百喜粥店

营业中

休息中

太子呢間連鎖粥品店百喜粥品，網上有好多負評，包括粥唔夠熱，材料唔新鮮等等。今朝決定去食個早餐一試個究竟。早上大慨6：45到店，入店內坐低睇一睇個餐牌，老闆娘親切友善，人手落單點咗一碗艇仔粥一碟鮮牛肉腸。一陣d食物就送上，先試一啖腸粉，暖的，牛肉好味，蘸頭油更加美味，略嫌份量小咗d，艇仔粥熱辣辣，料好足，碎牛有d味道，好味的，網上嗰d負評一d都睇唔到。口味：🥚🥚🥚🥚环境：🥚🥚🥚🥚服务：🥚🥚🥚性价比：🥚🥚🥚

今日我貪方便在屋企附近的百喜粥店，我叫了食碗碎牛肉粥，提醒他們要全熟，見到沒有反應以為冇人識聽，再提他們夥記竟然調轉頭教訓我冇得全熟，真係痴線，毫無服務態度可言。

豬潤粥d 豬潤極唔新鮮，又極韌！！而且唔係一片片，係一舊舊，咬都咬唔到！銀芽炒麵一大盒極油既麵！竟然一條芽菜都冇，炒麵收銀芽炒麵價。態度極差！腸粉厚到癲！又凍！基本上冇一樣野正常！

見唔舒服，近近哋諗住入去食碗粥。我叫咗個粟米瘦肉鮮魚片粥、友人就叫個豬潤生滾粥加配碎牛皮蛋，肉片腸粉同油炸鬼。先送黎粟米瘦肉魚片粥，上到枱滿足一啲煙都冇，好驚啲魚片唔熟，搞兩下食咗啖粥個粥係暖嘅，唔係熱嘅，跟住同職員要求整熱啲個粥，職員態度好差，攞起碗粥嘅匙羹搞咗幾下大聲話唔會唔熱，跟住就行開咗，完全冇幫我整熱個粥。友人碗豬潤生滾碎牛粥到咗，但入邊啲碎牛路撈完之後都係唔多熟，碗粥又係唔熱，都唔知食唔食好😑肉片腸一上枱，我哋即刻夾黎食都係唔熱嘅條油炸鬼更加唔使講係唔熱嘅簡直係神級嘅做法！又唔會幫你整熱啲粥，咁不如直接做凍粥啦！態度又差，好似唔想你哋食嘢咁！真係唔會再嚟食，冇下次！

好少寫食評，因為今次嘅體驗實在太差，所以忍唔住寫返次評論，啲嘢食完全凍冰冰，同佢講話食物質素有問題，佢不單止唔係立即去改善或者更換食物，而係反駁同死撐，就好似之前嗰兩個評論咁樣，服務員嘅態度，真係好鬼死差，估唔到一間咁嘅舖頭都可以經營到落去。

下午16：00入去買外賣，一枱客都冇，員工個個黑口黑面，完全唔想招呼，然後我叫嘢食只有我自己講嘢，完全聽唔到員工有答過一個字，叫完嘢食佢只係話畀我聽幾錢，跟住乜嘢都冇講過，之後再加一支嘢飲，另外一個阿姐行過嚟只係收錢找錢，又係一粒字都冇講過，真係覺得好搞笑，係咪真係懶到出汁，連講嘢都唔願講，無客係正常，因為我都唔會再幫襯，腸粉皮厚，粥正常

我一行2人入到去時職員有枱唔比人坐，規定要4人先比坐卡位，一定要乘客搭枱，明明入去時只坐了1/3客人到，到我離開嘅時候張卡座都係比2人坐了。員工態度惡劣，呼喝乘客 好似欠左佢哋食物質素一般剛開張的時候食物質素還可以，現在就越嚟越差。