百味食品

营业中

休息中

## 食評：旺角的小食體驗喺旺角吃完晚餐後，我哋想食個小食，但因為有最低消費，所以揀咗四樣嘢，包括菠菜麵、豬頸肉、螺肉同埋中華沙律。### 食物評價整體嚟講，性價比唔高，味道尚可，但都唔算特別出色。菠菜麵口感普通，豬頸肉同螺肉都冇咩驚喜。中華沙律就幾清新，但整體來講，應該不會再來試。不過，呢度都尚算多人買，可能係好多人嘅兒時回憶，對佢哋嚟講有特殊意義。雖然我覺得唔算太好，但可能對某啲人嚟講，呢個味道係懷舊之選！

「百味撈麵」—— 鹹到飛天！態度惡劣真心失望！呢間「百味撈麵」，諗住行開平平哋食碗撈麵，點知伏到冇朋友。首先，份量真係少得可憐，都預咗，雖然$5 ，比兩塊皮你，海蜇兩條，求其撈兩撈就冇晒再講味道，鹹到離譜！除咗鹹，諗唔到有其他味道。等到10點幾阿媽食一啖就要飲水，完全係「鹹到識飛」嘅境界。如果真係要試，強烈建議要提叫佢少醬，否則真係頂唔順。 服務態度就可以講都幾差下，問多兩句就明顯唔耐煩，明明可以電子支付就呃話只可以俾現金，整體來講，性價比低，除非你鍾意食成肚氣，否則真係可以慳返！

當時買麵有兩個阿姐，一個撈緊麵俾客人，另一個另轉頭㩒電話食零食，我講左聲唔該，個阿姐望一望我之後繼續㩒電話食零食，我再大聲小小講多次唔該先撕撕然行過黎，再用唔係咁好既語氣問我 : 要咩阿。咁講完要咩餸之後咪講埋多蒜大辣，唔知係咪因為我阻住佢㩒電話，撈麵支匙更已經唔係大，望住佢落蒜係支匙更既一半，辣又係得小小，咁我都唔緊要唔出聲既，隔離有自助，咁我咪自己黎囉。話明自助區，又無寫明要限制用幾多，我落辣醬第一次唔夠，咪落第二轉辣，落完個阿姐即時手快收起支辣醬，好似驚我搶佢咁款。

這個絕對是回憶系列好記得中學時候，同學仔第一次帶我行旺中，然後帶我去吃冷麵。結果以後的旺角的回憶都會有冷麵。雖然第一次吃的，那一間都不在了。但百味絕對比我第一次吃的好吃。我已經很久沒有在旺角吃冷麵，難得路過看到就買了，吃一個回憶。現在冷麵店都有很多特別小吃，像醉雞翼等。我還是比較喜歡元組配搭！兩包冷麵中華沙律配上八爪魚，我記憶中墨魚也是非常好吃的。偶爾也喜歡吃木耳跟螺肉這種配搭！蒜蓉辣度都可以自由調整，再配上一罐可樂爽爆！

店名: 百味食品地址: 旺角西洋菜街1號兆萬中心G10號舖油麻地站A2出口，行3分鐘環境: 外賣價錢:4/5味道: 4.5/5冷面/配料$5@1包今次左4包，啱啱好20蚊揀左菠菜麵，魷魚，牛柏葉，海蜇各一包，全部都係啲爽口彈牙嘅嘢食😍配左佢哋嘅百味咸醬，蒜蓉同辣醬，好惹味得黎又唔會話太咸🤩#stitchfoodie油麻地 #stitchfoodie旺角#hongkong #foodie #香港美食#灣仔#北角 #銅鑼灣 #旺角 #尖沙咀 #油麻地 #大角咀 #觀塘 #吃貨 #美食推介 #港島美食 #九龍美食 #食好西 #香港吃貨

今次唔係第一次食百味，其實喺好耐之前已經食過唔少次，但只喺到今日先得閒寫食評比百味食品。 百味主打嘅並唔係高級食品， 而係各類平民小食， 價錢上唔係話好貴， 佢將唔同嘅小食分開咗一包包咁賣，每包三蚊。螺絲粉+腸仔+中華沙律 $9九蚊嚟講其實作為下午茶都係一個唔錯嘅選擇， 味道同分量嚟講都算ok，畢竟九蚊亦都唔能夠期望太多! 衛生嚟講都尚算唔錯， 而且佢每一個食物都係獨立包裝，並且放入雪櫃， 所以都食得安心嘅! 總括而言，假如又唔係好肚餓，但係又想食啲嘢嘅話，百味食品都可以考慮去食。

Bai Wai has been around for ages!A few years ago I tried the vegetarian prawns which were obviously Konjac.Recently I was in the area again so out of curiosity I decided to see if those fake prawns were still on the menu and they were so got some.Ordered the fake prawns, mock shark fins and spinach noodles which came to HKD12.I had them without any of the sauces because all their sauces are sweet.Although it wasn't tasty I was surprised how oily it was because I got oily lips after eating it.The

話說由細到大都好鍾意食呢啲街頭小食，不過我響新界見到呢啲嘅機會率實在太低啦！每次出親旺角都忍唔住去兆萬食一次 暫時相比之下最好食係呢間 葵涌廣場嗰啲又小又貴 仲要個感覺超級唔衛生 嗰啲食過一次真係唔會再返轉頭 真係可以行埋一邊4蚊一包，揀左原味麵、蟹柳、海蜇、牛柏葉、螺肉，少蒜少辣！ 曾經有一期要自己撈依家又變返d姐姐撈 好似好味d 不過老實講 5包20蚊唔會食得飽 純粹都係過吓口癮！ 除非要兩至三包麵否則五包都係痴下牙拿

2019年3月25日6pm左右，我來到依間兆萬隔離既百味食品。我叫左包米線、青瓜同中華沙律，個呀姐聽多左以為我叫雞腎，好快就倒哂啲雞腎落包面到，但因為我冇叫，佢就要夾番雞腎出黎。佢自己聽錯，沒有講唔好意思之餘，仲好不耐煩既態度！比包面時及找錢比我既時候扔擲於桌及地下，真係好差！各位如果唔想食野都受氣、睇人臉色，行過對面街幫襯其他攤檔仲好過！例如大雞大、椰子汁檔、雞蛋仔檔、煎釀三寶等等，有大把好野食，唔洗睇啲呀姐黑口黑面。我以後永遠都唔會再幫襯兆萬隔離依檔「百味食品」。我亦都會叫朋友唔好黎依間幫襯，仲有其他冷面檔口就係附近。因果報應：種咩因食咩果。

街頭小食一定要有冷麵，細個成日食😍。成日見到旺角百味好多人，心郁郁見少dd人就去食🤤(甘先至有多少少時間俾我諗下揀咩配料。。😂🙊)。 最後12蚊3包 揀左菠菜面，中華沙律，海蜇，另外加8蚊要左一串生腸。佢一串串放出黎好吸引。🤤🤤 食冷麵緊係要辣同蒜，個人覺得加左香d，多d味好食d。。😍😋 佢側邊有枱，方便客人可以自己加醬加味。我諗。。如果有紙巾提供就好la，因為阿姐撈到出面都有汁。食物方面，我覺得加8蚊要生腸有d唔抵。。感覺好似得好少甘。。🙊🙊味道方面都好夠味，有海蜇e d甘淡味ge野，食落都唔覺得淡or冇味。👍總括黎講，口痕又得閒又想食下冷麵都幾好，街頭小食都算係甘。

百味，一向都是4元一包，已經keep住好久是這個價錢。但今日經過，見到竟然寫住$3一包。寫住是週年紀念日，慶祝開業20週年，原來已經有20年，哈哈，都是現在才知道。🤭🤭🤭👅👅👅結果，我就排隊，買三元一包的撈麵，再加魷魚，再加一包撈麵，一共用9元，實在太便宜了。😂😂😂😆😆😆👍👍👍啊，這裡寫住，這優惠是由十一月一日至十一月三十日，所以過兩日我再來吃吧，反正才三元一包，便宜到尼......☺️☺️☺️😘😘

童年回憶！小時候，媽媽給我的零用錢不多，每次放學想吃東西的時候，總會找一些價錢比較便宜的來買。所以撈麵，格仔餅，都是我的童年回憶。剛好在旺角和朋友吃完飯。經過旺角兆萬中心附近的一間店。店的名稱叫百味。這間店就是賣撈麵的。於是我心血來潮即刻想買來吃。但是剛剛才吃飽飯，所以我沒有買多，只是買了兩包撈麵來吃。這間店每款餸是$4，所以今次我買了兩包撈麵來吃，一共就是8元。撈麵本身是冰凍的，再加上這間店特製的醬汁，然後再撈一撈，又可以吃。店的職員有問我要不要蒜，要不要辣，我就會答她：要多蒜，但不要辣。味道依舊，醬汁有點兒像蠔汁味，但又有一些蒜味。由於我叫她多蒜，所以蒜味果然很重，我十分喜歡。雖然我只是叫了兩包撈麵來吃，並沒有叫其他餸菜，但我覺得撈麵加上店的特製醬汁，已經好令人回味。只是吃完之後，口腔裡面仍然會有一陣陣的蒜頭味，哈哈。

話說呢啲撈撈撈由細食到大由五蚊大大包食到五蚊攝牙罅feel都keep住食以前有啲阿姐可能聽錯冇落辣冇落蒜都接受到而家直頭擺晒啲醬出黎叫人自己撈係咩玩法仲要淨係得呢間wor啲阿姐態度又奇差不如淨係請一個反正其他人都係圍威喂喺度吹水ja ma真心唔會再幫襯

身痕的小人，竟然買百搭撈麵，恨錯難返。百搭麵麵已過腍，還要趁上大量激咸的汁醬，難吃程度令人受不了……不懂得怎去形容，總之是好難食囉……咪提話小人咸無比，食完想死！

學「春嬌與志明」話齋，人一生中總會愛上幾個賤人；同樣，相信每個人都總會愛過幾款街頭小吃，例如「百味」撈面。其實撈麵幾年前的「灣仔188」、「葵涌廣場」是賣 $10 蚊六包，地舖如旺角「百味」是 $10 蚊四包。今時今日，「百味」已經是賣 $3 / 包，脹價率逹 +20%。雖然 $3 仍然是十分大眾化的價錢，但想深一層，單是賣這種 $3 一包的鬼頭再加飲品，盈利已夠養起一個旺角地舖再加一大班阿姐，本人深信「撈麵」的毛利是極高。「米缐」、「牛骨髓」、「中華沙律」、「魷魚」($12)：食「百味」，一定要叫阿姐多蒜蓉；不是殺菌，而是要吃到口臭才叫做爽。不說不知，一般「撈麵」用的蒜蓉是特製的，已加有味道，叫李錦記「錦珍蒜蓉」，在市面上是沒有零售的，所以香味才這麼獨特。