影片
以上资料只供参考，请与餐厅确认详情
对于住新界既我 去到西环食饭真系巧远 haha不过见亲戚咁推介 就去试下na我地因为人数好多 所以都真系叫咗好多嘢食～我本人都几钟意食云耳 再加上佢个汁酸酸甜甜好开胃 所以作为头盘小菜我都好推介～菜旁蟹就一般般na 味道不太浓 佢个冬风螺我都几推介既 价钱唔贵份量都好 个汁都好特别又好味尼个系炸日本豆腐 我见系岀面比较少用既黄色豆腐之后佢配返日本紫菜碎同酱汁 都几好味～下一道菜必定叫佢个招牌菜冰镇咕噜骨一送到枱面真系好靓 晶莹剔透 仲出晒烟添但系结果比我想像中差了一点可能本身我自己唔系太钟意食甜野嘅关系。。。所以我觉得佢面𠮶啲糖真系太甜na而且非常之痴牙tim佢个樱花虾炒饭都几好味 啲饭够干身味道又适中～另外𠮶几款菜式都不过不失na唔系话太差但系都冇乜特别不过我觉得呢度价钱都唔太贵 所以总括依然都OK嘅～
继续阅读
今日同朋友去开港岛西摩星岭𠮶边行山 咁啱有个朋友想试下食新嘢 所以我哋就周围去揾 揾下揾 就见到有呢间不如试下去食蟹啰首先点左蒜香冻螺 呢个𩠌好有惊喜因为攞嘅味道喺甜甜嘅酱汁之中非常之相配 而且有香浓嘅蒜头味令到个螺肉一啲都唔会腥 好开胃干煎猪仔骨 煎得好干身亦都非常之香口 配料包括葱等等令猪仔骨好惹味 我就非常之钟意食 只系略嫌油分比较多食完可能会觉得好滞避风塘炒蟹 系今晚嘅主菜 我哋叫咗非常之少嘅辣度 所以只蟹唔会好辣 而且佢用炸蒜去炸 令到个蟹肉非常之有蒜香嘅味道 值得一赞药膳米酒鸡 其实个汤唔系好食得出药膳嘅味道 反而有少少酒味 鸡肉喺个热汤入面浸得可能太耐比较老身 唔算嫩滑蟹肉扒西兰花 比较一般西兰花有少少草青味 而且蟹肉嘅味道唔算突出
继续阅读
呢间近近哋地铁，食海鲜小菜嘅餐厅睇落好企理，唔似一般路边档之前食过lunch，都系啲小菜，今次经过见门口个餐牌啲𩠌好似都几啱食，所以就入咗去7点入到去已经好多人食饭，座位都几阔落，好似都几啱约客人嚟呢度倾生意嘅感觉坐低首先叫咗普洱茶，然后先睇嘢食餐牌同外面嘅一样，仲有好多其他嘢拣，但系食海鲜都系想食新鲜嘢，所以就叫咗个冻螺，蛏子皇同炸豆腐份冻螺份量都几多，面头个几只特别大粒好多肉，下面个啲都好大而且浸满豉油汁，带蒜头香螺肉干净冇沙，新鲜螺味唔会霉，弹牙得嚟几有咬口，不过用牙签撩佢出嚟嘅时候要小心唔好弹到对面/隔离个个本身侍应俾咗两只大碟我哋装啲螺壳，食到咁上下都有主动帮我哋换过只新嘅，可以继续拆蛏子啦金银蒜粉丝蒸蛏子好大只好新鲜！！！上面铺满炸蒜，生蒜同埋葱粒，好够味，粉丝索哂蛏子嘅鲜味同豉油，好入味主角蛏子好新鲜，白雪雪啖啖肉，肉厚肥美，一人一只都好够食size系比出面食嘅蛏子皇仲大！king-sized食得好开心 (心心眼)个海苔炸豆腐望落去似系fusion菜，因为唔似中式嘢，有少少似日式烧丸子，大阪烧咁豆腐切成长方条形，方便夹口感偏硬身，有少少似蒸蛋同玉子豆腐，因为系淡黄色嘅，都几滑溜外面嘅炸粉唔厚，唯上面淋上烧汁令到个皮唔脆，不过同时味道加分整体嚟讲都几好食
继续阅读
上个礼拜摸门钉到左发现东主有喜休息五天，今日放徦同妹妹决定再来。先来—份快靓正的话梅猪手，冰冰凉凉又带点话梅的酸甜味实在有趣，今次口感更胜上次。猪手食到软熟而不流，烹煮工夫令人树手指。之后又点咗冰川鲍鱼，出奇地好食，唔腥有轻轻胶质囗感，伴碟的酱汁都好好味。例牌的炒蟹今次试咗香叶黑胡椒，那种香味及短暂的胡椒味辛辣实在回味，食完先记起未影相，补返张Menu 相。|
继续阅读
西环果然卧虎藏龙，令我回味无穷打正旗号辣蟹专家果然有料到，蒜味辣味可以渗入蟹肉，愈食愈辣愈惹味~辣子鸡膝同样惹味可口，是啤酒一流。酒煮冻螺尚可吧，我比较喜欢热食。九层胡椒虾味鲜爽口，但虾太少，配料似主角。鲍鱼系我至爱，冰川南非鲍淋度适中，肉厚可口，必食!满足的一餐~美中不足系隔离台成晚猜枚，好嘈
继续阅读