百得餐廳 (已結業)

3號風球底下, 唔知係咪d人唔出街, 個個叫外賣呢? 平時星期五晚的呢度, 係超多人的, 今日竟然連卡位都唔滿...........對我嚟講就好, 因為冇咁多人就冇咁嘈, 而且我地有卡位坐..............今次都係叫小菜+蠔仔粥, 但加多碟小食, 但原來係食唔哂lor~~~ 西檸雞好明顯係雞扒嚟, 只係將雞扒切粗條, 然後沾粉漿炸咗佢, 唔知佢係驚d汁會整林d雞定係懶, d雞係冇汁包裹, d汁全部响碟底, 面頭再放雞件................到食果陣要自己沾汁去食...........而且d汁太水, 杰身d會好好多................ 涼瓜班腩好鹹, 個芡又好杰, 不過d班腩炸得幾脆下............... 蠔仔粥 依然係腥, 但今次冇咁水, 飽肚好多,,,,,,,仲加咗料tim~~ 都唔知果條係膠紙定乜? 又唔敢叫佢換, 驚仲衰............所以都係掉咗佢算數........... 炸大腸睇落一d都唔吸引, 黑忟忟咁, 雖然望落唔脆, 但原來食落個皮都好脆, 只可惜佢冇清乾淨腸入面d肥膏, 有d不雅.............成碟炸大

上2次嚟食都係食小菜套餐, 但又唔比加錢轉蠔仔粥, 於是今晚唔叫套餐, 淨叫小菜+蠔仔粥............ 京都骨以為係用肉排整, 但都唔係, 原來係用豬排, 口感冇咁好, 而且d豬扒用鬆肉粉乸都肉質散哂, 冇乜咬口.........不過勝在多菠蘿同洋蔥, 而且d汁又唔太酸, 都尚算可以~ 紅燒豆腐開頭仲以為係用煲仔上tim~ 原來就咁用碟上, 所以凍好多..........佢好多豆腐, 有成十舊八舊, 仲有3舊冬菇+3舊西蘭花............芡汁唔會太杰, 算係清清地.............. 蠔仔粥蠔仔唔多, 飯又唔多, 成碗粥都好水,唔係好夠飽肚, 不過d蠔都幾肥仔.........除咗蠔仔之外, 仲有魷魚絲、肉碎, 簡唔中又食到唔知係蠔殼定係碎骨? 如果佢加返d芫茜碎, 而唔係淨係得蔥粒會香好多, 而且可以蓋過D腥味................

其實早一晚先幫襯過, 已經急不及待要encore, 因為實在有太多選擇, 就算成個星期encore, 都仲可以選擇唔同菜式, 真係有排試先試勻哂呀~~ 紅蘿蔔合掌瓜湯開頭仲以為同琴晚一樣tim~ 因為d色同d味其實差不多, 琴晚係青蘿蔔, 今晚轉咗做合掌瓜, 但唔同咗人拎嚟, 所以係一人一碗仔, 而唔係一大湯碗lu~~~ 味菜炒豬心肚份量唔多, 但豬心同豬肚炒得幾爽口, 而d味菜可以用嚟送粥~ 豆腐班腩煲超多豆腐, 起碼10舊, 班腩都唔少, 起碼有6舊以上, 雖然全部都係細細舊, 但食起一嚟都好飽下架~ 同埋好在佢d芡汁唔會好杰, 就算凍咗都唔會變啫喱~ 飯+粥1飯+1粥係套餐包的, 就咁食d粥會好淡, 所以一定要叫d有汁的餸, 咁樣加落d粥度就最正喇~

平時都有幫襯開呢間茶餐廳, 但都係食早餐、午餐、下午茶, 晚飯真係第一次, 估唔到又唔錯bor~ 一來選擇多, 二來味道都唔錯, 而且都叫幾抵食…… 青紅蘿蔔豬骨湯叫中式套餐包1碗例湯, 但可能見我地兩個人, 索性用個大湯碗裝比我地, 果度夠一人兩碗多小小, 味道雖然唔算得上濃, 但起碼飲落唔係好重味精, 其實清清地都唔錯架~ 南乳粗齋煲配飯 雖然上枱果陣唔係渣渣聲, 但都係熱辣辣的, 都幾多料, 有幾種菇、茄子、西蘭花、支竹、筍、粟米仔、粉絲等等, 味道唔係太濃, 但都充滿南乳的香味~ 飯size同周圍差不多, 都係冇乜飯香 沙拉骨配粥 通常食開都係用一字排, 而佢呢度係用豬扒, 豬扒大約有一塊多dd, 切開一條條闊條, 炸完之後再加埋沙律醬炒勻, 有少少痠痠地, 都幾開胃下架~ 粥就大碗好多, 如果細食的朋友, 1碗粥都夠share兩個人食, 而佢d粥係潮州粥, 味道係淡少少, 但如果配埋濃味的小菜, 咁就啱啱好~

佛誕放假, 好多人走入長洲睇飄色, 但我選擇去high tea, 廢事同一迫, 一路hight tea, 一路睇住電視新聞講飄色, 咪又係一樣......... 牛肉炒公仔麵今次淡味咗, d牛又林咗, d麵又林咗, 整體上差咗.......... 雞脾沙律 雞脾越嚟越細隻, 今次真係細得可憐, 莫非d雞長唔大? 但d肉又好鞋, 唔知係炸得過火咗定係隻雞本身老, 所以d肉鞋? 沙律好凍, 凍到牙都軟, 中間仲係有d雪咁, 莫非個雪櫃太凍? 定係放錯咗入冰格? 由於佢d生果切都超細粒, 碎濕濕咁, 所以都好快溶到雪, 留番食完隻雞脾先食沙律, 咁就啱啱好, 凍得嚟唔會太冰.......... 凍奶茶+熱菜蜜標準茶餐廳飲品, 冇乜特別~

又係放假日, 又將食飯時間延遲, 四時先嚟食午餐+下午茶, 咪以為會平D, 其實同lunch差不多, 款式仲少咗tim~~~ 沙爹牛肉包早餐果d沙爹牛肉, 太多汁, 而個包係就係好熱, 但係叮熱呢, 叮熱係唔好食, 會令個包變un, 我寧願食唔熱的包, 都好過食叮熱咗但係un的包........... 干炒牛河今次炒得好油, 而且有鑊撈, 牛肉依然係冇味, 所以一定要連埋d河粉一齊食, 咁先會有味lor~~ 凍奶茶+熱菜蜜例牌, 講過好多次, 唔再多講

其實我一d都唔餓, 係都要我去食tea, 咁就順應一下啦~ 入到去竟然只得兩枱人, 大把位任你選, 坐低之後都諗唔到食乜好, 係咁e叫個多士食下, 廢事食咁飽……... 奶醬多唔夠多奶又唔夠多醬, 成十幾蚊個餐, 比多少少醬都得掛? 家陣真係唔抵食, 以前係多醬到你會覺得好甜, 但而家係完全唔覺 西多同多士一樣, 都係唔夠醬, 但今次炸得d色水好靚, 而且舊牛油係放碟邊, 等你自己決定加幾多 熱菜蜜+凍奶茶例牌貨, 不過不失咁啦~

多數都係幫襯呢間茶餐廳的下午茶, 因為實有位, 今次諗住咁早會有卡位坐, 但嚟到都係有九成滿, 淨番大枱, 都要照坐啦~~ 坐低後即叫個早餐................好快有得食, 只係等咗幾分鐘~~ 沙爹牛肉米沙爹牛的份量算係多, 牛肉切得好薄, d汁唔知係咪凍咗, 牛同牛肉之間係有d芡一舊舊琼住咗, 我成日都要用d湯洗咗佢~~~ 如果唔係咁樣, 佢d沙爹牛就好正~~~ 火腿炒蛋配餐包炒蛋仲有汁流出嚟, 生生地幾好丫, 嫩滑d~~ 最鍾意就係將個餐包開個洞, 然後填滿炒蛋夾住食, 超正~~ 熱華田用呢d厚杯飲真係好正, 特別覺得好飲d~~

國慶日冇特別節目, 同平時放假一樣, 由於晏咗食早餐, 所以午餐食唔落, 唯有食下午茶餐...........如無意外呢度食下午茶餐一定有位坐, 所以諗都唔駛諗就嚟呢度HIGH TEA............... 雞脾沙律雖然佢冇話係炸脾, 但佢呢度都係將D雞脾炸返熱, 原本係油脾, 都變成炸脾, 而且炸得好香tim~~ 不過就好細隻, 唔係好夠皮..........沙律唔會放到暖, 仲係凍的, 但又唔會凍到入唔到口, 好清爽, 又唔會好大pet沙律醬太濕, 沙律醬的份量啱啱好, 而d生果size又適中 牛肉炒公仔麵原本menu係有黑椒炒的, 但我地唔係好食得辣, 所以叫佢走黑椒, 其實就咁干炒都已經好夠味, 佢d麵又唔會太林, 又唔會太油, 最怕就係炒到成碟油林林咁..........不過佢d牛肉依然係冇味的~ 凍奶茶+熱菜蜜好夠味

第一次幫襯佢食lunch, 見佢30蚊個餐, 仲有湯、有包、有嘢飲, 响第一城嚟講算係好抵食架喇~~ 所以我叫咗個焗豬扒飯試下~~ 餐湯 - 節瓜湯 我選擇咗中湯, 是日餐湯係節瓜湯, 雖然冇湯渣, 但都飲得出用咗好多料去煲, 而且好甜紅蘿蔔味, 成碗一滴都冇剩, 全部比我飲哂~~ 餐包 應該可以選餐包或方包, 但餐包賣哂, 只剩方包, 雖然個包凍冰冰, 但依然軟林林, 如果熱辣辣時應該仲好食 焗豬扒飯 個碟雖然好長, 但其實好淺, 飯底當時係有雞蛋炒底啦~~ 衰在個面冇落芝士去焗, 唔夠香口, 只係得茄汁淋面, 然後焗翻熱~~ 表面上好似麻麻地, 但食落就知好味, 佢d豬扒面有少少脆口, 而且食極都食唔哂, 雖然佢切開一件件, 但數得出絕對有2塊完整的豬扒, 超抵食lor~~ 熱利賓納 偏甜, 但你可以認為係抵飲lor~~ 如果加水, 起碼可以沖多半杯~~

住左一城o咁耐, 都未寫過呢間, 就寫o下食評如果住第一城, 想食港式早餐應該得呢間(2011前剛開番金禾閣, 但超級貴).$22 既價錢可以叫倒個麵 + 炒蛋 + 飲品應該在一城找不倒沒有美麗裝修, 但坐位夠大, 合格早餐最特別算係個炒蛋, 大大碟. 幾好味!

由於早餐食得太飽, 到下午四點幾先識肚餓, 所以走嚟食tea~~ 係非常失望lor~~ 其實一心諗住食炸脾, 諗住間間茶餐廳都有, 但呢間個茶餐係冇...............咁就唯有再諗過........... 叫咗1個西多拼司華力腸+1個熱狗, 點知熱狗賣哂, 又唔知食乜好, 所以叫多個西多, 但今次拼雞翼.............. 西多拼司華力腸 西多好油, 又冇乜點沾蛋漿就拎去炸, 睇個樣d油應該未熱就掉入去炸, 所以先會吸哂油同變哂色.............中間d花生醬又塗得少, 冇乜味.............條司華力腸仲抵死, 原來得半條, 叫司華力腸就係貪佢夠大碌, 好咬口嘛~~ 點知而家竟然開邊!! 西多拼雞翼 呢塊西多個樣都係咁衰, 但好過之前果份少少, 因為d油夠熱.............但都係咁難食lor~~ 雞翼係鹵到用少少力已經可以整散, 雖然佢有翻炸, 但都唔熱lor~~ 熱檸茶 成個茶餐最正就係呢杯茶............... 呢度茶餐選擇唔多, 價錢又唔係特別平, 我諗都係唔會再幫襯下午茶lor~~

午餐時段, 度度都爆棚, 係呢度唔洗等;其實係冇人...都驚驚地, 但冇時間, 頂硬上喇!果然!泰式粉麵個湯冇落鹽, 清淡得很~係d 滾完米粉, 米色果d 湯....唔記得落鹽都有, 未試過...春卷尚算ok.我的豆腐班腩, 仲以為係d 班腩會淋在飯上, 又唔係咁上;而係分開的.但d 獻多到得人驚...豆腐得幾粒, d 班腩勁粉...都係檸茶好飲...唔洗等位, 係有原因架....

2008年12月13號 - 夜晚7點半左右今日都心大心細去那裡解決我的晚餐。 最後都係去番第一城解決。 去左一間不常去的一間茶餐廳食晚飯。坐下來就看看有什麼野食先。 他們食物的種類都好多。 有飯又有麵。 又有晚餐套餐。 我最後揀左個揚州炒飯+凍檸水(HK$36,-)。 炒飯本身是30蚊。 我可以用半價加個飲品。等左一會兒個凍檸水來la。 店員(懷疑老闆)仲加左一句 "飲住個凍檸水先la“。 我有點surprise, 但是感受到他們熱情的對待。 凍檸水好甜。 好好飲。 等多一陣之後個炒飯來la。 試試先。 Um。 賣相不錯。 但是D米不是太靚。 有D仲"痴"埋添。 覺得炒得不靚。 但是味道好好。 都可以說值得試試。 其間又有電視看。 覺得可以好relax地品嘗我的一餐。 地方又夠大。 好舒服添。

首先提提editor:呢間餐廳唔係o係富豪架係o係第一城銀城商場...請修改*呢間本應係叫左{海達}但係前幾年轉手叫左做{百得}d野食差左好多-_-之前海達既時侯d野食好好味架d伙記又笑笑口而家果d同澳牛有得揮-_-我覺得如果佢整到澳牛咁好食 差d都可以但係問題係佢d水準只係一般茶餐廳水準-皿-通常都係去食下午茶,$1x 食個奶醬多+杯野飲奶醬多...多士的確係即烘但係真係有點兒薄囉...同埋煉奶,花生醬可以比得鬆手d就好太少了...野飲呢...ok啦~所以如果$16,我覺得去大快活食奶油豬仲好