百味餃子館 (已結業)

去朋友屋企晚餐飯聚, 午餐先去買餃子醫肚。無意中發現呢間餃子做主打ge餐廳, 即刻買!!根據食連鎖餃子店ge經驗, 10隻餃子可能唔夠飽XD 所以我同老公兩個人, 總共嗌30隻湯餃 (西洋菜, 韮菜, 紫菜), 仲可以同朋友share。 後來發現可以嗌煎餃, 不過要另外加錢, 下次可以一試。講重點: 3款湯餃都好好食, 紫菜驚為天人, 一黎市面上少見, 二黎佢d紫菜有切碎, 一口可以咬斷, 唔會食到天一半, 地一半。個湯都好清甜, 味精唔算重, 飲左幾啖湯, 都唔會好口乾。朋友話下次打訪爐要去買淨湯!!#食晒唔記得影相…查看更多

芫荽鮮肉餃🥟$28下午茶優惠😎只限一至五🥸15:00至17:30😌又響芫荽黨見到🤣28蚊有七隻😍仲要大大件☺️芫荽味道都算重☘️湯底亦都好清甜😝個餐跟埋飲品添😇我就叫咗菊花露😁整體而言都幾抵食😏百味餃子館 (大角咀)大角咀大全街26號地下…查看更多

到大角咀辦點事，朋友帶我吃餃子，説之前試過十分好味，特別是椰子湯底，令他十分回味，就是百味餃子館。我們下午茶時段吃，超值下午茶真的非常抵食，由3:00-5:30有7隻餃子加飲品，我們點了芫荽鮮肉餃及白菜鮮肉餃。餐廳的招牌靚湯底是鮮雞豬骨椰子海帶濃湯，不含味精，入口非常鮮甜好味，餃子大大粒而且飽滿，芫荽餃子非常好味，白菜鮮肉餃易相對較淡。我們還點了煎豆腐，味道不錯。店舖還有生餃賣，座位舒適，服務員態度也不錯。…查看更多

西洋菜餃子 x7粒 ($35)無意中去咗呢一間餃子店買外賣估唔到又幾好食尤其是碗湯係椰子雞湯🥥🐣飲得出唔係味精湯係用咗好耐時間煮出嚟西洋菜餃大大粒 餡料豐富🙈而餃子皮厚度適中 餃子同呢碗湯係Perfect match😋 …查看更多

今日突然好想食餃子 經朋友介紹試一試大角咀的 — 百味餃子館入到去睇睇餐牌 有好多款餃子選擇比較特別有莞茜/粟米芝士/紫菜等等可以選擇雙拼，水餃或者煎餃，選配麵/米線/米粉🍜叫左芝士同紫菜雙拼煎餃 再加米線出菜時間較長 等左大約15分鐘先有得食餃子大大隻，不過煎耐d會更好（食左兩隻先記得影相）最值得一讚係呢個椰子雞湯底 好甜好香！餃子餡料好足 芝士有拉絲嫁！枱面好多醬料（辣椒油/豆瓣醬/醋/豉油）米線配上辣菜脯 好正呀～～總結來講，百味餃子館算係大角咀一間不錯的選擇一定要黎試下個椰子雞湯底🥥…查看更多

我第一次寫評論，呢間餃子店一定要寫！身為在附近上班朋友，我早已成為熟客仔！除左lunchtime 幫襯，我直頭買返屋企打邊爐！廢話太多，餃子🥟種類有10種！特別喜歡莞茜餃！芝士玉米豬肉餃！都係推薦之選！其他餃子都非常值得一試。餃子大隻又皮薄就一定正。頂！佢個椰子豬骨雞湯，一絕！又鮮甜又唔會搶餃子味，配合一齊食好和諧。佢個辣菜甫加少少🤏🏻上個餃子一齊食，不得了，菜甫辣得黎又爽又脆口。我都知自己講野浮誇，咁都唔差在講埋佢杯羅漢果茶！好濃郁！唔係淡茂茂，唔係hea沖，好有誠意。就係飲落去舒服囉😌附近返工樓上住，經開大角咀真係可以試下，幾十蚊碗有10隻，大大隻！我係大食妹都飽。又唔係貴得閒去試試😋…查看更多

🕘晚市時間，大角咀好多名店都滿座甚至大排長龍，走左幾條街都見到唔少餃子店，見到大全街呢間餐牌簡簡單單，又有位坐，就入去試試。百味餃子店，顧名思義有多款口味既餃子我自己揀佢推介既芝士粟米餃，家人就點雲耳椰菜鮮肉餃。有7粒同10粒選擇，另外可以+$8配麵食。我家人就要7粒，我就7粒➕米線🍜大概等10分鐘就上菜，哇！水餃係勁大粒，好彩冇叫10粒！以我既食量一個麥當勞餐唔夠飽，佢既7粒水餃➕麵係飽到嘔😂好抵食😋食物質素係冇得頂，芝士有拉絲🤩水餃好足料，最重要係湯底係鮮雞豬骨椰子海帶濃湯，無味精，抵讚🤩我地仲叫左兩支飲品：菊花露+羅漢果茶，但太飽飲唔晒帶走😅之後有機會再比較吓其他餃子店，但呢間我已經encore兩次😋😋😋…查看更多

又比我食到一間好喜愛嘅湯餃🥟湯餃嚟講個湯好重要 個湯唔得嘅我寧願揀食煎餃 之前食過美味餃子店覺得係No.1 今次呢間百味餃子館 拍得住咁喜歡佢嘅湯底係鮮雞豬骨椰子海帶濃湯 一掀開蓋陣椰子味已經湧上嚟 比起"美味"嘅野葛菜煲生魚豬骨湯 er...我係無分高低嘅 兩間都好啱我口味 因為我好鐘意飲湯 而且呢個湯有啲奶感🤤而餃子方面呢間比較多款式 我就揀咗芝士粟米鮮肉餃 芝士有拉絲 配埋粟米粒嘅口感 呢個咸中帶少少甜嘅組合係無敵 雖然未夠"美味"嘅饀料咁飽滿 但已經好足👍🏻我好想影個"內涵"比大家睇架 真係無能為力 比我咬到好核突😂最後"美味"嘅世界級辣菜甫 呢間就比不上喇根據之前嘅經驗 食咁大隻餃子係足以飽到滯嘅 所以我揀咗7隻 果然連埋成碗湯係飽到核爆 男仔揀10隻就應該無問題…查看更多

同事食過這間餃子後話好好食，我心想有沒有那麼誇張，應該就是一般餃子吧！ 我試過後明白了，湯底好夠味，餃子款式又多，價錢又不貴，真的很好食！現在我們一星期最少都會食一次，多過一次也不會覺得悶。…查看更多

今晚去左大角咀 做完野就去搵野食 但原來已經夜晚九點 望一望條街好多餐廳已經關左門 好彩有間餃子館未關門 於是我就入去買外賣試下先餃子館顧名思義當然係主打餃子 有十款不同餃子 可以選擇湯餃或煎餃 （煎餃加$2）仲有唔同小食選擇雖然我地得兩個人 但最後我地叫左30隻餃子+米線+青瓜 勁誇張😆 最開心係叫咁多野都係$159 1）韭菜鮮肉餃🥟$40/10隻友人最愛食韭菜鮮肉餃 於是我地叫左10隻湯餃和10隻煎餃 每一隻餃子超大隻 勁足料 餃子皮唔會太厚 每一隻啲餡都迫爆哂由於我友人唔夠飽 於是我另外加左$8米線 不過我覺得韭菜煎餃煎得唔夠脆同耐 食落去唔夠香 而且無趣卜卜感覺 如果煎耐啲會比較好2）椰菜鮮肉餃🥟 另一款就叫左椰菜鮮肉湯餃 味道都不錯 我一個女仔實在食唔哂 下次都係唔好咁貪心要七隻就算3）最後我地叫左手拍青瓜做小食 醬汁好味 😋雖然餐廳標榜冇味精 不過食完覺得有少少口渴 希望餐廳可以改善一下…查看更多

雖然就咁睇冇價錢牌，$6隻水餃你可能都會有啲覺得貴，但其實七隻已經足夠飽肚10隻應該可以支持到你六個鐘去到dinner。咁多款餃子，比較有特色嘅係芫荽，紫菜，芝士粟米餃；你仲可以㨂煎餃，湯餃～芝士粟米係食極都唔會厭。佢嘅湯底係不得不讚嘅，冇想像到一間咁細嘅鋪頭，佢嘅湯底係會令人飲完之後想再飲，唔太似係味精湯（冇辦法FC），我甚至乎會留起佢，留返第二日煮烏冬！另外，係配菜方面，外賣記得問佢拎辣菜甫（因為有陣時可能會唔記得比），堂食就一定要試，連我平時唔太鍾意食辣，都會覺得係開胃想夾埋送湯餃～:)…查看更多

喺大角咀附近拜年，撞正新年附近唔多餐廳有開，咁岩見到呢間餃子店，個人又幾鍾意食餃子，所以二話不說就入去搏一搏試吓新野每款餃子都會配個豬骨椰子海帶濃湯，不愧為自家靚湯好味，奶白色，食落冇味精嘅感覺，我忍唔住幾乎飲晒個湯叫咗招牌粟米芝士鮮肉餃子同西洋菜鮮肉餃子兩款都大大隻、好足料，真係幾好味而個人比較鍾意西洋菜嗰款，可能因為最近西洋菜比較新鮮至於招牌芝士鮮肉餃子都好有驚喜一食落口芝士真係會拉絲架！！！下次你會再試埋芫荽鮮肉餃…查看更多

新張期間，店員有點不熟操作，店內有寫要多多包涵，所以不會計較了，老闆同伙記態度可以。湯底店方稱鮮雞豬骨椰子海帶濃湯，老細在門前宣傳也說：新鮮包的！他看上去有點怕羞。外賣大約等了30分鐘～ 我先過後一個叫外賣的人，但都未到我😓出菜次序果然幾有問題下。湯香菇鮮肉餃10隻45 外賣加1不大不小的餃型，湯味幾出，香椰子味，好有冬菇肉餅嘅感覺，食到d冬菇一粒粒。湯芝士粟米鮮肉餃10隻45 外賣加1芝士餃拉到芝，又唔錯。煎椰菜鮮肉餃 10隻40 加2 外賣加1煎得5靚，味夠火喉，椰菜幾爽口。芫茜鮮肉餃10隻45 外賣加1芫茜幾特別，感到清新，餃皮幾滑。…查看更多

又試新開張的水餃店，裝潢新淨舒適，店內坐位多，晚市基本唔洗等位。他們專賣手工水餃，配菜都有幾種選擇，有湯是牛奶白色（鮮雞豬骨椰子海帶濃湯），奶滑又不重口味，配搭芝士水餃絕對好味。店內招牌的芝士粟米鮮肉餃好吃到停不下來，芝士是可以拉絲的，大推薦此款一定要試，水餃size不算大粒，女仔可叫7粒，男仔要10粒或另加面，水餃餡料十足，我覺得好過其他大粒但食到濟的水餃，而且好味到一碗食完仲想繼續吃！豆漿也很滑，很適合配水餃。…查看更多

大角咀都算多餃子店，呢間新開餃子店款式唔算多， 同友人叫左2 款湯餃子，椰菜鮮肉同冬菇鮮肉餃， 大大粒餃子用料十足， 最正既配合埋椰子雞湯底，令餃子更鮮味， 希望可以保持啦 雖然然佢無尔吧，但自家制羅漢果唔錯，幾好飲…查看更多