尾尾落去咁真係得0.44磅咋喎 得幾片然後 佢cup我線！啲野食係okay 可惜咁嘅份量 真係晤會再幫襯

同好友聖誕聚餐，朋友介紹了一間出名雞煲是百斗記，如果喜歡食辣就一定要叫中辣或者大辣，因為小辣是不辣的，個雞煲買相唔錯隻雞也好新鮮好滑流味道適中，手切肥牛也好柔軟好有肉味，特別介紹下牛坑腩唔係間間火鍋店都有得食，牛坑腩又大大舊又好軟綿綿好新鮮肥肉不太多，牛柏葉切得太細粒但係好爽脆，響鈴比較實了一點點唔夠鬆化，炸魚皮唔夠厚身味道也普通，牛爽片唔係爽爽的有少少硬身不太好食，我地叫了2個湯底，一個是蕃茄湯底好濃蕃茄味同牛肉也好夾冇什麼特別突出，另外一個是咸菜豬肚湯底，有很多咸菜和豬肚，豬肚好軟綿綿湯底剛剛好但如果黑椒粒多番少少會比較惹味。

百斗記鷄煲小廚 (元朗)🔺秘製百斗記雞煲 🐥🥘 $188😋指數：🌕🌕🌕🌕🌗◽️揀咗中辣 中麻 一隻🐤 而家店舖安裝左新式嘅電磁爐 會有自動計時功能 當雞煲上枱 店員會set好時間 夠鐘就食得 大概 7分鐘左右 。 時間岩岩好 雞肉好嫩滑 夠哂入味🔺脆炸響鈴 $38😋指數：🌕🌕🌕🌕🌕◽️即叫即炸 必點💥💥 特別鬆脆 🔺岀前一丁 $25 @2😋指數：🌕🌕🌕🌕🌖◽️大家都食過嘅味道 😂📍百斗記鷄煲小廚 (元朗) 26568218元朗昌盛徑18號元通樓13號地舖朗屏站D岀口

同朋友慶祝生日，揀左呢間百斗記，因為大家都認同佢好食，只係價錢有點貴。雞夠新鮮，無雪味，肉又夠多，個醬汁又香，配搭埋無得輸！手切牛夠大碟，除左有幾舊多脂肪外，其他都好好食！丸類高質，唔係普通貨，有咬口，入面既料都好好食。小類海鮮類都高質，好彈牙爽口，份量都叫多！滑類同樣好有咬口，好重味，用料足，份量都可以！午餐肉算厚切，吸左啲湯勁好食，大大啖午餐肉勁滿足！另外點左烏冬，粟米，脆肉鯇，全部都好好食，特別係粟米，勁甜勁好食，脆肉鯇真係勁脆！

第一次誤打誤撞入左黎呢間雞煲，我地4個人，叫左一隻雞。估唔到呢間雞煲咁好食，佢個雞煲汁好重味，就算之後加左湯，都仍然keep到個重味。而且到最後我地都加左碗雞煲汁，佢仲會根據你要既咩辣度，咩麻度黎煮返個雞煲汁比你！值得提既係，呢間鋪細細間，但竟然有入到芝士竹輪😍😍😍😍