影片
以上资料只供参考，请与餐厅确认详情
工厂大厦深处，抵食之选！想食薄饼、食饭、食面、汤饭通通都有，容易符合大群人嘅不同需要。佢都多位所以多人都可以去食，个场唔算好爆，但去到两点都满座。食物中规中矩嘅好食黑椒猪扒鸡翼干捞面，酱汁完全唔油腻，仲有啲炸过嘅蒜片，香脆、味道丰富，间中夹吓啲青瓜食会有助解腻。另外佢啲猪扒同鸡翼都好好食，唔系普通炸，而系腌过有香料嘅猪扒同鸡翼，应该系香茅猪扒同鸡翼嚟！仲有个地方十分加分同惊喜，块猪扒食嘅时候仲系热辣辣，唔系预先炸定！今时今日观塘嘅繁忙时间，都可以食到唔系预先炸定嘅嘢，真系少有了。(*当然都有可能咁啱佢炸起)同事话佢𠮶碗肉骨茶中规中矩，不过好似少有见到肉骨茶有冬菇同金菇另外海南鸡饭都系正常表现~Ps 意外地佢厕所十分整洁~
继续阅读
百年路好味抵食星马泰菜。晚餐有埋特饮都只不过系$61｡肉骨茶好浓,配饭真系一流｡肉质非常软，好似系食jelly咁样，而且有豆卜金菇同埋生菜记住要点辣椒酱油。喇沙掺掺超级有椰奶嘅香浓,汤底嘅炸蒜系神来之笔｡面底是两沟(米粉､油面)｡记住要加少少辣嘅蒜油酱汁，因为辣味唔会太多，但系极惹味。真系大饱口福｡食到超级饱。特饮罗汉果桂圆红茶好甜好清爽。椰汁冰超级多配料老板好好人,虽然快收工同埋无咩客人都照热情招呼!
继续阅读
今次发现左呢间CP值超高既宝藏小店😍😍我地去到门口见到写住话包场 谂住下次再试啦点知好好彩地老板咁岩出左黎,见我地好想食就招呼左我地入去😆✨星加坡叻沙(掺掺) $50喇沙既椰奶香味好浓郁, 唔会太稀太杰身配埋老板自家炒既参巴酱黎食简直系画龙点晴, 虽然有少少辣但加左个酱令汤底𣊬间变得香浓惹味 真系饮晒成碗都仲得掺掺系米粉+油面, 双重口感好过瘾仲好索汁配料有熟蛋、鱼片、豆卜& 虾, 劲足料!星星推荐度：⭐️⭐️⭐️⭐️⭐️/5✨百年路虾汤面(掺掺) $50汤底系微辣同喇沙相比就相较失色, 冇咁惹味但都非常足料,有虾肉,鸡肉,熟蛋,通菜米粉&油面都系爽口唔会太淋星星推荐度：⭐️⭐️⭐️⭐️/5✨Sambal鸡翼 $28/5只好脆皮 烧得岩岩好肉质嫩滑 可能要整到岩岩好熟既程度先有嫩滑既口感咁岩有一只咬到一半仲有血另外调味比较轻手左少少, 腌得未够入味星星推荐度：⭐️⭐️⭐️/5✨班兰叶拉茶 $8 跟餐第一次饮, 好特别茶味香浓幼滑同班兰味好夹🍀以呢个价钱有咁高质既食物质素真系冇得输虽然包左场但老板仲好nice 好热情去招呼我地好感动
继续阅读
观塘抵食东南亚风味餐厅，提供多款星加坡及东南亚菜式，主打香浓口味!!🔥- 星加坡叻沙(掺掺)HK$50 🍜🦐惹味之选叻沙掺掺!!叻沙汤底十分惹味，带有微微椰奶香气，味道微辣，加入鲜味虾酱，汤底鲜味又有层次好有星加坡风味!!掺掺即系米粉沟油面，双重口感系星加坡叻沙特色。现料比得大方，有熟蛋、鱼片、豆卜及大虾，虾肉口感爽脆，但虾味不明显，非常适合挂汤!!- 老街肉骨茶配油条白饭 HK$58 🐷🍚- 仁哥哥海南鸡黄姜饭跟汤 HK$58 🐣🍚- 泰式卤水猪脾饭跟汤 HK$58 🐷🍚- 巴东咖哩牛饭 HK$50 🐂🍛
继续阅读
🇹🇭🇸🇬🇲🇾观塘经济东南亚菜▫️晚市免收加一，但肉骨茶同蚬都卖晒☑️ 特色酸辣豆腐 - $32豆腐大约有5块，炸得好香脆，搭配大量泰式酸辣酱汁，十分开胃，而且上面有青瓜丝及炸蒜增加口感，系呢到首推香口小食。☑️ 辣虾汤通菜 - $20汤底好重虾味，但饮落又会辣辣地几刺激，通菜翠绿，份量都OK，$20黎讲性价比几高。☑️ 黑酱猪扒鸡翼干捞面 - $58捞面系油面黎，而黑酱系佢地自家制嘅黑酱油，甜甜地。鸡翼有2只，炸得香脆，猪扒亦都有一大块，可以切到4-5件。蒜蓉系另外附上，我全部倒晒落去，蒜味同黑酱油捞埋个面好味。☑️ 香叶辣肉碎生菜包 - $88生菜新鲜爽脆，有大约6，7块，肉碎辣度适中，酸酸地几惹味。☑️ 椰汁冰多冰 - $18平时出去饮椰汁冰都要30几蚊，呢到$18就有，都算几抵，大杯得黎好香椰汁味，而且仲有3款吾同颜色嘅粉条，色彩缤纷，又有d咬口。🔸 百年路🔸地址：观塘成业街19-21号成业工业大厦1楼106室#晚餐#经济之选#东南亚菜#工厦美食#观塘美食#成业工业大厦#泰国菜#肉骨菜#叻沙#新加坡菜#马来西亚菜
继续阅读