百味軒

营业中

休息中

間餐廳好嘔心今朝同老婆係哩間茶記食早餐。點左一熱一凍既咖啡，同老婆飲兩啖都覺得好酸。同佢哋反映問題，點知老闆走過嚟話自己朝早飲咗兩杯，再親自用口試飲我哋果兩杯。係「親自用佢本人把口飲我哋果杯」，飲完放低叫我哋再飲。本人去餐廳甚少給予評價，今次針對佢哋質素，真係要寫一篇文章。衛生程度係極差：老闆服務態度：食物品質：餐廳衛生：香港仲有咁核突嘅餐廳，只會令更多消費者遭遇不幸。作為老闆可以喺員工面前以咁嘅處理方式解決問題，人品問題真係同落後國家一樣，真係令人好嘔心。

有一段時間冇食大排檔，近期天氣得返10幾度最啱就係去大排檔食返個羊腩煲，但係兩個人又好似食唔到太多，最後都係決定要小炒。潮式蠔仔粥（$88）味道幾清甜，蠔仔粒粒飽滿，一粒沙都冇，味道啱啱好蜜汁薯仔牛柳（$98）薯仔食得出炸過後再同牛柳一齊落鑊炒，蜜糖味啱啱好，但係牛肉就好似硬咗少少啦，唔得幼嫩沙嗲粉絲肥牛煲（$98）呢個餸係三個餸未到最差嘅，冇咩沙嗲味，啲粉絲一嚿嚿，啲味道唔係太均勻，有少少中伏

百味軒嘅下午茶同普通茶餐廳差唔多，無論質素價錢同選擇都係，今次帶咗個西多士加杯熱奶茶，都係合格，又未到好驚喜嗰隻，呢隻西多士啱我，用普通花生醬，唔係粒粒嗰隻，用返糖膠唔係煉奶

與老公外出吃晚飯，之前老公經過百味軒很多人食，今天終於有機會試下。因為得我地兩個，只是普通點了兩個小食，見其他食客多一大班朋友，會去大穚街市買蝦或其他海鮮黎加工！(睇到我地好想食，下次真是要一班人黎食先可以！)我點了「沙律墨魚餅」，份量比我想像中多，而且墨魚餅厚身，不算太熱氣！跟餐是跟「沙律醬」，點墨魚餅比較膩！所以之後問了待應可不可以比「雞醬(甜酸醬)」我地？好彩他們有，個人覺得配甜酸醬比較適合，比較開胃。而我老公就點了「八珍豆腐煲」，十分足料，豆腐口感嫩滑，唯獨是配了有很多內藏(這些我都不吃的)整體來說，不過不失的茶餐廳，而且十分近朗屏西鐵站，十分方便！

同朋友去咗去咗朗屏西鐵站附近覓食，搵到間鑊氣十足的小店。用料十足，價錢實惠。好適合同豬朋狗友嚟啤啤佢🍻炸豬手外皮炸到脆卜卜，肉質嫩滑，豐富肉汁，唔會太咸。平時食開德國豬手都係伴酸菜，沾蜜糖芥末醬 。呢個港式豬手竟然係配洋蔥黑椒汁？又得喎！有種食鐵板燒的感覺。配冰凍的啤酒🍻一流啊！薯仔炒牛肉鑊氣十足，時間拿捏得啱啱好，炒出嚟嘅牛肉香口嫩滑，加埋洋蔥炒伴，香濃惹味。薯仔先用油炸過，所以炒起來唔會散晒，食落更香口。嚟多碗靚仔🍚唔該。食完啲濃味餸菜，食返個菜平衡返。金銀蛋時菜。菜心翠綠，份量足料。

今日有 D 無聊 ~ 因為放假 諗諗吓我都好耐冇入過元朗喇咪搭西鐵入元朗行吓囉原來~元朗好多野行同埋好多人之前聽講元朗好多野食真係好多野食~甜品~牛雜粉好多好多講都講唔晒~行吓望吓但都係未諗到食乜 ❨ 因為太多選擇 ❩行吓行吓~行到一個叫俊賢坊嘅地方原來呢度都好多食肆當考慮緊食乜之際見到一間名叫百味軒嘅茶餐廳咪望吓有乜食囉~心諗茶餐廳食嚟食去咪又係嗰 D 冇特別睇吓睇吓… 咦 ~ 韓式石頭鍋飯本身鍾意食韓式野~但茶餐廳整嘅韓式野冇乜期待又行到攰攰地~ 唉 … 算啦咪入去試吓囉呢款韓式飯有幾款嘅有石鍋豬肉~石鍋牛肉~石鍋雞肉如果唔鍾意食石鍋重有泡菜炒飯而我呢就叫咗泡菜豬肉石鍋飯野食嚟喇~望落去唔錯喎望落去好嘅未必好食嘅~食啖先味道唔錯~泡菜夠酸唔會死咸豬肉有咬口飯嘅份量足夠食如果你量大可以多飯味道唔錯好食不過好味道呢樣野見人見智想知道呢個石鍋飯好唔好味入嚟試吓啦 !!下次如果有時間會再嚟試埋個泡菜炒飯

平時搭西鐵行過 會見到朗屏橋底有好多大排檔 香氣四溢 非常吸引.一行四大一細 今日專誠揸車嚟試下. 本來有朋友介紹另一間, 但去到見到門口貼住國慶休息七日. 惟有去試呢間百味軒啦!叫咗:胡椒咸菜豬肚湯 $68.00--啱啱每人一碗, 味道唔錯 湯料豐足.支竹炆斑腩 $68.00--斑腩支竹都幾好, 味道OK白菜仔炒牛肉 $58.00-- 牛肉份量都算多, 肉質林滑菜膽雞半隻 $88.00--味道唔錯, 略嫌雞胸位頗鞋.沙拉蝦球 $78.00--大蝦夠爽, 沙拉汁酸甜味適中 頗開胃. 略嫌醬汁過多.另叫 一碗白飯 $10.00 一碗淨米粉 $28.00--呢個覺得好貴又唔值 (最失策係無先問價錢) 一罐可樂 $10.00 一杯凍檸茶 $15.00埋單$423.00