影片
招牌菜
今日同妈去完拜神,顺便去呢间素食店食野,入到去无咩客,间店都几大间,好多位,当时得五台客人,望下果一张餐牌...选择不多,(桌面还有的餐单就是几人套餐,和忘了早市or午市点心)问侍应仲有无其他餐牌,佢话平时有.但而家无.因为仲做紧新年餐...(有D出奇.今日都年廿二,仲系新年咩?)想走,但壶茶己经到左,所以就谂住是但叫D食算叫左一碟菘子鸡粒炒饭(大碟味道一般)一个栗子竽头鸡(好淡无咸味..栗子好硬)一碟斋卤味,就呢三样,由于个竽头鸡太淡,桌面又无放任何调味品,问侍应有无盐,佢话:m..盐呀...然后有另一个侍应提佢咁要入去厨房取,讲真我食左廿几年素.好小食到间会令我觉得难食ge.我同妈讲.下次不会再来.虽然佢D野都ok大碟.但我觉得好麻麻.所以每碟同妈也只食左两三成,妈唔想浪费.就叫侍应要三个外卖盒,埋单时竟然系339元,我觉得算贵同唔值,如果真系好味ge我都无野好讲,同朋友讲起呢件事.朋友们都话贵.而且试过呢间麻麻地..总之绝对唔会再帮衬呢间野
继续阅读
今日同屋企人去完黄大仙庙，谂住近近地就试吓呢间百好素食，点知一肚气，服务态度劲差， 职员攞错点心嚟，叫佢换过，系都要话系我地叫错，换过咪得啰，点解系都要话番我地呢，佢系咪会开心啲呢，又无人加水，仲要价钱劲贵啰，外卖酸斋48蚊又大盒，堂食要80蚊，又细碟，又唔好食，下次请我都唔嚟!
继续阅读
系屋企出发去九龙塘还神途中, 老公话不如黄大仙落车去龙翔食野, 好过去到九龙塘得又一城快餐, 出龙翔出口时见到呢间素食既广告, 老公知我钟意食素菜, 又适逢入庙, 就提议不如食素菜啦..点知入到去一入去指左我地去卡位.. 无人招呼, 无茶无水, 呢d 咁既环境, 收费仲唔系平, 卡位既茶位仲贵得惊人, 由我地入去到出番去, 只见到个阿姐一直系圆枱度同个阿婆大大声吹水, 叫佢落单又唔应, 倾足个几两个钟, 之后个厨同个收银无野做仲出埋黎一齐倾, d 野食又超难食, 乜都系一样味... 口感又差, 好似好唔新鲜, 放左好耐咁..虽然话卖素食, 但系d 人面目可谓无一个仁慈, 呢间shop 可以话系2013年我去咁多间餐厅最差既一间, 要服务无服务, 要好味唔好味, 2人埋单仲要成两旧水!!! 一定唔会再去!!!
继续阅读
自小女踏入中年, 发觉健康的身体配上健康的饮食习惯是非常重要, 而且是相对. 百好素食是一间历史悠久的素食餐馆, 在小时候到黄大仙拜拜后, 便顺道吃一顿斋宴. 到现在, 没有原因下仍会跟妈妈定时定后吃一下, 清清肠胃. 加上近年肉类污染太多, 又不人道, 令我重视了生命, 以多菜少肉为主.现在吃斋菜一点都不便宜, 两𩠌一汤就超过$200. 最近到百好已经觉得态度和水准都差了, 这次更让我有比钱买难受的感觉, 就为了一张发票. 北菰雪耳甘荀煲木瓜一个又简单, 清凉和清甜的汤水类, 可滋润干燥皮肤. 老火汤已煲得食材颜色混为一体. 雪耳一大块, 胶质重. 汤可分差不多5碗, 最后喝不完外带了一碗连渣. 红烧东坡肉在特价餐牌中东坡肉价钱最贵, 于是点了.我们发觉贵不在材料, 而是功夫. 仿肉其实又是腐皮类, 把它卷得结实有肉感. 酱汁酸甜醒胃. 份量不多, 但二人份, 以及酱料吃太多会腻, 好足够了. 香草芝士焗鲜菌百好除其酸斋好吃, 令一款推介是焗类. 上次吃过芋蓉焗菌直呼好味道, 今次再试芝士焗菌, 同样出色! 芝士香气不够餐厅焗白汁海鲜意惹味, 是少了点芝士味. 但就变得更健康. 内里的菇类都大粒大片, 因为菇类的表片平滑虽不能沾上芝士吃, 但仍觉清新健康.最后要多一碗白饭, 埋单$235. 小女觉得价钱不妥, 要求列有明细之收据. 但阿姨态度其差, 表示此店只能开一张发票, 不会有明细. 计算之下, 假如没有计错, 茶芥就差不多要$15/ 位了.今次我没有理论, 因为不想太扫兴(其实因当时已经一肚气, 包括漏单等情况我怕我会爆炸), 但下一次我必定要查单, 问清楚茶芥收费.
继续阅读
因为妈妈系素食者, 所以在中秋预了13位的晚宴在这素食馆, 馆内地方虽不算宽敞, 但总算光线十足,服务员的态度亦可接受, 当晚我们入座后, 在枱上只得一张四款套餐的餐单, 价钱最低为$1690起, 服务员表示星期日没有散叫食物, 只得套餐, 我们唯有先叫住两碟小食, 分别系细既斋鲁味及点心, 后来人齐后, 便决定order最平的套餐$1690(加一另计), 在落单时, 服务员见我们手持的餐单, 便向我们说该餐单派错左, 转头比另一张餐单给我们, 我们看了该张餐单的内容, 与之前(放错枱上的)菜单内款式一样, 唯一不同的是价钱竟然贵了$500-(即是$2190), 当我们与服务员理论时, 他们说$1690个张是平日一至五, 而星期六及日是贵些, 唉, 最后, 只有继续吃下去, 因为听人讲这餐厅的质素不错...... 𩠌菜不用等得太耐, 均一碟碟上来, 起初品尝也感到质素OK, 但吃到第三道菜时, 开始感到𩠌菜很浓味和口渴, 而我的80多岁妈妈, 不禁也表示素翅很咸, 最后, 大家都勉强吃下去, 最后的甜品为红荳沙, 都十分甜, 后来埋单找数时, 再一次惊讶, 因为总数是$2710, 这餐是我们吃素来说, 最贵的一餐. 如果吃开浓味的朋友, 应该感到没有问题, 但对于一向吃得一般, 或淡味朋友来说, 必定感到味精落得过多, 因为吃完几道𩠌后, 真的很口渴, 最吾开心的是, 当晚我回家做了45分钟step运动, 第二天起身, 上磅竟是重了1磅多, 我都不敢再光顾了.
继续阅读