百喜粥店

营业中

休息中

今日晚上買外賣，在點餐時收銀呀姐已表現出極不耐煩的態度。之後收銀呀姐在叫外賣號碼一次后，當時已經立即去攞個外賣，但她以極差既態度話”要叫兩次先黎攞”。 坦白說，就算真係要叫兩次外賣號碼先黎攞個外賣，都吾係咩大件事，無需要以甘差既態度對待客人。

服務態度差到呢，好似爭佢錢咁樣🤬🤬🤬🤬🤬🤬服務態度極差， D亞姐😡😡😡個外賣攞錯咗1秒，即刻俾返佢已經同佢講咗，唔好意思仲要鬧人俾錢我請我食都唔要

如果間鋪有日汁左，絕對因爲個收銀，態度惡劣，老闆做生意請到甘員工真系慘，講真食物味道非常唔錯，如果間鋪有日汁左，絕對因爲個收銀，態度惡劣，老闆做生意請到甘員工真系慘，講真食物味

今日同朋友一齊去食，有個扎辮嘅阿姨過嚟落單，指住個Menu同佢講話要食碎牛粥，佢就點咗瘦肉粥，之後同員工話點錯餐，佢哋話已經出咗嘢食唔到，仲要大大聲話個客人點錯餐。態度差，一句唔好意思都冇。嗰度啲粥都麻麻哋，料擺得好少，豬潤粥裏面得三嚿豬肉，腸粉都好少。—>Went to this restaurant with my friends>ordered minced beef congee while pointing at the menu. >order came out wrong>was told I cannot change the order because the congee is out already>waiter loudly said that I got the order wrong>rude waiter, bad congee with little meat>overall terrible experience

不嬲都覺得百喜有d質素，粥同腸粉都ok, 今日心血來潮買個外賣齋腸，姐姐問我要咩醬，我話全要，佢話無架喎，無得咩都要，只可以一種，香港出名係混醬腸粉，佢竟然要我只可以揀一樣？黑口黑面我都預左，但只可以揀一隻醬真係俾佢秒左⋯人生交差點⋯咁你覺得包裝費貴，你可以收費，咁消費者決定值唔值架啫, 佢最後講話你要就自己喺枱面落啦⋯⋯試問一個袋仔值幾錢？

早上路過，買左份蔥花腸外賣。阿姐服務態度都幾差，可能唔係好夠瞓，呼呼喝喝，粗聲粗氣，口黑面黑，不過香港人習慣左呢D西面阿姐。腸粉唔係好食，好軟，一pat果種，不過唔係難食嘅，放得入口。另外買了份米粉，分量都幾多，不過冇咩味，米粉係硬果種，芽菜生生地。食左三啖，食唔落。我可能下午加個湯，食埋佢啦，都唔想浪費食物。總的來說，小西灣好食嘅腸粉炒米粉太多，街坊識食一定唔食，不過好處係，呢間野多數有位，炎炎夏日冇咩要求嘅話可以食嘅。

百喜粥店地址： 柴灣小西灣道9號富欣花園地下50-51號舖電話： 23980003外賣自取炸兩腸粉 $17.00這店炸兩腸粉好夠熱、油條好脆、腸粉好滑、好好食，每次想食炸兩腸粉我都去買回家食

暫時係柴灣&小西灣食過最好食ge齋腸，配豉油+麻醬，又香又滑呢間D粥都唔差，艇仔粥夠哂料又大碗豆漿雖然係來貨，但唔會太甜。咸肉粽都好好食，夠大隻又足料，一d都唔馬虎無論堂食定外賣都好鐘意

富欣這間粥舖開左幾個月，趁天氣凍凍就試下喇！試左碎牛粥同炒麵，味道都唔錯，炒麵麵身唔會太淋，幾好！置於碗碎牛粥，實在多料，以$21黎講，碎牛嘅份量對得住個價錢 下次要試試$30的生滾粥

住宅區內開業了幾個月的粥店，常常高朋滿座，今日放假，又過了早市和午市的繁忙時間，終於一試。在現今物價高企的時代，這舖面光鮮又冷氣十足的小店，價錢屬超值級別。艇仔粥，$23，要求要多花生！阿姐絕對滿足到我的要求。炸両，$16，意外地有微脆的油炸鬼在內，實屬驚喜！很高興這裡的炸両不是一早整定然後放在蒸櫃入面保温那種，加分！店員親切有禮，又勤力清潔及收拾桌面，作為做街坊生意的小店，希望可以再做下去，識街坊有更多選擇。

天氣凍就自然好想食粥柴灣新開左一間粥舖未試過走入嚟試吓價錢唔係平，但係正常價位即熟粥價錢比較平啲但係可以加幾蚊加配料生滾粥選擇方面好似吸引多啲，所以我揀咗狀元及第粥同埋加咗個炸兩炸兩方面油炸鬼夠晒脆所以點樣都一定好好味夾抵觸方面我叫佢走蔥同埋走薑絲完全冇問題對比出邊嘅及第粥佢係冇肉丸但係佢有好爽脆嘅豬心就非常有驚喜雖然冇肉丸但係佢都有好多豬肉片代替豬潤同埋豬肚到清理得好乾淨所以好好味足底都夠綿加上本身內臟嘅味道融入喺裏面係唔錯

小西灣區開這新粥品店，喜出望外，店內環境清潔乾淨，粥品款式多選擇，粥品水準唔錯，煎堆鹹煎餅都幾好！唯獨是等位入座，店員沒有清晰指示，比較有問題，食物質素是好，店員服務態度都可以。

真高興，在小西灣終於有西餐以外的好味食肆供選擇。這間粥店才開業不久，今天終於和家人去試食，店舖面積不算大，但食物款式選擇卻不小，有多款即熟及生滾粥，小食及腸粉供選擇，價錢亦貼地。我與家人分別點選了四款粥及小食，粥底是一碗粥的靈魂，首先它不會水汪汪，算是綿密，味道正常，難得是吃後喉嚨沒有乾涸的感覺，只是我的生滾鮮牛肉粥，牛肉稍嫌小了一點。到小食，先是炒麵，不會油淋淋，味道正常。鹹肉糉是我喜歡的較為鬆，有點像裹蒸糉的質地，主要有綠豆及鹹旦黃，沒有太多多餘的材料最驚喜是炸兩，腸粉皮厚薄適中，而油炸鬼竟然是脆的，難得👍😋希望小店能夠保持水準，我一定會繼續光顧要再試吃其他的油器，支持小店，加油💪💪