百喜粥店

間中都會在這裏買外賣食，今日見到有卡位，所以就入去食。—————————-🐟魚腩粥：我好鍾意食呢到嘅魚腩粥，好足料，成碗粥入面有好多件魚腩，粥又煲得好綿😋——————炸兩：又係好鍾意食炸兩，加埋甜辣醬一齊食，非常好味道😋—————————-魚腩粥好足料，炸兩加甜辣醬⋯⋯正😋其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰———————…查看更多

今日早上要去上水做交收，一大清早搭火車入上水，入到上水先搵個早餐食，喺上水火車站行去石湖墟方向，經過上水廣場見到龍琛路有間粥店，百喜粥店，原來又係有多間分店嘅粥店，而家好似比較少獨立嘅粥店。餐牌有啲熟面口，又係分開即熟粥同生滾粥，我自己本身對生滾粥無太大喜好。簡簡單單皮蛋瘦肉粥，皮蛋切一角角，咸豬肉切一條條，個粥好熱明顯係滾熱辣淋上，粥好綿滑仲見到有開晒花嘅米，皮蛋同瘦肉都唔少夠足料。炸兩，腸粉皮薄油炸鬼仲係脆，腸粉皮薄又唔一定好，係個人口味，可能係即包無耐，我就好喜歡呢個皮薄油炸鬼脆嘅炸兩，加芝麻甜醬麻醬最佳。…查看更多

每天早餐多數都係食西餐，餐蛋公仔麵加杯咖啡，食到有 d厭。今日經過一間粥店，忽然諗起想食香蒽蝦米腸，今早就轉吓口味，入去食番碗粥先！其實都有好多選擇，除咗一般粥店嘅艇仔粥、皮蛋瘦肉粥、菜乾豬骨粥外，還有生滾粥都唔錯！今次叫咗一碗菜乾豬骨粥加一碟香蔥蝦米腸，粥底好綿，大大碗，味道都幾好，值得一讚係碟蝦米腸，佢可以揀多蔥同多蝦米，自已加埋三色混醬，熱辣辣，好好味。佢地仲有炒粉麵，其中油條、牛脷蘇等都係响廚房新鮮出爐，好香脆👍…查看更多

時常行過都見到很多人排隊，每次我都會叫鹹肉糭及艇仔粥。粥品每次都是大大碗的。他們都是小店經營，店內座位算都幾多。但每次經過，都見到座無虛席。出名係白粥、油炸鬼、炸兩。…查看更多

收工回家。每次行過店舖都係好多人排滿店舖內，外有排隊取食物。我最喜歡吃它的炸物，油炸鬼、炸兩。它的粥煮好綿，炒麵，每次都係大大碟。十分之低食。小店經營，係一間良心店舖。:):):)…查看更多

唔知係咪就收工，夜晚未夠十點去食，粥係暖，即拉腸粉係微暖，真係大開眼界，無下次食咁多年粥，真心唔明點解粥係會暖暖地，我係一放低就即刻食都唔熱，明明十二點先收工，末夠10點點質素就咁本身呢啲街坊福建都冇去好大期望，冇要求佢好食定唔好食，本身自己都好少食嘢食評，呢間真係差到忍唔住要寫，祝竟然唔係熱辣辣，你話我係你就嚟收工先叫，質素有所下降，完全理解同明白，大明明仲有兩個幾鐘先收工點解都可以係唔熱，最大問題嘅係味道還好，竟然係最基本嘅温度出現問題，失望…查看更多

明明說是生滾肉片粥 但個粥底根本就唔係生滾粥嘅 比較稀 肉片更加不是生滾粥的肉片 切得厚又鞋 分明係皮蛋瘦肉粥的瘦肉 厚切罷了 ， 以為套餐咁抵食 實在有欺騙之嫌！！！說的金牌叉燒腸，叉燒有點乾，不過不失吧了。最好算是支豆漿吧 有豆味。 我是選外賣送餐的 不知為什麼 openrice顯示了是堂食， 不知怎樣更改它的錯誤 ，唯有在此澄清。…查看更多

之前見佢菜乾豬骨粥都幾好，於是再去食，不過今次個菜乾味好似無咩😂😂但佢ge 粥依然好足料～同埋價錢都仲好抵食😲👍🏻👍🏻.菜乾豬骨粥🥬🐷 $20好味度：⭐️⭐️⭐️.碎牛粥 🐮🐮$19好味度：⭐️⭐️⭐️⭐️好多肉碎，都好足料😲.煎堆 $10好味度：⭐️⭐️⭐️⭐️好味，最緊要唔會好硬～有時真的唔係每一間油器都炸得靚～😂😂.芫茜皮蛋腸 $16好味度：⭐️⭐️⭐️呢個好無食，因為個人好怕芫茜的食品🤣🙈不過見佢都好足料～…查看更多

同個仔食粥，諗住食得吾多就只叫一碗豬肝粥同一碟蝦米腸，諗住叫住一只碗先。夾住腸粉給啊仔食。咁轉頭粥又上到，就諗住叫多只碗，點知個服務員啊姐話我：（你一係叫多碗粥啦，剛剛又不一次過問拿两只碗，等我行多轉。）啊姐服務態度好差下咼，我就算吾問你盒多次碗你都要走來走去架啦。好差，下次不再入去食。而且我仔咁細食叫多碗粥又食吾曬。好浪費。…查看更多

都唔知点做生意 我要一碗白粥➕2份瘦肉丝仲有粟米 ➕一份油炸鬼 去返工食 点知 油炸鬼未有比有 整多碗白粥比我 系咪傻架 仲叫我攞返去换 踩你都傻 退钱来 将我今日心情都破坏佐 唔识做生意就去训觉…查看更多

上google搵上水有咩粥舖嘅時候淨係見到呢一間，齋睇餐牌都見到有生滾粥食，好似好正咁， 所以就是咗個仿鮑片雞粥($36)同埋豬紅魚腩粥($37)。魚腩豬紅粥 雙拼($37)黎到好滾燙，夠熱魚腩比較偏細份，不過豬紅有調味加上嫩滑，冇異味，推介豬紅👍👍👍仿鮑片滑雞粥 ($36)雞件分量偏少，雞皮比較多， 骨位又比較多， 冇咩雞肉食到可能因為冇去雞皮嘅關係，令到粥最比較 油膩，唔推薦仿鮑片表現正正常常，都有三至四塊仲有食埋呢個細份炸兩同埋肉碎腸粉推薦炸兩油炸鬼真係比較脆口， 腸粉皮唔會過黏，過厚，夾埋油炸鬼好正 重點係可以叫細份，兩個人share啱啱好佢而布拉肉碎腸粉表現正常 不過唔知點解，落左好少甜豉油，枱面亦冇提供重點係環境衛生好一般，見到有幾隻昆蟲仔喺度不斷飛嚟飛去同埋枱面有上一手食客食完醬汁嘅污漬，未抹乾淨埋單兩個人加埋就張都係111蚊，佢嘅質素都值得返個價錢嘅不過希望餐廳環境衛生可以更加好…查看更多

叫乜都會比錯，不論你叫外賣，堂食！要A粥比B粥，要炒麵俾炒米！叫價錢貴d既粥比個價錢平既粥你！外賣乜腸粉要個客叫要比醬，唔叫淨係比包豉油你，藉口話有客唔要醬既所以唔比，咁個客落單時侯你唔問人要唔要醬，想慳皮就慳皮啦，食腸粉唔要醬就當全世界唔洗醬！開頭都做得幾好，而家越做越差，比左好多次機會你間鋪，好聲好氣同d阿姐講簡直好對牛彈琴當你唱歌，唸間嘢無論廚房，樓面都係求其做！想勞氣就幫襯佢啦，包你斯文都要講粗口！…查看更多

今日用户户送叫左依間野，送到黎盒炸兩同腸粉竟然無比醬🥲打番去問間野，佢地話叫左户户送仲要再打電話比佢地講要醬，佢地先會比🥲但其實我想講炸兩同腸粉要醬係基本，竟然要再打電話講😅如果大家想用户户送叫依間外賣，記得要打電話去番依間野同佢講要醬…查看更多

今日嚟到上水踩單車就諗住食個早餐補充下體力。見到呢間粥譜有好多街坊幫襯，天氣又凍就決定試吓。佢價錢都算平嘅，亦有好多款粥選擇。叫咗個鮮魚片滾粥，魚片得幾塊，碗粥冇咩魚味，但係喺口感棉滑嘅，有米香。 朋友叫咗個北菇雞粥，唔多雞但係佢話味道唔錯。另外加咗碟叉燒腸有兩大條，算多叉燒粒，腸粉皮滑，不過就偏厚，食落有少少dry，好彩隔離有麻醬辣醬甜醬比你加。油炸鬼份量都算多，保持到脆身嘅唔會林晒。 整體算係咁離開上水可以試試。…查看更多

通常坐滿人食物都唔會差見到入面好多人，無位座。但又想食魚腩粥，所以買外賣食😉—————————-🟧魚腩粥：魚腩足料，薑絲夠多，一碗粥又有好多件魚腩，粥都煲得好杰，吃完亦唔會有口喝，唔覺有味精😋👍————————🟨蝦米腸粉：腸粉都幾多🦐蝦米、腸粉都夠滑，豉油獨立分開，食嘅時候先倒落去，不過唔記得叫佢加甜辣醬，否則應該會好食好多，食腸粉無咗呢D醬，對我來講有D失左色嘅味道⋯⋯真係醒唔起問一問入面有無醬😅整體上都屬於唔錯😋—————————-足料魚腩粥…腸粉蝦米足其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————…查看更多